جو دافيء

في يوم مشمس علي غير عاده ايام الشتاء

وفي جو دافيء يملؤه الود والحب والأحترام

كان لقاء المدونين...

بدأ اليوم في الساعه العاشره وتوالي وصول

الأخوه المدونين واحد تلو الأخر

وتجمع اغلب الناس قبيل صلاه الجمعه بنصف ساعه

وجاءت ست الكل بجد ومن غير أي نفاق ولا رياء

الدكتوره ستيته... هكلم بالبلدي واقول ست جدعه

زي ما الكتاب بيقول صفحه اتناشر تحت عنوان
الست المحترمه المثقفه المتواضعه الرقيقه
الجميله ذات الكاريزما التي لا يختلف عليها احد
ولم يختلف عليها احد من الحضور

ست عسوله كده عندها القدره علي تجميع الناس علي سماعها

لما تتكلم ولما تناقش من الأخر ادت جو أخت كبيره

علي اللقاء بشكل لم يكن في خيالي قبل أن أراها

وتجمعنا في حديقه نادي الزراعيين

وكان جو في منتهي الروعه والجمال

في زمن قل فيه الجمال والموده الصافيه بين الناس

كان صبرني يا رب موجوده وزوجها الأستاذ رضا

ومعاها الفطير الفلاحي الجميل

وبعد كده ذهبنا لصلاه الجمعه ورجعنا بعد الصلاه

لنجلس سويا نتحدث في كافه الأمور مع الحضور

غاده محسن كانت متواجده مع اختها رانيا
التنين أدب واخلاق وذوق
غاده تقريبا زي ما كان خيالي راسم صوره

ليها بنوته عسوله تشوفها تقول مصريه

الروح واللكنه.... كذلك كان معنا واحدثت
جو لذيذ دودو عاشقه الرومانسه

والله بنت عسل جت من اسكندريه

عشان تشارك في اللقاء بصراحه نورت القاهره
شمس النهار يا سلام بجد علي العقل والجمال والأحترام
لما يتجمعوا في واحده تبقي علي طول شمس النهار

ابو علي الأنجليزي ايه ده الثقافه دي يا عم بجد عرفتني ان مصر بخير

سوووووووووووووو ....فنان شبه توفيق الحكيم وراجل حبوب
صلاح مسدس صغير اول ما تشوفه تحبه وتحس انه صاحبك

قريبك حد عزيز عليك بجد انت عسل ياد يا صلاح

نورا خيخه واي كلام يمكن الوحيد اللي ممهما خيالي رسمها

مكنش هيجيبها كده خالص

في الحقيق شقيه عسوله بتتكلم من غير جرأه بل علي

العكس مش مندفعه زي مكنت فاكر بس مجبتش شريف معاها

مش عايز انسي حد من الناس

كان موجود المهندس سيد ابو العربي وهرانا ثقافه

وحسسنا بالخصوص ان انا مش من هنا ولازم اقرا كتير

عشان ابقي افهم واعرف اجاريه حبوب اوي سيد

خالد ابو همس حدث ولا حرج عن الرجوله والشهامه بتاعه الصعيدي

خدوم ومش متكبر وتلاقيه بيوزع حاجات بسكويت

مش عارف مين اللسي جابه

جاتوه مش عارف برده مين جابه

اللي بقي كانت باور ورمانه ميزان اكيد فاتيما

ايه ده في كده في الدنيا

طبيعيه من غير تكلف امرأه من زمن الحب

تشوفها تفكرك وش بفاتن حمامه بامانه اخت ولا اروع من كده

ابراهيم كأني اتكلم شاب لذيذ بس مش عارف مش بدري

مشوار كان لسه قدامه

شيما رفيقه شارع الضباب فعلا هدوء ورزانه وخفه

والكلمه عندها بميزان مش اي كلام

اقول مين ولا مين.....اكيد هنسي اسامي

منوش يا نهار ابيض كسوف مفيش كده مسمعتش صوتها كتير

الدكتور ياسر شاب عسل ومحترم

ابي هانم بتنجانه بجد ملهاش حل بنوته مشكله..

