(الحقيقه العاريه) قصه واقعيه قصيره

بدايه خاطئه ونهايه قذره
كان صديقي هذا لا يبحث عن الحب بل ربما لم يكن يريد أن يدخل ف علاقه
من هذا النوع مكتفيا بما حوله ومعه من علاقات ترانزيتيه التواجد
ولكن هذا الوضع كان مريحا له..كانت ولا تزال قصه عمره تتمثل في تلك الفتاه التي فرّق بينها القدر
وكانت هي الأنثي التي لا تتكرر كثيرا ف حياه اي منا.....
وجهه نظره كنت ومازالت احترمها تجاه فكره ورؤيته لحبيبه عمره واحترم معشوقته القديمه
وأشعر بشيء من الأنسانيه والأصل عندما يتذكرها وينهي كلامه عنها ربنا يمسيها بالخير ويسعدها.....
وبدون ترتيب منه قابل جارته غاده أمام باب كليتها حيث كانت تدرس اداب اعلام
وجلسا سويا لمده ساعه تبادلا خلالها أرقام موباتلهم وانصرف ..
كان شعوره بعد هذه الجلسه انها ذات عقل محدود وتافهه الفكر والمضمون
ولم تثر خياله وتعجب ممن يريدون ان يقيموا علاقات معها من جيرانه!!!!!
بمرور الأيام اقنعته تحت الحاح نفسي باهتمامها وحرصها علي السؤال عليه يوميا
ومهاتفته وارسال رسائل ويوما ما حاولت التعريض بجمل فهم منها انها تحبه..
فكرر سامح أن يدخل ف علاقه ارتباط لمده ثم يتقدم لها علي امل أنه سوف يغير طريقه فكرها
لالأفضل وسيزيل اثار نفسيه تراكميه تولدت عندها من أب لا يعرف شيئا سوي العمل
وأما لا تعرف شيئا سوي الأكل والتسوق وشراء الذهب وانجاب الأطفال!!!!!
بمرور الأيام كانت تقنعه بشتي الوسائل انها ستغير فكرها طبقا لما يراه لانها
تعلم انها متدلعه زيادتين تلاته عشرين عن الطبيعي .. كان كل يوم يتعلق بها قلبه
اكثر من ذي قبل ولكن دائما ما كان يسمع صوتا داخله يقول له ابتعد لا تقترب
كان يكذب هذا الصوت عامدا متعمدا رغم ما يبدو له من اساليب فكريه تمارسها عليه
لأقناعه بما لايحب ولكن كان يتغاطي احيانا حتي لا يبدوكاتما علي انفاسها
كان يعتبرها ابنته قطته الأليفه التي عندما يخرج معها وكما يقول بالحرف
كنت بلفها زي بكره الخيط واحطها ف عنيا واول ما اقرب ع البيت اطلع بكره الخيط واسحبها
من عيني تطلع علي بيتهاوانا سعيد جدا بيها ... فرحان بشقاوتها ..
لم يكن صديقي متدينا ولا يؤدي من العبادات سوي الفروض وقليلا من السنن علي فترات
كان يشاركها اختيار ملابسها ويعلمها كيف تتعامل في المواقف المختلفه حينما تحكي له
كيف تصرفت بشكل ما ف موقف ما وكان يصحح لها ما الذي كان يجب عليها فعله
كان يحتضنها بعينيه ويري انها ستكون اما لأولاده وبنتنا له واختا وصديقه وصاحبه له
غاده كانت علي فترات تبدوا مريبه التصرفات ولكن كما نقول جميعا فأن مرايه الحب
عميه فكان يصدق ما تقول حينما تتأخر في مكان ما وجحته أنه لا يوجد في عرف البني ادمين
الطبيعين من يشك لمجرد الشك ف حبييبته لمجرد انها تأخرت عند صديقتها....تقدم لوالدها
عن طريق اخيه لانه اقرب لاخيه منه وارسل اخاه الأ كبر لوالدها فما كان منه الا ان اخبره
بان اخيه انسان ذا سمعه حسنه وهويعلم عنه انه طيب الخلق طيب الأصل والأهل!!!!
