يوم جميل قوي وصحبه اجمل


بجد انا جاي من لقاء اسكندريه وانا لاول مره اتضايق اني محضرش لقاء

من اوله الجو في اسكندريه تحفه جدا تحفه بجد يا نهاري علي جماله

ومش هشكر حد من المدونين عشان محدش يقول انت كل الناس عندك حلوين

بس في نفس الوقت مش هقدر اقول غير شكرا للوقت الللي قضيناه معاكم

يا اهل ومدوني اسكندريه

مارو مدونه ريتشارد قلب القطه دودو عاشقه الرومانسيه

زهراء مدونه لولا وزهرا قمرايه بنات اسكندريه حنان الشافعي
انجي مدونه هات من الاخر
اسماء نسيت اسم مدونتها
مي مدونه رحيق الورد 0 احمد البطراوي

والله مافاكر كل الاسامي بس كل اللي عايز اقوله للناس دي بجد

كنتم سبب ان كل مدوني القاهره اللي جم يستمتعوا بيوم حلو قوي

بدأ معايا روحت الهايكستب بخلص ورق الاعفاه وخلص الحمد لله

بسهوله ويسر وركبت من رمسيس وروحت علي الساعه 3 العصر كده

علي كافيه الزعيم في بحري مكان ما كانو قاعدين

والله ما عارف اقول ايه لاني بجد استمتعت جدا بكل اللي كلمتهم

المهم عشان مطولش علي نفسي لاني جاي فاصل

قومنا انا وفاتيما وخالد وشريف وضياء واحمد علي والبطرواي ومروه قلب القطه

والحشد الكريم يخرب بيت فقرك يا مروه

وعزمتنا علي مركب

صحيح انا محبتش اركب مركب لاني بصراحه

في دماغي انا لما تكون معايا حبيبتي هركب مركب لاني حسيت

اني هستمتع بشيء هي مش هتشاركني فيه

وفضلت اخلي ركوب المركب ليوم تاني تكون معايا فيه

واحب اقولها من هنا بجد كان نفسي تكوني معايا كان اليوم هيبقي احلي بكتير

بس اكيد باذن الله وربنا يقرب البعيد هيحصل بعد الجواز اني هبهدلك مراكب مع اني بغرق

في شبر ميه بس انا عارف انك هتكوني مبسوطه وانتي معايا وانا هكون طاير من الفرحه

وانا معاكي واجيب معايا ام بي فور واسمعك اغنيه هاللو ليونيل ريتشي

وبعديها اروح ذقك في الميه وانهي بنفسي اجمل حدوته بنهايه دراميه

منها اتشهر وتنزل صورتي في جرنان الاخبار اللي محدش بيشتريها

ومنها تموتي شهيده مهو الغريق بيبيقي شهيد مش كده ولا ايه؟؟؟؟

شوفتي بقي حاببلك الخير دنيا واخره ازاي

المهم هما ركبوا وقعدت مع مي وحنان وزهره علي كورنيش القلعه

القعده عليه مش هوصفها لان اي كلام علي جمالها هيفقدها معناها وجمالها

وبعد ما خلصوا المركب روحنا كلنا

وهنا ليه ملحوظه كلبوظه

اولها اني مبتعلمش من اخطائي في اختيار اكلي في اي مدينه ساحليه بروحها

وانصح اي حد مياكلش بيتزا في اي مدينه ساحليه ويخليه في السمك

لان سبحان الله مكلتش بيتزا في اي مدينه ساحليه عليها الطلب

وبعد كده اتفق الجمع علي قرار مروه قلب القطه وكذلك الشقيقه دودو

علي الذهاب الي مراجيح مولد ابو العباس

وركبنا المرجيحه اللي ركبها اخونا في الله حليم في فيلم يوم من عمري

وكانت اول مره اعملها لاني مش من هواه المراجيح

وغنينا ضحك ولعب وجد وحب انا وفاتيما ومصطفي ودودو

وبعدينا حنان الشافعي ركبت مع دودو تاني عسل يا حنان والله

ربنا يوفقك وتخلصي امتحاناتك علي خير

طبعا في المراحل اللي بكتبها بسرعه دي

الوقت كان من جماله بيتسرق بصوره غريبه

لاول مره احس اني بجد مبسوط بخروجه ولو ان كان ينقصني حبيبي يبقي معايا

وروحنا ركبنا ووصلنا مصر علي الساعه اتناشر ونص

بس بجد يوم جميل جدا جدا جدا

وانا اتبسطت جدا

بشكر كال الناس الللي اتصلت بيا تتطمن ووكده واحب اشكر زهرا علي وجه التحديد هي وريم

