غزل عفيف وشريف وفي الضعيف


عقلك ده عقل حمامه

عينك عليها غمامه

عملالي وشك فرح

وف كل حته علامه


بقك جاي من ودن لودن

شعرك خشن أرخم م الدقن

ريحتك دي ريحه نفاذه

مفيش عنبر مفيش ياسمين

دي ريحه دهن


سكوت جنابك راحه

صوتك قلق بيعمل سياحه

لسانك مبّرد والرغّي عندك لذه

غاويه نكد حتي ولو مرتاحه





اهداء لواحده كانت مع جوزها

ورايا في cta

بصيت ورايا عشان اتف عليها

بامانه قلقت من شكلها

ارجوك متتعبنيش

مره وانا قاعد معايا
سرحت مني
يا نهار ابيض
انا رحت فين
ببص ملقتنيش
لقتني بقولي
يتلاقيني يا متلاقنيش
خفت عليا اوي
اترعبت
معقول اكون ضعت
وفي ليل الضلمه تهت
صرخت بعزم ما فيا
جريت
لقتني واقف بعيييييد
حضنّتني
بوستني
طبطبت عليا اوي
قلتلي خللي بالك مني قوي
ولو فكرت تتوه تاني
قولي فهمني
ارجوك متتعبنيش

أحيطك علما

الي من سأهواها...
أحيطك علما
أني اريدك
أما وصديقه
زوجه وعشيقه
حانيه ورقيقه
تحتوي جنوني
ترتبي شئوني
تكوني لي طبيبه
ووقت غضبي
تحتويني باي طريقه
ولكن ارجوكي
كوني لي زوجه
بروح صديقه
من حقك سيدتي
أن تسأليني
وماذا سوف تعطيني
أقول لكي
أعاهدك ..أعاهدك
أن احملك بعيني نهارا
والا اكثر من ضيق وشجارا
وأن أعطيكي
قلبي وعقلي وعمري
اكن لكي رجلا
بكل ما تحمله الكلمه
من طهاره
ستكوني نصب عيني دوما..
لن أتركك تموتي هما
سوف تكوني لقلبي
مليكه..
وبصدري تجدي راحتك
وكأنك في أزهي حديقه...
أنا لا ابحث في النساء
عن هوايه أو هويه
لكني ابحث عن امرأه
يكون لها حلم وقضيه
لا تمحور حياتها
في أين نأكل
هذا المساء
وأين نسهر
هذا المساء
ومن أين نأتي
بلبس الشتاء
أعلم أن هناك ضروريات
ولكن حبي لها
كدّي من أجلي وأجلها
عمري وحياتي ومالي
سيكون ملكا لها
لكن أكره المرأه الثرثاره
التي ترد كل كلمه
بعباره....
فأكثر ما أكرهه
من صفات النساء
المرأه الثرثاره