مين تاني كان منور يا ياد يا وليد مين مين

داليا قوس قزح بس معرفتش اتكلم معاها من كتر العدد

انسانه طبيعيه وجميله

كريم شاب فقري طلع عاقل ومثقف ومش
محتاج مني كلام عنه واد محترم

محمد كمال صوت من مصر تشوفه تحس انك

تعرفه من ايام اعداي...

بطوط حبوب ملحقناش نتكلم مشي بدري كان رايح المعرض

سلمتلك يا مها علي كل الناس وبلغتهم احترام وتقديرك

ليهم نفر نفر....
..كل الي جم ناس عسل ومحترمين وكان اللقاء
مليان نقاشات وخفه دم من الناس اللي موجوده وروح
موده مش موجوده في زمن المصالح

بجد كان يوم جميل ريم صحيح رسائل بريد

كانت موجوده ومنوره اللقاء

وعذرا لأي حد نست اسمه لأن اللعدد كان كبير

ويارب تفضل روح الحب والأحترام موجوده بينا

علي طول اسف للي نسيت اسمه
كان معكم وليد الدوغري

من نادي الزارعين بالدقي
مراسل قناه هي وظروفها
سلامو عليكو

52 Comments:

Tamer Nabil said...

ازيك وليد اخبارك اية

انت رسمت جوة اللقاء تمام

كان نفسى اكون معاكم بس الظروف ان شاء الله المرة الجاية اقدر اجى

ربنا يوفقك ويكرمك

مع خالص تحياتى

هي وظروفها said...

كده يا تامر والله زعلت يا اخي

مش كنت قايل انك جاي

علي العموم هنشوفك المره الجايه ان شاء الله وابقي متجيش هنجيلك بربطه المعلم وانت الخسران

الوفية للأبـــد -- مها أحمد said...

ضايقتني
ماشي يا وليد كان نفسي اكون معاكم و الله و كنت مستنية الموضوع بتاعك ده من الصبح علشان عارفة انك هتكتب عنه

عموما شكرا اوي انك وصلت سلامي و احترامي لكل الناس
بجد كان نفسي اكون معاكم
ربنا يخلينا لبعض كلنا و نبقى فعلا اخوات طول العمر

ربنا يخليك يا وليد و سلامي لسارة
و مبروك لمصر بجد

مع خالص تحياتي و تقديري

ستيته حسب الله الحمش said...

انا اتشرفت اتشرفت اتشرفت بمعرفتك ومعرفة سارة
ما شاء الله عليها ايه العقل والهدوء والجمال الراقي ده؟
ربنا يهنيك انت وهي يا وليد
ومن النهاردة زادوا اخواتي الفعليين راجل
فرحانة جدا برؤيتك واني كلمتك ويارب نفضل اخوات طول العمر

مها احمد
وصلني سلامك شكرا ياقمر ويارب نشوفك قريبا ونتعرف عليكي

كان يوم عسل ولم يفسده حتى الصداع الشرس اللي كان عندي

تحياتي وخالص دعواتي

هي وظروفها said...

مها

مضيقيش نفسك انا وصلت سلامك لكل الناس

وباذن الله لما تنزلو نعمل لقاء وتشرفينا

ونتعرف علي احمد بيه ومها هانم ام سليم

احنا اخوات يا مها وربنا يديم المعروف والخير والود

هي وظروفها said...

دكتوره ستيته

انا والله العظيم اللي اتشرفت بمعرفتك وساره اكيد اتشرفت بمعرفتك لأنك بجد انسانه عسل

وربنا يخليكي وكون حضرتك تعتبريني اخ ليكي

ده شيء مش يشرفني وبس لأ ده يخليني افتخر بيكي كأخت واحمد ربنا علي نعمه الود والأخوه الجميله اللي بينا

ربنا يديم المعروف وساره حبت حضرتك جدا ربنا يخليكي وتشرفينا في الفرح باذن الله

كيــــــــــــارا said...

بصراحه اللقاء كان تحفه بس العدد كبيييييييييير مقدرناش نتكلم مع الكل

هي وظروفها said...

