أنا وقلبي والحياه

لحظات بنكون تيهين

مش داريين

بللي بيحصل حولينا

وكتير بنكون فيقين

مركّزين

وخطوه النمله

نلمحها بعنينا

بتبقي جوانا حالات

ومازالت

فرح ..ألم ..غرام.. سكات

ولا زالت

بنعيش نقيض جوانا

أحلام ليها أصوات

جايز بنسمعها

وكتير بتنسانا

وفي الأول وفي الأخر

أهي مجرد أحلام

أوهام

جايز هتتحقق ...

وجايز...

يا قلبي ليه شبت قبل اوانك

كتير عدي عليك

وقليل سكن وجدانك

خايف تموت ولا ايه

أوعي تقولي

جايز...

لوقفّلت ويانا يوم

وجالنا اكتئاب

الحاله ديا مش نهايه

أو ختم بعذاب

ارجع بسرعه لربنا

ابكي....

خاف...

هتلاقي طاقه من الأمل

تنادييك....

تقول ليك...

أمن ببرحمه ربنا

توعيك..ع الحل

بس انت سارع بالعمل

الموت ولا الحياه

حكمته ..قدرته..رحمته

قدر مقدر لينا

سكته..رحمته..جنته

مين غيره يحمينا

جو دافيء

في يوم مشمس علي غير عاده ايام الشتاء

وفي جو دافيء يملؤه الود والحب والأحترام

كان لقاء المدونين...

بدأ اليوم في الساعه العاشره وتوالي وصول

الأخوه المدونين واحد تلو الأخر

وتجمع اغلب الناس قبيل صلاه الجمعه بنصف ساعه

وجاءت ست الكل بجد ومن غير أي نفاق ولا رياء

الدكتوره ستيته... هكلم بالبلدي واقول ست جدعه

زي ما الكتاب بيقول صفحه اتناشر تحت عنوان
الست المحترمه المثقفه المتواضعه الرقيقه
الجميله ذات الكاريزما التي لا يختلف عليها احد
ولم يختلف عليها احد من الحضور

ست عسوله كده عندها القدره علي تجميع الناس علي سماعها

لما تتكلم ولما تناقش من الأخر ادت جو أخت كبيره

علي اللقاء بشكل لم يكن في خيالي قبل أن أراها

وتجمعنا في حديقه نادي الزراعيين

وكان جو في منتهي الروعه والجمال

في زمن قل فيه الجمال والموده الصافيه بين الناس

كان صبرني يا رب موجوده وزوجها الأستاذ رضا

ومعاها الفطير الفلاحي الجميل

وبعد كده ذهبنا لصلاه الجمعه ورجعنا بعد الصلاه

لنجلس سويا نتحدث في كافه الأمور مع الحضور

غاده محسن كانت متواجده مع اختها رانيا
التنين أدب واخلاق وذوق
غاده تقريبا زي ما كان خيالي راسم صوره

ليها بنوته عسوله تشوفها تقول مصريه

الروح واللكنه.... كذلك كان معنا واحدثت
جو لذيذ دودو عاشقه الرومانسه

والله بنت عسل جت من اسكندريه

عشان تشارك في اللقاء بصراحه نورت القاهره
شمس النهار يا سلام بجد علي العقل والجمال والأحترام
لما يتجمعوا في واحده تبقي علي طول شمس النهار

ابو علي الأنجليزي ايه ده الثقافه دي يا عم بجد عرفتني ان مصر بخير

سوووووووووووووو ....فنان شبه توفيق الحكيم وراجل حبوب
صلاح مسدس صغير اول ما تشوفه تحبه وتحس انه صاحبك

قريبك حد عزيز عليك بجد انت عسل ياد يا صلاح

نورا خيخه واي كلام يمكن الوحيد اللي ممهما خيالي رسمها

مكنش هيجيبها كده خالص

في الحقيق شقيه عسوله بتتكلم من غير جرأه بل علي

العكس مش مندفعه زي مكنت فاكر بس مجبتش شريف معاها

مش عايز انسي حد من الناس

كان موجود المهندس سيد ابو العربي وهرانا ثقافه

وحسسنا بالخصوص ان انا مش من هنا ولازم اقرا كتير

عشان ابقي افهم واعرف اجاريه حبوب اوي سيد

خالد ابو همس حدث ولا حرج عن الرجوله والشهامه بتاعه الصعيدي

خدوم ومش متكبر وتلاقيه بيوزع حاجات بسكويت

مش عارف مين اللسي جابه

جاتوه مش عارف برده مين جابه

اللي بقي كانت باور ورمانه ميزان اكيد فاتيما

ايه ده في كده في الدنيا

طبيعيه من غير تكلف امرأه من زمن الحب

تشوفها تفكرك وش بفاتن حمامه بامانه اخت ولا اروع من كده

ابراهيم كأني اتكلم شاب لذيذ بس مش عارف مش بدري

مشوار كان لسه قدامه

شيما رفيقه شارع الضباب فعلا هدوء ورزانه وخفه

والكلمه عندها بميزان مش اي كلام

اقول مين ولا مين.....اكيد هنسي اسامي

منوش يا نهار ابيض كسوف مفيش كده مسمعتش صوتها كتير

الدكتور ياسر شاب عسل ومحترم

ابي هانم بتنجانه بجد ملهاش حل بنوته مشكله..

