لسه داخل بيتنا وراجع من لقاء بورسعيد
بجد من جمال اليوم مش هبقي مبالغ اذا قلت انه يوم رائع
بشكل جميل وممتع ولا الجو انهارده كان تحفه
ايه ده مصر حلوه قوي والله يا جدعان وتستاهل حبنا
بورسعيد في تاني زياره ليها متالقه في النضافه والجمال
والجو واللي زود جمال وحلاوه بور سعيد في عيني انهارده
مجموعه المدونين البورسعيديه شباب وبنات زي الورد..
اليوم ابتدا في السابعه صباحا وانا وشريف حسن
صاحب مدونه هجايص اول اتنين رحنا
موقف الترجمان حصلنا بعد كده خالد همس الاحباب وبعديه
جي الشاب ضياء بيوتفل مايند
ركبنا السوبر جت وليه وقفه بسيطه هنا
ان نضافه موقف الترجمان تضاهي نضافه مطار القاهره
وكنت مستغرب ان الموقف ده مجرد موقف للسوبر جت
جميل ونضيف بشكل ينرفز ...
الطريق لبورسعيد كان جميل وبصراحه رغيت
رغي صدعت دماغهم يا ضنا امهم
وصلنا علي الساعه 11 وروحنا لحديقه التاريخ
مكان جميل ونضيف وفي وسط بورسعيد
الله بقي علي جمال وادب واستقبال اخوانا المدونين
ناس لذيذه
وكان موجود مجموعه من الاطفال المعوقين ذهنيا مع اولياء امورهم
وبعد الصلاه ابتدت الحفله لالاطفال المعاقين والدي جي
وتوالت فقراتها وسط فرحه الاطفال ورقصهم
جميل قوي ان حد تقدر تفرحه ولو بانك تحسسه انه بني ادم عادي
عايش ويتعايش ومش نكره وليه حق زيه زيك في الحياه
والفقرات كانت ممتعه جدا الاراجوز والرقص مع الشباب علي انغام
اغاني الاطفال وفقره تحريك العرائس المتحركه
الو اللي كان بيرقص العروسه رقص شعبي يخرب بيته
من جمال تحريكه للعروسه
يخليك تحس انك بتتفرج علي سميه الخشاب مش عروسه متحركه
ومحدش يسالني اشمعني سميه الخشاب
اصل سميه الخشاب موزه ملهاش حل ..حد ليه فيه انا شايفها كده
طبعا نسيت اقول مين اللي جه خلال فقرات الحفل
طبعا اللي منظم اليله كلها وزينه بنات بور سعيد اللي كانت في استقبالنا
ايناس نهر الحب اول ما شفتها افتكرتها اتمه ايه بقول الصراحه
بس لما كلمتها لقيتها مش اتمه خالص بالعكس دمها خفيف
وبتحب الخير وكانت باور بشكل رجولي بت عسوله
وطبعا اللي تسعفني الذاكره بيهم حاليا واكيد هنسي ناس
ايناس lade e بت يا ايناس انتي روحك حلوه كده ليه
لا بجد روحك جميله قوي مش بعاكسك انتي فاهمه..
سومه خاله ايناس بنوته زي القمر وعليها بصه تجنن ولما عرفت اني عندي 30 سنه
حسيت انها استغربت وافتكرتني بشتغلها
وربنا يا بنتي انا اللي شكلي صغير ودي نعمه ان انا كده.....
سومه ايه رايك تتجوزيني ...اوعي تقولي لأ انا شاب لقطه
داليا هو ده عيبه ...عقلها حلو وتثبت للواحد ان لسه في بنات بتفكر
دعاء ربع ضارب عاقله وتشوفها تحس بالعقل بينط من عنيها
نورا خيخه واي كلام الغاليه وام الغالي
صحيح وديني يا نورا الواد شريف ده مهسيبه كده يضربني بالشلوت ويجري
عموما ملحوقه وهتتظبط يا شريف
نورا ابنك الله اكبر ماشاء الله زي القمر ربنا يباركلك فيه
بس خللي بالك الواد شكله بتاع موزز
وهيقضيها
عسقول طول اليوم بيعمل حاجه بفروع الشجر كاشكال لالاطفال
هو وحماده بس بصراحه تعب فيها وفي الاخر سابها ومشي..
ماما اموله ربنا يشفيكي انت اد ايه محترمه وكبيره
تعبتي معانا انهارده...