كياااااااااره

فعلا كان جميل جدا جدا جدا

ومكنش نفسي يخلص ومشكله العدد فغلا كانت عائق ان الواحد يكلم كوووووووووول الناس بس كفايه ان احنا شوفناكي واتعرفنا عليكي يا قمر

صوت من مصر said...

انت حد مش عارف اقولك انى اتبسطت قد ايه
وعاوز اقولك حاجه مهمه هى اعدادى بجد ولا ثانوى

كيــــــــــــارا said...

ايواااااااااااااااااان مين بينادى


انا سامعه اهو

فعلا وفي ناس كتير جدا موش اتكلمت معاهم للافس يعني
وميرسي جدا جدا لكلامك وانا سعدت اني شفتك وربنا اه واللله ثحيح بكد

شمس النهار said...

بجد انا اللي اتشرفت بيكم وبمعرفتكم الجميلة

وكنت سعيدة جدا وانا في وسطكم
حسيت اني وسط عائلتي

وبعدين مادام ابتديت البوست بكلمة شمس يبقا خلاص البوست ده
قانونيييييييي

شكرا علي كلامك وحضورك وانك عرفتنا علي خطيبتك الجميلة بجد عاقلة ودمها خفيف جدا
ربنا يبارك لكم ويتمم لكم علي خير ويسعدكم

شكرا
سلامي

فاتيما said...

وليييييييييد

انت اللى كنت مفاجاة اللقاء بجد

انت فقت كل توقعاتى فى اللطافة و الشياكة و الجنتلة

يا بختك يللى ف بالى (سارة طبعا)

بصراحة انتوا يا شباب المدونين فخر لينا و الله

الواحد حاسس ان اخواته زادوا النهاردة كام واحد كدا
يفتخر بيهم
و يتسند عليهم وقت الجد


ربنا يبارك فيك و فى سارة
و يجمع بينكم على خير إن شاء الله
و نفرح بيكم


إن شاء الله تكون متواجد انت و الحكومة يا فندم فى كل اللقاءات الجاية
و لن نتنازل عن مجييكم أبداااااا


على فكرة
انا تفاءلت لما انت قولتلى
محبتيش معاكى يوسف ليه؟
رغم ان السؤال قد يبدو مزعج
لأول وهلة لحد ف ظروفى
لكن انا مزعلتش
اتصور ان حد حكالك بعدها
لأن واضح انك مكنتش تعرف التفاصيل
لكن بجد انا استبشرت خير
و لعله يكون حاضر فعلا
المرة الجاية
مين يعرف؟

الف شكر على كلماتك الطيبة
فى حق الجميع مش انا بس
و دا لو دل
فبيدل على انك شخص صافى من جواك
و لأنك جميل
فإنت ترى الوجود جميلاااا

ربنا يسعد ايامك يا وليد
إن شاء الله

عاشقه الرومانسيه said...

مبسوطه جدا انى عرفتك ياوليد
ومبسوطه اكتر انى عرفت ساره
بجد انسانه فوق اى وصف
ربنا يجمع بينكم على الخير يارب
يلا اعمل لها مدونه بقىىىى
ومش تنسى تعزمنى على فرحكم

I'm The CraZy One said...

انااااااااااا
نسيتني :((

ماشي ماشي عشان يعني كنت تعبانه وسكته :] :]

عمتا انبسط اوي انهرده بجد :]

reem said...

ازيك يا وليد

اللقاء كان منور بيك انت وسارة

وكل الناس الحلوين اللى كانو موجودين

كان نفسي اقعد معاكم اكتر من كدا بس تتعوض المرة الجاية ان شاء الله

وبجد انت ذوق اوى وانسان محترم جدا ربنا يكرمك يارب ويوفقك انت وسارة

هي وظروفها said...

شمس النهار

ايه ده وانا اقول ياد ياوليد في ضوء ملي مدونتك بسرعه البرق اتاريكي جيتي وكمان سيبتي تعليق يا خبر ابيض طبعا قانوني ولمس اكتاف كمان انتي اخت وربنا يخليكي واحنا اتبسطنا بيكي وشرفنا اننا شوفناكي واتعرفنا عليكي

هي وظروفها said...

