بمناسبه قرب الانتخابات المصريه
يظل البحث عن نزيهه من الاهميه بمكان
وزمان كمان .......
نزيهه هي فتاه يحلم بها كل مصري ومصريه
فهي فتاه احلام الشباب ومثار اعجاب بنات وشيوخ وصبيان مصر
نزيهه تلك الفتاه ذات العيون العسليه والشفاه الورديه
والأرداف المتناسقه.....
ولكن أين هي ....... ذهبت وتلاشت وأصبح مجرد ذكر اسمها
يثير غثيان وقلق ورعب أعضاء شله الأنس وأصحاب المصالح
لأنها تذكرهم بجرائمهم في حقها؟؟!!
لقد تكاتف عليها كل المنتفعين واصحاب المصالح في بقاء الوضع
كما هو عليه... وتناوبوا الأعتداء عليها حتي أصيبت بتهتك
في غشاء العفه والحضاره ومن يومها قررت أن تذهب ولا تعود..
كرهت كل الرجال.... ولم نفعل من أجلها شيء!!!!!!!!!!
نعم نحبها ولكن لم ندافع عنها وأصبحت تزورنا في المنام وفقط.....
ونحن أمام هذا الخطب الجلل والنداء المتواصل للشيخ سلامه
لا نملك سوي أن نقول معه
انتي فين يا نزيهه ...
ان نزيهه في منفاهه الأجباري تناديكم..فمن يجيب
وكأن لسان حالها يقول...
لا تتركوني ... حرروني..فأنا كفيله باعطاء كل واحد منك حريه
وديمقراطيه وحياه شريفه ....
يا كل الحالمون ...... بنزيهه
يا كل عاشق............. لنزيهه
يا كل فارسي احلام نزيهه
ابحثو معي عن ست الكل ....... نزيهه
جاء نداء محمد البرادعي باصلاح الدستور
واعاده الكرامه والأعتبار لنزيهه ولكنه وأظنه كان واهم
لأن الحقوق تنزع ولا تطلب...
حب نزيهه ليس كافيا للحصول عليها....
ومن ثم تأجلت زيارتها وندعو ان لا تتأخر
لأننا نحب أن نراها وقد علت منصه التتويج...
وأخذت لقب miss egypt والبلاد المتخلفه
وأقول لها ......
ماشي ولا السكران
وحشاني عيون نزيهه
قلت أسأل عنها
بس فين .. وفي أنهي جيهه
بتخيل حسنها.....
وأدفا بشمسها...
والمحها بحضن دافي...
تناديني وأضمها
أقولك ايه منتي عارفه
العسس ويا الغواني
والعفاريت في المباني
والشعب خاف والجاني
برطع ولا حد همه
متزعليش وغلاوتك
بكره تيجي ونلبسك
توب الوقار ونهندسك
وساعتها هحرق في دمه
بكره بلاد تحكي عنك
وبلدنا ترجع صبيه
والدنيا بحالها تقول
بلدنا مين قدها
نزيهه رجعتلها
وشباب بلدها حموها
وارتاحوا في حضنها
.jpg)
36 Comments:
حجزت اول كرسي
جميل أوى أوى... نصدق حببتنى فيها مع أنى ماأعرفهاش وألا عمرى شوفتها. بس كنت بأسمع عنها زمان .واضح أنك مريض بحبها وخايف اقولك انساها يزداد مرضك وكمان خايف أأقرب منك اتعدى واحبها انا كمان..... ربنا يستر ياعم
حلوة اوي يا وليد الفكرة
عجبتني اوي والله
بس انا عايزة اقول وجهة نظري في حاجة
هو البرادعي لو جه هيعمل ايه جديد ؟؟؟
ممكن تقولولي ؟؟؟؟؟؟
مش عارفة انا مش مقتنعة بيه لانه هيبقى زيه زي غيره
و بعدين اللي موجود دلوقتي اكل و شبع لكن لو جه واحد جديد هيبقى لسة جعان و عايز ياكل و يملى بطنه
ربنا يرحمنا من الناس دي و اهم هيتسالوا عننا يوم القيامة
و الله من الاخر مبارك و لا برادعي
الحكومة مالهاش اي داعي
الكل للفلوس و النهب ساعي
و اه يانا حاسة بوجع في القلب بتاعي
شكرا يا وليد يا ابو النزاهة كلها
و عقبال ما تتجوز نزيهة يا نزيه
ههههههههههههههههههههههههههههههههه
و افرح بيكم و انتوا مخلفين نزهة و نزاهة
هههههههههههههههههههههههههههههه
مع خالص حبي و تحياتي
مهاا
هههههههههههههه
اني داخله سيما دولي
ايوة داخلة سيما دولي
عندك مانع ...............
