بمناسبه قدوم يوم من أعظم أيام المحروته يوم الأحد 14/2
الا وهوعيد الحب .. وغلو سعر الورد لحد بيخلي الواحد يعمل فيها ناسي
تلاقي كل سنه الناس ليها 5 وجهات نظر حواليه
المتدين يقولك اوعي تحتفل بيه ده يوم لتقديس اللي اسمه فالنتين وده كان
زير نساءواله الرومان وانت كده بتشارك الناس في الضلال ...يا ستير يارب
النوع التاني اللي فاهم ان اليوم ده خمر ونساء وغدا نبكي علي اطلال روما
النوع التالت الشاب اللي نفسه يفرح حبيبته ولو باي حاجه مهي عايشه وشايفه
الدنيا ولا يتقال عليه شاب شلح ومبيفهمش و الجنيه عنده براجل طبعا ميكلش
االنوع الرابع من الشباب تلاقيه يقولك يا عم دي عيال بتاخد مصروفها
من علي التلاجه مهو لو تعبان في القرش ده مش هيضيعه اونطه
((وهو من جواه نفسه حتي كلبه نتايا تعبره )) كان قطع شرايين ايده عليها
وناس تانيه من الشّقه والمرمطه كبيره يسمع لو كنت قابلتك من زمان
علي اذاعه الأغاني واتعشت يا معلم....
بس هل فعلا احنا بنحب بعض صح انامش شايف ويجوز اكون اتعميت !!!
مظاهر الأحتفال في اليوم ده اااااااااااااااااااايه الكورنيش حفلات جنس
جماعي تبص تلاقي الشاب والبنت ناقصهم سرير !!!!!
واقف خلاص هايم علي وجهه ايه يا عم في ايه.....
تمشي في عباس العقاد تلاقي اللي بيحضن ايه ياد ده....
هتعملي فيها اوربي الحاجه بتتعشي مسقعه ولا غيرت ؟؟
اللي بيفرسني ان أغلب اللي شفتهم في وضع جنسي
كانو محجبات واللي هيقولي يا راجل هقوله لو مشفتش
يبقي لمبتخرجش يا أنت بتمثل خليك في مسرحك مش طلباك
والظاهره الأغرب بنات صغيره كبيرها خمستاشر سنه
وشاب سبعتاشر اخره يااااد روح ذاكرلك كلمتين
ويستنفذوا مخزون العاطفه عندهم مع واحد واتنين وتلاته
وفي الأخر تبقيused
ومعندهاش حاجه تديها لجوزها.مهي استهلكت من المخزون كتير قوي.....
والشاب لما ييجي يتجوز يقولك أهم شرط تكون البنت بكيسها
ومرشتش دواخل و واكون اول مالك!!!!!!!!!
عايز بت فبريكه صح؟؟؟
واللي بيصلي الفجر حاضر هياخد مين ياخد صديقه الطلبه ولا ايه
عايز بت فبريكه خليك انت كمان فبريكه ...
يخرب بيتك يا درش هرشني طبعا
ده حتي الأقاليم الحب ولع في الذره والدنيا بقت في الكلتش خالص
انا مش بقول ان اللي يحتفل او ميحتفلش غلط او صح
مش دي القصه معايا
انا عايز اقول ان بجد الكلمه الحلوه في اي وقت
الأهتمام بالطرف التاني..مشاركته حلمه
الصبر عليه وقت ما يكون في ازمات او محتاج حضن يحتويه
انه يحس بجد ان حد مشاركه حياته واخده بعبله كده
هيقسمه دموعه وهمومه وغرامه وكل اوقاته
ده معني الحب الصح..
ليه واحد صاحبي الفالنتين اللي فات جاب بوكيه ورد وخد عربيه صحبه
واتصل بخطيبته جاااااااااااااااايلك استنيني
اول ماراح قالتله معطلني كل ده عشان بوكيه ورد ....
كسرته من جوه ..الكلمه الحلوه بتفتح طريق والكلمه الرخمه الواقفه
بتخللي الواحد حاسس انه بيحب كريازي
قالي ساعتها حسيت اني بحب بطيخه وكرهت اني حبيت افرّحها
وبعديها مقدرش يكمل وسابها ((طبعا لكام سبب اضافي))
وممكن بنت تانيه تقول لحبيبها او جوزها او خطيبها
انا هشيل الورده دي لحد ما تدبل وافركها واحطها في كتاب ولما توحشني
هطلع الكتاب واشمها واحس انك جمبي بقلبك وروحك مهي حاجه منك!!!!
سيبك انت وهو وهي اللي بيفهم بيفرق كتير ؟؟؟؟ وبالمناسبه دي احب
أقول لكل المدونين كل لحظه وانتم في حب وخير وسعاده وأمان
.jfif)
63 Comments:
كل سنه وكل الناس بخير ... وبيفهموا صح :)
تحياتي
و كمان تانى تعليق؟؟؟
دا شئ جميل جدا :)
وانت طيب:)
مقولتش هتجيب ايييييه انت بأأه:)
وايه البنات السخيفه دى,يجيبلها ورد تقوله كده؟؟
الفكره مش فى الهديه,الفكره انه اهتم بيها والورده ليها مفعول السحر,
وبعدين انت عمال توصف كده اييييييييه مشوفتش الجامعه كانت بتباه عمله ازاى:)
دحنا كنا بنتفرج فرجه,
بس عموما اللى بيحب حد مش بيحبه يوم فى السنه,اللى بيحب حد كل يوم مع بعض هيباه عيد حب بينهم.