صوت من مصر

يا صباح الجمال يا ابو طكمال طلعني جاري يااااااااااد

ربنا يديم المعروف يا محمد

هي وظروفها said...

فاتييييييييييييييييييييييييما

ربنا يخليكي علي كلامك ده والله كله من ذوقك الجميل بس

وان شاء الله معاكم في اي لقاء طبعا


تعرفي في حاجه غريبه تسرقي بيها مشاعر الواحد من اول طله ربنا يخليكي ويبارك في يوسف ونشوفه ونحتفل بيه معاكي قريب قادر يا كريم

هي وظروفها said...

دودو عاشقه الرومانسيه


حمد الله علي عودتك لأرض بحري بسلامه الله ونشكر خطوط المواصلات السلكيه والا سلكيه لتوصيل ست البنات لبيتها وجنتها

قولتلها والله يا دودو


براحتها عايزه تعمل مدونه تعمل انا قولتلها وهي حره

انا ديمقراطي تكنو قراطي متحملق

عادي يعني

باذن الله هعزمك وتنوري القاهره كلها

هي وظروفها said...

البنوته المجنونه

والله يا يا باشا ابدا بس في زحمه الناس غصب عني نسيت بس ايه الهدوء الذيذ ده

المره الجايه هاخد برشمتين صداع وعايز لوك لوك لوك

ماشي ربنا يوفقك وتيجبي مجموع يدخلك الكليه اللي تتمنيها

هي وظروفها said...

ريم ريم ريم

ربنا يخليكي كان منور بيكم انتو

المره الجايه مش هنسيبك تمشي

وربنا يطمنك علي مامتك وتكون وصلت بامان الله طمنينا عليها وسلمي علي كنوزه

ABOALI said...

يا قهلا يا قهلا بالعالم المصرواية الجدعان
عصير ومانجا واناناس يا سلام يا سلام على اغلى الناس

اتنورت يا عمنا بمعرفتك الغاليه الراقية دى

وفعلا كانت ظروف ولا اروع وان شاء الله هايكون اللى جاى اجمل

كل السعادة لك ولاسرتك الكريمة
وبطل سجاااااااااااير

د. ياسر عمر عبد الفتاح said...

ازيك يا وليد
عامل إيه؟


كان يوم جميل بوجودك ووجود كل الناس
أول مره أدخل مدونتك
ويارب متكونش أخر مره

ghada mOhsen said...

وليييد باشاااااا ...

ايه الكلام الحلو ده ...

وميرسى او على البؤين اللى قولتهم عليا وعلى رانيا ...

بجد بجد انا كنت هاندم اكيد لو كنت فضلت الجمعه على انى اروح اللقاء
احمدك ياااارب
عشان انا فعلا اتعرفت علىى احلى ناس

تسلم يااااارب
وسلملى على سااااره العسوله >>> اهو دلوقتى اقول عسوله وانا متأكده انا كده واكتر ماشاء الله عليها
ربنا يخليكم لبعض يااااااارب

تحياتى
... ;) ,,, ;) ...

الطيــر العاشـق said...

الله ع الجماااااال والروعه ماشاء الله عليكم بجد

تسلم يا وليد ع الموجز الرائع ده وطبعا كنا نتمني نكووووون موجودين في الاجتماع الرائع ده

كل التوفيق وان كان ع المدونه فإنت بتدخل ع الخطأ افتحها من عند مها بإسم الطير العاشق بس مش موجود فيها فريدة

قوس قزح said...

انا سعيدة انى اتعرفت عليك امبارح
و واضح انك شخصية محترمة و جميلة
ان شاء الله المرة الجاية تعزمنا على الخطوبة :)

I'm The CraZy One said...

لا و لا يهمك هعديها كلنا كنا تعبانين
ايواا المره الجايه خد دواه الصاع هشان هتشوف وحده تانيه المره الجايه :] :]

أميرة الأحلام said...

انا زعلانه جدااااااا
ومدايقه جدا جدا انى معرفتش اجى واحضر اللقاء الجميل
واشوفكم
بجد كان نفسي اكون معاكم
وكان نفسي قوي اشوفك انت وساره
ان شاء الله تتعوض المره الجايه
سلامى لساره
وربنا يخليكم لبعض يارب

هي وظروفها said...