لان ريم وزهره بصراحه كانوا متبعين في الذهاب ريم وفي العوده زهرا

خطواتي ولا اكني كريم ابن اختهم وكأني هتوه

واحب اقول ان اليوم كان ناقصه منونه وهي بجد من الناس اللي عندها

حضور وعقل وخفه دم تخلي شكل اي يوم تكون موجوده فيه كلقاء جميل ولذيذ

واتمني تكون معوقات عدم مجيك المره الجايه قد تم التعامل معها علي اكمل وجه.

وتكوني معانا المره الجايه

كيارا هانم مني سليم طبعا وجودها جميل وروحها حلوه وربنا يوفقك

ويتمم موضوعك اللي بتتمنيه

علي خير لانك محترمه وتستاهلي كل خير

دكتوره ستيته

مش هقول بجد ان من جمال اليوم كان نفسي تكوني موجوده عشان تستمتعي

بالصحبه الحلوه اللي كانت موجوده بس طبعا ظروف امتحانات ولادك منعتك من الحضور

بس والله فعلا افتقدنا وجودك بينا انهارده قوي

ناس كتير اكيد نسيتها كانت موجوده

ناس اكتر كنت اتمني تيجي معانا
زي اختنا غاده محسن ورانيا محسن
ونوران خيخه ومش اي كلام وداليا هانم قوس قزح كتير الاساميلو عديت مش هنام

اسف لكل اللي بجد مسعفتنيش ذاكرتي ان اكتب اسمه وده زهايمر

مني ولا يعني اي شيء اخر لان بجد كل الناس اللي كانت موجوده كانت روحها حلوه وجميله

احب اقولكم تصبحوا علي خير وبجد والله من جمال اليوم مكنش نفسي ارجع او ينتهي بسرعه

وبعتذر لاي حد انا كنت سخيف عليه او اتضايق مني ورغم ان ده محصلش

لاني لذيذ وشاب عسل ومليش مثيل وفي قمه التواضع

ونتقابل يارب دايما علي ود وخير ومحبه خاليه من اي لون من الوان المصلحه والانتفاع

يلا بقي وقتكوا انتهي ومش طلباكم اكتر من كده

مراسل قناه هي وظروفها

الجامد قوي وليد الدوغري

حد ليه فيه انا شايفني جامد

سلامو عليكو

51 Comments:

خواطر شابة said...

مبروك عليكم اليوم الجميل وعقبال لقاءات جاية كثير ان شاء الله
أعجبتني فكرة انك غي كل حاجة بتستمتع بها بيكون نفسك حبيبتك تكون معاك ده شعور جميل ربي يديمه عليك ويتمم لك بخير ان شاء الله
تحياتي وودي

خواطر شابة said...

تاني تدوينة على التوالي أكون أول تعليق الظاهر انا حاطة حارس على باب المدونة اول ما انت بتكتب بيجي ينبهني ههه

هي وظروفها said...

نوجااااااااااااا

ربنا يخليكي ومنوراني طبعا

ايه يا عم تاني مره ده انا كده ابقي محظوظ والحاجه داعيالي

فكره انك تشاركي حد بتحبيه ونفسك تكملي معاه حياتك وتبقي طايره من الفرح وهو معاكي يخليكي تتمني انه يكون مشارك ليكي في كل لحظاتك وخوصا الللي تقدري تسعديه او تفرحيه او تستمتعي بوجوده معاكي فيها
من اجمل مراحل الحب لان الحب كوجهه نظر ليا هو مشاركه لامغالبه
قلبت معايا بسياسه اهو يرضيكي كده
نورتي يا نوجا

الـسـيـدة نـون said...