عارف يا وليد ...
بعيد فعلا عن المناسبة
لكن احنا فعلا بنشوه المعنى الحقيقى للكلمة
و كمان المعنى العام ليها بافعال تخلى الناس ياما تبص لنا باستنكار
او بسخرية
و دا فعلا بيضيع المعنى
و للاسف رغم المعنى الخاص للكلمة
لكن للاسف بردوا بتلاقيه بين اتنين لا تربطهم أى علاقة يقدروا يواجهوا بيها حد
لكن اهو يوم
و نقضيه زى ما نقضيه
و بكرة ... و كأن الامس لم يكن
فعلا محتاجين نستوعب و نطبق المعنى صح
دمت بخير
يا مصطلحااااااااااتك يا وليد
انت فى البوست ده حطيت كام اكسبريشن
من الااااااااااخر و الله
موضوع عيد الحب ده بقى سبوبه اصلا و اليوم ده تلاقى الدنيا بقت حمرااااااا
و لا اياااااااام ماتشات الكوره
و هاتك يا تسبيل فى الشوارع و حركات عجيبه من البنات و الولاد و الله فى اوروبا ميعملوهاش
سيبك انت
هابى فالانتين
جيبت ايه انت بقىىىىىىىى؟؟؟؟؟
هذا اليوم هنا في بلادي عادي كغيره لاتحس باختلاف ولاتوجد احتفالات عكسكم في مصر الدنيا كلها تصبح حمراء ودباديب وورود وهذا ليس عيبا فالتعبير عن الحب ليس عيب لكن استغرب ان يخصص له يوم واحد في السنة طب وبقية السنة نعمل ايه نغني ظلموه
التقسيمة اللى عملتها لمواقف الناس من العيد لذيذة جدا
أنا ساعات بحس
ان السبب الرئيسى لكراهية الشيوخ للعيد ده
هو كم المهازل اللى بنشوفها فيه
أنا أول تعليق لى هنا
بس مش أول زيارة
سعيدة جدا بتعرفى على مدونة حضرتك
الموضوع مش حكايه تدين و غيره
الموضوع حكايه حلالو حرام
العيد ده حرام بشهاده كل الشيوخ و كل العلماء
والي بيحتفل بيه حرام عليه
....
وانا نقلتلك الموضوع ده و هكتبه عندي برضه ، عشان اكون بلغتك
هو حراااام و التهئنه بيه حرام .
عمرك شوفت مسيحين بيحتفلوا بعيد الآضحي و لا بعيد الفطر ؟؟
ليه احنا بقي نحتفل بأعيادهم ؟؟
هي ده القصه ..
ايه ده ايه ده
حسستنى اننا ف اورورب مش مصر وكبيرهم يجيبوا دبدوب وان افتكروا اصلا
انا اسمع عن عيد الحب واشوفه فى بتارين محلات الهدايا والدنيا تبقى حمار قصدى حمرة واللى عايشين الدور وعاملين فيها روميو وجوليت والحب ولع فى الدرة واه واه فى بيتهم ملاك ومفيش زيها وكمان عندك حق معظمهم محجبات بس اكيد فى ناس محترمه وعندها اخلاق وبرضو ناس تانيه ياما تحت السواهى دواهى.
بس انا شايفه كتير عندهم اليوم دا عادى ولا يفرق معاهم وبيكونوا على ارتباط وكل شىء له حدود ونرجع ونقول كل ده بيرجع للتربيه ماهو لو اتربت مكنتش تعمل كده على رأى ماما
ههههههههههههه يوم 13 احتفال للسينجل
كل سنه وانت طيب بمناسبه مولد النبى فين حلاوة المولد بقى ؟؟؟؟
تعملي فيها اوربي الحاجه بتتعشي مسقعه ولا غيرت ؟؟
هههههههههههههههههههههههههههههه
لأ
إنت ملكش حل
والله مالك حل
ههههههههههههههههههههههههههههههه
إلاهي يفرح قلبك يا وليد
النهاردة لقيت بنوتة صغيرة فعلا حدود 15
ربنا يعافي ذريتنا يارب
والواد قدها ميزيدش
وواقفين في محطة اتوبيس بشكل مش عارفة أوصفه أدبا
ودايما أسئل نفسي
مش دي لو لقت أم بتشتغل ودن بعد الضهر
أو أب حنين وبيحب يحضن ويطبطب
مش كانت عاشت سنها الحقيقي بدل البلاوي دي
بس سيبك انت
حتى لو رشة دواخل
مفيش شيء مضمون غير ان كل واحد يعامل ربنا بما يحب ان يُعامل
لكن يروح للبنات اللي عند أم بطة
وبعدين عاوز الفابريكة اللي منضربش فيها مفك
ده عند أمه يا أدهم
كله سلف ودين وده حق لأن ربنا عدل
مساء الفل يا وليد
عيد الحب ده مناسبة زى اى مناسبة بس احيانا فرصة نفكر بعض اننا بنحب بعض او نتصالح لو زعلانين
ومظاهر الاحتفال دى الللى قولتها لا تنفع فى عيد الحب ولا غيره لانها سلوكيات مش تنفع اصلا
معطلنى كل ده عشان بوكيه ورد ده انا لو رن كفاية اى كان الهدية او طريقة الاحتفال فى النهاية ببيبقى المقصود بيها انهم لسة بيحبوا بعض وفاكرين بعض وهيقوموا ويببقوا جنب بعض طول العمر
كفاية رغى طولت عليك
يلا وكل سنة وانت طيب
كل سنة وانت طيب يا وليد
وكل الناس طيبين وعيد حب سعيد على الكل يارب
انا بصراحة بئيت احس ان عيد الحب دا زى ما قلت للى عندهم من 15 ل 22 سنة
دول اللى بشوفهم بدبابيب وقلوب حمرا في الشوارع اليوم دا
هما الكبار مش بيحبو ولا ايه ؟
انا ادايقت اوى من البنت اللى قالت معطلنى كل دا علشان ورد !!!!!!!!!