انا هنا في بيتي و حرة اعمل اللي انا عايزاه
هههههههههههههههههههههههههههه
دكتور ابو عمر
يا راجل انت اكيد عارفها بس من كتر مبعدت نسيتها بس
قول كلام غير ده
تعليقك طبي من الدرجه الأولي
ومتخفش مش هتتعدي اصلها فيروس حميد
نزيهه بعتت لي ايميل
اصلها مخاصمة الرجالة
وبتقول لك
بعد السلام والتحية
يا عم الدوغري انت ايه اللي فكرك بيه؟
ده أنا من زماااااااان بعيد مستخبية
في مقر سري برتاح من شعوب الجهجهون والطعمية
تعرف انا بعيد من إمتى
من يوم
"ونادى فرعون في قومه قال ياقوم أليس لي ملك مصر وهذه الأنهار تجري من تحتي أفلا تبصرون ( 51 ) أم أنا خير من هذا الذي هو مهين ولا يكاد يبين ( 52) .. صدق الله العظيم
مها
الواد انس ابن اخويا عنده اربه سنين
قعدتو علي حجريوقريتله الموضوع وهو متنح اكني بحكيله عن الفلزات خلصت من هنا وبقوله فهمت ايه راح رزعني حته دين روسيه في العضمه اللي تحت عيني بوزت ملامحي
وملكيش دعوه بيا خالص انتي تجبيلي الموزه وانا اشوف انما تطلع نزيهه يبقي انتي كده عملتي معايا الصح
نورتي يا اختي شدي
دكتوره
اه فكرتيني ليه بس بفرعون هو صحيح مات بس اللي خلف ممتش
الايه اللي بتقول
(فاستخف قومه فأطعوه))
تنطبق علينا
احنا عشان ملناش عازه ليهم حق يقتلو نزيهه
نزيهه واخده جواز سفر يوناني وعايشه هناك عشان الأنتربول منتي هارشه
ده احنا شعب بيقلب التاكس ملاكي ويشغله تاكس برده فراعنه بقي
بجد موضوع جميل والكلام جميل
بس منكرش أنا معنديش امل فى رجوع نزيهة خالص لأن إحتمال كبير إنها تكون مش محبوسة إنما تكون ........ من زمان ومفاهمينا إنها لسة عايشة علشان يفضل عندنا أمل ..
أم بوبه
فاكره احنا بتوع الأتوبيس
وشعر وجدي العربي
وشرفك يا بلدي سحابه وتعدي
هي بس طولت شويه انما والله لتظهر
الظلم مبيدومش
ونزيهه راجعه راجعه وساعتها هتقدملها واكتب واخش علي طول
مهي وحشاني
وليد
ايه الموضوع الجميل ده كالعاده في كل مواضيعك
بس تقريبا كده كل دى احلام
انت متخيل انها ممكن ترجع تانى اساسا
ولا احنا هنشوفها اصلا
انا عن نفسي مش متخيله ان ده ممكن يحصل في يوم من الايام
يلا ما فيش حاجه بعيده عن ربنا
بجد بجد الموضوع والفكره جميله جداااااا
ربنا يسعدك يا وليد يارب
موضوعك جامد ياوليد...بس الاول مش لاقيين نزيهه وبعد كده قلت هترجع حلو اوى الامل
يمكن تنجينا من الضياع ..وتكون فتاه احلام وتجيب اللى ضاع
تجيب اراده وامل فى شبابنا ..ترجغع احلام وخيال كان فى بالنا
تكون وسامه واحترام فى ازواجنا وزوجاتنا ....ترجع ثقه مفقوده فى اولياء امورنا
ههههههههههههههه هتخلينى اصوت ياوليد واقول باعلى صوت فينك يانزيهه بقا والله زهقنا بس الامل فى ربنا كبير
تحياتى ايمى
وليد .... فى ناس شافوها أول امبارح فى عربية مصفحة خد أرقامها أهية بالحروف "ح.ب.ي.ب ا ل ع ا د ل ى"....
