لن يفصل بيننا الجدار
وسيبقي دوما بيننا
عز وود وافتخار
وستبقي مصر مع الزمن
هي أمكم
هي أختكم
هي هامه وحمايه
وملاذ كل حبيب
هي رايه رقراقه
لاشأن للحكام
لا شأن لأحد سوي الأسلام
كانت وما زالت حكايتنا
ووحدتنا.... وديننا
ومشاعرنا ومأسينا
درس يدرسه أعادينا
همومنا قبل الجدار وبعده
احزاننا قبل الحصار وبعده
أشواقنا قبل الدمار وبعده
شيء يوحده الزمن
حكامنا يتغيرو
ولم ولن يتغير ودنا
وحنانونا وقلوبنا مملؤه بالحب
وليذهب الحكام الي العدم
تري يظنونا بهذا الغباء
فنصدقهم........
ان في هذا الجدار أمان
حقا فهذا عين الغباء
فلتعلموا أهل الضفاف وغزه
أهل الرجال وطولكرم وكل ارض العزه
لن يستمر الخاضعون
لن يستمر الخائنون
قدر محقق بالفناء وبالفشل
لما كل هذا الأجتراء
علي ديننا ودمائنا وشبابنا وبناتنا
في غزه .........يا حسرة
عذرا شعب غزه........
عذرا أهل غزه......
تستأثرون بالطوله والكفاح وبالفداءوبالكرم..
نعاهدكم وضميرنا شفاف......
نحن شئتم أم ابيتم يوما سنفدي بالدماء
أقصانا الأسير ومسري خير الأنبياء
ويفرح الشهداء
بطهور أرض الأنبياء
لن يستمروا في الحصار..........
هذا كلام الأنبياء ........وأكدوا
وجاء أحمد والبيان عجيب
يوما سيختبئون خلف الشجر
وبالنعال وبالسيوف سيضربون وبالنبل
هذا كلام خير ابناء البشر
لن يستمروا الحصار
فليس بعد الظلم عار
ابنائنا ودمائنا وأهلنا
يوما ما سيخبروكم
أنكم نعم الجوار
لن يفصلو ما بيننا
لن يستبيحوا عرضنا
لن يفصل بيننا الجدار
وسيبقي دوما بيننا
عز وود وافتخار......
.jfif)
27 Comments:
حلوه جدا ياوليد
احييك عليها
وسلملي علي ساره كتير
يا ابني سيبك بقى من السياسة ليتقبض عليك و لا تلحق تتجوز و لا تتهنى
ههههههههههههههههههههههههههههههه
المهم انا معاك ان الفلسطنيين اخواننا في الاسلام
لكن مصر بلدنا و لازم نحافظ عليها
و ارجع اقولك تخيل بيتك كل يوم بيتهرب منه اسلحة و مخدرات و بلاوي سودة
مش تصحى من الصبح تبني سور حواليه علشان تحافظ على اهل بيتك
اهو ده اللي بتعمله الحكومة المصرية و انا بحييها على كده
و انت عارف وجهة نظري في الفلسطنيين تقول عليا عميلة تقول عليا مجرمة حرب
المهم عمري ما هحبهم من اللي شفته منهم انا و اهلي طول عمرنا
مالهمش عندي غير اني بدعي ربنا يقويهم و يخلصهم من اليهود و شرهم
و بدعي كمان ان ربنا يحفظنا من شرهم هم اكتر من اليهود
مع خالص تحياتي
وليد كلامك حلو جدا ومؤثر ماشاء الله عليك وبجد بقي انت مكفاش فيك اللي عملته الوزه
خاف بقي علي نفسك شويه وبعدين اكتب شويه مشاعر من اللي مستخبيه عن ساره
هههههههه وعلي فكرة كلام مها صح عنهن احنا هنا محدش بيكره المصريين زيهم علشان كده مها دايما محروقه منهم لله يعينا ويعينهم
بالتوفيق
كلمات جميلة
سلام
كلمات جميلة
سلام
أسعد بجد عندما أجد مصريا يفكر بهذه الطريقة لانه يثبث لي ان الخير لاينعدم في هذه الامة أبدا
امس في برنامج الحياة مع رولا خرسا على قناة الحياة كان الموضوع هو صورة مصر في الخارج ومن بين المواضيع التي اثيرت كان موضوع الجدار فالضيف قال وهو مصري انا فقط لاأذكر اسمه لو قبلنا ان هذه حدودنا ومن حقنا حمايتها وبناء الجدار فيجب علينا اولا ومن باب الانسانية فتح المعبر لا أن نقفل المعبر ونبني الجدار في نفس الوقت ونقول لما يهاجموننا وقال ان مصر لها القدرة على فتح المعبر من جانبها لو شاءت والدليل على ذلك انها تفتحه متى ماأرادت.
