الرحمه من عندك يارب


مبدئيا ده مش كلام في السياسه عشان حد عزيز
عليا بيقولي ابعد عن الكلام في السياسه
ده كلام في حكايه شعب ... في أهلنا..
حكايتنا اللي بتحصل كل يوم والعرض مستمر!!!
دي الكوميديا السوداء اللي بنسمع عنها
نبدأ بقي بالصلاه علي النبي
حكومتنا تكذب ولا تتجمل خالص
واللي مش عاجبه يلعب في حواجبه
يولع بجاز وسخ اهو كلب وراح!!!
حكومتنا لسان حالها يقول لنا
نحن بدأنا من حيث انتهي الأخرون ونختلف
عن الأخرون خالص
يعني ايه 255 بيت يتهدوا علي اللي فيهم
بناقص أهو عدد والعدد في الليمون علي رأ ي أمي
والناس اللي راحت وبتروح وهتروح
أهي شدت علي نفسها السيفون !!!!!!!!!!
وعملوا الصح مع نفسهم ...علي الأقل راحوا شهداء
اللهم صلي علي النبي أعترضوا بقي مش ده كلام
النبي ولا ايه اكفروا بقي وقولو لأ متقولو!!!!!!؟؟؟؟؟؟؟؟
((صاحب الهدم شهيد))) متعترضوا
اللي جاي لسان حال انا وكل حر وشريف في بلدنا
حبيبتنا مصر الغاليه اللي نفديها بدمنا ...
يعني ايه مش نشاطكم والناس دي هما اللي
عملوا في نفسهم كده ومبنوش في حتت راقيه وامنه ها ؟؟
امال انتو لازمتكم ايه ؟؟؟ تيجوا تظبطوا البيزنس الخاص وفقط!!؟؟
والعالم اللي ماتت دي ماتت ليه مش بسبب اهمال وتسيب من
المسئولين (( صحيح قدر ربنا بس فين الأخذ با لأسباب))
عيالهم فين...
حلمهم فين...
زوجاتهم فين...
فين وفين وفين......
كونتو وفرتلهم بيوت أدميه مكنش حصل اللي حصل
مش كفايه ان احنا راضيين بقضا ربنا ومستحملنكم
اتقوا الله فينا ...
سيول أسوان كشفت أد ايه الحكومه حكومه بيزنس
لا عندها خطط مواجه كوارث ولا حد فيهم حاسس بكوراث
ولا داق وجعها
ولا خطط تحمي الناس بمبدأ الوقايه خير من العلاج
ارحمونا بقي قاعدين غصب عننا علي قلبنا
ومش عارفين نغيركم بانتخابات نزيهه ولا فكيهه
ولا حتي سعديه.....
يبقي ادونا أبسط حقوقنا احنا مش بهائم ولا قرود في غابات
احنا كشعب مش طالبين غير الستر
أدونا ادوات الستر بس ((ناكل ونشرب ونلبس ونسكن))
بس ..........ايه كتير علينا؟؟؟؟؟؟؟؟؟؟
عايزين بس.............بس والله
نحس اننا بني أدمين مش أكتر..
احكموا واتحكموا واحتكر يا زيزو براحتك انت وهما
خدوا قصور وفلل وشاليهات ومنتجعات
خدوا مارينا والسخنه واشرموا الشيخ براحتكو
بس ادونا بس سكن أمن نعيش بني ادمين
والله مكتير علينا وانتو خدوا العز والسرور والنور
خدوا كل حاجه ...........
بس سيبونا نعيش زي البني ادمين
حرام عليكو كلكم راع وكلكم مسئول عن رعيته

33 Comments:

مهموهة أحمد said...

اول كرسي بسرعــــــــــــــــــــة

مهموهة أحمد said...

معاك حق و الله يا وليد في كل كلمة

بس يا ناس احنا شعب بينفخ في قربة مخرومة مخروووووووووووووووووووووومة

بقالنا مليون سنة بنتكلم من ايام اجداد اجدادنا و مفيش فايدة

خلاص يبقى شوية الصحة اللي باقيين لينا نعيش بيهم احسن و نريح روحنا

و اكيد ده مش كلام سياسة يا وليد ده سياسة بام عينها
ههههههههههههههههههههههههههههه

شكرا على موضوعك ده و ربنا يحفظنا من شرهم يا رب

مع خالص تحياتي و سلامي ليك و لسارة

مهموهة أحمد said...