لساندرا ...تحيه كبيره جدا لاجمل بنات دمياط
وبعد الحفله علي الساعه اربه رحنا بقي نتغدي في سي ستارز
الله يسامحك يا ايناس يا نهر الحب قعدت ميت سنه تشكر في المكان
ده جميل ..ده نضيف..ده ظريف
وبصراحه او ما كلت البيتزايا حسيت اني نفسي غمت عليا
بس مين كلتها كنت ميت من الجوع واللي يحصل يحصل
وبصراحه اجمل من الاكل كانت الدردشه بين الناس اللي قاعده
اكتر ناس اتكلمت معاهم خالد همس الاحباب
وخالد مش مستني اني اشكر فيه لانه عارف كويس انه راجل بمعني الكلمه
يا خالد انت كل اما اشوفك يا اخي احس ان الرجوله لسه بخير
اه والله يا خالد ومش بجمالك
شريف حسن هجايص واد يا شريف انت فعلا عبقري في عالم طري
وشرف خالتي انت معلم ايه ياد انت كلامك متنقي ولا مفلتره
يخرب بيتك بتطلع كلام من الشفخ الجواني
فاتيما ...اقولك ايه كل مره اشوفك اعزك اكتر من اللي قبلها
عندك حنان وحب يكفي محافظه بامانه نفسي ربنا يكرمني
بانسانه في احترامك وحنيتك وقلبك الابيض
ايناس lady eخنقتك انا انهارده صحيح طمنينا عليكي انك روحتي بالسلامه
عشان شكلك مبتعرفيش تسوقي وانتي جعانه
نورا خيخه دي داهيه وحدوته يخرب بيت فقرك يا نورا فقريه
وبعد ما اكلنا شريين اتصلت بيا ونسيت اقول ان شريين حاجه جميله قوي كصديقه عمر
من ايام السادات....
وخدتنا واتمشيت انا وهي وشريف وخالد ابو همس وفاتيما
علي الكورنيش
الله الله الله علي جمال كورنيشك يا بورسعيد وسنه البرد الجميله
والله مكنت عايز امشي من جمال الجو والصحبه الحلوه
وخدنا بعديها بيجو سبعه راكب ورجعت انا وشريف وفاتيما وخالد ابوهمس
ناس بجد افتقدتهم انهارده
المهندس سيد ابو منعم وعلي فكره يا سيد اتصلت بيك ميت مره
تليفونك غير مرتاح مش عارف مقفول ولا انت خنقته ولا اتسرق منك
بس كان نفسي اشوفك جدا ..عموما عل المانع خير
الدكتوره ستيته اي لقاء انتي مش فيه اكيد ينقصه شيء
وجودك بيملي فراغ محدش يقدر يعوضه
ريم رسائل بلا بريد ازيك يا ريم
سلامك وصلني بس برده ملحوقه هتروحي مننا فين والجاتوه بتاعك وحشنا
احمد الرومانسي ....مجتش ليه يا احمد......
غاده محسن ورانيا كنت بجد نفسي اشوفكم وندردش زي يوم الدقي
انتي غاليه علينا يا دودو ....
حابب اقول لكل الناس بجد كان يوم تحفه ومش بجامل حد
وانا مش محتاج اجمال لان انا مليش مصلحه ولا حاجه
تجمعني مع الناس دي سوي الحب من غير مصالح
بجد اللي مجاش فاته يوم جميل جدا وربنا يجعل كل ايامنا حب وسعاده
وربنا يجمعنا تملي علي الخير
كان معكم من بورسعيد
وليد الدوغري
مراسل قناه هي وظروفها الفضائيه اللولبيه
.jfif)
69 Comments:
بجد يوم اقل ما يقال عنه انه رائع
مع انى اول مرة اقابلكم(ماعدا وليد) محستش لحظة انى غريبة او انى اول مرة بنكوا بجد انتم حاجة جميله جدا.. ربنا يبارك فيكم بس بجد ملحقتش اشبع منكم ولا اعمل معاكم واجب بس ان شاء الله ملحوقه واتمنى انى اكون ضيفه خفيفة عليكم.