قصيدتك جميلة تختصر كل الكلام وفيها بشرى بنصر أت اخبرنا به من جاء بوحي السماء أخبرنا به الصادق الامين
ياأخي كلنا سنمضي وسيكتب التاريخ شهادته عن كل ما يجري الان وسيعلم الظالمون أي منقلب ينقلبون
تحياتي لك واحترامي وتقديري
اذيك يا وليد واذى سارة
حلو البوست ..بس بجد نفسى أعرف ماوراء الجدار ده ايه؟؟ لو كان المعلن سبب أو اتنين ..الغير معلن عشرات الأسباب ياوليد اللى بجد محدش فينا يقدر يعرفها
أنا لا مع الجدار ولا ضده..أنا نفسى أعرف الحقيقة الغير معلنة
بالتوفيق ويارب نسمع خبر حلو عنك انت وسارة قريب
كلمات جميلة وليد
تسلم عليها
واكيد كلنا اخوة كلنا صف واحد مهما حاول البعض تفرقينا
واكيد كل مرحلة من الزمن ولها ظروفها
ربنا يوفقك ويكرمك
مع خالص تحياتى
أميره
انتي الأحلي و غيظي مها لو قدرتي تيجي اللقاء
سلامك وصل يا معلم
واثرتي المرادي قلتي في بالك الواد ده
هيوديني معاه في داهيه شكله مرشد
هههههههههههههههههههههههههه
يا مها يا مها
بقي بزمتك اللي بيجوز بيتهني ولا بيضرب نفسه بالجزمه ده ستات العرب النكد عندهم هوايا
لا ياستي هحمي بيتي بس طول عمر الانفاق دي معموله والجيش والمخابرات اكيد عارفه كل حاجه عنها اشمعني دلوقتي طلعوا وحشين
انا بس عايز افهم مش اكتر ايه اللي جد؟؟؟؟؟؟؟؟؟؟؟؟؟
فرييييييييييييييييييييييده
ملكيش دعوه بحوار الوزه انا وهي حريين
وبعدين عايزاني اكتب شعر لساره
دي ساره دي بلوه من بلاوي الزمن ولما تشوف التعليق ده
قليل انما ما زعقت وجابت سيره أمي
هههههههههههههههههههه
hp11
بيتهيألي اسمك صعب شويه
ميرسي لذوقك ونورت يا باشا
خواطر شابه
اسأل الله العلي العظيم أن نكون من الجيل الذي يشهد تحرير القدس ونصلي فيه جماعه كلنا
يااااااااااااااااااااارب
الحمد لله زي الفل ...
وان شاء الله هاخدها معايا اللقاء
عايزه تعرفي ما وراء الجدار
لا ابدا اكيد في حد مسئول جامد عنده شركه حديد واسمنت وبيعه قل ففكرو يظبطوه عشان داخل جمعيه ب 200 جنيه
يعرف يدفعها بدل ما يتشرد بالأونطه
تامر باشا نبيل
ربنا يخليكي يا تامر انات كنت قريب عندكو في بنها
واكيد طبعا كل مرحله ليها ظروفها واحنا علي طول بنتظرف بس علي قفانا اسف للتعبير يا كبير كلنا بنتظرف من البشوات
ازييييييييك ؟؟ هاو ار يو يا فندم ؟
دى عشان تعرف بس انى بعرف انجلش هههههههههههههههههههه
نتكلم جد بقى .. قلبت عليا المواجع يا وليد بجد كل ما اروح فى حتة حد يفكرنى ان بنت عمتى هناك هى وولادها و بقالنا كتير مش شفناهم فكرتنى انها لما بتنزل مصر بتبقى سايبه شنطها جاهزة عشان اول ما ييفتحوا المعبر تانى تجرى عشان تلحق تروح لجوزها و بيتها فكرتنى انها مرة جريت بسرعة عشان تلحق المعبر و هو مفتوح وبعد ما راحت لقيته اتقفل تانى و فضلت قاعدة لحد الفجر على الحدود لحد ما جوز عمتى راح يبجها بالعربية ... فكرتنى ان ولادها الصغيرين قرب يجلهم انهيار عصبى من صوت المدافع و القنابل ... فكرتنى انى حتة منى هناك ومش عارفين نطمن عليها
ليه فكرتنى بس :(:(
وليد ..
