مره وانا قاعد معايا
سرحت مني
يا نهار ابيض
انا رحت فين
ببص ملقتنيش
لقتني بقولي
يتلاقيني يا متلاقنيش
خفت عليا اوي
اترعبت
معقول اكون ضعت
وفي ليل الضلمه تهت
صرخت بعزم ما فيا
جريت
لقتني واقف بعيييييد
حضنّتني
بوستني
طبطبت عليا اوي
قلتلي خللي بالك مني قوي
ولو فكرت تتوه تاني
قولي فهمني
ارجوك متتعبنيش
.jfif)
26 Comments:
اللـــه .. بجد حبيت البوست ده كتير ...
كلماتك خفيفه أوي وواقعيه جدا جدا ... وده اللى بيحصل جوانا كتير ...
وبجد مافيش أحلى إن الواحد يعيش في الأول بسلام مع نفسه ويحب نفسه بدرجه معقوله ويفهمها كمان ...
وقتها الواحد راح يقدر يتعامل مع العالم الخارجي بطريقه صحيحه ...
يارب تفضل دايما فاهم نفسك واللى حواليك ...
تسلم وليد ...
... ;) ,,, ;) ...
احساسك بنفسك رائع
تحياتي لقلبك وقلمك
حلوة كتييير
كلماتها لذيذة وةخفيفة
بس مؤثرة جدا
وليدووووووو
ايه الكلام الجامد اوى ده كله
انت عارف لو نفسك تاهت منك يبقى على الدنيا السلام
فرحانه اوى للخبر اللى قولته
ربنا يوفقك ويكرمك ويفرح قلبك ويسعد ايامك
على فكره فيه مولد لسيدى بشر طبعا بس هو تقريبا اتوقف من حوالى 4 سنوات لانك لو تعرف المنطقه فى هناك فندق رامادا وده طبعا بيكون فيه سائحين كتير وعلشان كده اتلغى المولد على فكره انا بقى ساكنه جنب مسجد سيدى بشر واى سؤال اسكندرانى انا تحت امرك
هل ممكن طلب صغير خالص مالص
اول ما ربنا يكرمك والخبر الحلو اللى قولت عليه يتم هل ممكن اعمل لك بوست التهنئه
ربنا يعلم انى فرحت لك ازاى انت حد طيوووووووووب وتستاهل كل خير
زهراء
عارف حلاوتها في ايه ؟؟؟؟؟؟
انك بجد بجد بجد اتكلمت عن حالة كلنا بنمر بيها اوقات
بنحب نكلم نفسنا
نهرب من نفسنا
نلاقي نفسنا
نحلم مع نفسنا
نحضن نفسنا
نضرب نفسنا مية جزمة قديمة
ههههههههههههههههههههههههههههه
اه و الله اوقات بتحصل
شكرا يا وليد على الكلمات الجميلة دي
خالص تحياتي و تقديري
بحب اوووى اكلم نفسى كده
كانى بتكلم مع حد صاحبى اوووى
انصحه واقف معاه ويفضفض معايا ونبقى دايما مع بعضينا فى كل حتة
بوست حلو اووووى
ازيك ياوليد
جاية اسلم عليك بعد غيبة
كانت غصب عنى
ربنا يكتب لك الخير ياوليد
ويحقق لك كل ماتتمنى
تحياتى
حمد الله على سلامة روحك
وعيها كده و حفظها العنوان
علشان لوحبت تتمشى متوهش :-))
الله عليك يا عم وليد
الانسان لما يحب بجد بيحس بوجع حبيبه
بيحس بكل همسه وكل اه
عيشيتنا فى الخوف وفجاه لقينا امان
خالي بالك منك ياويلز..
وسلملي عليك اوي..
تحياتي ل انت..