على فكرة انا اكتشفت ان سارة دي احلى منك
ههههههههههههههههههههههههههههههههه

و انت فعلا عايش بمزاج لوحدك ربنا يكون يكون في عونها البنت دي

و قال انت اللي محسسني انك بريء اوي
ههههههههههههههههههههههههههه

بأمارة ( شدي بقى )
ههههههههههههههههههههههههههه


ربنا يسعدكم يا رب

مهموهة أحمد said...

مش هينفع امشي كده و خلاص اهو كمان تعليق رابع يا سيدي
ههههههههههههههههههههه
افتكر بس الجمايل دي
لو تحب اعملك خمسين تعليق انا تحت الامر

ههههههههههههههههههههههههههههه

Lady E said...

خطط مواجه كوارث عندنا؟ في بلدنا !

لأ متلاقيش

وبعدين هتعترض ان صاحب الهدم شهيد

اعترض بقى اعترض !

أميرة الأحلام said...

موضوع جميل جدااااااااا
بس ياريت نلاقي الي يسمع ولا الي يحس
احنا في بلد مايعلم بيها الاربنا
كلها شعارات وكلام وبس
انا كنت بتفرج على التليفزيون امبارح مناظر الناس الي بيوتها راحت وحياتها باظت
وكانوا مصورين بيت 3 ادوار وهو بيوقع
يعنى الواحد مش عارف يقول ايه ويقولولك المسؤلين متابعين والمسؤلين هيعملوا معرفش ايه
ولما تسال الناس لاشافوا مسؤلين ولا شافوا اى حاجه وقاعدين في الشارع
والله الحيوانات بره بتتعامل معامله احسن من معامله المصريين في بلدهم
يلا ربنا يرحمنا برحمته
دايما مواضيعك مميزه
ربنا يوفقك يارب
سلملي على ساره كتييييير

فريـــــــــــدة said...

الله عليك وانت بتتكلم بلسااااان شعب كامل حاسس بقهر علي اللي هما فيه بجد كلامك غير ومؤثر جدااا بس بجد يبقي أفضل حاله لو خرج بره المدونه ... وحد سمعه بحق ...

الله يكون في عونهم وبجد الله يعينا علي دي حكووووومه ويسترها علينا

وأحلي مافي الموضوع لما تسمع المبررات والأعذار اللي بتتقال ....... الحمد لله

بالتوفيق الله يعينك وسلامي ل ساااارة

Tamer Nabil Moussa said...

كلامك صح ياوليد

لاخطط ولانظام ولااى اى حاجة سليمة عندنا خالص

ربنا يصلح الحال

مع خالص تحياتى

Humman being said...

ياريت يا وليد الأستاذ المحترم عمو العزيز "أحمد عز" يدخل يقرا كلامك ده أصله بيقول اننا مفتريين عليهم والرخاء والرفاهية قدامنا بس احنا اللى مبنشوفش ودليله على الرخاء والرفاهية ....عدد السيارات اللى اشتراها المصريين فى 2008 + الأعداد المهولة من المصريين اللى بيتعلموا فى الجامعات الخاصة... شوفت الرفاهية بقت بتتقاس ازاى
بوست حلو بالتوفيق يا وليد

ستيتة said...

انا بس يا وليد نفسي اكلم حد من عديمي الضمير دول واقول لهم

عشر سنوات من حياتك انت طفل لا تشعر بشيء
خمسين سنة بعدها بالكتير عايش وها تتمتع بالمال سواء حلال او حرام
ها تتمتع بمنصب توصل له بطلعان العين وببيع ضميرك

بعد الستين يبدأ منحنى حياتك كله بالهبوط
وكل متعك بعده حسب ارشادات الأطباء

طيب هل 50 سنة بس يستاهلوا تبيع عليهم الآخرة الباقية؟
هل تتمتع بأي عقل وانت ها تتروح تتحاسب على البشر دول كلهم

ها اقول له ألا تخشى الله يا عديم العقل؟
ده ربنا يمهل ولا يهمل

قال ويقول لك الموكوس ابن عز عاوز يتاجر في الأثار علني وبقرار مجلس
حسبي الله على كل ظالم تهون عليه دمعة فرد من افراد الشعب ده

الله يرحمك يا سعد وبيشبش الطوبة اللي تحت راسك
مفيش فايدة

هي وظروفها said...

مها الشعنونه...

ضحكتيني ضحك بأول كرسي بسرعه دي تخيلتك وانتي بتقوليها

لا يا مها الطاقه اللي جوانا للتغيير لو مطلعتش هنموت يمكن عشان انتي عايشه شويه بعيد فمش واصلك اد ايه الناس دي ماتت ازاي ولا شايفه كويس ايه اللي بيحصل لنا...