عايمين علي ميه البطيخ

واقف لا بيا ولا عليا وبضرب كوبايه شاي
في الورديه الغبره الطين بتاع المدعوء علي عين امه
الشغل واذ بامراه تعمل يدوبك صاحبه ومديره شركه منافسه
مكتبها جمب مكتب شركتنا
ازيك يا لييييييييييييييدو واحشني
قولتلها الله يخليهوملك
عامله ايه يا غاليه
الحمد لله ليك واحشه
انا //انتي اكتر لخصي بروح امك مش ناقاصاكي
طبعا في سري ومين يجرؤ يقول لست كده
المهم من هنا لهنا
وراحت فتحاني ....الا قولي يا ليدو مش الريس قرب يرجع
قولتلها يرجع علي ضهره باذن الله
وهوووووووووب ..يرجع علي ضهره ليه
هو احنا نلاقي ريس احسن منه....
هو احنا نلاقي حد يحمينا زيه
يا ست الكل الحامي ربنا فكك بقي من الحكومه شويه
عشان الله يخليكي بواسيري مبتستحملش
وخلقي مكفيني بالعافيه
واذ بها تديني مواصفات للريس مبارك القبطان وقائد سرب حمام السلام
والضربه الجويه والمراره الذهبيه
ونص ساعه وجعت دماغي باوصافها وعشقها لهذا اللي مرمت
كرامه ابونا ولا اكنها بتوصف في عدل عمر بن الخطاب
انا///اعملي قهوه يا ابراهيم عشان احنا علي الصبح يا هيما معلش اخوك
حاجه تانيه اتفقعت عنده غير المراره...........
روحت داخل بطريقه هجوميه ولا 4/3/3
وقلتلها ده غير جدير بحكم شعب
شعبنا بقي حصاله نفايات بشريه
وبقينا شبه الجراد المتطفل علي اراضي غيرنا
وووووووووووووووووووو
البلد عايمه علي بحر فساد ورشاوي وسرقه ايه انتي من مالطه
ولا ادروشتي ورحتي طنطا
قالتلي ومالو هو اللي تحته هما اللي مغيبينه
هههههههههههههههههههههههه
مغيبينه ليه هو مش ملوش في البني زي اللي سبقه
مغيب ازاي؟؟؟؟؟؟؟؟؟
طب بصي يا ست الكل لو انتي مش جديره بالعشرين تلاتين الموظف اللي عندك
فكينا وفكيهم واركبي قطر الصعيد يمكن يتحرق انما لا منك ولا كفايه شرك
مبالك بحد بيحكم كام مليون جثه زينا فراعنه و وملاعين و مبيستنوش السمنه من
بطن النمله ؟؟؟؟؟هااااا ما تردي سكتت وغيرت الموضوع...........
رحت عملت شغل ورجعت لقيتها ......يخرب بيت طله وشك انتي لسه هنا!!!
قعدت ووجهت كلامها للمدير ما تفتح كده يا استاذ فلان الجرنال وشفلنا اسعار
الشقق الواد رودي ابني مش راضي بشقه الرحاب خالص
بيقولي انا عايز في مكان تاني الرحاب بيئه قوي يا ماما
انا/////يا ابررررررررررررررهيم ابوس ايد امك اي حاجه للبواسير بسرعه
هي//هو انت يا لييدو هتاخد شقه فين ولا اخدت خلاص
قولتلها انا والله باب وماما بيتحايلوا عليا اخد عشه في مساكن زينهم
بس انا اقل من عشه في البدرشين ولا ايواء كالكتا مرداش ابدا
يا مدام انا بدور علي شقه في اسكان الشباب
يكش يكون اسكان شباب السلوم
تعرفليش وسطه
مديري بقي طيب الله ثراه وجعل الجنه مش مثواه
تعرفي يا مدام انا ادامي شقه ببلاش في مدينتي لقطه لقطه
قالتله عامله كام يا حبيبي
قالها والله يا بلاش ستميه وخمسن الف
لحد هنا ومقدرتش امسك نفسي
قولتله بقولك يا بوص الا هو كل الشقق اللي ببلاش اتوزعت
ولا الحق ازاحم يمكن اخدلي شقتين تلاته
انا ماشي يا جدعان
ولما الناس دي تمشي حد يرنلي
قالتلي اقعد بس طب قولي امكانياتك خالص
قولتلها امكانياتي بس كده عينا وشرفي لاقولك يا ست الكل ومش هخبي عليكي
امكانياتي شقه قانون جديد يكش تكون في احراش افريقيا
انا نفسي اجوز واخلفلي حته عيل قبل ما اكبر والاقي ابني
بيقولي يا جدي
عادي لو كان تحت البيت زريبه مواشي ...زريبه خنازير
المهم يكون فيها حمام
عشان اول ما بواسيري تقوم عليا زي دلوقتي كده
الاقيلي حمام بباب
نورتي يا يا ست الكل الله شكل حد بينده عليكي
ثواني يا ابني جايه اهي
قامت جري تشوف مين
رحت جاري ورازع الباب في وش امها
قال الرحاب بيئه قال.....
عدم ردي علي التعليقات ليس عدم اهتمام مني
ولكن لظروف طارئه جافه ناشفه عليا
ولا اراكم الله مكروه في رئيس لديكم