مين تاني كان منور يا ياد يا وليد مين مين

داليا قوس قزح بس معرفتش اتكلم معاها من كتر العدد

انسانه طبيعيه وجميله

كريم شاب فقري طلع عاقل ومثقف ومش
محتاج مني كلام عنه واد محترم

محمد كمال صوت من مصر تشوفه تحس انك

تعرفه من ايام اعداي...

بطوط حبوب ملحقناش نتكلم مشي بدري كان رايح المعرض

سلمتلك يا مها علي كل الناس وبلغتهم احترام وتقديرك

ليهم نفر نفر....
..كل الي جم ناس عسل ومحترمين وكان اللقاء
مليان نقاشات وخفه دم من الناس اللي موجوده وروح
موده مش موجوده في زمن المصالح

بجد كان يوم جميل ريم صحيح رسائل بريد

كانت موجوده ومنوره اللقاء

وعذرا لأي حد نست اسمه لأن اللعدد كان كبير

ويارب تفضل روح الحب والأحترام موجوده بينا

علي طول اسف للي نسيت اسمه
كان معكم وليد الدوغري

من نادي الزارعين بالدقي
مراسل قناه هي وظروفها
سلامو عليكو

اقتراح بسيط

انا بقترح علي الأخوه المدونين

اللي هيجيوا ان شاء الله يوم الجمعه

وعشان يبقي التجمع ليه هدف اساسي

كل واحد يتبرع باي جزء مادي ويجمع

ويوضع في حساب تبرعات لالأهالي المنكوبه

واللي يقدر علي حاجه يحطها في ظرف

أي حاجه جنيه اتنين عشره ميه

وتجمع وتعطي للدكتوره ستيته

أو لاستاذ خالد ابو همس

وتوضع في الحساب المفتوح

باسم اهلنا واخواتنا اللي ماتو واتخربت بيوتهم

ياريت الأقتراح ده يلاقي صدي

والأخوه اللي مش هييجوا لو حد منهم

عايز يبعت حواله باسم الدكتوره بعد

استأذانها أو باسم استاذ خالد

يبقي فعلا قدرنا نتصرف بشكل

ايجابي

وتجمعنا فعلا ليه هدف جميل ونبيل

ده مجرد اقتراح بدل منستني حفلات

هايفه ونانسي

واللي ايده في ميه اللفت عمره مهيحس بالناس دي

قال هيفا قال

يا دكتور انتي واستاذ خالد مصدر ثقه لكل المدونين

انا بدعوكم لتبني الفكره دي

وده اقل حاجه نعملها لبلدنا

اللي بنقول اننا منها وهنموت ان شاء الله

وندفن فيها....



يكون في عونك يا مصر

يكون في عونك صحيح

قدرتي تتحملي الطماع

والحرامي واللي فاسد

والقبيح...

الواحد منهم

بيدندن دندنه

ويطنطن طنطنه

كبيره طق حنك

ولا كتكوت الفصيح

ساعه الجد

ملهوش لازمه

وبيداري

في وقت الأزمه

ويبان بعد الغيم مايزول

ويكمل دندنه

يكون في عونك يا مصر

يكون في عونك صحيح

حب في الله علي هامش التدوين

من يوم ما عملت مدونتي

حاسس ان ستيته بقت خالتي

وفاتيما الغاليه العسوله

ابنها يوسف بقي ابن أختي

..... ....

خيخه بقي أم كابتن شريف

جرئيه جرأه بدم خفيف

مها بقي شبه أختي الشعنونه

وأميره هدوءها هدوء أختي

.... ... .... ....

من يوم ماعملت مدونتي

وخواطر شابه من المغرب

بتنيم جوجل من المغرب

وقلم رصاص مليان حماس

فريده بقي قلب بيكتب

..... .... .......

خالد أبو همس ده أخ كبير

تيرز مفكره وأسم كبير

وايمي عسوله وحبوبه

تامر نبيل فعلا خطير

.... ... ...

أم بوبه ويا بيبيه

أقرب من أخت وقريبه

شيماء ينور طريقها

عسوله وكمان قريبه

.... .. ...

ريم أم كنزي كلاس يا ناس

و عفروتو ده عريس بن ناس

خدي رأيها وأحنا هنستني

أمه عسل وأرق الناس

..... .... ...

دكتور علا أخلاق متناهيه

غاده كمان أخت وصحفيه

شيما حكومه أدب وثقافه

ويوم فرحها فرح لأختي

من يوم ما عملت مدونتي

مشكلتي معاك يا صحبي

الناس بيحكولي عنك.....

وكأنك شيخ طريقه....