وبخصوص ان انتي كنتي فاكراني بريء فانا عايز اعرف ساره قالتلك ايه اه بريء ومعلييش تهم مسجله خالص

شدي بقي .. قال ساره احسن منك عادي انا وهي واحد ولما تبقي احسن مني شيء يفرحني

اي خدمه

هي وظروفها said...

lady e

صدقيني بكره مصر تبقي احلي وربنا ان شاء الله يجيبها من عنده وياخدهم كلهم وييجي حد عادل يشوف مصالح الناس

هي وظروفها said...

أميره
والله يا اميره الواحد بيشوف المناظر دي في التلفزيون بتخليه يتحسر علي حالنا

اللهم خذهم اخذ عزيز مقتدر وخلصنا منهم طبعا(( أصد العازف ورفاقه)) وكلنا عارفين العازف والطبال والزمار والحوت

هي وظروفها said...

فريييييييييييييده

انا عارف ان المدونه دي كبيرها كام واحد بيدخلها بس لالاسف معنديش منبر غيرها افضفض فيه

ربنا يسترها علينا يارب وعلي كل المسلمين ويخرجنا منها علي خير اقصد الدنيا مش مصر علي فكره
مصر ددي بلدي وانا لاجيء فيها معنديش مكان غيرها احبه ولا يحبني ويبقي حنين عليا زيها مصر حبيبتي

وساره بتسلم عليكي ابقي خدي اميلها من مها وكلميها يشرفني ان حد محترم زيك تبقي صديقه لأم تيمور

هي وظروفها said...

تامر باشا نبيل

يارب يصلح احوالنا ويبدل كل بطانه شوء وحد سوء بحد محترم يخاف علي الناس ويتقي الله فينا نورت يا مورا

هي وظروفها said...

زعيمه الخيال د/ ستيته

عايز يقنن بيع الأثار اه يا مجلس عايز الحرق

وربنا الناس دي ولا اهل قريش مش في الكفر لا في قسوه القلب والجبروت

عيني عينك كده تبيع اثار وكمان عايز مباركه المجلس

والله العظيم الناس دي انا ممسامحهم ويقوم القياخ هقف واخد حقي انا وكل مصري اتظلم منهم وحسبي الله ونعمه الوكيل فيهم
اوعي تكوني مسمحاهم ؟؟؟؟؟؟؟؟؟؟؟؟؟

هي وظروفها said...

شيماء هانم بنت المنصوره الجميله

والله يا شيماء العربيات الجديده والجامعات الخاصه

ان دلت علي شيء من وجهه نظري العبيطه فبتدل علي ان البلد باظت وخرابها تم علي ايد الناس دي مبقاش فيه الطبقه الوسط

هما كام حد معاه فلوس والباقي مش لاقي ياكل واللي مش مصدق ييجي واوريه ناس اللحمه بالنسبلهم فرحه مبعدها فرحه
البطانيه باالنسبلهم حلم

نقول ايه اللي اختشوا ماتو

خواطر شابة said...

كل ده وبتقول بعيدا عن السياسة مادمت تريد الكلام عن الشعب غصب عنك ستتكلم في السياسة فهما لاينفصلان
تعرف في فيلم الارهاب والكباب كان هناك موظف دائما يبدأ جملته ب في أوروبا والدول المتقدمة تذكرته الان وانا اقرأ وأعقد المقارنة بين دولنا العربية جميعا غنيها وفقيرها ولنا في سيول جدة الاخيرة المثال وبين دول اوروبا والدول المتقدمة فوجدت ان المقارنة ستؤدي بي الى ارتفاع في الضغط واحتمال شلل في الاطراف فقلت اجيبها من قصيرها واكتفي بالقول حسبي الله ونعم الوكيل في كل من تولى مسؤولية ولم يراعي الله فيها

promise is promise said...

للاسف مين يسمع ومين يشوف وهما بيشوفوا مصر فى التلفزيون حاجه تانيه خالص ومحدش اصلا دريان ولا حاسس بالسكان الاصليين للبلد دى

الواحد والله بيشوف وبيسمع وحاسس انه مكتف ولا عارف يتكلم ولا عارف يحمل حاجه
كفايه عليهم فرح سياده معالى الوزير انا حاسه ان البلد بتتحوز يا جدعان مشبتغرق

Cute Kitty **sookra said...