دا الورد دا احلى حاجة في الدنيا واحلى هدية بين المحبين
والراجل اللى يجيب ورد ويختاره ورده وردة دا يبئا راجل لا يعوض
الاول كان بييجي عيد الحب وكنت اتمني اني احب حد عشان في اليوم ده يكلمني بالساعات ويجيبلي وردة وقلب احمر
انما بعد ما اتخطبت ولقيت حبيبي
بقي كل يوم بيكلمني وحصلت حاجات كتير حسيت فيها بالحب ال بجد مش وردة وقلب احمر
وبقيت اما امشي في الشارع واشوف المحلات معلقة دباديب وقلوب وورد
يمكن احس اني نفسي فيها بس ارجع واقول ان الحب ما اختفاش عشان اعمله عيد ولا ان ال حسيت بيه مع حبيبي ممكن تفرق فيه ورده ولا قلب احمر
انا عارفة انه مش هيفتكره اصلا وانا مش هزعل انه مش هيجيبلي هديه لانه ال بيحب مش مستني ورده تفكره لانه مش بينسي اصلا
هابي نايس داي
هابي فالانتين
عيد الحب ده بكرهه بجد
و ربنا يسامحنا و يرحمنا من البلاوي السودة اللي بتدخل مجتمعاتنا دي
؟؟؟؟؟؟؟؟؟؟؟؟
اللي يغيظ اكتر ان الحاجات دي لما بتظهر في اوروبا بتبقى بسيطة
تيجي الشرق بقى تلاقي التخلف بجد
انا الاعياد اللي اعرفها
عيد الفطر علشان بنفطر بعد الصوم
عيد الاضحى علشان بندبح فرخة
عيد ميلادي علشان اسمع احلى كل سنة و انتي طيبة من اقرب الناس على قلبي و هو ده حلاوة عيد ميلادي
عيد ميلاد ماما و بابا و اخواتي علشان بحبهم جدااااااااااااااااااا
عيد ميلاد اغلى الناس علشان هو ده اليوم اللي اتولد فيه قلبي
عيد جوازي علشان ده احلى يوم عشته في حياتي و بتمنى كل الايام تبقى زيه علشان فيه اتجمع قلبي مع قلبي و بقينا قلب واحد رسميا بشهادة الشهر العقاري
ربنا يخليلي اهلي و حبيبي هم دول الدنيا اللي انا عايشة علشانها
غير كده بتمنى الموت و الله
بس برجع عن الامنية دي لما الاقي ان حبايب قلبي هيتعبوا و يزعلوا عليا
شكرا يا وليد على الموضوع و معلش اصلي مزاجي وحش الايام دي
وانت يا سيدى الفاضل و خطيبتك طيبون
و كل الناس الى بتحبهم
حدوتة فالنتين و الله احكيهالك :-) بس الرجل برئ من المناظر الى بتحكى عنها
بس انت بدور على ثلاجة مش كده
يعنى مصورفه من الثلاجة مصطلح اول مرة اسمعه:-)))
و حس انه بيحب واحدة كريازى :-))))
اقولك خليك فى شارب احسن :-))
يا خبر ابيض والله انت محصلتيش
بس سيبك انت انا بسمى اليوم ده يوم الحصبه العالمى الناس كلها بتبقا محصبه ولابسين احمر
انا مش ضد الاتحتفال بية
بس يعنى خلاص الحب بقى يوم فى السنة والباقى منسى ولا اية
واللى اتكلمت علية موجود وظاهرة بقت عادية خالص مهما انكرها البعض
مع خالص تحياتى
كل سنه وانت فى حب دائم يا عم وليد
احنا من جوانا نفسنا يكون كل يوم حب
تعرف يوم اللقاء حسيت اننا فى عيد حب تعرف لاننا جايين نشوف بعض من دون ادنى مصلحه حب لله بس ودا اللى احنا محتاجينه اما بقى اللى حضرتك بتحكى عليه وانحطاط الاخلاق دا ناتج عن حاجات كتير قوى قوى اولها التربيه والدنيا اللى حوالينا والتقليد الاعمى
سيبك انت الكلمه الحلوه والاحساس الحلو دا احسن شئ فى الوجود
الأهتمام بالطرف التاني..مشاركته حلمه
الصبر عليه وقت ما يكون في ازمات او محتاج حضن يحتويه
انه يحس بجد ان حد مشاركه حياته واخده بعبله كده
يمكن دة أكتر كلام يوجع
لان كتير بيدور عليه ونادر اللى بيلاقيه
والغريبة ان لما حد بيلاقية ممكن قوي ميقدرش النعمة اللى فى ايده
موضوع الكورنيش واوروبا دة انا خدت صدمتي منه جوة الكلية
والله كنت بحس ان الجامعة اتقلبت كباريه بدون أي مبالغة
بس برجع اقول ناس محرومة... مش محرومة من الفلوس لكن محرومين من الحنية ومشاعر الاحتواء بيدورو عليها بأي طريقة
أجمل ما في الحب مش بس اننا نلاقية
لكن اننا نحافظ عليه ونخليه يستمر صح
ربنا يباركلك في أحبابك يا وليد ويسعدك
تعليق مجمع لحد ما اتعشي
انا في البوست ده مكنتش بناقش عيد الحب من الناحيه الدينيه كونه صح او غلط حرام او حلال
انا مين انا عشان اقول حرام ولا حلال اانا لسه مجننتش ولا هجنن عشان أدّعي المعرفه في الدين
ثانيا
كل سنه وكل مدون يارب يبقي عايش في حب وبحب وبحيااااااااااااااهى حلوه مع شريك حياته
ثالثا
اللي سألني هتجيب ايه هديه عيد الحب
بشكر اهتمامه واحب اقوله
انا كان نفسي اجيب هديه من السما
ادي لللي بحبه عمر من عمري
بس ده مش هيحصل ومحدش يسألني ليه لطفا
وان شاء الله السنه الجايه لو كان مكتوبلي عمر وحياه
هجيب هديه وهبقي اقولكم ان شاء الله
كل سنه وانتم في حب كووووووووووووولكم
وليد ..
