حب في الله علي هامش التدوين


من يوم ما عملت مدونتي
حاسس ان ستيته بقت خالتي
وفاتيما الغاليه العسوله
ابنها يوسف بقي ابن أختي
..... ....
خيخه بقي أم كابتن شريف
جرئيه جرأه بدم خفيف
مها بقي شبه أختي الشعنونه
وأميره هدوءها هدوء أختي
.... ... .... ....
من يوم ماعملت مدونتي
وخواطر شابه من المغرب
بتنيم جوجل من المغرب
وقلم رصاص مليان حماس
فريده بقي قلب بيكتب
..... .... .......
خالد أبو همس ده أخ كبير
تيرز مفكره وأسم كبير
وايمي عسوله وحبوبه
تامر نبيل فعلا خطير
.... ... ...
أم بوبه ويا بيبيه
أقرب من أخت وقريبه
شيماء ينور طريقها
عسوله وكمان قريبه
.... .. ...
ريم أم كنزي كلاس يا ناس
و عفروتو ده عريس بن ناس
خدي رأيها وأحنا هنستني
أمه عسل وأرق الناس
..... .... ...
دكتور علا أخلاق متناهيه
غاده كمان أخت وصحفيه
شيما حكومه أدب وثقافه
ويوم فرحها فرح لأختي
من يوم ما عملت مدونتي

57 Comments:

dramaqueen said...

ايه دة وانا فين؟؟؟؟؟؟؟؟؟؟؟؟؟؟؟

مهموهة أحمد said...

ايه الحلاوة دي بس

اخجلتم تواضعنا و الله يا عم وليد

بجد فكرتها حلوة اوي اوي

و شكرا انك بتعتبرني اختك الشعنونة

بجد يا وليد انت اخ عزيز جدا و الله
لدرجة ان احمد بقى بيسالني عليك كل يوم
هههههههههههههههههههههههههههههههه
و بيسلم عليك و الله اوي

تسلم يا وليد و يسلم قلبك يا رب و من كل قلبي و الله بتمنالك حياة كلها سعادة و حب و رضا من الله تعالى
ليك انت و سارة يا رب

مع خالص تحياتي و تقديري

ستيتة said...

ربنا يجبر بخاطرك يا وليد
صباحك فل وعسل
جميلة بجد

Humman being said...

ايه البوست الجميل ده بس....انت اللى يشرفنا انك تكون أخ لينا كلنا وميرسى انك افتكرتنى ...وسلام كبير طويل عريض ضخم جدا لسارة

فاتيما said...

انا جيييييت

فين يا عم الشاى الاخضر
اللى قوت عليه ؟!!!


انا بينضوحك عليا!!!

وش محمود المليجى
هيبان اهو


لا بلاش ف اول زيارة
خليه بعدين
نقلب على عبوارث عسر
و نديها شوية طيبة و حنية
حلوة مدونتك يا وليد
و حلو البوست قوى
و ربنا يديم الود ما بيننا


تعرف لما بشوف اسم يوسف
مكتوب عند الأحباب فى مدوناتهم
بفرح قوى
بحس انى بقوم بجزء من دورى كأم
حتى ولو من بعيد
منحرمشى من ذوقك



انا عاجبنى قوى الكلام
اللى ف الشريط الجانبى فوق
ع الشمال دا

مين سعيدة الحظ دى يا ترى
اللى عبيرها مالى جو المدونة ؟!!
ربنا يسعدكم


كمان عاجبنى جدااااا
الجملة اللى محطوطة تحت اسم مدونتك
فيها كلام كتييييير
بس للى يقدر ينفذه من الاول
مش يجبر يعمله عشان يتجنب مذلة اكثر من ذلك


انت شكلك حدوتة كبيرة قوى
و انا هتشرف بمعرفتك عن قرب
إن شاء الله يوم الجمعة


متتأخرش علينا بقى
عشان العالم كلها هتهجم
على تليفونك انت
و لو مردتيش عليهم
و قولت انا هنا اهو
هيعلقونا على اعلى شجراية
فى النادى

خالص ودى يا وليد

Remas said...