ابو علي الأنجليزي

والله يا اخي اهلا بيك انت ومعرفتك يا علومنجي علي راي ست الكل

بجد انا اللي اتشرفت بمعرفتك

وبخصوص السجاير فانا حاولت ابطلها

ميت مره معرفتش اكمل

يمكن السجاير تزهق مني يوم وهي اللي تكرهني

دعواتك با ابو علي

هي وظروفها said...

د/ ياسر

الحمد لله يا يسووووووور زي الفل

نورتني يا كبير وحلوه اوي قصيدتك اللي قولتها امبارح


ويارب تنورنا علطول

هي وظروفها said...

غاده هانم

اللي قولته عليكي وعلي رانيا دي اقل من الحقيقه

واهو منك لساره مش معاكي رقمها اشكري فيها

امسكي في خناقها براحتكو

انتو اخوات والداخل بينكم خارج

وانا خارج

يلا سلام

هي وظروفها said...

فريييييييييييييييييييده

هقولك حاجه من قلبي

بجد كان نفسي تكوني معانا انتي ومها كان اليوم هيزيد جمال

وهدخل المدونه من عند مها مهي معاها كلمه السر بتاعتك يا غاليه

هي وظروفها said...

قوس قزح


انا اللي سعيد بجد بمعرفتك يا قمر

وباذن الله فرحوا مش هيكون فرح بجد الا بوجودك انتي وكل حبايبنا المدونين المحترمين

هي وظروفها said...

هند


ماشي يا هنوده


وعد الحر دين عليه اما نشوف

هي وظروفها said...

اميره


ان شاء الله المره الجايه تكوني معانا ونشوفك انتي غاليه عليا يا ميرو

ومش محتاج اقولك اد ايه لانك اكيد حاسه


وان شاء الله نشوفك انا وساره في اقرب فرصه

ربنل يخليكي يا ميرو

ENG./ELSAYED,PMP said...

وليد العسل
موتشاكرين يا سعادة البيه ... موتشاكرين يا باشا ... يا ابو دومة ده هيسجنك ...

سعيد بمعرفتك
وربنا يعزك

سيد

هي وظروفها said...

حبيبي سيد باشا

والله انا مقلتش غير الحقيقه

انت نورت القاهره امبارح وشرفتني معرفتك علي الخصوص

وربنا يديم الود

اخوك وليد

همس الاحباب said...

بالرغم من انقطاعى عن التدوين لكن تركت كل شىء ودخلت مخصوص
علشان اشكرك على حضورك الايجابى وتفاعلك الاكثر من رائع
وسيبك انت من اى كلام مجاملات الرجال مواقف اخى العزيز
وكم كانت سعادتى بمعرفتك مع ان كان دمى تقيل وبغتت عليك
بس فعلا سعدت بمعرفتك جدا جدا
وفى انتظار فرحك انت وست البنات
ربنا يسعدكم ويتمم بخير
وبكل فخر واعتزاز اقولها انتى محظوظة وامك بتدعيلك وربنا تقبل دعوتها لانك هتتجوزى وليد
تحياتى

هي وظروفها said...

خالد بيه ابو همس

يا نهار ابيض يا جدعان ايه الشرف الجامد ده

والله يا خلووود كونك تدخل تعلق عندي دي لوحدها

حاجه مجتش في بالي قبل كده

انت اخ يا خلود من هنا ورايح وبجد اتبسطت معاكم امبارح بشكل جميل جدا

غتت ايه يا راجل انت اخويا وباذن الله يوم فرحي لو منورتنيش يبقي تهريج


اول منحدد الميعاد هتكون من الناس اللي اساسي يتعزمو وينورو فرح العبد لله

ربنا يبارك فيك وفي ولادك يا كبير بجد مش اي كلام سيبك

الصعيد مصنع رجاله

فاتيما said...

ازيك يا وليد

معلش جيت تانى
لما افتكرت

دا لينك يقولك تعمل استبن من مدوتك ازاى عند العزيز عصفور المدينة


http://ctybrd.blogspot.com/2008/01/blog-post.html



و دا مكان فيه حاجات ممكن تنفعك تروش بيها مدونتك لما تبقى راسيق و فاضى يعنى

http://yosssey99.blogspot.com/

تحياتى ليك و للجميلة سارة

emymony said...