والناس عارفه وفاهمه يا صحبي

عنك كل الحقيقه..

فلوسك سهله ملطوطه..

وسيرتك قصه ملتوته

تعبك كله ع الفاضي

نهايتك حكمه مخطوطه

يجي المال الحرام

الحلال وياه يطير

أما الوقعه الكبيره

لو بارك فيه القدير

هتعيش عيشه نكد

وهيكبر الولد

ويعقك في الكبر

وهتفقد السند

ابني العيل يا صحبي

أسسه بفلوس حلال

يكبر محفوظ ومؤمن

في الحل والترحال

مشكلتي معاك يا صحبي

في تعريف الطموح

عندك أصل الزعامه والجاه هو الجنيه

أما أنا ف الأستقامه

طريقي وهمشي فيه

رزقك مضمون يا صحبي

حقك ضمنه الأله

في رضاه الكون يا صحبي

يتملي حب وحياه

لو يوم ضيقلك رزقك

خد نايبك صبر يا صحبي

تاني يوم يوسعلك رزقك

بالرضا والسعي يا صاحبي

أوعي يغرك كتر نفاقك

واللي بيشكر فيك كداب

قبل الكل لوحدك عارف

رحت أو جيت نصاب

الرحمه من عندك يارب

مبدئيا ده مش كلام في السياسه عشان حد عزيز

عليا بيقولي ابعد عن الكلام في السياسه

ده كلام في حكايه شعب ... في أهلنا..

حكايتنا اللي بتحصل كل يوم والعرض مستمر!!!

دي الكوميديا السوداء اللي بنسمع عنها

نبدأ بقي بالصلاه علي النبي

حكومتنا تكذب ولا تتجمل خالص

واللي مش عاجبه يلعب في حواجبه

يولع بجاز وسخ اهو كلب وراح!!!

حكومتنا لسان حالها يقول لنا

نحن بدأنا من حيث انتهي الأخرون ونختلف

عن الأخرون خالص

يعني ايه 255 بيت يتهدوا علي اللي فيهم

بناقص أهو عدد والعدد في الليمون علي رأ ي أمي

والناس اللي راحت وبتروح وهتروح

أهي شدت علي نفسها السيفون !!!!!!!!!!

وعملوا الصح مع نفسهم ...علي الأقل راحوا شهداء

اللهم صلي علي النبي أعترضوا بقي مش ده كلام

النبي ولا ايه اكفروا بقي وقولو لأ متقولو!!!!!!؟؟؟؟؟؟؟؟

((صاحب الهدم شهيد))) متعترضوا

اللي جاي لسان حال انا وكل حر وشريف في بلدنا

حبيبتنا مصر الغاليه اللي نفديها بدمنا ...

يعني ايه مش نشاطكم والناس دي هما اللي

عملوا في نفسهم كده ومبنوش في حتت راقيه وامنه ها ؟؟

امال انتو لازمتكم ايه ؟؟؟ تيجوا تظبطوا البيزنس الخاص وفقط!!؟؟

والعالم اللي ماتت دي ماتت ليه مش بسبب اهمال وتسيب من

المسئولين (( صحيح قدر ربنا بس فين الأخذ با لأسباب))

عيالهم فين...

حلمهم فين...

زوجاتهم فين...

فين وفين وفين......

كونتو وفرتلهم بيوت أدميه مكنش حصل اللي حصل

مش كفايه ان احنا راضيين بقضا ربنا ومستحملنكم

اتقوا الله فينا ...

سيول أسوان كشفت أد ايه الحكومه حكومه بيزنس

لا عندها خطط مواجه كوارث ولا حد فيهم حاسس بكوراث

ولا داق وجعها

ولا خطط تحمي الناس بمبدأ الوقايه خير من العلاج

ارحمونا بقي قاعدين غصب عننا علي قلبنا

ومش عارفين نغيركم بانتخابات نزيهه ولا فكيهه

ولا حتي سعديه.....

يبقي ادونا أبسط حقوقنا احنا مش بهائم ولا قرود في غابات

احنا كشعب مش طالبين غير الستر

أدونا ادوات الستر بس ((ناكل ونشرب ونلبس ونسكن))

بس ..........ايه كتير علينا؟؟؟؟؟؟؟؟؟؟

عايزين بس.............بس والله

نحس اننا بني أدمين مش أكتر..

احكموا واتحكموا واحتكر يا زيزو براحتك انت وهما

خدوا قصور وفلل وشاليهات ومنتجعات

خدوا مارينا والسخنه واشرموا الشيخ براحتكو

بس ادونا بس سكن أمن نعيش بني ادمين

والله مكتير علينا وانتو خدوا العز والسرور والنور

خدوا كل حاجه ...........

بس سيبونا نعيش زي البني ادمين

حرام عليكو كلكم راع وكلكم مسئول عن رعيته

ساعات

ساعات القاني بحب الناس

وساعات بكون انسان حساس

وساعات بتوه والقاني غريب

وساعات بكون عديم الاحساس

... ....