السلام عليكم ورحمة الله وبركاته
ازي حضرتك يا استاذ وليد
انا عايزة اعرف انت ليه تاعبك كدة؟ وبتزوغ منك ليه كل شوية؟ هههههههه بوست دماغ تسلم ايدك بجد
لـــولا
غاااااااااااااااااده
وشرفي انتي هتخليني اتغر وافتكر نفسي
محمود عباس السباك
ايه يا بنتي
كلامك الجامد ده
اهم حاجه ان الواحد يتوحد مع نفسه عشان يعرف يتوحد مع اي بني ادم
والحمد لله ساعات بفهمني وساعات بتضايق مني وساعات اتف عليا هي وظروفها
ربنا يكرمك يا بنتي
سويت انجل
الله يخليكي وشكرا لمجاملتك الرقيقه
نورتي مكانك
رحاب صالح
ربنا يخليكي يا ذوق انتي
ليه مؤثره ده حوار مع النفس
كعاده البني ادمين اللسعين اللي زي حالاتي
نورتي يا رحاب
زهرررررررررررررررررررررراء
يا ستي لا جامد ولا حاجه
خليها علي الله
ده من ذوقك بس
والله يا فاطمه ربنا يسهل دعواتك بس انتي
ايه ده المولد اتلغي عشان السياحه
الله يخرب بيت السياحه وبيت اصحاب شركات السياحه وخصوصا اللليموزين
ليه كده بس؟؟؟؟
فندق رماااااااااااااادا عارفه
انا من عشاق سيدي بشر وعلي فكره الصوره بتاعتي اللي في المدونه وانا صغير في سيدي بشر
وبخصوص بوست التهنئه لما يحصل نصيب
فده شرف ليا وكونك اصلا تفكري فيه
والله يا زهر احساسك الاخوي ده مش لاقي كلام اشكرك بيه عليه
ربنا يديم المعروف
مهاااااااااااااااااا
كلنا فعلا هذا الرجل
بنحب نفسنا ساعات
ساعات نتخنق منها
نهرب منها
نرجعلها
بس لازم نلاقينا مهما روحنا
عرفتي منين انا ضربتني بالجزمه قبل كده
هههههههههههههههههههههه
اصل احنا ملناش غير روحنا بعد الله سبحانه وتعالي
نورتي يا غاليه والله العظيم نورتي
نجمه في السما
كلمي نفسك زي منتي عايزه
براحتك دي نفسك وانتي حره فيها
تحكي تفضفضي تعاقبي تعنفي تحضني نفسك بنفسك
احسن من اي حد يعمل كده ليكي ولو كان اي حد
ربنا يخلليلك نفسك
ام مالك
ازيك يا ست الكل
والله والله والله تعليقك وسؤالك فرحني جدا جدا جدا
ربنا يديكي الصحه والبركه ويسمعنا عنك خير يا ست الكل والله العظيم بحترمك جدا
وربنا يخليكي لينا يا اجمل ام
وانداا
الله يسلمك
ولو تاهت مني تاني هتجيلك بولندا
ابقي غديها ورجعيها بسرعه الله يخليكي
اصل انا روحي عالميه الافق
رومانسي
ازيك يا احمد
تعيلقك الظاهر علي موضوع مش بتاعي
بس عموما الحمد لله انك حسيت بالامان
ياااااااااااااااااه
جميل قوي الاحساس ده يا جدع
ابو علي
نفسي بتسلم عليك قوي قوي وبتقولك يا راجل
ده كلام اتوه ومتجيش تبص عليا دي اخوه بردو فين كيس البرتقان
وتحيه من نفسي ومني ليك يا كبير
لولا
وعليكم السلام ورحمه الله وبركاته
الحمد لله يا استاذه لوللا
انا رخم وبرخم عليا ساعات تخيلي اني من كام يوم وانا برددو قاعد معايا مش جمبي برن عليا لقيني سافرت اسكندريه وقاعد علي كوبري استانلي
قولت عادي يلا اتهوي شويه
نورتي يا لولا هانم وربنا يخليكم لبعض انتي وفاطمه
حلوة وانا بقرأها كانت الخلفية الموسيقية في دماغي هي أغنية انا مش عارفني لعبد الباسط حمودة
بس تعرف صراحة كلنا نفسنا نفسنا متتعبناش
طيب الحمدلله انك عرفت تلاقيك
:)
خواطر شابه
اهلا بيكي يا نوجا
عبد الباسط وانا ومش انا انا مش عارفني انا تهت مني
هههههههههههههههه
كلنا نفسنا نريح نفسنا
بس فيه ناس الشقه مكتوب عليهم وفي ناس مكتوبلهم الراحه قدر والحمد لله علي كل شيء
بصي يا زينه بنات المغرب والشمال الأفريقي الموزمبيقي
اهم حاجه ان الواحد يلاقي نفسه ةيطبطب عليها قبل ما تروح في الوبا
خال هنادي مبيرحمش يا نوجاااااااااا
اسراء
الله يخليكي وانا نفسي كده كده
مبتوهش لأ ابدا
نوووووووووووووووو
انا لا اتوه
انا بس بحب اهرب مني اشم هوا وارجعلي تاني
الانا بتاعي بيحيرني شويه ويحاول يحسسني بقيمتي
رخم رخم صحيح
نورتي يا اسراء
Post a Comment