موضوعك ده ناقش حاجات كتير قوي
فعلا الناس بتحتفل بيه بطرق غريبه وتمشي في الشوارع تلافي المحلات كلها حمرا والناس لابسه احمر ولا كأن البلد عندها حصبه هههه
ايه ده وكل ده ليه
يعنى نخصص يوم واحد في السنه علشان الناس تحب بعضها فيه وبعد كده نكره بعض ونقرف بعض
انا في رايي اي يوم بيعدى على اتنين بيحبوا بعض وبيكونوا فيه كويسين ومع بعض بيبقى يوم عيد
ومش لازم الهديه الي تبقى قيمتها الماديه قد كده
يا اما ما تنفعش
الهديه مش بقيمتها الماديه على قد ما هى بمعناها
يعني في رايي كفايه ان الواحد يقول لخطيبته ولا لمراته كل سنه وانتى طيبه انا شايفه انه كون انه يفتكر يقولها حاجه زى كده معناها كبير قوي اكبر من اى قيمه ماديه
مش علشان جايب بوكيه ورد يبقى ده رد الفعل
انا رغيت كتير قوي معلش
وكل سنه وانت طيب وبخير
وربنا يوفقك يارب
فتاه من الصعيد
كل سنه والناس كووووووووولها بتفهم وتحب وتعيش وتتعامل صح
soul 000 whisper
احنا فعلا عندنا القدره والكفائه لتغيير موازين الجمال والحياه
وده تخصص لينا كشعب وبنعمله بجداره
بس صدقيني ممكن يبقي بين اتنين ومش قادرين يواجهو حد لعدم تفهم او غباء من الحد التاني
وهما بيبقي مقدمهموش غير كده
انا مش بحلل اللي بيعملوه بس المسئوليه مشتركه
نورتيني
شيما
كل سنه وانتي طيبه
والسنه الجايه يبقي معاكي نصك التاني
البنت مش سخيفه البنت كانت مش بنت اصلا
لان مظنش ان فيه بنت ومخطوبه لواحد هي اللي كانت مختاراه ويطخ مشوار ليها من العبور لمدينه نصر
واخرتها تقوله كده بنات اخر زمن والله
كلامك صح و بجد تنفيذه بيدي للطرف التاني متعه اجمل
شيما
كل سنه وانتي طيبه
والسنه الجايه يبقي معاكي نصك التاني
البنت مش سخيفه وبس دي كانت غبيه
لان مظنش ان فيه بنت ومخطوبه لواحد هي اللي كانت مختاراه ويطخ مشوار ليها من العبور لمدينه نصر
واخرتها تقوله كده بنات اخر زمن والله
كلامك صح و بجد تنفيذه بيدي للطرف التاني متعه اجمل
صيدلانيه طالعه نازله
يا دكتور نحن بدأنا من حيث انتهي الأخرون
بس تعرفي ان الجانب بيعرفوا يحبو بعض لالاسف بطريقه اتفقنا او اختلفنا معاها بس انضج من كتير من ناس في بلدنا بكتير
هابي فالنتيم اي خدمه
خواطر شابه
لا عندنا غير عندكم خالص
والحب عندنا بيتركز ويتمركز ويمارس بعنف وبشده ومش علي استحياء خالص
هابي فالنتين
حفيده عرابي
نورتيني والف شكر لكلامك
لا هو مش بس ده السبب طبعا بس احنا برده بنخلي الموضوع اووووووووووفر بشكل وحش
كل سنه وانتي طيبه
على فكرة انا من الناس المتدينين إللى بيقولوا إن الإحتفال باليوم ده لا يجوز
بس مش لدرجة العبط يعنى واليوم خمر ونساء وغدا نقتل أتباع قريش
أكيد إللى مش بيحتفل باليوم ده مش معناه إنه عبيط وعايش فى عالم متخلف
إنما فعلا واكيد إنت عارف ليه اليوم ده لا يجوز وعارف إن ممكن نعبر عن حبنا لناس كتير فى اى وقت
أحسن من اما يكون مجرد بروتوكول بيتعمل فى اليوم ده لمجرد إن الواحد مينحرفش عن الجماعة ويمشى على الموضة
ومع ذلك مرة واحدة صاحبتى جابتلى وردة وإحنا فى الجامعة فرحت بيها جدااا فى اليوم ده
بس فى نفس الوقت خبيتها فى الشنطة وانا مروحة علشان وردة زى دى فى يوم زى ده ممكن تشبه أى بنت او توقف حالها .. والواحد كان لسة فرى وعايز يشوف حاله