ساعات بلقاني وحداني

وأعيش غريب وأنا في مكاني

وساعات بحس بدفا و أمان

وساعات بكون حد أناني

..... ........

ساعات بظلم وأدوس علي غيري

وساعات بميل للي في أيد غيري

وساعات بكون طماع وحقود

وساعات ما أملك بديه لغيري

....... . . . . . . .

لما أصحي ساعه بكون مبسوط

والقاني وسط الزحمه بفوت

وساعات بغني وتحلي الدنيا

وساعات بكون انسان مضغوط

....... ... ..

يمكن أكون حابب التغيير

وساعات بحس بنفسي كبير

وساعات بكون انسان متهور

وأخد قرار من غير تفكير

......... ........

نفسي بقي أعمل للجنه

وأروح مكان ما أتمني

يمكن الاقي هناك في ملاك

يقولي أأمر بس اتمني

يمكن

لن يفصل بيننا الجدار

لن يفصل بيننا الجدار

وسيبقي دوما بيننا

عز وود وافتخار

وستبقي مصر مع الزمن

هي أمكم

هي أختكم

هي هامه وحمايه

وملاذ كل حبيب

هي رايه رقراقه

لاشأن للحكام

لا شأن لأحد سوي الأسلام

كانت وما زالت حكايتنا

ووحدتنا.... وديننا

ومشاعرنا ومأسينا

درس يدرسه أعادينا

همومنا قبل الجدار وبعده

احزاننا قبل الحصار وبعده

أشواقنا قبل الدمار وبعده

شيء يوحده الزمن

حكامنا يتغيرو

ولم ولن يتغير ودنا

وحنانونا وقلوبنا مملؤه بالحب

وليذهب الحكام الي العدم

تري يظنونا بهذا الغباء

فنصدقهم........

ان في هذا الجدار أمان

حقا فهذا عين الغباء

فلتعلموا أهل الضفاف وغزه

أهل الرجال وطولكرم وكل ارض العزه

لن يستمر الخاضعون

لن يستمر الخائنون

قدر محقق بالفناء وبالفشل

لما كل هذا الأجتراء

علي ديننا ودمائنا وشبابنا وبناتنا

في غزه .........يا حسرة

عذرا شعب غزه........

عذرا أهل غزه......

تستأثرون بالطوله والكفاح وبالفداءوبالكرم..

نعاهدكم وضميرنا شفاف......

نحن شئتم أم ابيتم يوما سنفدي بالدماء

أقصانا الأسير ومسري خير الأنبياء

ويفرح الشهداء

بطهور أرض الأنبياء

لن يستمروا في الحصار..........

هذا كلام الأنبياء ........وأكدوا

وجاء أحمد والبيان عجيب

يوما سيختبئون خلف الشجر

وبالنعال وبالسيوف سيضربون وبالنبل

هذا كلام خير ابناء البشر

لن يستمروا الحصار

فليس بعد الظلم عار

ابنائنا ودمائنا وأهلنا

يوما ما سيخبروكم

أنكم نعم الجوار

لن يفصلو ما بيننا

لن يستبيحوا عرضنا

لن يفصل بيننا الجدار

وسيبقي دوما بيننا

عز وود وافتخار......

طير أخرس

صحيت بدري رايح مشوار صاحي رايق

ومبسوط والدنيا حلوه .....

ركبت ميكروباص واستنيت يحمل و اتحرك

السواق علي الصبح صوته وحش ...

ومقضيها يلا يا ابن المره......... التيت

سامع صوت غريب جمبي.....

ابص لقيت ست كبيره علي حجرها شنطه وفيها وزه

الميكروباص اتحرك وابتدينا نلم الأجره من بعض

بروح امه معهوش تباع..

وانا مش مدي الوزه خوانه خالص...

المهم خد يا اسطي ايه اده الاجره ناقصه

روحت متخانق معاه الباقي والفكه

وعملت فيها كبير الدهشانه

خلصت الخناقه وانا منتصر وواخد الباقي..

وهوووووووووووب الوزه تروح طايره بمنقارها

ورزعاني حته دين خبطه تحت عيني بسنتي

أي......... أي

بقيت فرجه وكل الركاب ضحكوا

فبقولها يا حاجه مش تلمي وزتك

ده كلام........

قالتلي ايا ابني دي طير أخرس

أعملها ايه........

قولتلها ابدا يا حاجه

روحي حميها قبل متدبحيها

وسمعيها ريكي مارتن يمكن تنطق

تل أبيب وايثار الأخ والحبيب

بمناسبه بيع الغاز الطبيعي احد الثروات القوميه بثمن بخس

لأخوانا الأسرائيلين!!!!!!!!!!!!!!!!؟؟؟؟؟؟؟؟؟؟؟؟؟

وتشجيعا لمبدأالايثار ودعم كل ما هو اسرائيلي

واحنا نشتري لأن مخذونا ابتدي يخلص

وانطلاقا ايضا من حبي لكل المسئولين

أحب اقول لكل منتفع ومسئول ومستغل

لأن اللي بيعمله ؟؟؟

لايرضي الله ثم لا يرضي الرئيس ثم لا يرضي الحكومه

الذكيه ولا يرضي اطول رئيس وزراء لا يتستر علي فساد خالص

((( وربنا يوفقني)))

عزبه أبوهم قسموها تقولش ورث

من ملكيه لجمهوريه بعد خلع الضرس

قاموا قسموها وراحو ياكلو....