ولكن والدها تحجج بانها مازالت تدرس ف الفرقه الثانيه واذا كان صديقي يريدها
فعليه أن ينتظر سنه اخري علي الأقل حتي تقصر مده الخطوبه لانه لا يتواجد ف بيته كثيرا
ولا يريد ان يأتي الي المنزل ويخرج لمده طويله وهو غير متواجد!!!!!!!!!
مرت الأيام وكان صديقي يعاني من عناد ليس طبيعي وطريقه لبس مستفزه
وخروج ودخول بلا رقيب وكان يمني نفسه بان يوما ما عندما تصبح زوجته سيتغير كل ذلك
فهي تعشقه وكما يقول بيت الشعر يا عاذل العاشقين دع فئه أضلها الله فكيف تهديها
صديقي هذا كان ولا يزال يحمل من المبادئ ما اراد أن يطعمه لحبيبته حتي يغير من نمط
حياتها ليتوافق مع ما يتمناه كرجل شرقي ف بيته وتمني ان يكون الدين والأحترام هما الستار المنيع لبيته من عوامل هدم البيوت ف هذا الزمن هكذا كان يتمني...
اصدقائنا المشتركين كثيرا ما كانو يحذرونه بقولهم ليست هذه الأنثي المناسبه لك لتكمل حياتك معها
لم نري شيئا يسيئ لها ولكن انا وهم كان يساورنا احساس بعدم الأطمئنان لها...
لا نعرف ما السر ولكن لأننا نري ومن خلال تجاربنا انها تنفع تكون صحبته عشيقته مش مراته..
كان يضرب بكلام كل المحيطين به عرض الحائط وخدعته ثقته ف نفسه وف خبراته من علاقاته السابقه
انها بمرور الوقت ستغير اسلوب تعاطيها للحياه وسترغمها الأيام ومسئوليه الزواج
علي ما يتنماه معها ولها ولحياتهما..
كانت تغير عليه من زوجه اخيه واذا تصادف وراته يضحك معها أمام منزلها كانت تقيم الدنيا غيره وعشقا..
اذا دخل السينما معها ورأي ممثله جميله واعرب عن رأيه كانت بتلوي بوزها وتتهمه بانه مش مخلص !!!!!!!!!!!!!!!
كانت قصتهم مضرب مثل لأبناء المنطقه الشعبيه و الشارع الذي يسكنونه سويا وكان الجيران
يتعاملون معهم وكانهم مكتوب كتابهم .....
ويوما ما فوجيء صديقي برنه موبايله من صديقنا الثالث ويطلب منه ان يراه حالا
انتظره ف البيت ............وماذا رأي صديقنا الثالث
رأي حبيبه صديقنا مع شاب ف منطقه ما يمشون سويا يتهامسون ويتضاحكون!!!!!
انتظر ساعه وظل يتصل عليها وقد اغلقت هاتفها المحمول!!!!!
اتصلت عليه بعد ثلاث ساعات ودخلت عليه بمسلسل تركي المذاق
وان هذا الشاب الذي رأه صاحبنا معها هو جارهم المشترك ذا السمعه الغير حسنه
والسلوك الملتو والأقل منه ف كل شيء وانه اجبرها علي هذه المقابله
وقام بتهديدها بقتل صاحبنا وبرمي ميه نار علي وجهها وانها ذهبت من نفسها
لتقابله ولتدفع عنها وعن حبيبها الشر دون حدوث اي توترات او مشاجرات
تؤذيها او تؤذي حبيبها!!!!!!!!!!!!!!
من كتر ما كان بيحبها صدقها قولتله وكلنا كأصدقاء لايعقل ما تفعله .....
أصر انها صادقه فيما تقول ولما تكذب وهذا الذي شوهد معها تنطبق
عليه الصفات التي تجعلها تخشي منه وتجاهل كل الأصول والعرف الذي يقول
تموت الحره ولا يكلمها واحد غير عريسها وحبيبها وكانت تقلع جزمتها علي دماغه
ف وسط العتبه ..... ما علينا كمل المعلم وكانت بدايه النهايه
