ده احنااااااااااااااااا مكناش عيال يا جدعان

قاعد لا بيا ولا عليا واذ فجأتن مريم بنت أخويا تخبط ادخل يا عمو ادخلي يا اختي
ومريم دي بقي سبع سنين بس لسانها سبعين سنه المهم نفضتلها وهي واقفه جمبي بتسمع الأغنيه المفضله ليا
البنت الشلبيه لفيروز........
الاقولي يا عمو ؟؟؟؟؟ بامانه بقلق من اسئلتها لانها ساعات تروح هبداني سؤال
رده الوحيد اني اسكت لأن عقلها ذكي بشكل بيظهر غباوه عمها
خير يا مريم قالتلي انت بعد ما سبتو بعض انت وطنط ساره وبعديها خطبت طنط سلمي وبردو سبيتوا بعض
هتفضل تغير تغير كده لحد ما استغفر الله العظيم تغير!!!!!!!!!!!!! ومن اشارتها تقصد ربنا
قولتلها يخر بيتك لا يا ماما كل الموضوع ان مفيش نصيب مش اكتر
غابت شهر ونص عليا ونفس القصه اتكررت ادخل يا عمو
أدخلي يا اختي بس من غير اي اساله عشان بكلم بنت زميلتي ع الميل
قالتلي يووووووووووووووووووووووه يا عمو طب انا كنت عايزاك
بس اوعي تقول لبابا انا بقولك عشان انت عمو حبيبي
قلت تلاقيها جايه تفتشني ف فلوس
عايزه كام يا مريم ولخصي قالتلي مش فلوس ركز بس معايا وسيبك من صحبتك ماشي
استأذنت من صحبتي وركزت منا لازم اركز معاها
فاكر يا عموا عبد الرحمن صحبي اللي معايا ف المدرسه اللي قولتلك اني بحبه
قولتلها فاكر باماره ما قولتلك اوعي يكون لمسك وقولتيلي لمسني وسالت ازااي اعترفي
قولتلي بيسلم عليا بايده كل يوم وانا قولتلك طلاما سلام بس يبقي ف الطبيعي وعادي
قالتلي انا بقي يا عمو كنت قاعده كده مع نفسي وافتكرته وحسيت كده ان قلبي مش معايا
وراحت عمله حركه علي قلبها ....خفت اضحك ليبقي اقرار للبت علي اللي ف دماغها
كملي يا غاليه سامعك .. قالتلي وبفكر يعني يا عمو يعني اني اقول لبابا يجيبلي موبايل
عشان ابقي كده يعني ارنله واكلمه وهو يكلمني
قولتلها اه ((ف سري نهار اسود اللي عملته ف بنات الناس هيطلع علي بنت اخوك يا معلم))
بصي بقي يا مريم انتي عارفه ان احنا صحاب واللي بينا مبيطلعش بره
وانا مش عايز غير مصلحتك وهي منصته معايا اكنها من دوري
هو انا عندي كام سنه يا مريم قالتلي انت كتير يا عمو
اديكي قولتي يا حبيتي تخيلي بقي الكتير ده اللي هو انا مش عارف يتجوز
تخيلي بقي اللي انتي حاسه ناحيته بقليك ومتشوريش تاني هه...
ادامه تعليم وجيش ويكون نفسه هتستنيه اد عشرين تلاتين سنه
احنا عايزين نسترك ونخلص منك بدري بدري يا ماما
عشان انتي كده بدماغك دي هتجيبلنا نصيبه!!!!!!
قالتلي يعني انت شايف ايه يا عمو قولتلهل شايف انك تاخدي الاتنين جنيه دول
وتروحي تجيبلك كيس شيبسي شطه ولمون وهتبقي فل....
خرجت من الاوضه ودخلت تاني طب ممكن دقيقه يخرب بيت ملامحك لخصي
طيب هو انا لو فضلت مستنياه وعلبال ما اخلص جامعه هو يكون بردو خلص
مش ممكن ساعتها نتجوز
قمت جريت وراها وهي تجري وانا ادور علي مقشه اي حاجه
وامها فيه ايه يا وليد قلتلها ابدا كل شويه عايزه فلوس عايزه فلوس بت زباله
شويه اخوها دخل وده خمس سنين بس عقله ف بطنه
عمي مبيقولش عمو مش قصته متسول متسول
مريم كانت بتقولك ايه قولتله ليه يا كبير الدهشنه
انت شايف عليها حاجه غلط ولا طالبه معاك تهضم اللي كلته بضربها
بصلي وضحك اقولك يا عمي قولتله قول مهي نقصاك ارغي
قالي مريم بتحب عبد الرحمن يا عمي هي قالتلي وقالتلي مقولش لحد
قولتله وانت جاي تقولي ليه
قالي عشان عارف يا عمي انك بتكلم بنات ف التليفون بتاعك
وقولتلها انتي هتعملي زي عمي وهو لما يعرف هيضربك
روحت مقعده قلت اعمله غسيل مخ ليكون فاهمني غلط
قلتله يا حبيبي دول صحابي عادي مش بحبهم
قالي زي محمد اشرف كده صاحبي
قولتله بالظبط بس الفرق انهم مش تخان زي محمد اشرف
اصله مبيصحبش الا العيال التخينه بيعمل نقابه الظاهر وبيجمع اعضاءها
شويه وقالي طب بص يا عمي انا بقي بحب بروح العب مع حبيبه اخت محمد اشرف كتير
وهي صحبتي بردو
قولتله اوعي تكون بتحبها الله يخر بيت ابوكو
انا صحيح كنت فلاتي من يومي وحبيت من تانيه ابتدائي
بس كان كبيري اكتبلها الواجب اديها سندوتش ويوم ما العمليه تبقي رايقه اجيبلها كيس كارتيه من عم
كركر كان بشلن ودلوقتي ربنا كرمها واتجوزت امين شرطه
ومخلفه 3 عيال قمر شبهها ...
بس مكنتش كده يا خوفي يا بدران ادخل علي انس الاقيه بيرتكب الخطيئه
ولما اقوله ايه ده يقولي اطلع بره لما اخلص هبقي ارنلك!!!!!!!!!!!