سبايدر مان
والله العظيم انا مسلم وبصلي من سنه 97 وموحد بلله
انا مقصدتش اني اشيع حاله الفحش ولا احتفال باعياد غير اسلاميه
انا باصص لموضوع تفاعلنا معاه
مش حرمانيه او حل الاحتفال بيه
الف شكر علي تذكيرك
وكل سنه وانت طيب باي مناسبه حلوه ليك وعندك
ايمان
لا يا ايمان فعلا انا اوحش من اوربا
لان هناك ممكن يبقي فيه عذر بلانفتاح الزياده عن اللزوم انما هنا قله ادب بتحصل باسم الحب
كل سنه وانتي طيبه وهابي فالنتين
دكتور ستيته
الله يباركلك تملي رافعه من روح اخوكي المعنويه
هو اللي انتي شفتيه ده ابلغ دليل علي مستوي التربيه واندحاره بصوره هتخليه كمان كام سنه يدخل موسوعه المستحيلات
كل سنه وانتي واسرتك في حب وخير وسعاده ورضا من ربنا
نجمه في السما
مهو مش كل الناس اللي تقدري بس اكيد لما تشوف زمن غير زمنه
هتقول ولا يوم من ايامك يا فرج
فرج مين المهم
كل سنه وانتي طيبه
هابي فالنتين
ريم
واتي طيبه وكنزي طيبه يارب
لا عمر الحب ما كان له سن انا شايف اني لو عندي 103 سنه هنزل واجيب لمراتي حته بجنيه لب مش لازم ورد افرضي بتاع الورد كان بعيد وانا صحتي هتكون علي قدها
بس سيبك الحب نعمه جميله جدا بس اللي يفهمها
وصف الاحساس
اولا ربنا يكمل خطوبتكم علي خير
والسنه الجايه تحتفلوا بيه في عش الزوجيه
تصدقي ماشاء الله انتي عاقله
فعلا موضوع انه يجيب او ميجبش مش ده معيار الحب
بس اكيد هو اصلا هديه في حد ذاته عششان كده انتي اختارتيه
ربنا يوفقكم
وهابي فالنتين
واحده مش عبيطه ومش هيضحك عليها
والله مش عارف حسيت انك مرات اخويا
لان اسلوبك قريته او كلمته قبل كده
مش عارف المهم
كل سنه وبابا وماما واخواتك وحبايبك وخطيبك طيبين وبخير وبصحه وفي حب دايما يارب
ليه تتمني كده الحياه حلوه وبكره باذن الله تتعدل وتحسي انك عايشه مبسوطه
بس تلاقي شويه ارق وضيق هما اللي خنقينك
فكيها واستمتعي الحياه حلوه بس نفهمها الحياه حلوه قوي والله بس بصي لنص الكوبايه المليان
هابي فالنتين
واندا هانم
كل سنه وانتي طيبه
أنا بقي يا واندا معلوماتي عن فانتين الكبيرده
انه صاحب ومؤلف اغنيه افرد حناجين الشوق وتعالي نطير علي فوق
وهوووووب راح نازل علي جدور رقبته
وعشان كده كل المحبين اتفقوا اتفاق ضمني انهم يعملولوه حفل تأبين سنوي في ذكري رحيله
ومش هختلف معاكي فس اسم التلاجه
شارب - كريازي- ايديال
تعددت التلاجات والبرود واحد
الوعد هو الوعد
الله يخليكي وحصلت وفي مني كتير بس بصي حواليكي
كل سنه وانتي طيبه
هابي فالنتين
تامر بيه نبيل
والله يا تامر اللي فاهم وغارف يعني ايه حب
مش بيستني يوم يحتفل بيه بحبه لانه بيتنفس حب
نورتني يا كبير
رومانسي
احمد بيه مدير امن منوف
والله يا احمد احنا بنحب نعيش فعلا عمرنا كله في حب بكل معنيه
وفعلا يوم اللقاء كان يوم ممتع ومليان حب واحترام من كل الموجودين واللي مش عاجبه براحته
وبخصوص تقليدنا فهو مش اعمي بس لا ده تقليد فاق الأصل
أصلي يا معلم
منوووووووش
ليه كلام يوجع
ده بجد ده لو حصل هيكون الحياه طعمها ولا فانتا تفاح في عز الصيف
يااااااااااااااااااه
اجمل ما في التعليقات كلمتك
الللي مبيقدرش النعمه الا بعد زوالها
بس تصدقي يا منووووووش
