الأربعاء،27يناير
الأربعاء،
27
يناير
انا بقترح علي الأخوه المدونين
اللي هيجيوا ان شاء الله يوم الجمعه
وعشان يبقي التجمع ليه هدف اساسي
كل واحد يتبرع باي جزء مادي ويجمع
ويوضع في حساب تبرعات لالأهالي المنكوبه
واللي يقدر علي حاجه يحطها في ظرف
أي حاجه جنيه اتنين عشره ميه
وتجمع وتعطي للدكتوره ستيته
أو لاستاذ خالد ابو همس
وتوضع في الحساب المفتوح
باسم اهلنا واخواتنا اللي ماتو واتخربت بيوتهم
ياريت الأقتراح ده يلاقي صدي
والأخوه اللي مش هييجوا لو حد منهم
عايز يبعت حواله باسم الدكتوره بعد
استأذانها أو باسم استاذ خالد
يبقي فعلا قدرنا نتصرف بشكل
ايجابي
وتجمعنا فعلا ليه هدف جميل ونبيل
ده مجرد اقتراح بدل منستني حفلات
هايفه ونانسي
واللي ايده في ميه اللفت عمره مهيحس بالناس دي
قال هيفا قال
يا دكتور انتي واستاذ خالد مصدر ثقه لكل المدونين
انا بدعوكم لتبني الفكره دي
وده اقل حاجه نعملها لبلدنا
اللي بنقول اننا منها وهنموت ان شاء الله
وندفن فيها....
يكون في عونك يا مصر
يكون في عونك صحيح
قدرتي تتحملي الطماع
والحرامي واللي فاسد
والقبيح...
الواحد منهم
بيدندن دندنه
ويطنطن طنطنه
كبيره طق حنك
ولا كتكوت الفصيح
ساعه الجد
ملهوش لازمه
وبيداري
في وقت الأزمه
ويبان بعد الغيم مايزول
ويكمل دندنه
يكون في عونك يا مصر
يكون في عونك صحيح
30 Comments:
كلام جميل ياوليد
هو يوم الجمعة الجاية على طول طيب هيكون فى التجمع وازى
عشان اشوف لو هقدر اجى هجى دى اقل حاجة ممكن نعملها
مع خالص تحياتى
استاذ والله
اقتراح جميل فعلا بس انا زعلانه اوى انا كان نفسى اقدر اجى واكون معاكم بالتوفيق ليكم يارب وتذكرونى فى الحوار ده وهاحس لما تجيبوا سيرتى هههههههههههههه
اوعوا بس تتمسكوا تطرف ومش ترجعوا تانى
ربنا يوفقكم يارب للخير
حلو الاقتراح ده ياوليد بجد
ربنا يقدرك على فعل الخير دايما
اخبار ساره ايه سلملي عليها كتير
عشان دى مصر طول عمرها فاتحه دراعها للحرامى و الشريف
للصادق و الكداب
للصغير و الكبير
للغريب و القريب
و لا عمرها اشتكت و لا قالت اه
عشان كبيره و الكبير عيب يضعف و لا يتألم
و لا يشتكى
يبكى فى صمت عشان ميبينش ضعفه و لا يضعف اللى حواليه
كلامك حلو قوى
و لو اتفقتوا على حوالات ياريت تقولوا عشان اللى عايز يشارك من بره القاهره
ربنا معاكم و تسلم الافكار
ماتدعو له مبادرة تستحق التشجيع لكنها هي مجرد نواية تسند الزير ونوع من المشاركة يرفع عن المشارك فيه احساس السلبية لكن الحاجيات أكبر وهنا المسؤولية مسؤولية دولة وليس افراد
حتى مثل هذه المبادرة لتنجح لابد ان تتبناها الدولة ليكون المردود أكبر
تحياتي لك
كلام جميل فعلا
لو فيه رقم حساب معين نبعت عليه التبرعات يكون افضل
ويا بختكم بجد انكم هتتجمعوا انا لو فكرت انى اجى هتبخر قبل ما اطلع من اسيوط اصلا
يالا جماعه مباركه ان شاء الله ويارب تقضوا وقت جميل
وبحقد عليييييييييييييكم
اقتراح جميل بجد ياوليد
وطبعا هنشارك اكيد
ربنا يوفقنا جميعا اننا نعمل اللى فيه الخير
انا عملت تنويه فى البوست الجديد عندى لاقتراحك دا
كلنا لازم نتحرك ونعمل حاجه ايجابيه ونبطل كلام وكلام وبس
وانا هاحاول اجمع تبرعات من اللى حواليه
ربنا يسهل
و الله فكره حلوه
قولنا علي الحساب
عشان انا مش هعرف آجي القاء ده خالص :(
و نحاول نعمل حاجه
بس يارب يكون المبلغ يستاهل بس الى نوديه في الأخر :(
اوك:)
وليد اخبارك ايه ؟؟؟
و اخبار سارة يا رب تكونوا بخير دايما
عموما المبادرة اللي عملتها دي خطوة كويسة جدا جدا جدا
و ربنا يعينك على فعل الخير دايما يا رب
و سلامي ليك و لكل المدونين في الاجتماع و الزيارة دي
و بردو هحقد عليكم يا بتاع السندويتشات
هههههههههههههههههههههههههههه
مع خالص تحياتي و تقديري
اقتراح جميل
وكلامك جميل ومعبر
تحياتي
وليد ...كان نفسى أوى أكون معاكم ..بس مفيش نصيب ...سلامى لكل الناس المحترمة اللى هتقابلهم وانت أولهم...