والسواق اسمه "ح س ن ى" وبيقولوا ان كان فى واحد كان راكب قدام ..اسمه ايه يا بت يا شيماء؟؟؟ اسمه ايه؟؟؟.. آه اسمه "ج م ا ل" بس مش عارفة اسمهم بالكامل ايه...ابقى اسأل انت بقه فى المرور
ايمي قلب الأسد
عايزه تصوتي بعلو حسك وتندهي علي نزيهه
استني لما لظروف تسمح بس ساعتها متخلعيش لاحسن الشرقيه بناتها حلوين وبميت راجل ولا ايه
اميره
مهو احنا لازم نحلم
صعود القمر كان في يوم حلم بعيد
دلوقتي بيروحوه كل ويك اند
اتقلي شويه يمكن جيلنا يشتغل هناك
شيماء
شكلكك اجننتي دول هما الاتنين بيدوروا
زينا شكلك من المعارضه
ولا انتي من جماعه الأخوان المسلمين اعترفي بسرعه
دول هما اللي مأكلنا ومبلسنا وبيدخلونا الحمام كمان!!!!!!!؟؟؟؟؟
هتنهبوا ولا ايه
الفكرة جميلة
هذه البنت مختطفة في كل البلاد المتخلفة والكل بيدور عليها ومش لاقيها ويا خوفي يا بدران لنموت قبل ما نعثر فيها
خواطر شابه
لأالله يخليكي في امل وامل كبير كمان
ليه بس بتقولي كده
ده احنا لو محلمناش هنضيع
هيبقي لا واقع ولا حلم نموت أحسن
وان شاء الله مش هنموت الا ما نشوف نزيهه وزي مقولت أم بوبه
محد يزعل مني أول مشوفها هخطب واشبك واخش علي طول
وحشاني بقي
الف شكر لزيارتك وتعليقك
ههههههههههههه ماشى ولما تيجى ظروفها متخافش لن ولن ولن استسلم وفعلا بنات الشرقيه ب 100 راجل كلنا رجاله يامعلم وبيس ههههههههههه موضوع من الاخر
والله الشباب هيسوا والحاله ماشيه
اسسسسسسسسسسسسسسسسسسسسسكت متعرفش؟؟؟؟
مش نزيهه كان ليها توأم اسمها(شفافيه)
اوم نزيهه وشفافيه خرجا ولم يعودا.
فى اقاويل انهم سابوا البلد وطفشوا وحلفوا مهم راجعين تانى الى اجل غير مسمى
شيما
زينه بنات المنصوره ورفيقه شارع الضباب
بما انك بنت انا معايا اميل نزيه بس خايف اكلمها تصدني
اصلها دقه قديمه
وخايف تديني بالقديمه
تكلمهاش انتي يمكن ترجع
ابوس ايدك مصر كلها مستنياها
كلااام جميل جداا ومؤثر وفعلا كلنا نتمني نلاقي نزيهه
ده بس علشان خاطر بلادي أحلي بلاااااد حتي لو كان فيها كل العيوووب بس أتمناها أحلي وأحلي ... بس للأمانه يعني انا نفسي محدش يتغير لانها هتولع بعد كده ومحدش هيلاقي فيها حاجه
....... ياريت يكون كلامي مفهوم
وبجد تسلم علي كلامك وأتمني تلاقي نزيهه بس نزيهه الخاصه بيك مش اللي كل الشعب بيدور عليها
تسلم......