أخذت تقل بينها المهاتفات بعد ان كانت تتصل عليه سبعميت مره ف اليوم
وكان بياخد موبايله معاه الحمام وكان مقاطعنا ومقاطع اغلب صحابنا عشان بيحبها
وعلي طول معاها ع النتليفون نتريأعليه هي هتهرب يرد محدش له فيه!!!!!!!!
الا ان راها بعينه تمشي وهو علي بعد خطوات منها قدرا وواجههم واعترف له هذا الجار الغير شهم
بانه هو الذي يضايقها وهي لا ترغب !!!!!!!!!!! ابتدي من هنا الشك يكبر وينمو جواه...
وفي يوم من الأيام رن هاتفه المحمول واذا بصديق له يخبره انه شاهد حبيبته
يوم كذا وكذاف سينما كذا مع شاب يضع يده علي كتفها ويرتدي تيشرت واخذ يصف له
ملابس الشاب وشكله فاذا بهما كانا معا يوما ان راهما قدرا واكد ذلك ذكر المتكلم لميعاد وتاريخ
واوصاف لبس وشكل الذي تخونه معه بعد ثلاث سنوات من العشق المحال!!!!!!
ابتعد وهنا شهدنا له بانه بطل وعليه ان ينسي انسانه خائنه لا يجب ولا تنفع تبقي زوجه تصون بيت
وولاد وتحفظ ماله وحياته وعرضه.....
اتجه الي حياته وكان يتالم ويتذكرها واوقات يقتله الحنين واوقات يعيش كالسجين داخل عمله وف منزله
وفي وقت فراغه الا ان بدأ ينساها سريعا ... كنا نلومه علي بطيء نسيانه لخائنه وكان يقول انه كان مخلص ووفي
هي لا تستحق ثانيه تفكير ويقول هو كله بيعدي .....
بس اراد ربنا ان ينسي بسرعه اكبر مما يتوقع و كأن القدر يريد أن يري بعينه ما يقتل به اي شيء لها بداخله....
كان علي غير الطبيعي لا يصحو مبكرا لانه ف اجازه من عمله لاسباب عائليه
واذا به يستقيظ علي غير عادته علي صوت هاتفه لانهاء ورق لعمله
قام وتوضا وصلي وارتدي ملابسه ..... وهم بقتح باب الشقه وهنا ماذا حدث؟؟؟؟؟؟؟؟؟؟؟
رأي بعينه تلك التي احبها ثلاث سنوات واعطاها ما لا يعطيه رجالا في خمسين سنه
من حب وحنان واهتمام وود وفرح وسعاده
رأي بعينه غاده وهي تصعد لشقه هذا الجار الخاليه الا منه ف الثامنه صباحا
عندما راته انحنت وجرت صعودا علي السلم ولكن بعد ان كانت عينها ف عينه ولا يفصل بينها
سوي متر علي الأكثر... فقد اكتشف انها عاهره وتقدم الجنس لذلك الشخص وديلفري كمان
علم ان الله كان رحيما به واراد ان يبين له ان الحب وحده لايكفي ولكن الأصل والأهل وقبلهم
الدين هما العامل الأول ف اختيار الزوجه لا انكر انني كصديق له وأظن باقي اصدقائنا فرحنا لما رأي بعينه
حتي علم كم كان الله به رحيما ولم يرد له ان تكون هذه الساقطه زوجته...
كانت له اخطاء فهو لم يخلع بعد ثوب الأنسانيه ولكن فرحته وفرح من حوله من اقرب اصدقائنا المشتركين
كانت بما انعم الله عليه وعدم وقوع هذا الفعل او اكتشافه بعد الزواج ..وامره صاحبنا الملتزم دينا ان يسجد لله شكرا علي خيره وستره عليه وعدم جعل هذه
الا.. انسانه زوجته وام لأولاده
وكل ما استطعت ان اقوله له لعلمي ومتابعتي له من بدايه قصته بيت شعر
ليس اليتيم من انتهي ابواه وخلفاه يتيما
ان اليتيم من تجد له اما تخلت او ابا مشغولا .........