صباح الخير يااستاذ وليد

بجد مش عارفه اقولك ايه على كلامك الذوق

ربنا يخليك يا باشا

انت اخ عزير وصديق غالى

ربنا يديم علينا محبته في الله

وربنا يسعدك يا وليد مع سارة يارب

مستنية اشوفك انت وسارة باذن الله يوم الجمعة

خواطر شابة said...

ربي يجبر بخاطرك سعيدة جدا اني من ضمن من ذكرت ويارب يخلينا دائما عند حسن الظن
باللهجة المغربية اقول لك: الله يكبر بيك تفسيرها جعلك الله في منزلة كبيرة ان شاء الله
تحياتي لك

الطيــر العاشـق said...

مش عاارفه أرد ..... شكرا بجد يا وليد

وبجد ده كتير عليا حتي انك تذكرني في مدونتك لتاني مرة

شكرا ياااذوووق بالتوفيق وأتمنالك كل التوفيق

أميرة الأحلام said...

وليد ..
اول مره اقرا حاجه عندك ومعرفش اعلق اقول ايه
يعنى مش عارفه والله اقولك ايه احرجتنا بذوقك ربنا يخليك يارب
انت بجد نعم الاخ واحلى حاجه في المدونه انها خلتني اتعرف على حد محترم زيك كده
ربنا يخليك ويخليلك ساره وما تتحرموش من بعض ابدااا
بس ممكن سؤال انت عرفت منين انى هاديه ههههههه
اصل هدوئ ده اكتر حاجه بتبان للي حواليا معرفش ليه
سلامى لساره كتييييييير

غير معرف said...

ماشى ماشى ياوليد
قال وانا اللى عزمت روحى على الفرح
بصفة ام العريس
والعريس ولا على باله
طبعا انا بضحك معاك ياوليد
كفاية انك ذاكر اعز حبايب
ودايما كدهنكون مجموعين على الحب فى الله
وبالنيابة عن كل اللى ذكرتهم وتاكيدا
لكلامهم ربنا يكرمك ياابنى

مهموهة أحمد said...

يعني كتبت اشعار لسارة اهو

ناس تخاف ما تختشيش
ههههههههههههههههههههههههههههههههههههههههههههههههههههههههههههههههههههههههههههه
ايوة كده اسمع النصيحة
فعلا انت اخ جميل و اجمل ما فيك انك بتسمع النصايح بسرعة

شكرا ليك يا عم وليد

و يا رب تعيشوا انت و سارة سوا و بتحبوا بعض باستمرار يارب

اما عن اللقاء اللي قرب ده
انا هدعي عليكم ساعة الصلاة ان النادي بنفجر قبل ما تروحوا و بالتالي ما يبقاش فيه اجتماع

الصلاة عندي قبل عندكم احنا سابقينكم في الساعات
ههههههههههههههههههههههههههههههههه

بجد يا وليد و انتوا في الاجتماع ده يا ريت تقولهم على طريقة نتقابل على النت
اشمعنى المغتربين مالهمش نصيب
هو احنا مش مصريين و لا ايه ؟؟؟

لا افتكرونا زي ما احنا فاكرينكم


يللا بقى و انا لولوك زيادة كده
هههههه
سلام

ghada mOhsen said...

وليد باشا ...

كل ده حصل فى المدونه وانا مش هنااااا
كله من الجامعه وااااااااااء ...

بجد البوستين اللى قبل ده حلوين كتيير بالذات بتاع " مشكلتى معاك ياصاحبى " ... حبيته اوى اوى .. يسلم عقلك وقلمك ...

اما البوست ده .. اهو ده تحفه فنيه لوحدوا ... بجد فكره حلوه كتيير ...
انا كنت هاعيط لو ماكنتش لقيت اسمى وكنت عملتها مجزره ههههههههههههههههه

بجد تسلم ياابو الافكار ...

... ;) ,,, ;) ...

غير معرف said...

هههههههههه

جميل ... وكلهم ناس محترمه تستحق الاحترام

تحياتي

الشعب لابد له من حكومه تشكمه said...

اسمى مكتوووووووووووووووووووب؟
طوووويب:)

تسلم ياوليد:)
موشكرين يا افندم انى من ضمن الناس اللى احببتهم فى الله,
احبك الذى احببتنا فيه:)

الطيــر العاشـق said...

وليــــد حلوة قوي كلامك عن ساره ماشاء الله ..