المرة الجاية هابقى معاكم ان شاء الله يا وليد

والحمد لله انكم اتبسطتوا
وان يومكم كان جميل

وحمدا لله على سلامتكم



سلام
اختك خيخة

غير معرف said...

ايه التواضع اللى دمه تقيييل ده ؟؟؟؟
وبعدين حبيبتك ايه اللى بتتكلم عليها وانت مقضيها طول النهار مع بنات؟؟؟؟ ده انت ماجبتش سيرة رجاله خالص فى اللقاء المريب ده...لا والى القعده الجميله مع مى وحنان وزهرة ؟؟؟؟ ياسلااااام؟؟؟؟ تخيل حبيبتك كده قاعده قعدة زيها على الكورنيش مع تلات رجاله حلوين كده ....ومقضياها زيك فى لقاء بريئ زى اللى انت بتقوله..شعورك هيبقى ايه؟؟؟
انا متأكده انها حتى ماتعرفش انت رحت فين ولا قابلت مين ولا انك عندك مدونه من اصله...اكيد ضحكت عليها بأى كلام وخلاص ماهى لازم ماتتدخلش فى خصوصيات سيادتك..لأنك (زى مابتقول ) راجل....
حاجه تقرف

هي وظروفها said...

نورا

لا بجد اليوم كان ناقص تكوني فيه

علي فكره ناس كتير سالت عليكي

وكانو مستنين يشوفوكي

وليكي معجبين في الكس يا تي وايه بقي

طب شكلها ايه طب ايه

ادخلي الانتخابات يا نور هتكتسحي

سلامي لشريف

هي وظروفها said...

الغير معرفه


انا وصفت سياده معالي الاستاذه القعده عليه

واقصد بعليه دي اي الكورنيش

كونك فهمتي ان القعده كانت مريبه

فده مش زنبي لاني مش هقيد خيالك

ثانيا تعرف ولا متعرفش

مظنش يا قمر تفرق معاكي انا عايش ازاي

واسلوبي يخصني ومفرضتش عليكي اسلوبي تتقمصيه

ثالثا انا كاتب فوق اني مش هشكر في حد

اعرف قبل كده عشان محدش يقول بنافق ولذلك كل اسامي الرجاله اللي جت بدون توصيف

لو سيادتك نزلتي وشوفتي بوست البؤجه ولقاءها

كاتب عن اغلب الرجاله

وطكوني راجل او مش راجل ميفرقش معاكي اعتقد خالص بردو

وبعد اذنك اختري كلامك او عايزه تشميني انا عادي

واخد علي كده من اللي زيك

انما ملكيش دعوه بالناس المحترمه اللي احسن اكيد في اسلوبهم مننك

ولو عايزه تشتمي الباب مفتوحلك مش هعمل اشراف ع التعليقات

نورتي

richardCatheart said...

صباح الفل على الراجل الفل

ازيك النهارده يادوغرى انا عن نفسى مكسحه ههههههههههه

انا كمان مبسوطه اوىىىىىىىىىى انى شوفتكم وشوفتك انت لانك شخصيه عثثثثثثل
وجدع اوووووى اخلاق وجدعنه وابن بلد زى حالاتى ولسانك طويل ههههههههههههههه
ودمك شربات يا واد


والنبى بعد اذنك بس هارد على الدموزيل الموزه اللى ردت عليك الرد
غير معروف وياسيدى لو مش عايز شيل ردى دا حقك بس انت خالص عرفتنى انا ماعرفش اسكت هو كده

والنبى يا دموزيل انت محروقه ليه
كنت تعالى نورينا ياحببتى ولا تزعلى نفسك كده والغريب انك جايبه سيره خطبته طيب انت مالك ومالها انت تعرفيها ولا ايه دى حاجه شخصيه بينهم مالكيش فيها وقعده ايه اللى مريبه
ياحبيبه خالتى سوسو الحمد لله رب العالمين
كل اللى موجدين كانو ناس محترمين على الاقل احسن منك
انت ايه شاربه جاز روقى كده وبطلى نفسنا دا اخ بس تقريبا بالنسبالك
مش كده
هههههههههههههههههههههههه

اشطه يا يا بو وليد نورت اسكندريه
والصحبه كلها كانت عثل ولاون الحج ريتشارد كان نفسه يقعد معاك اكتر بس ان شاء الله الجيات اكتر ويارب تتكرر عن قريب
تحياتى

richardCatheart said...