والله العظيم الحب بيخلي للدنيا بجد طعم ولا اروع من كده
بس ده لو كان حب حقيقي مش تمثيل في تمثيل
واهم شرط من شروط استمراره انه يستمر وينشر ويتوغل ويملي كيان الشخصين ويتوحدوا في قلب واحد
تحياتي ليكي
اميره
مهو لالاسفه احنا كل حاجه في حياتنا بقت للماضظهر والخداع وخد وقتك وزمنك وكفايه لحد كده
معندناش الوسطيه لا في الحب ولا في الخصام وفي الكلام وحتي في اي حاجه حلوه ربنا يعفينيا
وكل سنه وانتي طيبه وربنا يوفقك في حياتك
ام بوبه
اولا انا ما انكرتش ولا اثبت ولا لمحت لكونه حلال او حرام
وانا بصراحه ولو جبت لحبيبتي ورده في يوم زي ده مش معناه اني اتبعت دين وعقيده فالنتين
لا اله الا الله محمد رسول الله
ومقولتش اني اللي مبيحتفلش في اليوم ده بيكون انسان رجعي مثلا او عبيط
خااااااااالص
وبعدين انا معاكي في حته ان الحب مش محتاج يوم معين ولا وقت معين نحتفل فيه بحبنا لاي حد
لان الحب لوحده عيد مستمر
بس يبامانه لو الدكتور مجبلكيش ورده في اليوم ده مش هتحسي انك زعلتي ها؟؟؟؟؟؟؟؟؟؟؟
الحقيقة هو مفيش اعياد نحتفل بيها وندخل السرور على انفسنا وغيرنا الا عيدين عيد الفطر وعيد الاضحى
اما الفلانتين مبعتبروش عيد بعتبرو فتنة
لما حد محترم او متدين يشوف المناظر اللى بتحصل بيتفتن بيها هو كمان واوع حد يقول دا شامل الكل يعنى نحب جارنا او قرايبنا او ابن لان العيد دة معمول لحب راجل لست حب من نوع خاص يعنى اللى سارحين فى الشارع اللى حضرتك بتتكلم عليهم حتى اللى جوا الجامعة المفروض مباحث الاداب تلمهم وعلى فكرة الاطفال الصغار بتقلد المناظر دية كمان وتخيل بقا طفل بيقلد وشاب وفتاة متدينين بيتفتنوا حتى العواجيز والقلوب الحمرة والدباديب وياريتها محلية الصنع لا دى كمان مستوردنها الحب يبقا كل يوم باحترامنا لغيرنا واهتمامنا بية ومحافظتنا على مشاعرة وازاى نفهم غيرنا ومنعملش اى حاجة بضايق غيرنا وبتضرة
والرئيس فى العمل يراعى الله فى الموظفين عندة ويعاملهم معاملة كويسة ويقدرهم ذى ما بيجتهدو وشايف اجتهادهم نتعلم ازاى نقدر غيرنا علشان يحب عملة ويحب الحياة
ونراعى ضميرنا فى كل حاجة الدكتور ييراعى ضميرة ويراعى مرضاة قبل كل شىء والمهندس والشرطى والمحامى لحد النجار
وبكدة الحياة هتبقا جميلة وهيبقا فية حب حقيقى
وليد...بص بقى أنا كنت هكتب عندى بوست بالمناسبة دى...بس انت خلاص كتبت وقولت كل اللى كان نفسى أقوله...
فعلا عايزين الحب ميبقاش بتاريخ ويوم وبس عايزينه يبقى طول السنة...وممكن "كلمة سنة وانت طيب" من حبيب لحبيبته" ومن زوج لزوجته ومن أم لأولادها ومن أب لأولاده ...تبقى أحسن من مليون وردة ومن مليون هدية ...بس يبقى حب بجد وصادق
كل سنة وانت وسارة وكل اللى بتحبهم فى أحسن صحة وتحبوا بعض بجد وطول السنة مش يوم واحد فيها
دمت بخير
أحلي ما في حياتنا وجود الحب فيها وأحلي ما في الحب اننا نتمني دايما نحس بيه في كل وقت ...
وان كانت وجهة نظري غريبه مش عارفه ممكن لأني كنت بشوف ناس بتحتفل بيه كل واحد بطريقته الخاصه..... بردو مش عارفه بس ممكن ناس كتير جدا بتحتفل بيه كمجرد تجديد لحب بينهم أو علاقه كويسه في حياتهم بس للأسف الناس وناس كتير جدا غالت فيه وبطريقتهم فيه....