32 Comments:

هي وظروفها said...

الأسماء الوارده غير حقيقيه

وما كتبت هذه القصه اذ ربما تقرؤها بنت من بناتنا ويكون شيطانهايثول لها خيانه حبيبها او تشعر من داخلها انها تخطيء ف حق نفسها فلعلها تعود الي رشدها وتحترم سمعتها وما تعلمته من العمل ف مجال السياحه ولالاسف تجد الخيانه عند الوربيون شيء مستبعد كثيرا فالست هناك او البنت عندها الشجاعه والكفاءه انها تقول لحبيبها جيم اوفر مش هقدر اكمل معاك وهو بيتقبل لانها بتعرض وجهه نظرها انما عندنا الموضوع بيس اللي عايزه تخون وبتاخد القرار بتبقي فاكره انها من الذكاء بحيث انها لن ولم تكتشف وبتعتمد علي ثقه جوزها او خطيبها فيها وتلعب علي هذا الوتر
نجانا الله واياكم من احساسي ومشاعر الخيانه وانا من هذا المنعطف احب اقول لسامح انت اكيد ربنا بيحبك لان بجد اللي انت شفته بعنيك كفيل يقتل اي بقايا مشاعر وربنا يسترها علينا وعلي بناتنا ف الدنيا وف الأخره

يا مراكبي said...

المؤلم في القصة حقيقة هو أن أنها قصة حقيقية

أتألم كثيرا لرؤية هذا التسيب الأخلاقي والذي نتج عن معطيات سيئة في البداية

عموما حمدا لله على سلامة بطل القصة من الوقوع في هذه الزيجة وأتمنى أن يهدي الله تلك الفتاه وتستعيد ما فاتها

همس الاحباب said...

لا حول ولا قوة الا بالله
شيطانة فى صورة انسانة او انسانة فى صورة شيطانة
الحمد لله ان الله اثلج صدر سامح ونجاه من الخائنة
تحياتى

غير معرف said...

موقف صعب جداااا... مايحسش بيه الا اللى مجربه...عامل زى النار لما تولع فجأه ومش عارف تطفيها ازاى؟؟
يمكن لو كان طلع وراها وضربها لحد ماتصبح غير صالحه للزواج اساسا ....يمكن كانت ناره تهدى شويه
انا عايزاك تتخيل نفس القصه تقريبا بس بالعكس...على فراش الزوجيه...والاكتشاف كان لما الزوجه الغلبانه بتقلب فى الموبيل لقت صورة العاهرة اللى كانت معاه لابسه قميص نومها وممده على سريرها..
شفت اكتر من كده بجاحه ووقاحه وانعدام اخلاق وضمير...
بذمتك مش القصاص العادل ان يصبح غير قادر على المعاشرة مرة تانيه..
ده أأقل واجب...
يمكن ساعتها النااااار تنطفى

شفـقــة و إحســــان said...

قصة مؤلمة بجد يا وليد بس الحمد لله ان صديقك موقعش فى فخ الانسانة الخاينة الغير امينة دى ونجاه منها على خير
وفعلا انت معاك حق الدين والبيت والاهل اهم شىء لاختيار الزوجة
ربنا يرحمنا وينجينا من الخيانة
بس بجد انت كاتب قصص ممتاز وسردت احداثها بايجاز ومتعة للقارىء
تسلم
تحياتى
شفقة

ستيتة حسب الله الحمش said...

أقول؟
كده كده انا رغاية وها أقول

طب وهو ايه ظروفه يعني؟
هل هي وظروفها ولا ايه
قصة انه لم يخلع عنه ثوب الإنسانية دي وصلت لحد فين؟
يمكن هو لم يخلع الثوب علنا وهي لم تخلعه سرا

السؤال اللي انا عارفة اجابته
وبرضه ها اسأله
ليه بنت زي دي
بالمواصفات الفقيرة عقليا ونفسيا وشعوريا وتربويا
تشكل اغراء غير محدود لشغف الرجال
سيبك من قصة الجمال
مش هو السبب
السبب انت طرحته في معرض القصة
انه ها يربيها على ايده
انا بكرة خيط
او عرفت صح تلبس له وش العبيط