واقتراحك هوه أحلى ما فى اللقاء.
سلالالالالالالالام كبييييير أوى لسارة
انا جاى يا صديقى :)
لنا لقاء :)
شاب فقرى بيشجع الفكرة وياك
تحياتى :)
فقرى :$
تامر بيه نبيل
الله يخليك يا مورا
اشوفك بكره ان شاء الله متتأخرش عشان نلحق نعقد مع بعض
-----------------
ايمي
اكنك هتبقي معانا انتي غاليه وروحك هترفرف علي المكان
ومتقلقيش احنا بعيد عن السياسه خالص
اصل انا تملي اقول لأمي كده
وبما انك في معزه امي فهقولك كده برده
اميره
ربنا يخليك انتي الأجمل
ايه هنشوفك بكره ولا ايه؟؟؟
---------------
دكتور علا
والله كان نفسنا تبقي معانا
بكره عشان نشوف كل الناس الكويسه
ان شاء الله تتعوض مره تانيه
ويارب مصر تكسب 3/1
خواطر الشابه
كلامك صح يا نوجا
بس الحكومه مش هتعمل كل حاجه
وخصوصا حكومتنا الذكيه
فلو قدرنا نساعد 5 بس يبقي عملنا حاجه ومسكتناش
------------------
الوعد هو الوعد
والله يا وعد يا اخويا
لو قدرنا بكره نعرف رقم الحساب هكتبه وان شاء الله هجيبه
بلاش بس الحقد الدفين ده
كنت جيت وبلاش نفسنه
سكره هانم((بنت من ليبيا))
ربنا يقدم ما فيه الخير ان شاء الله
ونشوفك بكره اكيد اوكيه يا برنس
------------------
سبايدر مان قلب الأسد
هجيب بكره ان شاء الله رقم الحساب وربنا يسهل
كان نفسنا نشوفك بس تتعوض باذن الله
شيما
اوك انا كمان هو انتي احسن مني
مهاااااااااااااااااااااااا
انتي بقي ملكيش دعوه بينا خالص وساره عندك علي الأميل كلميها ---- تكليها براحتك
بقي هتعدي علينا ان النادي ينفجر اخص علي دي اخويا
وبرده ان شاء الله لما تنزلي يكون فيه لقاء ونشوفك انتي واحمد ابو سليم
بجد مستنيكم تنزلو واتعرف عليكم انتي اختي يا مها
فتاه من الصعيد
بلدياتي الغاليه بعد السلام
الله يخليكي ويسلم لسانك اللي بينقط عسل
_________________
شيماء بجد انتي رخمه كان نفسي تيجو انتي واميره مش عارف ليه بس التهريج ده
علي العموم تتتعوض ان شاء الله
شاب فقري
تنور الدقي يا كيمو والأماكن المحيطه
ولا يا كريم متتتأخرش
والله ياوليد لحد انهارده الضهر كنت متاكده انى جايه بكره بس للاسف حصلت ظروف هتخلينى معرفش اجيلكم
وبجد والله مدايقه جدا انى مش هعرف اجى واشوفكم
لاني كان نفسي اشوفكم قوي
وكان نفسي اشوف ساره واتعرف عليها موووت
بس اعمل ايه بقى
ان شاء الله تتعوض مره تانيه باذن الله
شكرا بجد لاقتراح حضرتك
ويارت اعرف ازاى لو عاوزة اتبرع
لانى مش هحضر اللقاء
مبررررررررررررررررروك لمصر وبالتوفيك فى لقاء المدونيين
هلا وليد باشااااا ...
سورى على تأخير ردى .. مش عارفه اذا راح تلحق تقراه ولا لا ...
انا والحمدلله راح اقدر اجى ...
راح احاول اوفق بينكم وبين الجامعه ...
يعنى يادوبك راح اجى عشره وامشى على الظهر كده ... يارب الحق اشوف معظمكم ..
راح اجى مع اختى ...
اذا تهت راح استنجد بيكم ده بعد اذنكم طبعا .. بس يارب اطلع قدها
هههههههههه
انا زعلانه لان اميره الاحلام مش هاتيجى وااااااااء كان نفسى اشوفها ...
يلا تتعوض ...
وبجد تسلم على الفكره اكتر من رائعه ياوليد
اهى دى الافكار ولا بلاش ...
اشوفك انت وساره العسوله على خير ...
تحياتى ياابو الافكار ...
... ;) ,,, ;) ...
مقدرش أقووووول غير الله يجازيكم كل خير
ويسلم قلبك وعقلك الطيب
يالتوفيق
ما شاء الله عليك
اقتراح رائع .. ربنا يتقبل منك يا جميل
كان نفسي آجي معاكو و الله .. بس أخوك عايش بره مصر :(
شرفتني زيارتك و نورتني .. تعالى تاني :)
أخوك أحمد .. تقريبا يعني
قدها وقدود طبعااااااا
اقتراح عقلاني
و مبروك لمصر
فرييييييييييييييييييييده
كل ما ادخل عندك مش عارف ليه مدونتك مش بتفتح معايا خالص ليكي وحشه يا بنتي
Post a Comment