يا هل تري....

يا هل تري راح مين يحس

سارحين فيها تقولش تكيه

حرام بقي كتكو رزيه

أمن وأمان وسلام كمان وديمقراطيه

هأهأه بلا هوسه..........

أه يا ناس يا مفتريه

فرصه كانت للمنافق والهلافيت

ومنبناش الا الفتافيت

زي ما قالو مشينا وراهم

ارحمونا يا عالم....

راح هنعافر مش هنزيط

انتي فين يا نزيهه

بمناسبه قرب الانتخابات المصريه

يظل البحث عن نزيهه من الاهميه بمكان

وزمان كمان .......

نزيهه هي فتاه يحلم بها كل مصري ومصريه

فهي فتاه احلام الشباب ومثار اعجاب بنات وشيوخ وصبيان مصر

نزيهه تلك الفتاه ذات العيون العسليه والشفاه الورديه

والأرداف المتناسقه.....

ولكن أين هي ....... ذهبت وتلاشت وأصبح مجرد ذكر اسمها

يثير غثيان وقلق ورعب أعضاء شله الأنس وأصحاب المصالح

لأنها تذكرهم بجرائمهم في حقها؟؟!!

لقد تكاتف عليها كل المنتفعين واصحاب المصالح في بقاء الوضع

كما هو عليه... وتناوبوا الأعتداء عليها حتي أصيبت بتهتك

في غشاء العفه والحضاره ومن يومها قررت أن تذهب ولا تعود..

كرهت كل الرجال.... ولم نفعل من أجلها شيء!!!!!!!!!!

نعم نحبها ولكن لم ندافع عنها وأصبحت تزورنا في المنام وفقط.....

ونحن أمام هذا الخطب الجلل والنداء المتواصل للشيخ سلامه

لا نملك سوي أن نقول معه

انتي فين يا نزيهه ...

ان نزيهه في منفاهه الأجباري تناديكم..فمن يجيب

وكأن لسان حالها يقول...

لا تتركوني ... حرروني..فأنا كفيله باعطاء كل واحد منك حريه

وديمقراطيه وحياه شريفه ....

يا كل الحالمون ...... بنزيهه

يا كل عاشق............. لنزيهه

يا كل فارسي احلام نزيهه

ابحثو معي عن ست الكل ....... نزيهه

جاء نداء محمد البرادعي باصلاح الدستور

واعاده الكرامه والأعتبار لنزيهه ولكنه وأظنه كان واهم

لأن الحقوق تنزع ولا تطلب...

حب نزيهه ليس كافيا للحصول عليها....

ومن ثم تأجلت زيارتها وندعو ان لا تتأخر

لأننا نحب أن نراها وقد علت منصه التتويج...

وأخذت لقب miss egypt والبلاد المتخلفه

وأقول لها ......

ماشي ولا السكران

وحشاني عيون نزيهه

قلت أسأل عنها

بس فين .. وفي أنهي جيهه

بتخيل حسنها.....

وأدفا بشمسها...

والمحها بحضن دافي...

تناديني وأضمها

أقولك ايه منتي عارفه

العسس ويا الغواني

والعفاريت في المباني

والشعب خاف والجاني

برطع ولا حد همه

متزعليش وغلاوتك

بكره تيجي ونلبسك

توب الوقار ونهندسك

وساعتها هحرق في دمه

بكره بلاد تحكي عنك

وبلدنا ترجع صبيه

والدنيا بحالها تقول

بلدنا مين قدها

نزيهه رجعتلها

وشباب بلدها حموها

وارتاحوا في حضنها

هتحكيلهم ايه

من زمان وأ نا ليا كلمه علي الست المحترمه اللي بتربي عيالها زي ما

أهلي وأي حد محترم ربا عياله.......(الست دي اداره)......

وأقصد بيها انها قدرت بتوفيق من ربنا انها توصل عيالها وبيتها

لبر الأمان ....تعلم وتراعي وتكبر وتفهم وتعاقب وتبين ...ووووو

وتوصل بيهم ان ابنها لما يتكلم يتسمع....

لما تيجي سيره بنتهاأدام اي حد يقول لأ البنت دي محترمه ومتربيه

فكرتي عن (الست الاداره)....

ممثله في الست أي ست متعلمه أو مش متعلمتش(محترمه)

لما تقعد مع عيالها وتحكيلهم عن تجاربها وخبراتها

تلاقي ماضي نضيف تحكي عنه وذكريات حلوه تحكيها

وابن الجيران اللي كان هيموت وياخدها

وأبوها اللي احترمته....