ليه بيخاف الراجل من المتوازنة نفسيا واللي عقلها تم تشكيله فعليا ومش مستنية حد يختار لها لبسها ويعلمها تجاربه الخطيرة في الدنيا ومش ها ينفع يعتبرها تلميذة في مدرسة نجابته المبكرة؟
علشان اللي زي دي لا يرضي شرقيته ربما
وربما بشكل اكبر اللي زي دي يخوف فعليا ثقافته وقدراته المحدودة
والا تفتكر يا وليد علشان مش ها يعرف يمارس عليها دور بوذا المعلم الأكبر؟

منذ قديم الزمن كانت هناك العاهرات "ونحمد الله انهن قلة" وكانت هناك العفيفات الحرائر
واللي عاوز يتجوز حرة فعلا لازم يقرر انه هو شخصيا عفيف وحر علشان التوفيق من ربنا وربنا اسمه العدل ومنتمناش انه يوقع حرة في زاني
واللي عاوز يتجوز حرة ها يلاقيها كتير كتير كتير بتتمنى ابن الحلال بس تخفي هذا التمني تماما خلف ثياب عفافها
بس اللي عنده نظر ويشوف

تحياتي

هي وظروفها said...

بشمهندس احمد

مع تطور المجتمع وتوغل وعباده المال وعدم انتقاء زوجه تساعد الأب علي التربيه ومع انفتاحنا المبالغ فيه علي الأقمار الصناعيه والدش والشات والنت خسرنا كتير ومن اهم خسايرنا اننا بقينا نشوف تردي ف الاخلاق وقله دين وضمير

حمدا لله

وامين لدعائك

نورت يا مراكبي

هي وظروفها said...

خالد ابو همس

الحمد لله انه لم يتورط ف زواج او علاقه رسميه معاها والا كان سيصبح العوبه ف نظر كل من حوله ومش بعيد كان قتلها ودخل السجن عشان واحده خاينه

نورت يا كبير

هي وظروفها said...

غير معرفه

يا ستير يارب ايه تشبيهاتك الحارقه دي

بس عندك حق طبعا فيها

لا لو كان طلع وراها كان هيبقي غلطان جدا اولا لانها لا تساوي ولا يربطه بها شيء يستدعي ذلك

ثانيا هي متستهلش اساسا انه يعمل كده لان اللي يظلم نفسه ومبالك اذا كانت بنت ومش خايفه علي سمعتها ولا علي نفسها ساعتها لو هو خاف عليها يبقي الكلب البلدي ليه كرامه عنه اللي بيغلط غلطه زي حبيبه صحبي القديمه نسبيا دي بيقي حر انه يورط نفسه بقي يبيع نفسه مش نشاط الراجل هنا خالص

____________

الموقف اللي حكيتي عنه اكيد اصعب لانه ضرب ثقتها فيه ف مقتل طبعا وهو اسف غبي يصورها بقميص نوم مراته وعلي سريرها ويحتفظ بالفيديو علي موبايله طب حتي يعمله باس وووورد
يقفل الملف بباس وورد لوحده
يحط الفيديو علي فلاشه
انما بقي حته انه يصبح غير قادر علي المعاشره مره تانيه دي هتضر زوجته اكتر ما هتضره وترجع هي بقي اللي تشتكي وتطالب بحقها الشرعي
هي تعلمه الادب او تتطلق بكل شياكه بس لو كانت اختي
كنت جبت كلب بلدي خدش حياؤه الاول عشان لما يفكر يخون تاني يفتكر اللي حصله من الكلب

صباح الفل

هي وظروفها said...

شفقه هانم

صباح شريف نضيف

الف حمد وشكر لربنا طبعا لانه اكيد عمل حاجه كويسه ف حياته وانه ميستهلش بنت زي دي تكون مراته وخصوصا بعد ما شافها بعينه ومحدش شافها تصدقي قالي اول ما شوفتها قعدت اضحك واحمد ربنا من جوايا انه نورلي بصيرتي راح مضحكني معاه لحد ما دمعت من الضحك

الف شكر لمجاملتك الجميله دي
نورتيني

هي وظروفها said...