فريييييييييييييييييده
ازيك يادودو والله لاتيجي نزيهه طيبه وكويسه وقلبها ابيض تزعل اه انما تفجر في خصامها لأ
واسمع سلام يا بلادي يا احلي البلاد يا بلادي فداكي انا والولاد يا بلادي بلادي يا بلادي عشان خاطر اختي فريده
وبخصوص نزيهه طرف العبد لله فأنا موصي مهاااااااا تعشوفلي موزه وهي اكيد مش هتتأخر
اااااااه ياوليد انت جيت على الجرح ...
نزيهه موجوده فى مكان ...
معتكفه فيه من زمان ...
وماراح تظهر وتبان ...
الا لما تحس بالامان ...
فى ناس فاكرينها موجوده معاهم
بس دى للاسف نزيهه مزيفه ...
بس احنا برضو عندنا امل
وعمرى ماهتخلى عن الامل ده ...
نزيهه موجوده قريبه منا اوى
بس احنا نعلى صوتنا شويه كمان
وهى را ح تسمعنا وتجيلنا جرى ...
بجد تسلم ياوليد ياجامد .. على مواضيعك الجامده ...
بس اهم حاجه التفاؤل ودعاء لربنا والسعى كمان
وياترى ايش اخبار الولد الشقى انس ... حافظ على عينك التانيه انا بقولك اهو
هههههههههههههههههههههههههه
تحياتى ...
… ;) ,,, ;) …
غاده محسن
ايه معلم لما انتي عارفه مكانها بما انك صحفيه وليكي مصادرك لو حد دللك عليها اديني رنه واظن تليفوني موجود مع الشعب كله لأني اعمل علي راحه المواطن العربي اينما كان موطنه
ربنا يخليكي ليا مش انتي اختي ولا ايه؟؟؟؟؟
مش انا بس اللى عارفه مكانها ...
وانت كمان عارف وين هاتنكر ولا ايه ...
حبه حبه وخطوه بخطوه هاتظهر وتبان ...
وطبعا رقم موبايلك منتشر مش انت برضو
0000000000
هههههههههههههههههههههه
وربنا يخليك يارب للشعب العربى كله
وطبعا انت اخويا ولو عايزنى حتى اغير من غاده محسن لغاده الدوغرى
ولا بلاش اغير لحسن محسن الله يرحمه يزعل خلينا نضيفه فى البطاقه
انا مستعده ده شرف ليا ....
دمت دائما مخلصا لوطنك ...
… ;) ,,, ;) …
غاده
انا لازم اهتم بالرعايه بتوعي
وثم انا الحاج محسن الله يرحمه انا كان يشرفني اعرفه وابوس ايده لأنه خلف بنت محترمه زي غاده
فعلا دي نغمة تليفوني هههههههه وان كنت موصي مها ففعلا أبشرك بالخير أحلي وأرق مووووووووووووووزة إن شاء الله ومها متتوصاااااااااااااش
أهنيك من دلوقتي بالتوفيق ان شاء الله
فريده
ايدي علي كتفها مع ان شكلها قصيره
لااااااااااااااااااااااااا عيب عليك ده انا كنت بمشي جنب مها الزيرو وهيااا الواااااحد وبجد كل اللي تعرفهم أبدا مش قصيرين
ههههههههههههههه
الله يكرمك بالخير ان شاء الله
فريده
ايه يا فريده انتي حسستيني ان قولت ما لايحمد عقباه انا اسف مها اطول نساء العالم
وانتي اقصرهم (انتي اللي قولتي انا مقولتش حاجه)))
خليكوا كده جيبوا في سيرتي اوي طول اليوم و انا ادخل متاخر و اشوف بعد ما المولد يكون اتفض خلاص
ههههههههههههههههههههههههههه
لا يا وليد ما تصدقش فريدة اوي يعني انا مش اطول نساء العالم و لا حاجة
حسستوني اني برج دبي
هههههههههههههههههههههههههههه
من عيوني يا سيدي هشوفلك موزة مرسومة بالقلم و المسطرة
مع خالص تحياتي
Post a Comment