الناس بيحكولي عنك.....
وكأنك شيخ طريقه....
والناس عارفه وفاهمه يا صحبي
عنك كل الحقيقه..
فلوسك سهله ملطوطه..
وسيرتك قصه ملتوته
تعبك كله ع الفاضي
نهايتك حكمه مخطوطه
يجي المال الحرام
الحلال وياه يطير
أما الوقعه الكبيره
لو بارك فيه القدير
هتعيش عيشه نكد
وهيكبر الولد
ويعقك في الكبر
وهتفقد السند
ابني العيل يا صحبي
أسسه بفلوس حلال
يكبر محفوظ ومؤمن
في الحل والترحال
مشكلتي معاك يا صحبي
في تعريف الطموح
عندك أصل الزعامه والجاه هو الجنيه
أما أنا ف الأستقامه
طريقي وهمشي فيه
رزقك مضمون يا صحبي
حقك ضمنه الأله
في رضاه الكون يا صحبي
يتملي حب وحياه
لو يوم ضيقلك رزقك
خد نايبك صبر يا صحبي
تاني يوم يوسعلك رزقك
بالرضا والسعي يا صاحبي
أوعي يغرك كتر نفاقك
واللي بيشكر فيك كداب
قبل الكل لوحدك عارف
رحت أو جيت نصاب
32 Comments:
الله جميله جدااااا
فعلا مافيش احسن من الحلال والرضى بالي يقسمه ربنا
والي اكيد لو رضينا بيه ربنا هيكرمنا ويرزقنا
اما الحرام عمر ربنا مايبارك فيه
دايما مبدع ياوليد
سلامي لساره الجميله
ماشاء الله
جميله كلماتك مليانه تقى وايمان وثقه فى الرزق
الله على الصبر لما ييجى بعده فرج
تحياتى
مدونتى الكل بيشكو من نفس المشكله
وانا موش عارفه ايه السبب
بتفتح معايا من غير مشاكل
حد يفهمنى ياناس
سكره اللى هى بنت من ليبيا
عجبتنى بنت من ليبيا دى
يا سلام حكم ودرر
هو تأثير سارة جامد كدة .. ربنا يسعدكم
صاحبك في هذه الكلمات مشكلته مع نفسه اكثر مما هي معك
اللهم اطعمنا حلال وارزقنا حلال فالحرام يذهب البركة ويميت القلب
"قبل الكل لوحدك عارف رحت أو جيت نصاب" هنا المسألة ليست دائما بهذا الشكل فهناك من يعتبر ما يقوم به نوع من الفهلوة وتفتيح الدماغ ويرفض ان يعترف بحرمانية افعاله
تحياتي لك
ازيك يا اخ وليد :)
أسعد الله ايامك واوقاتك
هوا يوم الجمعة فى ايه
اعذرنى مش بلحق اتخش ارد عالتلعليقات ولا حتى بنشرها غير فى وقت اقدر ارد عليها
معلش مقدرتش التدوينة لان ظروف الكورسات والشغل والحياة مش مخليانى شايف قدامى
قولى هوا فى ايه يوم الجمعه ؟؟؟
ها ؟؟؟؟؟؟
بالانتظار :)
فقرى
جميلة اوى بجد
والحلو انه عارف قبل الكل حقيقته
عندك حق ميه في المية فان لما ربنا بيزود المال الحرام بيزوده لحكمة علشان يزيد العبد في الضلال وزى ما قلت يجنيه في كبره بمرض او ولد عاق
بوست جميل
##يجي المال الحرام
الحلال وياه يطير
أما الوقعه الكبيره
لو بارك فيه القدير
هتعيش عيشه نكد
وهيكبر الولد
ويعقك في الكبر
وهتفقد السند##
تسلم ياوليد ,حلوه بجد
الله عليك يا اخي تسلم ايدك كلام جميل اوي
و بجد مفيش احلى و اجمل بالحلال و الرضا بما قسمه الله
بوركت اخي
تحياتي
النهاردة ها اقول ايه اللي بيعجبني في اللي بتكتبه كله
بتكتب مباديء لا يختلف عليها انسان سوي عارف دنيته واخرته
بتعبر بلغة حلوة قوي يعجز اغلبنا عن كتابتها
ابن بلد حقيقي لو مش بتكتب شعر بتكتب عامية من مجتمعنا بكل تلقائية وبساطة
يسلم نفوخك يا وليد
ويارب صاحبك يفهم
واحنا كمان
تحياتي
جميل الكلام
جميله المدونه ... اول زياره ولن تكون الاخيره
تحياتي
الله عليــك بجد مواضيعك حلوة جدااا وملموسه في واقعنا ...
ويارب يغنينا داما بالحلال ويبعد عنا الحراااااااااام
بالتوفيق وسلامي ل سارة
و الله كلامك صح الصح
عمر الحرام ما يربى و لا يدوم و اذا دام بيبقى طاقه نكد و هم و غم مفتوحه على الكل
عمر راحه البال ما تيجى مع الحرام
تسلم ايدك
كلمات معبرة..