وربنا اللي اتقته...

عارفه يعني ايه التزام ومسئوليه وعطاء

عندها مخزون أيام حلوه ولحظات أحلي وازاي وقت جمب ابوهم

وصانته........

انما اي واحده خانت سواء كانت مخطوبه أو مجوزه أو مخلفه أو متخلفه

هتحكيلهم ايه ....

هتقوليهم ايه ..... أنا كنت مقضياها....... أنا كنت ومازالت بحن

للماضي الوسخ وفاكره حضن فلان وبوسه فلان وخروجه فلان

ووووووو ونمت مع فلان

ازاي فطرتك السليمه مبقتش سليمه أد ايه انتي لعبتي في سيستم

فطرتك ودمرتي أجمل أوبشن فيه كرامتك؟؟؟؟؟؟؟؟؟؟؟

االحاضر ده مش هيبقي برضاكي أو غصب عنك ماضي في يوم من الأيام

فمن دلوقتي ماضيكي نضيف وذكرياتك حلوه وخدي خبرات وأسسي تاريخ لنفسك

يشرفك ويشرف عيالك

كان لينا جاره زمان وكان سلوكها وسخ......هربت وسابت جوزها وعيالها

وطبعا هي محستش اني اللي عملته ده هيدمر عيالها قبل جوزها

جوزها طلقها وخلاص المهم ابنها اللي سابته كبر وبقي شاب

وفي يوم اتخانق مع شاب من دوره..... قاله ايه بقي.....

كنت لم أمك الأول يا ابن المومس....

الماضي مش ملكك لوحدك أوعي تفتكري ان الناس هتنسي ده

احنا شعب قلبه في النقطه دي اسود ومبينساش دي سمعه

مش عايزه جوزك اطلبي الطلاق..........

مش حابه خطيبك أفسخي

انما تخوني ليه...........

كرامتك ملك للي هتخلفيهم

خللي ولادك يتشرفوا بيكي

قدري قد ايه اللي معاكي صاينك ازاي سواء مخطوبه او مجوزه

((وهل جزاء الاحسان الا الأحسان)))..

وخليكي اداره .......زاداره ناجحه تعلي من نفسها

وتعلي من شأن وسيره وسمعه اللي هتديرهم (أولادك)

أنا مش عامل فيها ابن تيميه ولا سيف الدين قطز

كلنا بنغلط أو كتير

بس الغلط حاجه واللعب في الماضي وخسارته خساره

للحاضر وللمستقبل....

فيه غلط يتعدي لصاحبه وغلط بيعيش مع صاحبه

متصحبيش الغلط لأنه قبلنا أو رفضناهو غلط وربنا يبعدنا جميعا عن الغلط

واخيرا كلامي عام وغير موجه لحد (يا خساره)

وعلي شريف صاحبي

الهبله متجش دكاتره

جاوبت بس اتذائبت

كل واحد مننا ممكن يتسأل أسئله من اللي حواليه

وميكنش أدامه غير انه ميريحش اللي بيسأله

أو لو جاوبنا صح يبقي هنسيح لنفسنا......

ساعات بجاوب علي اسأله االناس وأحرق دم اللي أدامي

وساعات أقول حاجه خفيفه وساعات اجاوب بتوريه

وأهزأ كرامه أم الي بيتطفل عليا.. وساعات وساعات

مهو أ نا لو سكت اموت ربنا خلقني كده

من الأسئله سألتها أو أتسألتها مثلا

أيام الجامعه سألتني بنت زميلتي عن الحزب السياسي الي بنتمي له

( كنت واقف مفلس ساعتها) ....

قلتلها الحزب الأنهزامي التقدمي اللوزعي كستنائي جذاب

قالتلي ده لون شعرك ولا حزبك؟؟؟؟

قلتلها لو ن قهري.............

أما بقي سؤال المنجد اللي قريب من بيتنا ده كان حسد ابن كلب

(قالي هو أنا كل أما أعدي وأشوفك القاك بتضحك ومش شايلها هم) والله وش كده

قلتله مهو أنا لو قضيتها حزن ودموع هجيلك كل شويه أخد كيس قطن من عندك

وأنا أعرف انك راجل خسيس وقليل الأصل مع فمضيها ضحك

(نورتنا شد)......

ولا صديقي الصدوق وجاري الخلوق أمير وهو ما شاء الله أعمال حره

( يدوب حرامي موبايلات في الميادين المهمه)

سألني مره وقالي هو انت ليه شايل الموبايل اللشلح ده

اللي ميسواش 300 جنيه

قلتله مهو أنا كل أما أفكر أجيب موبايل عليه القيمه

أفتكر انك عديم الزمه والضمير...............

السؤال ده بقي كان من جار ليا سلالم بيته بتكرهه

قالي( هو ليه كل جيرانك بيحبوك ومحدش بيقل معاك)

قلتله اصل أنا اهبل وعلي رأي المثل اللي بيقولك.....