يا ختي يا جماله يا ختي يا دلاله ايه الجمال ده اااااايه الدلال ده؟
هو ده الوصف يا جودعان
انا مش راضية اقوم احضر المحاضرة الا لما اتطمن انكم وصلتم لأرض المخروسة بالسلامة
ربنا يسعدك يا وليد
انت على الفطرة واللي زيك مش ها يشوف شر ابدا ان شاء الله
تحياتي
كان نفسي اكون موجوده
بس الحمد لله انه كان يوم حلوووووووووو
:-)) حمد الله على السلامة
بس بجد يا ضنا امهم فعلا
لسه فيك نفس يا استاذ وليد ترغى فى البوست :-))
بس برضه مش حقر :-)) عندك الجو -5 ؟؟ عندك ثلج نازل من السما ؟؟:-)))
ازيك ياوليد
مبسوطة اوى انه كان يوم حلو عليكم
ولو انى كنت اتمنى اكون معاكم
وحاضر من عينيا الجاتو يا وليد
وبجد وصفت اليوم بطريقة حلوة اوى
ربنا يجعل كل ايامك حلوة وخير
وليد
حمد لله على السلامه وكنت اتمنى اكون معاكم بجد
ان شاء الله تتعوض فى اقرب وقت
المهم انت حكيت تفاصيل جميله وبجد استمعت بكل حرف انت قولته
ماشاء الله عليك عندك طريقه فى السرد تحفه بجد
يا بختك انك شوفت فاتيما
بصراحه اى حد اعرف انه شافها احسده اها احسده انا باتكلم بجد......
المهم يارب عقبال كل مقابله وانت بخير وسعاده
اتمنى لك السعاده الدائمه
زهراء
زهراء
حظك اني مش قادرة ارد كويس دلوقتي
يا حضرة التوريست جايد بقى ليدي بتتكتب با ladeبرضه :) يو سبيك انجليزي؟ -وش بيطلع لسانه -
وبعدين روحي حلوة وخالتو بنوتة حلوة وليساندرا زينة بنات دمياط وانا مش معاهم في الليلة دي - الله يسامحك-
وبعدين بت يا ايناس متفقناش على كده
اوكي انا اصغر منك بس مش لدرجة بت يعني - سامحه يارب انا عارفة انه هيغيرها -
الحمد لله على سلامتكم
والحمد لله انا وخالتو وليسندرا وصلنا وبخير
اللـــــــــه ...
مش عارفه ابكي ولا اضحك ...
بجد كان نفسي اكون معاكو فى اليوم الحلو ده ...
بس بجد مبسوطه كتيييييير عشان انبسطوا وغيرتو جو ...
وايه الوصف الرائع ده ياوليد باشا
والله حسيت انى كنت معاكو
وبجد انا ورانيا كنا نتمنى نكون وسط اللمه الحلوه دى ...
بس تتعوض يارب وتعملوا لقاء قريب ماليش دعوه :))
ربنا يسعدكوا دايما يارب
وبجد جزاكم الله كل خير ...
... ;) ,,, ;) ...
شكرا على المجاملة الجميلة دي وانا معجبة بشخصيتك جدا
وانا موافقة هات ماما وبابا وتعالى
سومة
شريين
انا معرفكيش اصلا يا شيرين
انتي مين
هههههههههههههههههههه
انتي فعلا كنتي ضيفه خفيفه
وخصوصا بعد ما عملتي ددايت
نورتينا انهارده
وقمتي بدر الارشاد علي اكمل وجهه
تعيش بور سعيد حره مستقله
د/ ستيته
كان نفسي والله تكوني معانا انهارده
اذا كنا حسينا بمتعه
فمن وجودك كان هيخللي المتعه تتضاعف
انا مش هقولك غير انك عارفه غلاوتك كويس عند الكل
وعارفه اد ايه المدونين بيحبوا ام مودي
ونشوفك علي خير في اقرب فرصه
ويارب دعاءك يستجاب
نحسبك من المؤمنين والله حسيبك
كياااااااااااااااااااااارا
كنتي موجوده بروحك
ايه يا كيارا
منتي عارفه ان عالم اللقاءات عالم شبحي
قوقعي ضيق الافق والملامح علي من يمتلكون القلوب
كان هتكمل حلاوه اليوم بوجودك يا قمر
واندا
ايه يا ون ون
ربنا يجعل كلامك خفيف عليا
انت داخله تحسدي صحتي ولا ايه
صلي علي النبي كده
وانا فرحان فيكم بقي ان التلج نازل من السما
وبلاش ار بقي علينا لحسن احنا
نجمنا ضعيف
اتفقنا
يارب السما عندكم تمطر ..........ولابلاش انتي بنتنا بردو