على فكره بكره ان شاء الله هاعمل بوست عن الزياره بس على رواقه لانى النهارده مش قادره ونازله ولازم اكتبه بالتفصيل الممل علشان ولا بلاش خلاص بقى خاليها فى سرك يا رياسه

كلام عيب said...

حلو اوى انك قضيت وقت حلو يا وليد
و الاحلى انك شفت الناس الحلوه دى
متغاظه بس انى مارحتش اسكندريه من زمان
بس انت حمستنى انى اروح
بس مش هاركب مركب علشان الفوبيا بعيد عنك
هههههههههههه

لــــ زهــــــراء ــــولا said...

وليدوووووووووووووو

انت عن جد شخصيه جميله اوى اوى رغم معرفتى بيك من فتره طويله لكن اول مره اتشرف بلقائك وجها لوجه
عن جد وليد شخصيه نشيطه ومحبوب اوى اوى بيتكلم كتير بس كلامه سكر بجد ويجبر اللى معاه انهم يستمعتوا بكلامه
يجبرك على ان تسمعه وتستمتع باسلوبه الذى يجمع بين شقاوة الاطفال
وعقل ورزانة الرجل وخفة دم الشباب له موهبه خاصه فى الحديث
عزمنى على بيبسى كان كمان موشكرين يا وليد يترد لك فى الافراح

عن نفسى كنت فرحانه اوى اوى باليوم ده وكنت اتمنى اكون معاكم من اول اليوم
يارب نتجمع على طوووووووووول فى الافراح والمناسبات السعيده
قابلت فى اللقاء صحبه جميله اوى اوى وناس غاليين على قلبى كنت اتمنى اشوفهم من زماااااااااااااان

زهـــــــــراء

Kiara said...

انا زعلانة بجد انى مش كنت معاكم

وفرحانه انكم فرحتم وحسيت ان الفرحة فرحتي انا

ربنا يجمعك بحبيبتك علي خير قريبا باذن الله وتعمل معاها كل اللي بتحلم بيه

ستيتة said...

من بين اسنان تجز بالغيظ
وصدر مليء بمذاكرة خمسة ابتدائي علشان اتأسس من أول وجديد
يسرني ويؤسفني ويحز في معاميكي اني اعلق
يالا اييييييييييه دنيا
بكره تذاكروا انتوا كمان :) يمكن تفلحوا وتجيبوا التعليم من أوله

انت عارف طبعا اني بضحك وبتمنى لكم كل السعادة اللي على وجه الأرض

همس الاحباب said...

ايه يابنى انت لحقت تسلق البوست وتقشره كده
ده انا نمت مش حسيت بنفسى ورايح الشغل متاخر والدنيا بايظة معايا
بس بجد اليوم كان تحفة بجمال اسكندرية وطيبة وكرم اهلها
وكمان اليوم روعة بكل الصحبة الجميلة
نشوفك دائما على خير يا معلم
تحياتى

Unknown said...
أزال المؤلف هذا التعليق.
Unknown said...

مبسوط بجد اني اتعرفت عليكم، وكان نفسي أقعد معاكم أكتر شوية.

رجالة اسكندرية زي رجالة المطرية .. أجدع ناس

غير معرف said...

مبروك اللقاء :)..

تحياتي

ghada mOhsen said...

وبحب الناس الرايقه إللي بتضحك على طوووول :))

ربنا يسعدكم دايما يامدونيجيه الخير ياااااارب إن كان في إسكندريه أو غيرها أوحتى في اليمن :)))

أنا كان نفسي والله أكون معاكوا أنا وأختي وزمايلي كمان ... بس أكيد راح تتعوض قريب يااااااااارب

أحلى حاجه حاباها في الموضوع هي حكاية المرااااااجيح ههههههههههههههه
أمووووت أنا في الملاهي :)))

والله فرحنالكم كتير مع إني عاتبه عليك عتب صغنن كده :(

شفـقــة و إحســــان said...