ستيته هانم ست الكل

قولي براحتك طبعا هو انا ف ديك اليوم!!!

قصه انه لم يخلع عنه ثوب الانسانيه انا هجاوبك ف حدود معلوماتي اوكيه

هنا هو لم ينكر انه ارتكب معها مثله مثل اي شخص اخر ينتمي لبني الانسان اخطاء وهل منا من لا يخطيء؟؟؟؟؟؟؟؟
وافتكر ان عيوبه اللي لا ينكرها ولا يستطيع انكارها لم تكن بالمستوي التي تجعلها تخونه وتبيع نفسها فيما بعد الخيانه لان الحره تبعد عن الشخص الغير سوي ولو كان حبيبها ولا انها تخونه صح ؟؟؟

اتعرض هنا لاستفاهمك حول اختياره لها وهي بهذه المواصفات

هو لم يكن يعلم علي ما اظن انها بهذه الصوره النفسيه المترديه والنطيحه خالص

لا هو من اهتمامها به توهم لبعض الوقت انه يستطيع تغيير ما بها من صفات لا تعجبه وخصوصا انها لم تكن او لم يكن يعلم انها خائنه وتبيع نفسها لي شخص بمعسول الكلام او باي سبب
اعتقد انه لما ابتدي القصه معاها مكنش يقصد انه يختار حد اقله منه فكريا او نفسيا او عقليا خالص
ولا كان دي دماغه انه يمارس دور مربي الاجيال او مربي الأفيال حتي
هي جت معاه كده والحب جابها معاه ان الحب ف القلب زي عضه الكلب وكان تورط وحبها ومكنش من الطبيعي انه يتنازل عن حبه عشان بعض الاخطاء التي كانت طبيعيه ف وقتها ومكنتش بنفس الجسامه التي ظهرت ف اخر العلاقه معايا؟؟؟
وافتكر ان اللي بيحب ويدبس وخصوصا لو كان عنده شيء من الفكر مبيبقاش حاسبها انه يبقي كبير الدهشنه يا دكتور لانه عايز يغير من حبيبته ويخليها تتوافق مع العرف والوضع الطبيعي ةمظنش انه كان بيطلب منها اختراعات او اشياء غير مقبوله وهو كان له بعض الاخطاء التي ان انكرها لكان كماذبا مثله مثل اي شخص مثلي ومثل كل الناس
واتمني من كل قلبي وخصوصا لاني اعرفه كويس جدا ان ربنا يكرمه ببنت ذات دين واصل وعلي رايك هما كتير فعلا وتخيلي من الممكن ان يجد شخص هذه الانسانه الدينه ولكن لظروف ما لا يستطيع رغما عنه ان يكمل معها ولذلك لاسباب ما اختلفنا او اتفقنا مع وجهات النظر ولكن يجب ان ندعوا الله ان يوفق الطيبين للطيبات وادعو الله اني بما اني عازب اطلع بشوف وربنا يكرمني ويرزقني ببنت ذات دين واخلاق واصل
نورتيني جدا وتعليقك فوزق دماغي لانه بجد تعليق ناضج جدااااااااااااا

هي وظروفها said...
أزال المؤلف هذا التعليق.
هي وظروفها said...
أزال المؤلف هذا التعليق.
هي وظروفها said...
أزال المؤلف هذا التعليق.
ghada mOhsen said...

ربنا يحفظ بنات وشباب المسلمين من اناس لاتعرف للإيمان طريق ...

غير معرف said...

