كل واحد مننا ممكن يتسأل أسئله من اللي حواليه
وميكنش أدامه غير انه ميريحش اللي بيسأله
أو لو جاوبنا صح يبقي هنسيح لنفسنا......
ساعات بجاوب علي اسأله االناس وأحرق دم اللي أدامي
وساعات أقول حاجه خفيفه وساعات اجاوب بتوريه
وأهزأ كرامه أم الي بيتطفل عليا.. وساعات وساعات
مهو أ نا لو سكت اموت ربنا خلقني كده
من الأسئله سألتها أو أتسألتها مثلا
أيام الجامعه سألتني بنت زميلتي عن الحزب السياسي الي بنتمي له
( كنت واقف مفلس ساعتها) ....
قلتلها الحزب الأنهزامي التقدمي اللوزعي كستنائي جذاب
قالتلي ده لون شعرك ولا حزبك؟؟؟؟
قلتلها لو ن قهري.............
أما بقي سؤال المنجد اللي قريب من بيتنا ده كان حسد ابن كلب
(قالي هو أنا كل أما أعدي وأشوفك القاك بتضحك ومش شايلها هم) والله وش كده
قلتله مهو أنا لو قضيتها حزن ودموع هجيلك كل شويه أخد كيس قطن من عندك
وأنا أعرف انك راجل خسيس وقليل الأصل مع فمضيها ضحك
(نورتنا شد)......
ولا صديقي الصدوق وجاري الخلوق أمير وهو ما شاء الله أعمال حره
( يدوب حرامي موبايلات في الميادين المهمه)
سألني مره وقالي هو انت ليه شايل الموبايل اللشلح ده
اللي ميسواش 300 جنيه
قلتله مهو أنا كل أما أفكر أجيب موبايل عليه القيمه
أفتكر انك عديم الزمه والضمير...............
السؤال ده بقي كان من جار ليا سلالم بيته بتكرهه
قالي( هو ليه كل جيرانك بيحبوك ومحدش بيقل معاك)
قلتله اصل أنا اهبل وعلي رأي المثل اللي بيقولك.....
لا ( تعامل) الهبل ولا تخللي الأهبل( يعاملك) والشباب هنا تفهمني أكتر
سؤال مهم لمستقبلي بقي وكان انا اللي بسأله لأخو خطيبتي وهو اصلا صاحبي !!!!!!
بقوله الا هو انا لما أقابل أبوك واقعد معاه تعرف ايه هي طلباته عن الجهاز وكده
قالشي هو مش هيكتر عليك....
هيقولك هات أوضه النوم والأنتريه والسفره والنيش واجهزه المطبخ والسجاد !!!!!
قلتله ياااااه بس(ما يجي ينام معايا ويخلصني).......
السؤال اللي جاي ده بقي قصه لوحده .... وأنا اللي سألته لواحد صاحبي
صاحبي ده عنده محل طيور ومكنش مهتم بالتعليم ومن زمان والطيور هي شغلته
وأكل عيشه.....
صاحبي ده مجوز وعنده ولد وبيحب واحده مجوزه وكمان عندها بنت نصحته كتير
ياابني حرام لحد ما زهقت ..... هي لالامانه زي القمر وخريجه كليه قمه !!!!!!!!!!
ومره وانا في عربيته شاورلي علي دراي كلين وقاله اللي واقف ده جوزها
والمحل ده بتاعه .... وموظف الصبح في وزاره العدل
سألته لما ده جوزها وشغال شغلتين مستريح يعني وشاب زي الورد
ايه اللي يخليها تخون........(قاللي أصله مش مثقف)
وش كده مش مثقف ياعيني
قلتله أحا مش مثقف ( بفرضيه انه مش مثقف تخونه)
قالي بايه قلتله احا كمان مره ده انت وقعت مني من اول كلمه
هي هربت من مكوجي بدماغها وجاتلك ده انت كللجي
صدعتكم يلا سلام
25 Comments:
ghada mohsen
لا ابدا احنا اخوات وده اجمل ما في التدوين زي مافيه الاعلام البديل
فيه الأخت البديله
وربنا يكتبلنا كلنا الخير والجنه
ان شاء الله ربنا هيعدي الايام دي على خير
و اللي انت حكيتهولي عارفة انك كنت مخنوق و انا حبيت اسمعلك و على فكرة انا اختك و انت اخويا يا وليد و وقت ما تحس انك مخنوق من حاجة مش هقولك تفضفضلي لا
بالعكس احنا اخوات و لو بجد حاسس انك محتاج تكلم حد هتلاقيني ان شاء الله
و احمد بجد بيحترمك اوي و بدا يغير منك من كتر ما بتكتبلي تعليقات
ههههههههههههههههههههههههههه
يللا بقى اضحك شوية
طنش تعش تنتعش
مع خالص تقديري
عندك حق ياوليد والله أنا كنت لسه بعلق على بوست أميرة الأحلام وبقولها اننا بنبقى راضيين بقضاء ربنا فى أى وكل حاجة وبنبقى عايشين فى حالنا وتبص تلاقى المتطفلين دول مش مريحيين نفسهم أبدا... المفروض منبقاش نريحهم أبدا ونجاوب
أنا مش عارفة أوى ايه المشكلة اللى عندك ومش عاوزة والله أعرف أنا بس عاوزة أقولك ان الخير فيما اختاره الله
سلالالالام
وليد
ايه اخبارك ...
طمنا عليك ... مش عايزه اكون متطفله بس بجد والله بعتبرك اخويا وعايزه اطمن عليك
ان شاء الله تكون بخير
ربنا معاك ويعملك الخير دايما
شيرين
ياااااااااااااااه يا بنت الذين
دخلتي وعلقتي كده ومشيتي يخربيت دماغك
سلمتيلي علي ايات ولا نفضتي تعرفي يا شيرين والله يا بنتي الغريب اني مش لاقي حد يستاهلك وحتي الكلب مصطفي صاحبي كويس بس لو شفتيه تحسي انه من زماااااااااان اقولك اصلي نفسي ارقص في فرحك انتي يااااه عشره عمر
ربنا يا رب يديم مبينا المعروف بجد انتي اختي اللي امي مجبتهاش وربنا لأظبط موزه بسرعه عشان اجيلك بور سعيد
يلا هكلمك علي الموبايل
Post a Comment