اعذرني يا عم وليد علي كلامي بس بجد بتمنالك انت وساره بالرغم من عدم وجود الهديه اللي هيا أصلا مالهاش أساس في وجود الحب بس هيا مجرد دليل مش كافي...... كل الحب والسعاده في حياتكم ويارب مايحرمكم من بعض أبدا
كفاية كده بقي
أنا عايزة أقولك بقى إن الدكتور كان عنده نبطشية إمبارح وبايت بره البيت كمان .. ووالله معرفتش إن النهاردة الفلانتين داى إلا لما فتحت التيليفزيون ولاقيت الكل لابس أحمر وبوكيهات الورد منتشرة
وكمان لما شوفت البوست بتاعك
هو بس يبقى يجبلى وردة فى العيد الكبير حتى .. ساعتها هيبقى فضل وعدل من عند ربنا
كفاية دخلت أبو بوبة عليا كل يوم بشنطته وبكيس القلبظ بتاعى وبتاع بوبة بالدنيا كلها
نسيت اباركلك على النيو لوك بتاع المدونة حلو أوى وألوانه مريحة للعين
مبروك
___________________________
آه حبيت أقول حاجة .. الفكرة مش إن إللى يحتفل بعيد الحب يبقى على عقيدة فلانتينو لأ أكييييييد مش ده السبب إللى بيحرموه علشانه
ليه دايما بنحب نكبر الأسباب أوى واحنا متاكدين إنها مش الحقيقة والموضوع أقل من كدة .. هو اكيد مش من الكبائر يعنى .. بس مش معنى كدة إن الصغائر تجوز .. وأغلب أفعالنا دلوقتى كلها صغائر وحاجات كتير اوى محتاجة تتصلح
حتى لو مش من منطلق دينى
الفكرة حتى لو هتكون إن كل بلد وكل مجتمع يحتفظ بتقاليده أو يعمل لنفسه تقاليد خاصة بيه وإتيكيت خاص بيه على طريقته مش ساعتها هتكون الصورة أجمل وأرقى ليه ميكونش عنتر وعبلى داى .. أو قيس وليلى داى
ههههههههههههه
هسألك سؤال ياريت تجاوبنى عليه بصراحة
لو اختك رجعت اليوم ده من كليتها وهى معاها بوكيه ورد أو دبدوب أحمر وماسكاهم كدة وماشية فى الشارع لحد ما وصلت للبيت .. هتقتنع لو قالتلك إن واحدة صاحبتها هى إللى جبتهولها .. ولو قالتلك إن حبيبها إللى جبهولها هيكون رد فعلك إيه ؟ بما إنه يوم الحب ولازم كل إللى بيحب يعبر عن نفسه فى اليوم ده وميتكسفش من حبه ولا يداريه .
وكل سنة وانت طيب إنت وسارة وربنا يجعل أيامكم كلها أعياد حب
وتبقى وليد وسارة دايز مش داى واحد بس
وليد
-*-*
انا جيت متاخره معلش
بص بقى بيقولوا عليا انى عندى مصطلحات غريبه عجيبه لكن انت بقى كسرت القاعده وعندك مصطلحات اغرب من الخيال
تصدق ان معظم الناس فاهمه الحب غلط يعنى الحب مش مجدر يوم وخلاص نووووووووووو
الحب مش بين الرجل والمراه لكن مفهوم الحب اشمل واوسع من كل هذا الحب مش مجرد كلمتين وبس لكنها مشاعر رقيقه ومشاعر راقيه
دمت بكل خير يا وليد
وكل ثانيه وانت بخير
زهراء
غير معرف
طبعا مفيش احسن من عيد الفطر والاضحي
وفرحتنا بيهم ملهاش زي
وانا ما قولتش ان عيد الحب
لابد من اعتباره عيد قومي ولا غيره
وفعلا اللي بيحصل في الشوراع يوم عيد الحب مش صح خالص
اقصد المشيات والايحاءات والمناظر الجنسيه مش الورود ولا الدباديب
الحب معناه اشمل من انه يتحصر في علاقه عاطفيه بين راجل وست
حب الحياه
حب الاهل
حب الناس
حب الخير
حب الجيران
حب الدنيا وبكل ما فيها
بس كله يتوظف في ما يرضي الله
وربنا يجعل ايامك واحلامك ولحظاتك كلها حب وخير وهنا وسعاده
نورتني يا باشا
شيماء
اولا انا اسف لو كنت رخمت بالبوست ده
واكتبي اللي عايزه تقوليه
لان كل واحد ليه وجهه نظر
بس احب اقولك ان الحب اجمل ما في الحياه
اقصد الحب للحياه وللاهل والصحاب وشريك الحياه
هو البني ادم مننا غير شويه علاقات فوق بعضيها
يارب السنه الجايه تحتفلي بيه في عش الزوجيه
وساعتها غرقي الدنيا ورد ودباديب براحتك
بيت بقي وانتي حره فيه
هابي فالتنين
فريده
الحب فعلا لو كان حب ناضج وكامل يبقي اجمل حاجه في الحياه
طبعا كل واحد حر في طريقه احتفاله بس الفوره في اي شيء بتخليه يخرج عن معناه ويلوثه
وبعدين يا فريده كلامك فوق دماغي ومستاهلش الاعتذار
دي وجهه نظرك وانتي حره فيها واحترامها واجب علينا
هابي فالنيتن
ام بوبه
اولا الله يبارك فيكي
ايه ده يعني انا السبب اني افكرك بعيد الحب طب كويس اديني بشارك في تذكير الناس وانتعاش حركه بيع الورود
كده هطالب بنسبه من محلات الورد
وثانيا الدكتور لو جابلك اي شيء في اي وقت فده دليل اني راقي ومتذوق لطبيعه العلاقه ولو مجبش يبقي اكيد نسي او ملقاش حد في طريقه وهو مروح
وبخصوص عنتي وعبله فانا مع رأي البرنس دووووووووووولا
لما قال عنتر ده كان فاضي ويدوبك بيتمشي بين كام نخل يجمع بلحهم ويفضي لعبله
هههههههههههههههه
مكنش فيه مسئوليات ولا ارف والجو كان نضيف ويساعد علي عبلنه وعنتره زمانهم
بخصوص سؤالك
لو اختي جت من الجامعه وجايبه ورده
معاها اولا انا مليش اخوات بنات
بس لو كان ليه
كان بقت وقعه اهلها سودا ومكنتش هتشوف شكل باب الكليه تاني
ايه يا باشا احنا من اسوان
وبعدين انا عندي او عندنا الحب ملوش غير الأطار الرسمي وفقط غير كده يبقي قله ادب
واذا كان الواحد عنده استك في مبادؤه
الاستك هييجي هنا ويتقطع واقطع معاه رقبه اختي
دي الصراحه ولا اكدب
بس تصدقي والله كان نفسي يبقي ليه اخت بنت واحس بيها وبحنيتها
يلا مفيش نصيب ومتقليش ممكن ابويا وامي فوق الستين
ههههههههههههههههههههههه
لولا وزهره
لا ابدا مجتيش متأخره ولا حاجه ده بيتك وتعالي في اي وقت
مالها بقي صحيح مصطلحاتي ها؟؟؟؟؟؟؟؟؟؟؟؟
دي مصطلحات موظفه لخدمه غرض البوست بس منكرش اني عندي مخزون شخصي للمصطلحات اكتر من كده وبيجي وقت بستخدمه كتير لغه متدواله بقي
وحقيقي ان جمال الحب ليه مليون طريقه للتعبير عنه بس صدقيني الورده لو كانت مكمله بتبقي ليها احسلس مختلف بس اللي يقدر
هابي فالنتين يا زهرا ء
ازيك ياوليد باشااااا ...