ردا على ردك على تعليقى...
يعنى كل اللى همك هو ماحاطش باس وورد ليه للملف او حتى يحطه على فلاشه؟؟؟؟
ده لأن ببساطه الراجل دائما وابدا فاهم انه اذكى من مراته..وانها مهما عملت مش ممكن ترتقى لمستوااه...فده بيديله ثقه زايده ....وصدقنى كان عامل باس وورد للموبيل زى مانت قلت..
بس برضه قدرت مراته تفتحه لان الباس ورد اول حاجه تخلى الست تشك فى جوزها
ومش صعبه تفك الباس وورد بتاع اى جهاز..ليها سكه...وصدقنى هى ارتاحت بعد مابقى غير صالح للمعاشرة...وحاليا بتخلعه...هتقولى عملت كده ازاى؟؟؟
بسيطه..احلى 5000 جنيه لأتنين بلطجيه ضربوه لما عدموه ...واضطر الدكتور لأستصال احدى ال.....
وحاليا بيتعالج وربنا معاه...
والنوعية دى غير مأسوووف عليها...ربنا اللى قالها (ان كيدهن عظيم)
تحياتى وسورى للأطاله

هي وظروفها said...

غاده
امين يارب

ومن كل قلبي ربنا يهدينا احنا ونبقي احسن مما نحن فيه حالا عشان ربنا يوفقنا للي يكون ابن حلال وكويس
لاني واحد من الناس عندي اخطاء كتير اتمني ان ربنا مينتقمش مني ويعاقبني بزوجه لا ترعي الله ف معاملتها

هي وظروفها said...

الغير معرفه

لا طبعا انا بقولك لو فرض انه خلاص كان عمل كده كان ياخد باله ان ده ميوصلش لمراته باي شكل ده لو كان بيفهم بس لان ربنا اراد انه يظهر علي حقيقته عماه انه يخبيه عشان الطيبه((المتسامحه)) تكتشف فعلته السودا
يا نهار اسود عليكو لما بتكرهو

ربنا يسترها علينا قادر يا كريم

بس هي انتقامها شديد شويتين ازاي قدرت تضحي بخمس تلاف جنيه
كتير والله عليه
معلومه طبيه((استئصال الخصيه لا يؤثر علي المعاشره الزوجيه ولا يمنع قيام الرجل بواجباته الزوجيه او المزاجيه ولكن ربما يمنع حدوث حمل لضعف الحيوانات المنويه التي تنتج من خصيه واحده وتجعلها غير قابله لالاندماج او التواصل مع الحيوانات المنويه التي تفرزها الانثي عند اللقاء الحميمي))

والله ما عارف اقولك ايه بس مفيش احلي من الحياه النضيفه
وربنا يسعدنا انا وانتي وصاحبي وصحبتك ونعيش ف ستر وبعض عن الحرام
ومطولتيش ولا حاجه ده بيتك وتيجي ف اي وقت وشرفني توضحيك واتمني متكونيش فهمتي اني بدافع عن المجتمع الذكوري لاني مش هدافع عن الغلط
صحيح ممكن اي راجل يغلط لو حط نفسه ف وضع زي وضعه بس الحلال مفيش احسن منه

معلومه ليكي نسبه كبيره من الرجاله اليومين دول بيخونو زوجاتهم واتمني مكنش منهم يااااااااااااااارب
نورتيني وشرفني بجد تعليقك

كلام من قلبي said...

احساس صعب جدا لما تعرف ان الانسان الحبيتو طول عمرك يطلع خاين
اللهم عافنا وعافي امة المسلمين اجمعين يا رب
تحياتي

طوبه فضه وطوبه دهب said...

ربنا يرحمنا والله من اللى بنشوفه ويدى كل انسان على قد نواياه تسلم ايديك

الحب الجميل said...

صباح الخير
قصه محزنه والمحزن اللى قيها انها من واقع الحياه

ربنا يستر على شبابنا فتيات ورجال

الحمد لله انه اكتشف الحقيقه قبل فوات الاوان وانه لسا على البر لانه لو كان اتجوزها كانت هتبقه مشكله كبيره فعلا
ربنا سترها الحمد لله

وأحيك على طريقة سردك للقصه بجد تسلم ايدك
تقبل مرورى
دمت فى حفظ الرحمن

غير معرف said...