ريم هانم
والله كان يوم جميل جدا
وفعلا يزيد اليوم جمال انك تكوني موجوده فيه
بس بردو الجاتوه حقي فيه محفوظ
وكنزي كمان عروستي لازم نشوفها
ربنا يباركلك فيها
زهراء
والله يا زهرا
احنا شرف لينا ان احنا نشوفك
وكوني وصفت اليوم بشكل انتي شايفاه حلو
ده ناتج من جمال نفسك وذوقك
وفاتيما للي مشفهاش احب اقوله
اللي بجد عايز يشوف انثي من زمن الطيبه
يشوف فاتيما
اللي عايز يشوف
كيف تكون حنيه الاخت
يتعرف علي فاتيما
واللي بيحبها قوي
يشوفلي عروسه في حنيتها وطيبه قلبها
ماشي واللي هو كلام وبس
نورتي يا زهراء ونشوفك قريب علي خير ان شاء الله
ايناس
ايه يا ايناس
اللي خلاكي مش قادره تردي من التعب
يخليني انسي واكتب الyمكانهاe
وبعدين انتي اللي جوعتيني انهارده ولا اسيح في البلوجر واعملك شرده
ها وبعدين مش هغير بقي اي كلمه وربنا باذنه هيسامحني
ويسامحك ان شاء الله
والف حمد الله علي سلامه وصولك لارض الجبنه البيضا دمياط الحبيبه
غاده
ازيك يا دودو
ايه يا بنتي
منتي روحك كانت بترفرف حولين المكان
ووصلت سلامك وكلامك
تعيطي ليه بقي
ولا انتي من البنات اللي تفرح تعيط
تحزن تعيط
وباذن الله يبقي فيه لقاء قريب ونشوفك فيه
تحياتي لرانيا
سوووووووووووووووومه
دي مش مجامله دي حقيقه انك فعلا زي القمر ومحدش يقرا تعليقي يا بشر ويقول ده بيعاكس
لا انا بقول الحقيقه واللي شاف القمر يتغزل في جماله والا يبقي نظره ضعيف
وبخصوص ابويا وامي
هو لازم اجيبهم معايا ولا اجي بكيلو موز ونشوف الدنيا فيها ايه
فكري يا بنتي ومتضيعيش عريس عسل زي حالاتي من ايدك
نورتينا انهارده بهدوءك ورقتك
ونتمني تتكر
وااااااااد يا وليد
انا لسه مخلصة البوست بتاعى
و مش شايفة قصااااااادى
كل اللى عاوزة اقولهولك بقى
هتلاقيه عندى ف البوست
بس انا كمان فخورة بمعرفتك
انتا حد جدع و اخلاق قوى
ربنا يبارك فيك
خخخخخخخخخخخخخ
انا نمت خلاص
الف حمدالله على سلامتكم
والمره الجاية بقى تبقو عندنا في المنصوره
الف حمدالله على سلامتكم
والمره الجاية بقى تبقو عندنا في المنصوره
الحمدلله انه كان يوم حلو عليكم... ربنا يباركلكم
ربنا يجمعكم دوما في فعل الخير
تحياتي
ازيك يا وليد
حمدلله على السلامة بجد كنتم منورين بورسعيد وجزاكم الله خير
بس سؤال على الماشى اتمة مرة واحدة لية ؟؟؟
الحمد لله انك غيرت رأيك
عارف لو تغير الرأى دا كان بعد الاكل ممكن اكون عملت لك عمل على ودن جمل ساعتها وانت غيرت رأيك من مفعولة
لكن لو قبل الاكل ممكن برضة يكون بسبب الجوع
وبزوال كل التأثيرات عايزة اعرف رايك تانى هههههههه
بجد نورتنا
ويارب دايما متجمعين فى الخير
ربنا يتقبل منا صالح الاعمال
حلو قوي التجمع الجميل ده والحب الظاهر بينكم
ماشاء الله عليكم وبجد فرحنا انكم كنتم مبسوطين
ويارب دايما يديم الحب والاحترام بين كل الناس
مع كل احترامي وتقديري
شكرا يا وليد على ذوقك
ربنا يصلح حالك يارب
اليوم كان حلو بيكم وبروحكم الجميلة ونيتكم الخالصة لله
كان نفسي أتكلم معاكم أكتر إن شاء الله المرة الجاية أكون أحسن وأتكلم
سعدنا بكم بجد والحمد لله إنكم رجعتم مرتاحين ومبسوطين ربنا يجعل سعيكم في ميزان حسناتكم اللهم امين
شكرا يا وليد
أنا ماما أمولة يا وليد
ياخراشتى ياخرشتى انتو كمان روحتو وجيتو,,
انا حاسه انى عايشه فى غيبوبه يابشررررررررررر حد يصحينى باه...