والله والله
كده انا ممكن اعيط بجد
بس فرحانه اوى ان كلكم مبسوطين واظاهر ان سبب التعب اللى انا فيه دلوقتى ان كان نفسى اكون معاكم
يلا معلش بقا محدش عارف يمكن اقدر اشوفكم فى لقاء تانى وكفايه ان الدنيا ضحكت لى وعرفتكم حتى لو كان عن طريق الكتابه
ربنا يديم الفرح والمحبه بين الجميع.
وانكم شخصيات جميله وحبوبه وناس تدخل القلب والله
كده ياوليد انا كأنى كنت معاكم عرفتنى على شخصيات مكنتش اعرفها.
تحياتى
ايمى

romansy said...

اتشرفت برؤيتك يا عم وليد يا ابن البلد
كان يوم جميل كنتا نتمنى انه يطول شويه بس ياريت ياريت يتكرر تانى
سعدت بمعرفه مدونتك وياريت بقى تعرف لنا مين اللى جاب الجاتوه والبسكويت علشان نشكره

هي وظروفها said...

فاتييييييييييما

كونك تحطي طلبي منك في دماغك وكمان متنسيش

ده يؤكد وجهه نظري انك بجد اخت غاليه

وامراه من زمن الحب

شكرا اوب يا بطوط بجد((فاتن حمامه التدوين

بطه انتي تيجي في اي وقت انا هسيبلك مفتاح المدونه

تقدري تيجي ميت مره في اللحظه الواحده بيتك ومطرحك

هي وظروفها said...

ايمي

هنتحجج بقي ايه يا ست الكل

امتحاناتك هي السبب مش احنا في تعبك

باذن الله نقدر نشوفك في لقاءات جايه كتير

وبجد نتعرف عليكي صوت وصوره لانك اكيد تشرفي اي حد يتعرف عليكي

هي وظروفها said...

رومانسي بيه


الله يخليك والله بجد انا كمان اتبسطت امبارح صحيح مفيش شيء كامل والكمال لله بس التوتال جميل

ربنا يخليك يا رب وربنا يديم الصداقه والأخوه والخير

mohamed ghalia said...

تامر باشا
انا اتسى اسمى يامان بس ولا يهزك
هههههههههههه
انا الى اتشرفت بمعرفتك بجد

هي وظروفها said...

محمد بيه غاليه

اولا انت اللي نسيت اسمي مش انا

هههههههههههههههههههههه

انا وليد يا محمد مش تامر

ثانيا انا والله كتبت والناس كانت كتير وعقلي المحدود مقدرش يستوعب العدد ومش معني اني مكتتبتش اسمك اني نسيتك

انت نار علي علم يا غاليه

أم .. بوبه said...

ربنا يديم عليكم اللقاءات السعيدة

http://awraktanbod.blogspot.com/

الشعب لابد له من حكومه تشكمه said...

بما انى مريضه وعلى فراش المرض ومش هقدر اعيد تااانى اللى كتبته عنك,
فياريت تخطف رجلك وتروح تقرا الرساله اللى سبتهالك.

والله والله انت من احسن الناس اللى عرفتهم :)

هي وظروفها said...

أم بوبه

امين يارب العالمين وعليكي يارب

هي وظروفها said...

يا شيما

انا روحت من كلامك الجميل والله ماعارف اقولك ايه ربنا يديم المعروف يا زينه بنات المنصوره

مريم مر العمراوى said...

شركة تنظيف بالجبيل

شركة كشف تسربات المياه بالجبيل

شركة تسليك مجارى بالجبيل

شركة تنظيف مجالس بالجبيل

شركة نظافة بالجبيل

شركة تنظيف شقق بالجبيل

شركة رش مبيدات بالجبيل

شركة تنظيف خزانات بالجبيل

شركة تنظيف منازل بالجبيل

شركة مكافحة النمل الابيض بالجبيل

شركة تنظيف بيوت بالجبيل