ضحك وبكي

مواقف كتير في حياتي ضحكتني ومواقف كتير ابكتني
من المواقف اللي ضحكتني موقف حدث لي من يومين ......
.لي صديق وهو صديق عمر عنده محل دواجن
فقري انا وبصاحب كل الناس البيه صاحبي والفقري
المهم عديت عليه وانا راجع من مشوار علي العصرمن كام يوم
وكانت الناس اللي شغاله معاه بتنضف المحل وطبعا الميه اساسي
ومشغل معاه عيل متخلف يمسك خرطوم الميه اسمه صلاح
ومطرح ما ايده تودي الخرطوم شغال
تيجي بقي الميه علي سلك التلاجه تيجي علي تلاجه حفظ الفراخ
تيجي علي كفريه الكهربا مش قصته ...هي وظروفها وسبحان الله ربنا بيسترها
بكلم انا وهو وراح داخل صلاح علينا الحق يا معلم قاله فيه ايه ؟؟؟
قاله امك واقفه بتعيط علي اول السوق الظاهر ان موبايلها اتسرق تاني
قاله تعالي وريني بص....دي امي يا ابن الجزمه
امي لسه موبايلها مسروق من ساعه لحقت تتسرق تاني وراح ظارفه قفا..
رجعلي نكمل كلامنا..
.ليه هو جار تاجر في المحل اللي جمبه تخين وغبي ومدمن مخدرات
وشخصيه كده هلاميه لقيته بينده صاحبي وانا قاعد معاه
يا تامر يا معلم تامرالحقني فيه ايه يا معلم
قاله حاجه وقعت علي التنده وهتقطعها وتخرب الدنيا
تعالي جبتلك سلم خشب واطلع شوفها
قاله اطلع فين الحيطه مليانه ميه والواد صلاح الغبي
رش ميه علي الكفريه العمومي قاله يا عم اطلع
مش وقته الح علي صاحبي وطلع وهو طالع
قاله يا تامر يا ابني انا عايزك وانت طالع
تفتكر ان كل نفس ذائقه الموت
وقعت من الضحك طلع سلمتين كمان
قاله يا تامر اعرف حاجه تانيه يا ابني
قاله انهي هموت الله يخرب بيت امك انت والتنده بتاعتك
قاله محدش باقي علي وشها قاله وانت اللي يعرفك
ينسي وشها من ضهرها اساسا
هتموتني عشان تنده ومروحه يا ابن الجزمه
___________________________
ومن المواقف المبكيه
لي صديق كان يعمل في تحليل الانسجه لزراعه الاعضاء
وهو كميائي يتردد عليه الذين يتبرعون بكليتهم من اجل المال
ومن كثر ترددي عليه في فتره من الفترات
تعرفت علي شاب جاء ليتبرع بكليته بعد ان رأي الدنيا
وقد اسودت في عينيه ولم يجد شيئا يفعله من وجهه نظره
الا ان يتبرع بكليته لمن يدفع.....
شاب صعيدي يحمل دبلوم صنايع طويل عريض
يتمتع بثقافه وطريقه لكتابه والقاء الشعر
دمه خفيف بشكل بشع ويملك طريقه لالقاء النكته بشكل يبكيك ضحكا
تجعلك تستعجب كيف يحمل شخص هذا الفكر ويفعل الذي يقدم عليه
كانت له حجته واعذاره التي وان لم تقنعني ولكنها كانت
وللأمانه ظروف قهريه تجعل صاحب العقل يتحير اهو علي حق
ام لا شيء يستدعي القدوم علي فعله
فعلت معه الاعاجيب كي يرجع في قرار بيعه ولكن الحاح متطلباته الضروريه
كان حاجزا ان يقتنع سوي بوجهه نظره