ههههههههه لا والله انا مقدرش اقول كده
بس كل الحكايه انى قريت الموضوع وحبيت اعلق عليه قبل ما اخرج لانى كنت خارجه ساعتها فقولت افوز باول كرسي على راي مها
ههههههههههههه
معلش اعذرنى اصلي والله مشغوله شويه اليومين دول
بس طبعا مافيش خلاف على ان موضوعك جميل جدا
وياريت كلامك ده يوصل لبره المدونات كمان ما يقتصرش على المدونه وبس
ربنا يوفقك يارب
ونفرح بيك انت وساره قريب
اوعى ما تعزمنيش على الفرح
جاره القمر
بعيدعن ثقافتي وانجلشيتك الجامده....
احنا منسناش الناس دي الناس دي اخواتنا وعايشه جوانا واحزانهم احزانا ونفسنا يفرحو عشان فرحهم يبقي فرح لينا
انا اسف لو كنت قلبت عليكي المواجع
بس لالاسف انا اسف الوجع والألم تجاه شعبنا الفلسطيني كله
مش بيفارقني لاني بجد امنتي والله يا جاره القمر أموت شهيد علي عتبه الأقصي
ياااااااااااااااه لو تتحقق والله اوعدك انك تكوني من السبعين اللي هيشفعني ربنا فيهم شهيد بقي
وربنا يحافظ ويحمي قرايبك وكل الفلسطينين ويبدل حالهم ويحقق امالهم امين قولي امين
أميره
ان شاء الله هعزمك واخللي ساره بنفسها تتصل بيكي بس اوعي متجيش
ايييييه الجمال ده ..؟
بجد تسلم ياوليد ...
ربنا يصبرنا على كل اللى بيحصل ...
بجد انا مش عارفه ايش اقول فى الموضوع هذا ...
مافى غير انى ادعى انه يارب مايحصل الا كل خير لمصر ياااااااارب
تسلم ياوليد
... ;) ,,, ;) ...
غاده
بجد يا غاده حلوه من غير مجامله عشان حاسس اني بكتب وحش وفاكر اني بعرف اكتب
قوليلي رايك بجد انا مش بقول كده عشان تقولي ان انا جامد والكلام ده انا عايز اعرف بجد لانك اكيد من اجدر الناس اللي استشيرهم بجد عايز اعرف
انا اليومين دول زعلانة من مصر ومقموصة والله
بس ولو
مصر هي امي مش مرات ابويا ابدااااااااااااا
انا مسحولة يا ردالة
الله يخرب بيت ابو الامتحانات
مين قال يا بنات تفرحوا لما تخلصوا امتحانات؟
بكرة يجي لكم عفاريت العلبة وترجعوا تذاكروا عاااااااااااااااا
دكتوووووووووووره ستيته والله يا دكتور ضحكتيني
وانا قاعد في حاله نفسيه الحمد لله زفت
ربنا يخليكي ويخلي خفه ددمك وتواضعك وحب الناس ليكي ويحفظلك جوزك وولادك
بشكرك كتيييير ياوليد ...
وانا والله بقول رأى بجد ... انا اذا لقيت حاجه مش عاجبانى غالبا مش برد ...
وبجد الكلام اللى انت كاتبه ده كفايه احساسه مش مهم تنسيقه اوى المهم ازاى بتوصله ...
تنسيقه راح يتحسن شوى شوى ومره بمره ...
بس بجد استمر .. وكلنا بنشجع بعض ...
ربنا يوفقك يارب ...
... ;) ,,, ;) ...
ربنا يخليك ياوليد..
ان شاء الله اكيد هاجي مينفعش طبعا ما احضرش فرحك انت وساره ربنا الي عالم انا بعزكم قد ايه وبعتبرك اخويا والله
وربنا يوفقكم
Post a Comment