طب كنت اتصلت بيكو حتى:(
والله كان نفسى اجى بس تقريبا انا دخلت غيبوبه وفقدت الاحساس بالزمن ,,
الحقنى ياولييييييييييد انا باين اتغيرت يكونش اتغيرت,,جااالى زهايمر:(
بس الحمد لله انكو اتبسطتو,بس ليا حساب مع ليدى اما اشوفها بس,,كانت حتى تفكرنى وخصوصا انى مش بدخل النت الفتره دى:(
مبسوطه اوىىىىىىىىىىىىى انكو اتبسطتو ويارب دايما.
امممممممممم
ناس جاهزة وسريعة وبتنزل البوست بالتعليقات
امكانيات طبعا واكل البيتزا وقعدة فى الركن البعيد الهادى اللهم لا حسد ولكنه قر بس
ههههههه
تصدق بالله انت انسان غريب بالرغم انها المرة التانية الى بشوفك فيها لكن حاسس انى اعرفك من 20 سنة وحاسس اننا اصدقاء من ايام الطفولة
فيك شىء لله وجدعنة ورجولة تسلم يا باشا
بس بجد وحشتنى وحاسس انى ليه شهر مش شوفتك
اشوفك صدفة ان شاء الله
تحياتى اخى العزيز
كياااااااااااااااااااااارا
^^^^^^^^^^^^^^
نحم
ايه بتنادى عليا من المريخ
انا في ايييييييييجييييييييييبت وربنا
^^^^^^^^^^^^^^^^^
كنتي موجوده بروحك
اه هنغلس بئا ونقول روح ومش روح يعني انا قاعده في البيت وروحي دي عماله تلف هنا وهنا قليلة الادب مش عرفت اربيها انا عاااااااااااااا
^^^^^^^^^^^^^^
ايه يا كيارا
منتي عارفه ان عالم اللقاءات عالم شبحي
^^^^^^^^^^^^^^^^^
يالهووووووووووووووووي وحولت للناس لاشباح
روح واشباح فيلم رعب دا ولا لقاء خيري
^^^^^^^^^^
قوقعي ضيق الافق والملامح علي من يمتلكون القلوب
^^^^^^^^^^^^^
كمان فيها قوقعه لالالالالالالالالالالا دي الحاله هوبلس كيس فراولاية ^_^
^^^^^^^^^^^^
كان هتكمل حلاوه اليوم بوجودك يا قمر
ربنا يكرمك يارب هي حلوة بوجودكم فيها
وهنيالك يا فاعل الخير
^^^^^^^^^^^^^^
انت هتشحت علي التعليقات
بكرة تقول اكتب تعليقين تاخد سكوتر هدية ^_^
انا بكتب وانا فاتحه نص عين!!!
هى عدوى التعب فى التعليقات ولا ايه؟؟
اكيد كان يوم جميل بالناس الحلوة ديه
انا اول مرة اشوف حد بيكتب تعليقوا او انطبعات عن اليوم بالشكل دة
صريح وجايب من صميم قلبك
وليدى غلبانه ياعينى دى مأكلتش حته البيتزا كلها
سومة يالهوىىىىىىىىىىى على سومة
روحى روحى
تنفع والله يا عم وليد مراسل ميه ميه
معلش يا عمونا بقى تتعوض المرات اللى جايه عمرى ما روحت بورسعيد بس كنت اتمنى اروحها واشوفها وبالذات بقى اكيد المكان هيحلو اكتر بالناس اللى فيه
ايناس نهر الحب فعلا تحس انها كده نهر مليان بالعطاء وماما اموله استاتنا كلنا طيبه قوى وحنونه
انا عمرى ما شوفتهم بس حبيتهم فى الله
ربنا يديم اللى ما بينا يا عم وليد
وربنا يسعدكم اكتر واكتر يا سيدى
فاتيما
هو انا مستني اعرف انتي مين بكوني اقرا بوست
لا لأ ملكيش حق
انتي وربنا يعلم اخت بحق وحقيقي
يا بنت خالي والله
انت مثال للمرأه المحترمه ويجب ان يحتذي
وانتي عارفه غلاوتك عندي ومفيش كلام عنك يوفيكي ربع حقك
بس اللي اقدر اقولهولك
انك هتيجي معايا
لما الاقي بنت الحلال
عشان تخطبيلي
اتفقنا؟؟؟؟؟؟؟؟؟
sweet angel
الله يسلمك
والمنصوره منوره باهلها
وربنا يسهل ونجيلكم ونتشرف بمعرفتكم
ابو علي سمع هس
ربنا يخليك يا غالي
وكان نفسنا تكون معانا
ربنا يبارك فيك يا حبيبي
فتاه من الصعيد
بلدياتي الحبيبه
بعد التحيه
ربنا يبارك في عمرك وفي حياتك ودمتي بخير
ايناس نهر الحب
اولا الله يسلمك
انا قلت كنت فاكرها اتمه