اولا وقبل كل حاجه
ايه حسيستك انى من ليبيا دى

اما موضوعك دا فبجد حاجه توجع قلوبنا بس هتقول لمين ومين يسمع ومين يفهم
دول كلهم لابيسمعوا ولابيفهموا او يمكن بيفهموا بس سايبينا نخبط راسنا فى الحيط
كأننا نناطح السحاب او الهواء موش فاكره هى بتتقال ازاى
معلش بقى الزهايمر ربنا مايوريك يابنى
حاسه اننا ننأذن فى مالطه لاحد سامعنا ولاحد معبرنا
ربنا يريحنا منهم ولاد ستين فى الف دول
تحياتى

هي وظروفها said...

خواطر شابه
الشعب هو اساس الدوله واساس تكوينها

يقولو دي سياسه اجتماعيات احنا هدفنا كلنا كشعب عربي نعيش وبس مش كتير والله علينا

فرق كبير مابينا وبين سيول جده حتي مش اوربا والله يا نجيبه
.
في جده صرفوا تعويض عن كل ميت مليون ريال عندنا ديه الميت في سيول اسوان خمسه وعشرين الف يا بلاش

هي وظروفها said...

الوعد هو الوعد

ااولا نوزت المدونه ثانيا البلد كلها فرحنالك يا نظيف وبتدعيلك ربنا ياخدك (((علي الجنه حدف))

لحد يفهمني غلط

هي وظروفها said...

سكره هانم

اولا وقبل اي شيء ليبيا البنات فيها بتتكسف جدا
عشان كده جبت سيره ليبيا لو وصفت كسوفك لما اتكلمتي


مالطه مين يا سكره ده اهل مالطه كان زمانهم من الصحابه لو سمع كل اداناتنا دي
نورتي وكلمه ليبيا دي مفهاش اي حاجه خالص

هي وظروفها said...

سكره علي فكره مدونتك بقالي يومين بحاول افتحها ومش راضيه خالص هي بتعمل كده معايا ولا مع كل الناس ارجو الافاده

هناء محمود said...

النظام عندنا سمك لبن تمر هندى

هي وظروفها said...

أم بوبه

طبعا دي وجهه نظرك ولازم احترمها بس انا شايف ان النظام عندنا انه مفيش نظام اساسا

الطيــر العــاشق said...

تسلم يا وليد بجد كلك ذووووق وأنا فعلا اللي يشرفني اني اتعرف علي ساره وطبعا أتمني اني أتعرف عليها

الطيــر العــاشق said...

نسيت اقولك انا فريدة

Cute Kitty **sookra said...

كتير اشتكوا من ان مدونتى موش بتفتح معاهم غير بصعوبه
وانا والله موش فاهمه السبب
حد يقولى اعمل ايه
سكره بنت من ليبيا
ههههههههههه

غير معرف said...

احسنت.يمكن تستقل الكلمه بس من كلامك معنتش لاقيه كلام بجد يعبر عن صدق كلامك وذل الشعب.احسنت بجد ياوليد.همسة صدق

هي وظروفها said...

همسه صدق

مجرد دخولك هنا من غير ما تكتبي حتي تعليق فده شرف ليا

واي كلمه في تعليق منك اكيد ليكي الف شكر عليها

شيرين فرغلى said...

ملكش حل ... يموت الزمار و صباعة بيلعب

انت بتتكلم فاية؟؟؟؟
فالكوارث .. احنا بلد غير مؤهلة لاى شئ يجى على غفلة لازم ندى خبر قبلقها بحوالى 9 سنين عشان الحكومة تقدر تظبط نفسها و ظروفها امال نزنقها..احنا حاجة غريبة اوى
يا ابنى بيت جدتى مبنى من ايام ما كان جدى الله يرحمة فالابتدائية-يعنى حوالى 95 سنة - احنا اللى قولنا يا عم الحى عايزين ازالة جت 3 لجان مشكورة وصدر قرار الازالة طبعا بعد6 شهور وفجأة جواب من القسم بأخلاء البيت خلال اسبوع.... طب الحمد لله طب يا عم فين شقق المحافظة للناس دى قالك مفيش دلوقت زيل الاول و بعدين استنى دورك الموضوع ده مع المحافظة مش مع الحى. الموضوع دة بقالة سنة. لا البيت اتزال ولا شقق طلعت لحد ولا حد قال البيت وقع ع اللى فية ولا لسة ولا حياه لمن تنادى.
وتقولى سيول؟؟؟؟

هي وظروفها said...

شريييييييييييييييييييييييين

الحقي نوجا للبيت يقع عليها دي لسه شابه بقولك صحيح لو المحافظه ادتها شقه رنيلي لو مش مرتبطه ستك برده في عز شبابها وتستاهل نطع زيي