اول شى مبروك على الشكل التحفه
بتاع المدونه ...
انا عارفه انها متأخره بس اعمل ايه مانا محبوووووسه وااااااااااء ..
المهم ماعلينا ...
عيد الحب ده اصلا المفروض يبقى كل يوم مع كل اللى حوالينا اى ان كان نوع الحب ...
زى بالضبط كده شهر العسل هو المفروض مايبقاش شهر يبقى عمر بحاله عسل .. مهما تخللته من مشاكل سطحيه لا تؤثر ...
بجد تسلم على البوست ...
وكل سنه وانت طيب ..
وكل سنه وساره طيبه ..
وربنا يخليكوا لبعض ويهنيكوا ...
سلامى ليهااااا ...
... ;) ,,, ;) ...
غاده هانم محسن
اولا الله يبارك فيكي ومش متاخره ولا حاجه
انا من هنا احب اشكر اختنا مها لانها هي اللي قامت بتجديدات المدونه
الف شكر يا مها
ثانيا فعلا الحب بكل انواعه محتاج يتعاش كل ثانيه في حياتنا
مع الاهل والصحاب والجيران والاخوات والزمايل وخصوصا في الجواز
اعمل ايه بقي نفسي اتجووووووووووووووووووووز
ربنا يقومك من امتحانتك علي خير وتخصليها بتوفيق وبكل نجاح
هابي فالنتين ليكي ولرانيا اختك المؤدبه جدا
وليد .....
حلو اوي الموضوع بتاعك و طرحت الفكرة فيه بطريقة حلوة و شيقة اوي
و على فكرة انا مش متاخرة و لا حاجة لاني علقت قبل كده
هههههههههههههههههههه
و كنت مخنوقة شوية
اكيد عرفت انا انهي تعليق اللي علق عندك دلوقتي
عموما كل يوم و انت طيب يا وليد
مش هقولك كل سنة علشان فلانتين و قرف
ربنا يسعدك يا رب دايما
تقبل خالص تحياتي و تقديري
هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه
سوق العرايس بالنسبة للناس البتتكلم عنهم دول... بيبقي (سوق الجمعة) علي طول....
حتي ال بتكون دواخل فبريكة... بتبقي رشة خوارج... وال مش رشه خالص... برضو اسمها كسر الزيرو...
يعني مش زيرو برضو...
تحياتي
تعليقين في بوست واحد مره واحده يامها
ايه الرضا ده ده ولا رضا عبد العال فاكراه
كل سنه وانتي طيبه باي مناسبه وباي لحظه تكوني مستمتعه بيها وفيها بس فيها لأخفيها
ابو علي
والله يا ابو علي لو كان مضروب فيها مفك واحد فانا من الناس اللي بجد تؤيد وتبايع عدم اتمام الصفقه لانها used
ده رايي البسيط
وعليك انت بقي يا معلم وعلي سوق الجمعه وانت ورزقك
ليدو حبيبى
وربنا انا ما مبطل ضحك طول ما انا بقراء البوست
يابنى انت اخف دم عرفته فى حياتى ... طبعا بعدى ... لانى مش عايزك تتغر
وتحس ان لسه فيه حد بتنافسه
صحيح يا وليد
ما هو لم مجبش دبدوب ممكن يتقال عليه شلحت كرداف او كرداف ارارى
وبعدين انا اوافقك الرأى اللى بيصلى الفجر حاضر هياخد مين يعنى لواحظ ولا ام زينهم
وبعدين فعلا اللى يقولك مبشوفش الحاجات دى يبقى فعلا واقف ع المسرح فى مسرحية تراجيدى جدا
او عايش ف دير سانت كاترين
بس انت الوقت لبخت الناس يا وليد
يعنى لو حد محتفلش يبقى شلحت
ولو احتفل يبقى امه بتاكل مسقعة
هههههههههه
عسلية ي وليد والله
يا ترى ايه كانت الهدية بليز
كرما
Post a Comment