الله يحميكم ويخليكم لبعض وان شاء الله يارب تفرحو بالواااااااااد تيمووووور قوووول يارب

بجد حلو قوي كلامك وحلو قوي موضوع حظر التجوال ده ...؟؟؟ ههههههه

بس ليه بقي يعني كل الحب ده وتضيعه بكلمه من حرفين بتقولها في الأخر ... وبعدين أبدا الكلمة دي عمرها ماتكون من مقاااام أحلي ساااااره وخلي بالك بقي ساره بقي وراااها ..... يعرفو ياخدو حقها ههههههههههههههههههههه

بالتوفيق

Tamer Nabil Moussa said...

انا خطير ياوليد ههههههههههه

ماشى ياعم

ربنا يفرحك ويوفقك ويسعدك فى حياتك

مع خالص تحياتى

صيدلانيه طالعه نازله said...

وش احمر و مكسوووووووف جدا

ميرسى يا وليد على ذوقك بجد

و جميل جدا انك افتكرتنى مع القمم دى

كلها

دمت بود

Cute Kitty **sookra said...

اقولك على حاجه والله اول مره اخد بالى من الكلام اللى تحت اسم المدونه دا بجد
والله حكمه غريبه ومنطبقه عليا اشد الانطباق
وبعدين تعال هنا انا اسمى موش مكتوب
طيب والله لابطل كسوف واردحلك واعملك فضيحه بجلاجيل هنا فى المدونه وفى البلوج سبوت كله
هعيط كمان
اهىء اهىء اهىء
اه صحيح انا غيرت الخلفيه يمكن المدونه حالها يتعدل وتفتح مع الناس

هي وظروفها said...

ملكه الدراما

اخص عليا وعلي اللي حواليا ازاي انسي اسمك اخص عليا بس ملحووووووووووووووووووووووقه

نورتني يا بشمهندسه الدنيا كلها

هي وظروفها said...
أزال المؤلف هذا التعليق.
هي وظروفها said...

مهاااااااااااااااااا

والله يامها يا بنتي مبحبش اتكلم عن نفسي خالص

احمد شكله بيضايق لما حد بيعلق علي كلامك صح ؟؟؟؟

سلمي عليه وقوليلو وليد مش هيضايقك تاني يا عم


كده يا مها بقي عايز الدقي تولع عشان مش هتيجي

طب متيجي تولعي فيها انتي اضمن وديني لأوريكي

هههههههههههههههههههههههه

هي وظروفها said...

الدكتوره الغاليه ستيته

كبرتك انت بكلمه خالتي معلش قافلتها جت معايا كده

ربنا يخليكي ويارب نشوف عفروتو عريس زي القمر واديني ظبطتله مع كنزي ربنا يوفقهم

هي وظروفها said...

شيماااااااااء

والله يا شوشو انا اللي يشرفني اخوتكم

سلام طويل ماشي انما عريض ؟؟؟؟؟؟؟ ازاي

هي وظروفها said...

بطوط أم العقيد يوسف

ليه بس محمود المليجي خليكي فردوس محمد احسن

يوسف ان شاء الله راجع راجع مسأله وقت

الكلمه اللي تحت اسم المدونه من كلام سيدنا علي بن ابي طالب

وباذن الرحمن هاجي بدري وانا اللي اتشرف بيكم يا ست الكل

هي وظروفها said...

ريم هانم وكنزي

كومن سافا

متقوليشس اي حاجه كفايه انك بتنوريني دي لوحدها محتاجه افرشلك المدونه ورد من اللي في الصوره بتاعه البوست ده

مقلتليش عمر وادم ومريم عاملين ايه طمنينا علي الرجاله؟؟؟؟؟

هي وظروفها said...

خواطر شابه

يا نوجا هو انا استجري مجبش اسمك عشان تروحي مدياني كلمتين مغربي في العضم ؟؟؟

ده انا اكتبلك لوحدك ملحمه بس بلاش تعلقي مغربي الله يخليكي

هي وظروفها said...

فريددددددددددددددددددددده

انتي بتقولي ايه احنا اخوات وانا عامل المدونه دي مكنتش اعرف انها بتعرف الواحد علي ناس كويسه او وحشه اهي مدونه انما لما عرفتكم كلكم حبيتها قويكفايه انها عرفتني عليكيم

ربنا يرزق الولد الصالح عشان يملي عليكي البيت يا رب

بس سميه وليد ماشي

هي وظروفها said...