أميره
تملي كده رافعه معنوياتي روحي يا شيخه
الله يسترك
صحيح اول يوم شغل ايه ظروفه ها؟؟؟؟؟؟؟؟
سكر هانم (( بنت من ليبيا))
الف شكر علي كلامك يا sugar
بخصوص مدونتك ممكن تكون خلفيه الصوره بتاغه الغابه اللي حطاها تقيله شيليها وجربي كده لان مبتفتحش معايا برده
أم بوبه
تلميذك يا باشا وهي العين تعلي عن الحاجب
ساره عامل هدم وليس بناء تأثيرها شبه النبلم كده
خواطر شابه
نوجا هانم اول ابووس ايدك متعلقيش عندي مغربي
ثانيا لالالالالا انا مختلف معاكي لان اي حد من جواه بيبقي عارف ايه اللي بيعمله ومع مرور الوقت ممكن يستحل الحرام بس بيفضل انه مش صح
ريم هانم أم كنزي
ربنا يخليكي علي ذوقك
اهي محاوله عاميه كانت جوايا وقلت ارخم بيها عليكو
صحيح ادم عامل ايه
شاب فقري
وصلك الكلام عندك ولا ايه؟؟؟؟
نورت يا فقري
شيما هانم زينه بنات المنصوره
ربنا يخليكي يا شيمو ونحضر فرحك قريب
ان شاء الله وربنا يتولي العريس برحمته
الطالبه عفو الله زوزو
والله واحنا كمان طالبين عفو الله يا رب عفوه ورحمته ورضاه تشملنا جميعا
نورتي المدونه والقاهره ومصر كلها
وشكرا علي ادبك وذوقك
الدكتوره الجميله المؤدبه المتواضعه
اللذيذه ستيته هانم
لو فضلت اكتب في وصف لمعزتك هتاج لمدونتين تلاته
ايه الكلام الكبير ده انتي اكيد تقصدي حد تاني
أكيد كنتي بتعلقي علي بوست في حته تانيه واتلغبطي
الله يخليكي والله ما عارف اقولك ايه
فتاه من الصعيد
انتي الاجمل علي فكره احنا بلديات انا من اسوان صعايده يعني
نورتي والمره الجايه هعمل حسابك في كابتشينو بلاك ماشي؟
فرييييييييييييييييييده
الف مبروك علي مدونتك انا دخلت وعلقت عندك علي البوستين وباركتلك بس التعليق متنشرش هو في ايه؟؟؟؟؟؟؟
ايوه كده ورينا الهمه العاليه وخلينا نعيش مع كلامك يا فريده يا قمر
صيدلانيه طالعه نازله
ايه النور ده الدكتوره علا بنفسها عندنا ده احنا ربنا كرمنا من وسع
فعلا الحلال هو الحل
h!bo11
نورتنا ونورت مصر كلها وميرسي لذوقك
تسلم الايدين اللى كتبت
يا بخت الشخص اللى يلاقى صديق صدوق مش منافق ولما يلاقى غلط يقول.... لأنه مراية صحبه
يا ريت كل الناس تعرف كدة يا وليد ان الحرام عمره ما يدوم أبدا مهما طال الزمن
تحياتى ليك ولسارة الجميلة
شيماء
تعرفي يا شيماء ان الواحد لو نصح حد صاحبه فعلا وهو بفضل الله عارف اد ايه اللي بيكلمه ده تمام ومبيمسلش بياخد الكلام لا بتريأه لا بتجاهل يابخوف من الغيره
هو انا هغير منك يا غبي ده انت مقضيها وبعدين منا الواحد الحمد لله كويس وشغال بلحلال ومستوره بس تقولي ايه برده الفلوس عند ناس معينه قبله اينما تولو يوجهو نظرهم وقلوبهم ناحيتها نورتي يا شيكاء ربنا يوفقك
تسلم يا وليد علي تشجيـــعك والحمد لله وصل معلشي كلنو شويه غبااااء مركونين كده وخلاص انتهو بحمد الله
طبعا انا اخر واحدة
اخص على كده و الف اخص
انا زعلانة اوي اني غيبت كل ده
بس معلش يا ليدو انت عارف ان الخميس و الجمعة مش فاضية انت الغلطان ما تبقاش تكتب في الايام دي
هههههههههههههههههههههههههههههههههه
بس بجد موضوع جميل اوي اوي عجبتني فكرته اوي
بس انا عندي رأي يعني
هو لغاية دلوقتي يا كلام في السياسة
يا كلام عن الصحاب
يا كلام عن الناس
يا كلام عن العيشة و اللي عايشينها
يا كلام عن نزار قباني
امال لو ما كنتش بتحب سيادتك و كل الناس كل شوية تقولك سلامنا لسارة و كل الناس فاهمة الحدوتة
ما تكتب يا ابني شوية في الحب كده
خلينا نشوفك في الحب عامل ايه؟؟؟
يعني فاهم و مصحصح و لا خام و لابخة
هههههههههههههههههههههههههههههههه
و بعدين علشان نطمن على مستقبل سارة علشان لو طلعت وحش نقولها تصرف نظر عنك
هههههههههههههههههه
يللا انا طولت اوي
يمكن علشان غيبت و من زمان
يللا ربنا يسهل ان شاء الله
و يارب يوفقك انت و سارة
مع خالص تحياتي و تقديري
مهااااااااااااااا
اولا جيتي في الاول جيتي في الأخر انتي أعز انسان عرفتها من خلال المدونه وانتي عارفه كده كويس لانك والله اختي
ثانيا انا فاهم كويس ومش فهمك غلط خالص
ثالثا وده الأهم انا كاتب لساره حوالي 100 أغنيه لاني في الأصل بكتب اغاني من ايام الجامعه
رابعا وهو الأهم شكلك هتقومي البت عليا وتخليها تسخن في دماغها واكتبلها كل يوم كتكو الأرف
انا مصحصح ده انت كنت مقضيها وهي جارتي وكانت بتشوف بعنيها ايه يا مها انتي بتشكي في قدرات اخوكي ولا ايه
Post a Comment