اسبابه واعذاره تدعوك للصمت لانها من القوه التي تجعلها تخرج انسانا
عن حدود ثقافته وعشقه للحياه
حكي لي بعد ان وثق فيا وشعر بحب له ...عن حب عمره حنان
تلك الفتاه التي احبها وعشقها اراني صوره لها بنت من صعيد مصر
شديده الجمال وكان يهوي اغنيه جددت حبك ليه لأم كلثوم
لم اكن اعرفها قبل ذلك الوقت
وبمرور الايام وكثره تردده علي عياده صديقي وكثره ترددي انا ايضا مساء كل يوم
جمعنا حب من نوع غريب يمكن لوجود شيئا يجمعنا كحبه للشعر
او طيبته ورجولته وحكمته الله اعلم...
من ضمن اسباب قدومه علي تبرعه هو ان اهل والدته اكلو حقه في الورث
وكان وحيدها ةبعد موتها تزوج الاب من امراه قاسيه وكان والده ضعيف امامها
ولا يملك سوي ان يرضيها حتي وان كان ذلك علي حسابه محمد
كانوا بيعملوه زي الكلب الجربان ((علي حد تعبيره))
ومحمد لا يملك ما يتقدم به لحبيبه عمره
وكثره تردد العرسان عليها من القريه ومن خارجها
كنت اراه رغم كل ذلك قويا عنيدا لا يخاف لايمكن لشخص كهذا في خيالي
ان يبكي ...لا اتخيل هذا
تحدد يوم عمليه استصال كليته وزرعها في جسد امراه اخري
وذهبت لازوره واطمئن عليه بعد خروجه من غرفه العمليات
عندما راني احسست انه وجد شيء يتمني ان يراه
لن استطيع مهما طال بيا العمر ان انسي تلك النظره
تحدث معي وقال لي عايز اكلم حنان
كان ذلك في رابع ايام تبرعه ومازال جرحه لم يلتئم بعد..
جعلني من كلامه عن حنان اعشق حاله الحب التي يعيشها
قال لي ممكن اعمل تليفون من موبايلك بصديق عمري علي
اعطيته التليفون واتصل به
وسال عن احواله وظروفه وساله صديقه عن سر اختفاؤه
فقال لها في شغل في مصر وشهر وراجع
طمن حنان وقولها انا راجع بفلوس اتصرفت فيها وهجيلك واتقدملك واخطبك
رد عليه صديقه....محمد .... حنان اتكتب كتابها انهارده ودخلتها بكره
قال له ازاي قولي فهمني..وانهار وهو يكلمه من البكاء
قبلها لم اكن اتخيل ان هذا الانسان القوي يبكي لفراق اي امراه
ولكنني كنت مخطيء
انهار وهو يتحدث بشكل جعلني ابكي لضياع كل احلامه
التي تتمثل في حنان.....
صاحبه في المكالمه قاله انهم اجبروها علي الزواج من ابن عمك
لان الكل في القريه يتحدث عن علاقتكم وانت عارف كلام الصعايده
وقع التيلفون من يده وذهب في غيبوبه اسرعت لنداء اي طبيب
وضعوا له محاليل وادويه وكانيولا
ولكن بعد ايه...........
بعد ما حلم عمره اللي كان عايش عشانه راح وحته من جسمه ومن قلبه
راحت ومش هترجع
اتكسر وخرج من المستشفي شخص اخر.....رايته بعدها بخمس سنوات
صدفه ولكنه لم يكن محمد الفيومي الذي عرفته
اصبح شخص اخر قسوه الحياه والناس وعدم رحمه اهله به
ساقته لطريق لا يعلم عاقبته الا الله................ انتهت