لا ( تعامل) الهبل ولا تخللي الأهبل( يعاملك) والشباب هنا تفهمني أكتر

سؤال مهم لمستقبلي بقي وكان انا اللي بسأله لأخو خطيبتي وهو اصلا صاحبي !!!!!!

بقوله الا هو انا لما أقابل أبوك واقعد معاه تعرف ايه هي طلباته عن الجهاز وكده

قالشي هو مش هيكتر عليك....

هيقولك هات أوضه النوم والأنتريه والسفره والنيش واجهزه المطبخ والسجاد !!!!!

قلتله ياااااه بس(ما يجي ينام معايا ويخلصني).......

السؤال اللي جاي ده بقي قصه لوحده .... وأنا اللي سألته لواحد صاحبي

صاحبي ده عنده محل طيور ومكنش مهتم بالتعليم ومن زمان والطيور هي شغلته

وأكل عيشه.....

صاحبي ده مجوز وعنده ولد وبيحب واحده مجوزه وكمان عندها بنت نصحته كتير

ياابني حرام لحد ما زهقت ..... هي لالامانه زي القمر وخريجه كليه قمه !!!!!!!!!!

ومره وانا في عربيته شاورلي علي دراي كلين وقاله اللي واقف ده جوزها

والمحل ده بتاعه .... وموظف الصبح في وزاره العدل

سألته لما ده جوزها وشغال شغلتين مستريح يعني وشاب زي الورد

ايه اللي يخليها تخون........(قاللي أصله مش مثقف)

وش كده مش مثقف ياعيني

قلتله أحا مش مثقف ( بفرضيه انه مش مثقف تخونه)

قالي بايه قلتله احا كمان مره ده انت وقعت مني من اول كلمه

هي هربت من مكوجي بدماغها وجاتلك ده انت كللجي

صدعتكم يلا سلام

كل سنه وانت طيب يا ريس + تسمحلي افضفضلك تاني

انهارده يا ريس انت تميت الأتنين وتمانين سنه

عايز اقولك وانت سيد العارفين ان اللي راح مش قد اللي جاي

وانه خلاص ان الاوان لالاستعداد لما هو باقي

يا ريس انا عارف ان في اليوم ده ممكن تسمعلي

ممكن مش بعيد اصلك بتبقي مبسوط وانا زمان

كنت لما بطلب طلب من ابويا حسن منته عارفه

كنت بختار الوقت ابنك بقي يا ريس

يا ريت تسمعلي ولا مره

بعتلك الرساله دي قبل كده تجاهلتها قولت

يا واد حسني ابوك قلبه كبير ابعتهاله

يمكن تاهت في مع زحمه مسئولياته

لو تسمح يا ريس
منتا برده زي أبويا
تسمحلي أفضفضلك
وأقولك عللي واجعني
وواجع أختي وأخويا
وأحكيلك علي حالنا
ده الهم هرا بدنا
دخلنا في الفين وعشره
وفي بلدي كأني حشره
غير مرغوب فيا خالص
مع اني حلمي بسيط
يادوبك حيطان وبيت
من البرد يلمني
وفي لقمه هنيه طعمه
مهياش مسرطنه
بس حسه في بير غويط
مخبيش عليك ياريس
الناس بقي حالها يصعب
علي كلاب السكك
ومسئولينا ياريس
قفلولنا كل السكك
الناس بقت ماشيه تايهه
بتكلم نفسها
تعرف ايه حلمها؟؟؟
في شقه تستر عيالها
والستر غايه أمالها
أظنه من حقها
الميه واتلوثت
وهمومنا اتكربست
وفاتوره الكهربا جايلنا أد ايه
والا العيش منتا عارف
أقولك ايه ولا ايه
فشل كلوي في كل بيت
الكانسر بقي شيء طبيعي
وأمراض الكبد سادت
والسكر فوق الطبيعي
ولا غلاء الأسعار
والدخل اللي مش مكفي
اقولك ايه يا ريس
برجع من شغلي مكفّي
الشعب نفسه ف فلوكه
تعبر لولاد ماريكا
يمكن هناك في حياه
ان شاء الله في كوستاريكا
مكدبش عليك ياريس
كان نفسي أبقي ايطالي
او حتي برتغالي
أهو منها أبقي عايش
وأعرف أعيش عيالي
شعبك مهموم ياريس
شعبك مطحون يا ريس
شعبك متهان يا ريس
شبابنا وأتغربت
من الفقر وأتكهربت
والفساد بقي للركب
والرشاوي بقت هدايا
والخراب زاد في البلد
وفوق ده كله كتير بلايا
شعبك قتله الحنين
وسنين جابت سنين
والحزن زود خزين
والكيل فاض من الألم
يمكن بكلمه منك
تتقال ولو عطف منك
تمحي ليالي الأنين
وترجع الأمل
أنا واحد من ولادك
مش عارف أجيب سكن
خايف لأكبر يا ريس
لا اكمل نص ديني
ولا أجيبلي حته عيل
يشيلني وقت المحن
نهايه القول يا ريس
واسف طولت عليك
هتتحاسب علينا

صدقني خايف عليك
ونسيت أقولك يا ريس
كل سنه وانت ريس

قله الذوق والسخافه وصداقه الجنيه

مواقف قله الذوق والسخافه وصداقه المصلحه بتلعب دور

البطوله المطلقه عند بعضنا........