شكله كان يوم رائع وكان ناقصنا
بس احلى ما فى البوست هو ندائك لحبيبتك ونهايتها الموعودة ونهاية الحدوتة بالغرق
هههههههههههه
حرام عليك يا وليد طيب خلى البنية تفرح بشبابها شوية

Unknown said...

يا ابنى والنعمة الشريفة ابو العباس دة مش مووووووووولد دة كدة طول السنة وسمعنى سلام زحمة يا دنيا زحمة

مبسوطة انى شفتك يا وليد انت عسول اوى اوى

اه صحيح حونان بتسلم عليييييييييييك

حنين القلب said...

وليد باشاااااااااا

بجد انا سعيده جدا انى اتعرفت على انسان زيك محترم واخلاق ودمك عسل
رغم انك نستنى خالص
بس ولا يهمك

ياذن الله تنورونا تانى بس تحضر اليوم من اوله

ام عمر

mostafa rayan said...

باشا والله اليوم كان حلو وكانت كل الناس الموجوده حلوة وتحس انك عارفهم من زمان رغم ان في ناس كنا اول مرة نشوفهم
بس المرةالجاية تبقي تجيب الايس كريم شيكولاته ماشي يا برنس
ههههه
تحياتى لك يا اخي وان شاء الله يا عم المرة الجاية تركب المركب مع حبيبتك وربنا يسعد اوقاتك دايما

مي said...

وليد باشااااااااااااااااااا كان يوم جامد مفيش كلالام بجد
واللى عاجبنى اكتر الواد بتاع الكوباية يا بيه
ههههههههههههههههههههههههه
كنت حاسة انك هتكسرها على دماغه بس ربنا ستررررررر
بجد بجد كانت احلى صحبة ويوم لذيذ جدا فرحت اوى بيكم

بجد انت شخصية جميلة جدا وصري اوى وده احلى مافيك
يلا عقبال المرة الجاية كمان ان شاء الله

MONTY said...

اءروا الفاتحه لابو العباس


يا اسكندريه يا اجدع ناس


يا بختكوا وعقبال ماتتكرر واكون معاكوا

وخطيبتك كمان تكون موجوده

ومش هتقدر ترميها ف الميه هههههههههه

فاتيما said...
أزال المؤلف هذا التعليق.
فاتيما said...

حذف تعليق من: هي وظروفها

Blogger فاتيما يقول...

وليييييييييد


واد يا بن عمتى

اهيه

اكن بقى عدم ركوبك معانا مكنش جدعنة عشان البنات متوقفش لوحدها
و كان لغرض ف نفس يعقوب ...


طيب ماشى

عشان خاطر حبيبتك بس
مش هنتكلم


و ياعم ايه المانع تبقى مع حبيبتك و اخواتك يعنى دنتا غريب قوى

عموماااا
الفسحة الجاية تكون معاك
و نفرح و نزغرطلكم ان شاء الله


اليوم كان تحففففة بجد

و انتا يا وليد انسان جميل
و صحبتك اجمل
و الواحدة معاكو حاسة انها مع اخواتها الردالة
و كفاية موقف المراجيح يا بنى ..بجد
انتا اخ
و جدع
و كل الحاجات الحلوة دى
التى كادت ان تنقرض
و التدوين خلانى اكتشف انها لسه موجودة ومرحتش ف الوبا و لا حاجة

كل سفرية و انتا طيب
و معانا
و سعيد و قلبك مرتاح يا بن عمتى

عاشقه الرومانسيه said...

اليوم كان جميل بوجودك فيه ياوليد انت بجد شخصيه محترمه وفيك جدعنه الاسكندرانيه
اى حد يتعامل معاك يحس انه مع اخوه
ربنا يسعد قلبك بحبيبتك يارب

Hanan Elshafey said...

اولا
سلامات
ثانيا
تشكرات
ثالثا
ميرسي لل.. اللي معلقه بغير معرف وكل اناء ينضح بما فيه
رابعا بقي
اليوم كان حلو
انت اونسان طيب وسكر واخ غالي كمان\
سلاماتي بعتها مع استاذ خالد لما كنت برخم واتصل كل شويه للكل ومع اونجي انتيختي

سلام دائم

غير معرف said...