انما لما كلمتك لقيتك قمر وروحك ملهاش حل
بس كوني اغير راي عشان الاكل
فالاكل ده كل اما افتكره
ابقي عايز ارجع بور سعيد ااقتلك وارجع
انا مليش في البيتزا السي فوود
وكنت عايز اكل سمك بس اقولك ايه
الله يسامحك
والمره الجايه مش هسمع كلامك خالص عن الاكل دنتي جوعتيني موت
كويس إنكم مبسوطين ربنا يسعدكم
وانا فى بيت الطالبات وفى الكلية كان ليا أصحاب من بور سعيد وكنت بعرف البور سعديين من لبسهم كانوا متميزين جداا فى لبسهم وشيك ونضاف كدة أكيد بور سعيد كدة برده أنا كمان نفسى أشوفها
فريده
الطير العاشق
والله كان جميل قوي يا فريده
وربنا يديم الاحترام والخير والحب بينا
وفعلا كان وجودكم يفرق لالاحسن كتير
بس لما ترجعي انتي ومها بقي علي خير ان شاء
نعمل لقاء خاص للمغتربين
بس اوعي نعمله ومتجوش
ماما أموله
عامله ايه وصحتك عامله ايه
يارب تكوني بخير وربنا يباركلك ويجزيكي خير
وتتعوض المره الجايه ونتكلم كتير فعلا اليوم كان مليان ومكنش فيه وقت كتير نتشرف بالكلام مع ناس كتير حلوه وحضرتك اولهم طبعا
ربنا يبارك في كل حياتك يا ست الكل
شيماااااااااااااااااا
وكتاب الله واحشه بلوجر اوف ايجبت والدول العربيه
ايه هو كل اللي تتخطب تتقطع عننا كده
علي العموم نتمنالك السعاده حتي لو بعيد عننا المهم تطمنينا انك بخير وبحب وبسعاده
انا جاااااااااااااااااااااايلك
مالك بساوعي من الزهايمر
يا بنتي يا شيما انتي لسه في عز شبابك
صحيح جوز المستقبل اسمه ايه؟؟؟؟؟؟؟
ربنا يتملك علي خير
همس الاحباب
خلوووووووووووووووووووووود
وديني يا خالد مهعتقك بعد كده
المره اللي فاتت غلست علي ساره
والمرادي مسبتنيش في حالي
ايه ياعم اولعلك في نفسي
ولا اشرب ليتر بيبس وانتحر
خالد
انا هقولك كلمه واحده
انت راجل
بكل معني للكلمه
والله ياخالد انا بقي حاسس انك زميل حضانه
يكنش انت اللي كنت بسرق منك السندوتشات
عشان امي مكنتش بتديني سندوتشات
اعترف واخلص وقر بالحقيقه
اليوم كان جميل بوجودك فيه يا وليد والله
انت نسيتنى بقا معلش عشان متكلمناش الا قليل بس المرة الجاية لازم ولا بد وحيثما تفتكر
بورسعيد نورت بيكو والله
مساءك فل
كيييييييييييييييارا
انا غلطان في الوصف
بس علي فكره انا بقول كده عشان اريحك مش اكتر
انا اقصد معني تاني للي قولته انتي اللي فسرتي كلامي غلط
بس اللي يريحك انا تحت امرك فيه
انتي بنتا ومنقدرش نزعلك
كيكي عووووووووووووووووو
والله اللكلام فعلا طالع من الشفخ الجواني
كلام من القلب وما كان من القلب يصل الي القلب
وبخصوص ليدي اختي الصغيره وحبيبه قلبي
ومقدرش اقول عنها خالص
دي لسه هتكتب بوست عن الشخصيات ولو قلت حاجه تزعلها بالصدفه هتسيحلي وانا مش قدها
بس ليدي بجد
عسووووووووووووووووووله لحد بكره
وسومه عروستي وهي وافقت ولا ايه يا سومه ردك هو اللي هيحدد؟؟؟؟؟
الرومانسي
ابوحميد
انفع مراسل حته واحده
ده اخوك كان من يومين معرض لللاغتيال ضمن عمل ارهابي
واتفجرت فيا قنبله اكبر من قنبله الحريري
لا يا عم انا مبحبش اكون مراسل
انا اتجوز واقعد في البيت وهي
جزاها الله خيرا تشتغل وتاكلني ولا ايه هي دي الرجوله ولا بلاش
ايناس فعلا بنت زي الفل
وماما اموله ام لكل المدونين وربنا يديها الصحه والبركه في العمر واولادها
نورت يا ابوحميد وملحوقه يا معلم
ههههههههههههههه
عبقري في عالم طري !!