من نااس نعرفها أو منعرفهاش لناس نعرفها برده او منعرفهاش

ومن كتر ما كنت باكلم الفضولي اللي ادامي لو اعرفه طبعا عشان

ناقصه مشاكل قولت يا عم وانت مالك خليك في حالك انما يحصل

معايا .......(جمله اعتراضيه) الناس اكنهم مفطومين علي الفضول

ومواقفي معاه ياااااااااااااااااه كتير منها أيام الجامعه كنت باخد كورسات

وورد واكسل في معهد نظم ومعلومات القوات اللي كانت مسلحه ودلوقتي

بتنتج زيت وصابون المهم راجع ومعايا واحده زميلتي حيث الميكروباص

ومعايا بنت زميلتي وعند اشاره تريموف وكانت واقفه عدي جمبنا شاب راكب

السنه ومشغل كاظ حبيبي وممنوعه انتي يقوم الواد التباع قايل شايف يا اسطي

ابن أمه اللي جمبك عالم مرتاحه ومقضياها وراح سكت قلت ياد وانت مالك

شويه والعربيات اتحركت والشاب جه تاني جمبنا يقوم التباع قايل مهو مش تعبان فيها

ومعلي التسجيل علي اخره يا اسطي يا خسارتك يا امه اتحرق ددمي ورحت قايله

الا قولي يا كبير لو أمك لا مؤاخذه جابتلك عربيههتركبها ولا لأ قالي طبعا هركبها

قولتله وانا اوعدك لو امي جابتلي عربيه هكتب علي الازاز اللي ورا بالبنط العريض

أبن امه............

موقف تاني راجع أنا وخطيبتي من وسط البلد وركبنا المترو ووقفنا ولقيت جمبي واحد

مستني يتساخف علي حد و انا شايف بجمب عينه متنح عليها بصيتله عمل أهبل

شويه وامحه متنحلها أكنه هيغتصبها وانا اقول ياد بصله يمكن يحط في عين أمه حصوه ملح

ويشوف رجل الكنبه اللي جمبها وهو متنح والدنيا حلوه وانا بفكر اكلم هيقولي انا كلمتها يا أستاذ

طالما خايف عليها متركبها تاكس والكلام ده شويه ولقيته هيغتصبها بعنيه قولتله بقولك يا بيه

هي الانسه شبه بنت خالتك اللي هاجرت كندا واللي اللي فرحها كان في طنطا في ايه متحترم نفس أمك

وتبص ادامك ده انت ابن ( واحده مش نضيفه) صحيح وبقت خناقه........

ولا صداقه المصلحه واختراق الضاحيه من أي ناحيه وخصوصا في شغل السياحه

الللي ان شاء الله هسيبها قريب قولو امين .......

شغلانه مليانه ناس مش بني ادمين ولا عندهم فكره الا عن حاجه واحده باتفاق ضمني عجيب

الجنيه وفقط في وشك حبيبك وفي ضهرك اد ايه انت انسان وحش لالاسف اغلب مكاتب السياحه كده

وبيكرهو الخير لبعض بصوره غريبه الا من رحم ربي نبقي قاعدين في المكتب مع بعض واول ما حد

يقوم يشوف شغله او يعمل حاجه في منت يتحول لشخص واطي وحرامي ومش كويس وابن ستين كلب

ولو رجع تاني لاي سبب الموضوع يتغير في ثواني ويقولوله يا اخي ده احنا لو جبنا سيره فلوس مكتش هوبت

ناحيتنا سبحان الله بجد...

تغيب يوم يومين تعبان ولا حد يسأل في أهلك اكونش من كفار قريش لا والله ده مع الاغلب كده

ولا يتصلو ولا يعبروك وأول مترجع بوس وأحضان !!!!!!!!

واللي تستغربله أعتذارتهم اللي مراته كانت تعبانه ومن الشغل لعياده دكتور النسا

واللي جالو اسهال فظيع ومكنش بيخرج من الحمام واللي اتشغل بخناقه جيرانه مع بعض

وشقه جاره اللي ولعت يا عالم كل ده حصل أمال لو غبت شهر علي كده ممكن الهرم يتسرق والمطار يتحرق

وابن فلان تجيله زغطه ويتخنق .....

يا كل قليل الذوق ويا كل واطي ويا كل صاحب مصلحه وقبلتك توجد حيث يوجد الجنيه طز فيكم وفي أشكالكم

ومش هتخلوا الواحد يغير من اسلوبه ولا مبادؤه ان شاء الله عشان يجاري الجو و يعرف يعيش حياته بطريقتكم

ربنا ليهديكم لا يخدكم كتكو الأرف مليتو البلد