اولا ربنا يسعد كل ايامك وثانيا اليوم اكيد حلو بناسه الموجدين ثالثا وده الاهم مين حبيبتك دى ؟

هي وظروفها said...

قلب القطه

ازيك يا مارو يا فقريه

يا مسيحالي علي بلوجر

وربنا انتي من الناس العسل

هههههههههههههههههههههههه

فقريه انتي يا مروه

انتو عالم صحكتوا علي ادكو

انا نمت يوميها الفجر

بس فاتك يا مره رحله الرجوع يا دين النبي ع الضحك

انا لاول مره في حياتي اضحك كده

البركه فيك يا مصطفي
اسف يا اديب الشباب
وبخصوص المدومزيل
الغير معرفه

هي شايفه اني انسان مريب ومش محترم
واحب اقولها تاني انا بحبني كده

ومظنش ليكي فيه

واحب اقولها بردو اني عارف كويس انتي مين
وانتي عارفه ان انا عارف
واحب اقولك خليها تاكلكك

معلش يا مروه واسف انها اتهمت ناس واتهمتي بالباطل معاهم

واسكندريه كانت منوره باهلها

وربنا يخليك لريتشارد وولادك
ويهدي سركم

وانتي من الناس بجد اللي الواحد يرتاح لهم اول ما يشوفهم

قشطه كده فكك
وقتك انتهي

هي وظروفها said...

كلام عيب

ازيك يا نور عامله ايه

الحمد لله فعلا كان يوم جميل ولذيذ

روحي اسكندريه اليومين بتوع الامتحانات فاضيه وجميله

ومتركبيش مركب اقولك هوها يرد الروح والله يا نور اسكندريه جوها يخطف اليومين دول روحي وادعيلي

القدر و انا said...

نورت اسكندرية يا وليد
رغم زعلى لانى ما شفتكش
لانك وصلت بعد ما انا مشيت
حظى وحش كنت مضطرة لان ابنتى عندها كورس ولازم اوصلها
المرة الجاية ان شاء الله نتجمع من تانى وتكون معانا حبيبتك يا عم
علشان تبطل اى حجة

هي وظروفها said...

زهرااااااااااا

الله يخليهوملك ايه الكلام الجامد ده

تملي يارب تبقي مبسوطه كده

وعقبال ما نحضر فرحك وفرحتك

وتكون معايا حبيبتي واخليها تزغرطلك كمان
اي خدمه
المره الجايه نشوف لولا ان شاء الله

تحياتي ليكي ولام كبير قوي قوي

هي وظروفها said...

كيارا

اكنك جيتي يا مني وتليفونك فوق راسنا من فوق

وعقبال ما نحضر فرحك عن قريب يا مني

هي وظروفها said...

ستيته حسب الله الحمش

هههههههههههههههههههههههههههههه

انا مش هذاكر لعيالي مرلااتي هي اللي هتتعامل

وتراجه الدراسات الاجتماعيه معاهم انا ليا في الكلام ده بردو
ده انا بكره التعليم كره

ربنا يوفق ولادك يارب ويخليهملك ويخليكي ليهم

ونشوفك علي خير لانك اخت غاليه علينا كلنا وربنا يبارك فيكي

فاتيما said...
أزال أحد مشرفي المدونة هذا التعليق.
هي وظروفها said...

خالد بيه

كبيرنا ووولد كبيرنا

لا يا بوص انا يومها جيت لقيتني فايق

بصراحه من جمال اليوم مجاليش ساعتها نوم

لا بجد يا خالد انا خرجت كتير وقليل ويفضل اليوم ده ملوش حل بجد كان يوم عسل

اشوفك علي خير يا خلود

ربنا يديم المعروف

هي وظروفها said...

احمد علي

الله يخليك يا احمد انا اللي اسعد واكمل وامجد كمان

فل عليك يا برنس البرانيس ونشوفك علي خير

هي وظروفها said...

فتاه من الصعيد

تسلمي يا مروه ربنا يفرح قلبك بالخير والسعاده دايما يارب

بتنوريني يا مروه بجد

هي وظروفها said...