أمييييييييييييييييييييييييييييره

احنا اخوات يا اميره واسلوب تعبير الواحد في كتابته صدقيني بيبين اسلوبه هادي ولا عصبي لذيذ ولا اتم
والله انا بقي ماعارف اقولك ايه

يارب نفرح بيكي قريب

هي وظروفها said...

أم مالك

وربنا انا واطي ازاي انسي الأم الطيبه لينا كلنا

بس عذري الوحيد ان الأم مش محتاجه مدح او معرفه معزتها ايه عند ابنها واكيد انتي غاليه علينا كلنا

ربنا يبارك فيكي

هي وظروفها said...

غاااااااااااااااااااااده

بطلي رخامه وتعالي نشوفك

احضري محاضره ووصي حد ينقلك التانيه وتعالي هنستناكي حتي والرقم عند ستيته اكتبيه ولو جايه اتصلي ونجيلك ناخد من محطه الدقي لو تهتي

هي وظروفها said...

فتاااااااااه من الصعيد

بلدياتي الغاليه

كلهم وانتي معاهم ناس محترمه اتشرفت بمعرفتكم وربنا يديم بينا الود والأحترام

هي وظروفها said...

شييييييييييييييييييما
اسمك مكتوب هو انا اجننت في عقلي عشان انسي رفيقه الكفاح وكافتيريا ميدو والسن عين شمس

عيب عليكي

ربنا يرضي عنا جميعا ونفرح بيكي قريب ان شاء الله

هي وظروفها said...

تامر باشا نبيل...

انت نعم الأخ يا موووووورا

ربنا يبارك فيك ويديم المحبه والاخوه في الله يا تامر

هي وظروفها said...

دكتوووووووووره علا

وش مكسوف مره واحده انتي قمه من اهم قمم التدوين في مصر بس انتي اللي مبتحبيش تكلمي عن نفسك زيي

معلش كل العظماء والعباقره زيينا كده

هي وظروفها said...

سكره
ههههههههههههههههههههههههههه

انا كنت قاصد مجبش اسمك عشان تردحيلي

بطلي كسوف الدنيا محتاجه الجريء بحرص اللي مبيخفش
بطلي كسوف ونشوفك يوم الجمعه ان شاء الله

مدونتك برده مفتحتش معايا رجعيها
لاصلها زي معملتيها لان اكيد في حاجه ضفتيها تقلت فتحها

Remas said...

وليد باشا عامل ايه

ربنا يخليك يارب انا اللى بكون مبسوطة بدخولى مدونتك

الحمد لله ادم وعمر كويسين ومريم كمان

هههههههههههههه

واحد غير معرف كتب كومنت عندى وقالى كل مصر كدا عرفت حكاية البنوتة مريم

هههههههههههههه

بس انا فعلا مش قلت اسم البنت الحقيقي مريم دا الاسم الحركى ههههههه

سلامى كتيييييير لسارة

غير معرف said...

احرجتنى ياوليد
بذوقك وكلامك الطيب
ربنا مايحرمنى منك

لمسة حنان said...

مش فاهم حاجة

فهموني يا جدعان

هي وظروفها said...

ريم

بقي بتقولي اسم حركي علي البنوته منا عرفت ان اسمها كنزي
ههههههههههههههههه

هي وظروفها said...

أم مالك
دي اقل حاجه ممكن تقالك لانك كبيره اوي ومحترمه قوي ربنا يخليكي

هي وظروفها said...

لمسه حنان

لا ابدا مفيش كانت مشكله وفضناهابدون خسائر في الأرواح الحمد لله

شفت كوت ديفوار جابت التعادل والحكم لاغاه تسلل الوطي ينفع كده

الطيــر العاشـق said...

تسلم يا أبو تيمور والله احنا اللي لينا الشرف ... اننا اتعرفنا عليك ونتمني نكمل المعرفه بسااااره

الله يوفقكم وموضوع اني أسمي وليد ف ده لسه بإذن الله لو شاء........... أنا نفسي في بنت علشان أسميها فريدة هههههههههههههههههههههههههههه

يكوون ليا الشرف طبعا اني أسمي وليد بإذن الله الله يكرمك بكل خير

ghada mOhsen said...