الله يجازيك خير يا وليد .. موتتني من الضحك .
استنى الأول قبل ما أنسى .. ألف ألف شكر لـ "شيرين" .. ربنا يا رب يكرمها ويوفقها ويجازيها ألف خير ويجعل هذا اليوم في ميزان حسناتها.اللهم آمين
بحبك في الله يا وليد .. وأنت عارف إني مهما اتكلمت عنك مش هاوفيك حقك يا أخويا .. ربنا يا رب يديم المعروف ويجمعنا دايماً في الخير . اللهم آمين
:))
سلام يا معلمي
نيفين
انا طبعا معنديش ذوق خالص اني مكلمتكيش كتير
بس الا هو انا لو قلتلك اني مش مركز شويه انتي نيفين مين ابقي قليل الذوق
بس بصراحه انا مش واخد بالي
وشرف ليا اني كنت اخد بالي
اوو حتي اخد اي حاجه
المهم اخد لاني طماع وبحب اخد ومديش
ربنا يبارك فيكي وتملي مجتمعين في الخير
شريف باشا
حبيبي واخويا اللي عرفت متاخر وعلي كبر
بس ونعم الاخوه يااااد
وشرف خالتي انت عبقري بجد وربنا
انا بحبك يا شريف وانت عارف قدرك عندي
وانت عارف ان من اهم حاجه اسعدتني امبارح اني كنت برخم عليك طول اليوم
وشرين كمان تعبت معانا وبصراحه انا بشكرها معاك
وخصوصا علي فكره التمشيه علي الكورنيش
والله لولا فاتيما كانت متاخره كنا قعدنا عليلا البحر
ايه ده يا جدع البحر والكورنيش جميل قوي
ربنا يحميكي يا مصر وتبقي اجمل بلاد الدنيا
بحبك يا شريف
بحبك قوي قوي قوي قوي قوي قوي قوي يا مصر
مممممممممم قليل الزوق مفتكرش
افتكر انك نساى
وبعدين جل من لا يسهو
افكرك انا ام البنوتة لارااللى كانت متشعبطة فى ضيا
افكرك تانى انا اللى دليتك على سوق السمك هههههههههههههه
افكرك تالت انا اللى كنت بقولك انى كنت فاكرة مدونتك بتاعة بنت لان اسمها هى وظروفها وشرحتلنا قصدك
هههههههههههههههههههه
على الله تفتكر بقا
لحسن كدة يبقا مؤشر مش كويس
اتشرفت بمعرفتك بجد
نيفين
لالالالالالالالالا افتكرت
انا بس مكنتش مركز امبارح والاسم مجاش علي بالي اطلاقا
لا طبعا فاكرك جدا ولو نسيتك ابقي فعلا معنديش ذوق
بس لازم تسيحيلي في البوجر علي موضوع السمك يعني
وبعدين ربنا يخللي بنوتك اللي زي القمر واكيد طلعه لمامتها وباباها
بس انتي مشيتي بدري صح ؟؟؟؟
ولا انا كمان نسيت
اه فعلا مشيت بدرى لان لارا هتروح للدكتور
بجد كان نفسى الغدا يبقا عندنا كنت هعملكم سمكككككككككككك
ههههههههههههههههه بس محصلش نصيب
عموما ملحوقة ان شاء الله الجايات اكير
وانت مش قليل الزوق ولا حاجة متقولش كدة يا راجل
انا اللى مشيت بدرى
نيفين
الف سلامه عليها ويارب كان الدكتور هو اللي عيان
نيفين ايه الكوتيل الفيروزي الليعندك في مدونتك ده
انا بموت في فيروز
لا وايه وبادء باجمل اغنيه في حياتي
ليلي الشمال الحزينه
الله الله الله علي ذوقك في اختياره
اتفضل الكوكتيل والمدونة كلها
وبعدين كمان انت ماخدتش بالك كمان ان المدونة اسمها صباح ومسا ؟؟؟؟؟
الله يسلمك يا جميل وهى الحمد لله تمام التمام
تسلم على السؤال
مبسوطه قوي انكوا انبسطوا ...