غاده محسن

اما العالم المضايقه انا لأ مليش ف دول
ومليش ف الدمع لالالا ولا في الناس الشياله

قشطه عليكي يا دودو

مصريه اكتر مننا يا بنتي

حاولي نشوفك قريب باذن الله


وانا يا ست الكل وضحتلك اللي حصل وانه نسيا مش اكتر انتي بنتنا يا غاده وملناش بركه الا انتي

سلمي علي رانيا

هي وظروفها said...

شفقه واحسان

يا باشا انت تشرف اي مكان تحط رجلك فيه

وبخوص حبيبتي ربنا يتولاها برحمته ويهديها ويبارك فيها

ومش هموتها حد يموت نفسه انا بهرج

ربنا يخليك ويبارك في اختنا زوجتك وولادك

هي وظروفها said...

انجي

وربنا يا انجي بجد انتي دماغك دي زي الفل وانا اسف لغلطي في ابو العباس خالص جدا

حلوه نظريه فرويد اللي عرفتها منك

باذن الله نقعد معاكي كتير دماغك محترمه جدا

ربنا يخليكي ونشوفك يا انجي علي خير

هي وظروفها said...

جنين القلب

انا والله اللي مبسوط اني اتعرفت عليكم

مش مساله نسيت كنت يوميها جاي والاسامي دخلت في بعضها

ونسياني ليكي او ان افتكر ده غلطي ولازم اعاقب نفسي عليه

اقولك هعزمني علي بيتزايا بعشره جنيه عقاب فوري واكلها بالنيابه عنك
كويس كده؟؟؟؟؟

هي وظروفها said...

مصطفي


ههههههههههههههههههههههههههههه


انت مصيبه يا عم الاديب يا شاعر يا جامد

متقلقش قريب هعزمك علي المولد حضر جزمتك وشنطتك وطيارتك يا كبير

فل عليك يا درش

هي وظروفها said...

مي


كان جامد اليوم فعلا يا مي

اه الواد بتاع الشاي بارد بارد يعني

خلصت يا بيه

عيل رخم رخم

ربنا يخليكي يا مي ونفرح بيكي عن قريب ياقمر

هي وظروفها said...

مونتي

ازيك يا نور عامله ايه

انا اقدر برده

نشوفك علي خير في مصر وفي لقاء قريب يا نور تنوري الدنيا كلها

هي وظروفها said...

فاتيما

نهار اسوح انا بردو اقدر


احذف تعليقك

ليه ده انا ابقي اجننت

منتي عارفه يا بطه

مينعش اركب مركب واستمتع وهي متكنش معايا

اظن ابقي رخم

وبعدين ومحبتش بردو عشان مبنش نطع كلهم يركبوا واسيبهم يقفوا لوحدهم

وباذن الله لو فيه نصيب هبقي اجيبها معايا

بس دعواتك انتي يا بطوط

ربنا يخليكي

ايه الكلام الكبير ده ايه ده

ده عليا والله الله يكرمك

انتي بس من ذوقك بتقولي كده
.
ربنا يطمنا عليكي ونشوفك علي خير يا بنت خالي

وربنا يرجعلك يوسف عن قريب

هي وظروفها said...

عاشقه الرومانسيه

دودو هانم النابلسي

انتي يا رشا فيكي جدعنه

والله العظيم مش موجوده في رجاله كتير

نشوفك علي خير

ونفرح بيكي قريب

بس ياريت متنسيش تبقي تعزمينا

هي وظروفها said...

حناااااااااااااااان

اولا فينك


ثانيا

ده اقل من الحقيقي شارمينج يا بنتي شارمينج

ثالثا

اللي معلقه بغير معرف احب اقولها تاني

خليها تكلك

سيبك منها

سلائم متصل وفين الأدد بتاعي عندك موصلش

هي وظروفها said...

غير معرف


اولا امين لدعائك


ثانيا لو قلتي انتي مين هقولك هي مين

سهله خالص

هي وظروفها said...

القدر وانا

ربنا يخليكي يا بشمهندسه منوره باهلها

معلش كان عندي مشوار لازم اخلصه

تتعوض مره تانيه باذن الله ونشوفك علي خير

وبجد سمعتك هنك كلام كتيييييييير كويس

وباذن الله هبقي اجيبها معايا المره الجايه

بس دعواتك