مش هتكلم على الانسانة دى واخلاقها لانها ما تستاهلش بس ربنا رحمه بابتعاده عنها لكن انت اتكلمت عن حب عمره ف الاول وماذكرتش غير ان ما فيش نصيب بس احساسى بيقولى انه ظلمها ما هو كده الانسان لما يظلم بيقول النصيب ولما يتظلم بيبكى ويشكى لطوب الارض وارجع اقول ان بعض الظن اثم وياريت اكون غلطانة

هي وظروفها said...

كلام من قلبي

ف اوله بس بيبقي صعب

فعلا لأنه بيبق انهيار لثقته ف حاجات كتير وثوابت الف وتعود عليها

بس بعد مده لما بيركز بيلاقي ان الخاين مكانه ف حته واحده بس

صندوق الزباله

نورتيني وشكرا لتعليقك

هي وظروفها said...

طوبه فضه وطوبه جولد

ربنا يسترها علينا دنيا واخره

شكرا لمجاملتك.

نورتيني

هي وظروفها said...

الحب جميل

يا نهار اسود

لا يتجوز ايه كانت هتنفع تربي عيال علي شيء هي مفتقداه

كانت هتزرع جواهم ايه غير نقص وقله ادب

وكان لاما يقتلها يا اما يتجنن يا اما يتحبس

دي اجمل نهايه وجمالها انها جت بدري قبل ما يتورط ف خطوبه او جواز وكفايه انه شافها بعينه وعرف ان الكلبه البلدي ليها شرف وكرامه عنها

نورتيني

هي وظروفها said...

غير معرف

لو ذكرت تفاصيل كل حاجه مش هتبقي قصه قصيره خالص

انا قصدت التلميح والتصريح وللقاري منتهي الستنتاج والتوقع والتخيل لما بين السطور

بمعرفتي الشخصيه بيه اقدر اجاوبك
واقولك انه خسر حبه عمره لظروف ماديه مش اكتر

ولضغط اهلها عليها ولعدم قدرته لفعل شيء هو لم يستسلم وحاول مع اهلها بس مكنش فيه نصيب مش اكتر

وهي كانت انضج واجما وادين ((متدينه))واكتر انثي وقارا واحتراما ومازال يتذكرها بكل خير والبلاء والبتلاء متواجدين يجوز كان بلاء لتكفير ذنوب ويجوز كان ابتلاء الله اعلم

بس هو مظلمش حبيبيه عمره يا غير معرف لانها كانت عمره ومظنش ولا اعتقد انه هيحب حد زي ما حبها رغم مرور سنوات علي انتهاء قصتهم سويا
نورتني وشكرا لتعليقك

ستيتة حسب الله الحمش said...

كل عام وانت بخير يا وليد
السنة الجاية ان شاء الله ها تعزمني عزومة رمضان في بيتك
اندرها انت بس وانت تشوف حيييييييي :)

هي وظروفها said...

ست الكل

وانتي طيبه وبصحه وسلامه ورمضان كريم عليكي وعلي كل اهل بيتك

ياااااااااااااارب

ان شاء الله

علطول سباقه بالخير
ربنا يبارك فيكي

رمضان كريم

دموع القمر said...

كل سنة وانت طيب

P A S H A said...

كل سنة وحضرتك طيب وبألف خير وصحة وسلامة إن شاء الله
:)
رمضان كريم

غير معرف said...

ساعات كتير بحس ان الشباب اليومين دول هما اللي بيحبوا يدور على البنات الجرئية اللي ممكن تتصرف اي تصرف وهو ممكن يتغاضه عنه وممكن يكون ادامه بنات زي الفل واكتر احتراما منها بس للاسف هي ده اللي تملى العين
يا خسارة
تحياتي
كرما

مريم مر العمراوى said...

شركة تنظيف بالجبيل

شركة كشف تسربات المياه بالجبيل

شركة تسليك مجارى بالجبيل

شركة تنظيف مجالس بالجبيل

شركة نظافة بالجبيل

شركة تنظيف شقق بالجبيل

شركة رش مبيدات بالجبيل

شركة تنظيف خزانات بالجبيل

شركة تنظيف منازل بالجبيل

شركة مكافحة النمل الابيض بالجبيل

شركة تنظيف بيوت بالجبيل