اهى محاضراتى اتلغت بتاعه يوم الجمعه ... شكلك اتفقت معاهم ولا ايه
ههههههههههه

بس المشكله دلوقتى ان ممكن يكون صعب اصلا انى اكون فى القاهره يوميها ...
بس راح احاول اقنع السلطات العليا عندى ...

المهم انا راح اسجل الرقم اللى عند ستيته ... واذا راح تحصل اى تطورات معايا فى اى حال من الاحوال راح اسيب خبر ...

نفسى اشووووفكم .. يارب اقدر اجى يارب

سلملى على البنوته العسوله ساره
هاتقولى عرفت ازاى انها عسوله هاقولك معرفش اهو احساس وخلاص
هههههههههههه
تحياتى وليد باشا واخى العزيز ...
... ;) ,,, ;) ...

جارة القمر said...

الله يديم المحبة

جميل ذلك الحب الذي يجمعكم

Cute Kitty **sookra said...

طيب روح تانى كدا
يمكن ماتفتحش وكدا هتبقى مصيبه
لانى عملت حاجات وبجد هازعل لو مافتحتش
اما موضوع الجراءه دا فموجود بجد
انشاءالله هاانوركم يوم الجمعه
تفرشولى الدقى كله ورد
لالالالالالالالالالالالا
افرشوه شيكولاته

-_- said...

ربنا يديم المحبة

هي وظروفها said...

sharm

امين يارب العالمين

هي وظروفها said...

جاره القمر

اجمل شيء في الدنيا الحب والأحترام

هي وظروفها said...

سكره(((بنت من ليبيا)))

روحت وفتحت معايا وفل وميت فل

بس متغييريش فيها حاجه تاني

dramaqueen said...

ؤبنا يخليك يا رب
ميرسى كتييييييير

غير معرف said...

متشكر اوي على تعليقك على صفحات مدونتي

اتشرف طبعا انك تضيف مدونتي عندك

و اتشرف أبقا اخوك و نتشارك التعليقات و الأفكار سوا

و بالمناسبه .. تعليقك تحففففففففففه ..

بجد .. شكرا


http://ra7alaat.blogspot.com/

إيمان said...

ههههههههههههههه انا جيت ابص بصه بعد ماوصلت النت سرقه وهابقى ارجع تانى قريبا
اولا ميرسى ليك ياوليد اوى على سؤالك عليا معلش مكنتش بادخل نت خالص واول مرة ادخل النهارده وقريبا هخلص وهاكون موجوده دايما
بس ايه حلاوة المولد دى هههههههههه بس مين ايمى الحبوبخ وعسوله تقصدنى انا ولا حد كان معدى ربنا يكرمك يارب وميرسى ليك اوى

*الطالبة عفو الله *زوزو said...

اه و الله فعلا يا اخي الاخوة الي بتجمع المدونين جميلة اوي اوي
و في منهم اتقوا من بعض اوي و جمعهم حب في الله
بجد حاجة جميلة اوي ربنا يدومها علينا تحياتي

هي وظروفها said...

ايمان

يخرب بيت عقلك
انتي رحتي في الوبا ولا ايه
بتعملو جو مختلف في وجودك يا بنتي
شدي حيلك بالتوفيق

هي وظروفها said...

الطالبه عفو الله

اجمل حاجه في اي مكان انه يكون في حب
بدون مصالح ولا اي شيء من القلب للقلب

وهو من اجمل ما في المدونات

ربنا يجمعنا علي خير تملي يا رب

إيمان said...

هههههههههههههههههه بلا مذاكرة بلا بتاع انا عايزة اقرا اغنيه من الاغانى اللى قولت انك كاتبها لسارة نزل وحده بقا ...حشريه انا انا عارفه
بس عايزين نشوف وليد فى الرومانسيه عامل ازاى
يلا بقا هنستنى قريبا وحده
وسلامى لسارة ونفسى ابقى اعرفها ان شاء الله اخلص ومش هسيب حد فى حاله ههههههههه

عايزه أشتغل said...

زورونى فى مدونتى الجديده