يوم استمتعت بيه

لسه داخل بيتنا وراجع من لقاء بورسعيد
بجد من جمال اليوم مش هبقي مبالغ اذا قلت انه يوم رائع
بشكل جميل وممتع ولا الجو انهارده كان تحفه
ايه ده مصر حلوه قوي والله يا جدعان وتستاهل حبنا
بورسعيد في تاني زياره ليها متالقه في النضافه والجمال
والجو واللي زود جمال وحلاوه بور سعيد في عيني انهارده
مجموعه المدونين البورسعيديه شباب وبنات زي الورد..
اليوم ابتدا في السابعه صباحا وانا وشريف حسن
صاحب مدونه هجايص اول اتنين رحنا
موقف الترجمان حصلنا بعد كده خالد همس الاحباب وبعديه
جي الشاب ضياء بيوتفل مايند
ركبنا السوبر جت وليه وقفه بسيطه هنا
ان نضافه موقف الترجمان تضاهي نضافه مطار القاهره
وكنت مستغرب ان الموقف ده مجرد موقف للسوبر جت
جميل ونضيف بشكل ينرفز ...
الطريق لبورسعيد كان جميل وبصراحه رغيت
رغي صدعت دماغهم يا ضنا امهم
وصلنا علي الساعه 11 وروحنا لحديقه التاريخ
مكان جميل ونضيف وفي وسط بورسعيد
الله بقي علي جمال وادب واستقبال اخوانا المدونين
ناس لذيذه
وكان موجود مجموعه من الاطفال المعوقين ذهنيا مع اولياء امورهم
وبعد الصلاه ابتدت الحفله لالاطفال المعاقين والدي جي
وتوالت فقراتها وسط فرحه الاطفال ورقصهم
جميل قوي ان حد تقدر تفرحه ولو بانك تحسسه انه بني ادم عادي
عايش ويتعايش ومش نكره وليه حق زيه زيك في الحياه
والفقرات كانت ممتعه جدا الاراجوز والرقص مع الشباب علي انغام
اغاني الاطفال وفقره تحريك العرائس المتحركه
الو اللي كان بيرقص العروسه رقص شعبي يخرب بيته
من جمال تحريكه للعروسه
يخليك تحس انك بتتفرج علي سميه الخشاب مش عروسه متحركه
ومحدش يسالني اشمعني سميه الخشاب
اصل سميه الخشاب موزه ملهاش حل ..حد ليه فيه انا شايفها كده
طبعا نسيت اقول مين اللي جه خلال فقرات الحفل
طبعا اللي منظم اليله كلها وزينه بنات بور سعيد اللي كانت في استقبالنا
ايناس نهر الحب اول ما شفتها افتكرتها اتمه ايه بقول الصراحه
بس لما كلمتها لقيتها مش اتمه خالص بالعكس دمها خفيف
وبتحب الخير وكانت باور بشكل رجولي بت عسوله
وطبعا اللي تسعفني الذاكره بيهم حاليا واكيد هنسي ناس
ايناس lade e بت يا ايناس انتي روحك حلوه كده ليه
لا بجد روحك جميله قوي مش بعاكسك انتي فاهمه..
سومه خاله ايناس بنوته زي القمر وعليها بصه تجنن ولما عرفت اني عندي 30 سنه
حسيت انها استغربت وافتكرتني بشتغلها
وربنا يا بنتي انا اللي شكلي صغير ودي نعمه ان انا كده.....
سومه ايه رايك تتجوزيني ...اوعي تقولي لأ انا شاب لقطه
داليا هو ده عيبه ...عقلها حلو وتثبت للواحد ان لسه في بنات بتفكر
دعاء ربع ضارب عاقله وتشوفها تحس بالعقل بينط من عنيها
نورا خيخه واي كلام الغاليه وام الغالي
صحيح وديني يا نورا الواد شريف ده مهسيبه كده يضربني بالشلوت ويجري
عموما ملحوقه وهتتظبط يا شريف
نورا ابنك الله اكبر ماشاء الله زي القمر ربنا يباركلك فيه
بس خللي بالك الواد شكله بتاع موزز
وهيقضيها
عسقول طول اليوم بيعمل حاجه بفروع الشجر كاشكال لالاطفال
هو وحماده بس بصراحه تعب فيها وفي الاخر سابها ومشي..
ماما اموله ربنا يشفيكي انت اد ايه محترمه وكبيره
تعبتي معانا انهارده...
لساندرا ...تحيه كبيره جدا لاجمل بنات دمياط
وبعد الحفله علي الساعه اربه رحنا بقي نتغدي في سي ستارز