يا بختكم بجد ...نفسي احضر اي لقاء للمدونين واتعرف علي الناس الجميله دي ...بس للاسف انا من الصعيد وانتوا كل لقاءاتكم وجه بحري ههههههههه...
مفيش مرة تعملوا لقاء في المنيا ...
وبجد مبسوطه انك غيرت جو وانبسطت ...انت ممكن تكون متعرفنيش بس انا باتابع مدونتك باستمرار...
تحياتي ليك يا وليد ...
السلام عليكم ورحمة الله وبركاته
هذه أول زيارة ليه في مدونتك الرائعة
تحياتي
اية دا
انا بهزر معاك والله
x_x
نيفين
ايه يا نيفين
اغنيه صباح ومسا
شي مابيتنسي
تركت الحب اخدت الأسي
يا بنتي فيروز دي معشوقتي
فيروز قصه حبي الحقيقيه
فيروز موال ملوش حدود
فيروز اجما جاره قمر في الدنيا
كفايه اسمها
فيروز
وربنا يخلييلك مدونتك وتتربي في عزك
لارا احسن دلوقت
سلمي عليها
البنفسج الحزين
والله لو بايدي كنا عملنا لقاء لمدوني دارفور مش المنيا
بس كفايه روح الود الحاصله عبر الاسلاك والنت والتعليقات
فعلا الحمد لله
اتبسطنا
وبشكل خاص انا اتبسطت جدا
وكنت محتاج اغير جو ضروري
وشرف ليا انك تتابعي مدونتي
ربنا يدبم المعروف والاحترام
بينا
فلسطيني
نورت المدونه والدنيا كلها
ويا حبيبي البيت بيتك تنور في اي وقت
تحياتي ليك يا غالي
كيارا...
عارف والله هو انا قلتلك زعلت ولا حاجه
انا اللي اتمني تكون وجهه نظري الضيقه الا متقوقعه وصلت بارتياح
منوره يا ست البنات
سالمة يا سلامة روحنا وجينا بالسلامة
فكرتني بنادر سيف الدين المراسل في فيلم وجاءنا البيان التالي بتاع حسبي الله فيك يا فخري
تحياتي
لا احنا زعلانين بجد اسمنا مش مكتوب ليه
عموما ملحوقة
ربنا يكرمك ويباركلك ويجعله فى ميزان حسناتك
خواطر شابه
نوجا بقي كده يا نوجا
انا شبه نادر سيف الدين
وكمان الله يجازيك يا فخري
هههههههههههههههههههههه
تبيع صاحبك يا ابو نسمه
قالوا ده انا ابيع نسمه
اتمني تكوني شاركتينا بببوستي
في اللقاء الجميل وقدرت اوصف ولو جزء من جماله
نورتي يا نوجا
شفقه واحسان
اولا انا بعتذرلك يا استاذ محمد
جدا اني نسيت اذكر اسم حضرتك وده نتيجه لاني كتبت البوست اول ما دخلت بيتنا ومكنتش مركز
وثانيا عدم ذكري لاسم حضرتك لا يقلل من ذوقك واخلاقك وطيبتك اللي كل اللي شافك ضروري لمحها في عنيك
وانا كوني شوفت حضلرتك فده شرف ليا
وباذن الله نشوفك تملي في الخير
ربنا يبارك فيك وفي زوجتك وفي اولادك
وياااااااااااااارب نشوفكم عن قريب في لقاء قادم ويجمعنا الخير
شريف باشا
والله يا شريف انا ملحقتش اعمل حاجة معاكم كان نفسى والله اطلعك الممشى من فوق بس انتم وقتكم كان ضيق اوى بس كله يهون عشان خاطر حتة السكرة (فاتيما )ان شاء الله تتعوض ..مرسى اوى ع الكلام الجميل ده والله ده بس من ذوقك وانا مبسوطة اوى انى اتعرفت عليكم واكيد مش اخر مرة اشوفكم
يا وليد بيه ازيك
نورتنا انا طبعا ماعتش معاك كتير بس باذن الله الايام جايه كتير ودايما مجمعين فى الخير
Post a Comment