الله يسامحك يا ايناس يا نهر الحب قعدت ميت سنه تشكر في المكان
ده جميل ..ده نضيف..ده ظريف
وبصراحه او ما كلت البيتزايا حسيت اني نفسي غمت عليا
بس مين كلتها كنت ميت من الجوع واللي يحصل يحصل
وبصراحه اجمل من الاكل كانت الدردشه بين الناس اللي قاعده
اكتر ناس اتكلمت معاهم خالد همس الاحباب
وخالد مش مستني اني اشكر فيه لانه عارف كويس انه راجل بمعني الكلمه
يا خالد انت كل اما اشوفك يا اخي احس ان الرجوله لسه بخير
اه والله يا خالد ومش بجمالك
شريف حسن هجايص واد يا شريف انت فعلا عبقري في عالم طري
وشرف خالتي انت معلم ايه ياد انت كلامك متنقي ولا مفلتره
يخرب بيتك بتطلع كلام من الشفخ الجواني
فاتيما ...اقولك ايه كل مره اشوفك اعزك اكتر من اللي قبلها
عندك حنان وحب يكفي محافظه بامانه نفسي ربنا يكرمني
بانسانه في احترامك وحنيتك وقلبك الابيض
ايناس lady eخنقتك انا انهارده صحيح طمنينا عليكي انك روحتي بالسلامه
عشان شكلك مبتعرفيش تسوقي وانتي جعانه
نورا خيخه دي داهيه وحدوته يخرب بيت فقرك يا نورا فقريه
وبعد ما اكلنا شريين اتصلت بيا ونسيت اقول ان شريين حاجه جميله قوي كصديقه عمر
من ايام السادات....
وخدتنا واتمشيت انا وهي وشريف وخالد ابو همس وفاتيما
علي الكورنيش
الله الله الله علي جمال كورنيشك يا بورسعيد وسنه البرد الجميله
والله مكنت عايز امشي من جمال الجو والصحبه الحلوه
وخدنا بعديها بيجو سبعه راكب ورجعت انا وشريف وفاتيما وخالد ابوهمس
ناس بجد افتقدتهم انهارده
المهندس سيد ابو منعم وعلي فكره يا سيد اتصلت بيك ميت مره
تليفونك غير مرتاح مش عارف مقفول ولا انت خنقته ولا اتسرق منك
بس كان نفسي اشوفك جدا ..عموما عل المانع خير
الدكتوره ستيته اي لقاء انتي مش فيه اكيد ينقصه شيء
وجودك بيملي فراغ محدش يقدر يعوضه
ريم رسائل بلا بريد ازيك يا ريم
سلامك وصلني بس برده ملحوقه هتروحي مننا فين والجاتوه بتاعك وحشنا
احمد الرومانسي ....مجتش ليه يا احمد......
غاده محسن ورانيا كنت بجد نفسي اشوفكم وندردش زي يوم الدقي
انتي غاليه علينا يا دودو ....
حابب اقول لكل الناس بجد كان يوم تحفه ومش بجامل حد
وانا مش محتاج اجمال لان انا مليش مصلحه ولا حاجه
تجمعني مع الناس دي سوي الحب من غير مصالح
بجد اللي مجاش فاته يوم جميل جدا وربنا يجعل كل ايامنا حب وسعاده
وربنا يجمعنا تملي علي الخير
كان معكم من بورسعيد
وليد الدوغري
مراسل قناه هي وظروفها الفضائيه اللولبيه

خاطره شاب

من النهارده
حياتك
شوارعها
بحواريها
بمدنها
وضواحيها
بالامها
واحلامها
بمشاعرها
بافراحها
واحزانها
بمواويلها
باغانيها
ملكك واتصرفي فيها
تزودي
تنقصي
تحرقي
تولّعي
تدمري
تفجري
مبانيها
أهم شيء يخصني
ان أنا مش فيها
ولا يمكن ابدا
راح افكر
ابني لغيري
هحلم وهفكر
وراح ابني
برجي لطيري
يمكن اكون
معرفتكيش
وجايز اكون
مفهمتكيش
بس اللي حاصل
واللي واصل
واللي شفته
بنن عيني
انك اكيد
محبتيش
مظلمتكيش

مين اللي جاي

انا ان شاء الله رايح بورسعيد يوم الجمعه الجايه وهشارك
احبائي واخواني المدونين في اللقاء الخيري

مين قال جاي

مين اللي قال جاي

والتفاصيل عند خيخه وفاتيما وايناس

واللي جاي يعمل حسابه من دلوقت
واللي هيقول جاي وميجيش وشرفي
لو شفته بعد كده لاغرمه كيلو بوري سنجاري
وانا في السمك معرفش ابويا