عايمين علي ميه البطيخ

واقف لا بيا ولا عليا وبضرب كوبايه شاي
في الورديه الغبره الطين بتاع المدعوء علي عين امه
الشغل واذ بامراه تعمل يدوبك صاحبه ومديره شركه منافسه
مكتبها جمب مكتب شركتنا
ازيك يا لييييييييييييييدو واحشني
قولتلها الله يخليهوملك
عامله ايه يا غاليه
الحمد لله ليك واحشه
انا //انتي اكتر لخصي بروح امك مش ناقاصاكي
طبعا في سري ومين يجرؤ يقول لست كده
المهم من هنا لهنا
وراحت فتحاني ....الا قولي يا ليدو مش الريس قرب يرجع
قولتلها يرجع علي ضهره باذن الله
وهوووووووووب ..يرجع علي ضهره ليه
هو احنا نلاقي ريس احسن منه....
هو احنا نلاقي حد يحمينا زيه
يا ست الكل الحامي ربنا فكك بقي من الحكومه شويه
عشان الله يخليكي بواسيري مبتستحملش
وخلقي مكفيني بالعافيه
واذ بها تديني مواصفات للريس مبارك القبطان وقائد سرب حمام السلام
والضربه الجويه والمراره الذهبيه
ونص ساعه وجعت دماغي باوصافها وعشقها لهذا اللي مرمت
كرامه ابونا ولا اكنها بتوصف في عدل عمر بن الخطاب
انا///اعملي قهوه يا ابراهيم عشان احنا علي الصبح يا هيما معلش اخوك
حاجه تانيه اتفقعت عنده غير المراره...........
روحت داخل بطريقه هجوميه ولا 4/3/3
وقلتلها ده غير جدير بحكم شعب
شعبنا بقي حصاله نفايات بشريه
وبقينا شبه الجراد المتطفل علي اراضي غيرنا
وووووووووووووووووووو
البلد عايمه علي بحر فساد ورشاوي وسرقه ايه انتي من مالطه
ولا ادروشتي ورحتي طنطا
قالتلي ومالو هو اللي تحته هما اللي مغيبينه
هههههههههههههههههههههههه
مغيبينه ليه هو مش ملوش في البني زي اللي سبقه
مغيب ازاي؟؟؟؟؟؟؟؟؟
طب بصي يا ست الكل لو انتي مش جديره بالعشرين تلاتين الموظف اللي عندك
فكينا وفكيهم واركبي قطر الصعيد يمكن يتحرق انما لا منك ولا كفايه شرك
مبالك بحد بيحكم كام مليون جثه زينا فراعنه و وملاعين و مبيستنوش السمنه من
بطن النمله ؟؟؟؟؟هااااا ما تردي سكتت وغيرت الموضوع...........
رحت عملت شغل ورجعت لقيتها ......يخرب بيت طله وشك انتي لسه هنا!!!
قعدت ووجهت كلامها للمدير ما تفتح كده يا استاذ فلان الجرنال وشفلنا اسعار
الشقق الواد رودي ابني مش راضي بشقه الرحاب خالص
بيقولي انا عايز في مكان تاني الرحاب بيئه قوي يا ماما
انا/////يا ابررررررررررررررهيم ابوس ايد امك اي حاجه للبواسير بسرعه
هي//هو انت يا لييدو هتاخد شقه فين ولا اخدت خلاص
قولتلها انا والله باب وماما بيتحايلوا عليا اخد عشه في مساكن زينهم
بس انا اقل من عشه في البدرشين ولا ايواء كالكتا مرداش ابدا
يا مدام انا بدور علي شقه في اسكان الشباب
يكش يكون اسكان شباب السلوم
تعرفليش وسطه
مديري بقي طيب الله ثراه وجعل الجنه مش مثواه
تعرفي يا مدام انا ادامي شقه ببلاش في مدينتي لقطه لقطه
قالتله عامله كام يا حبيبي
قالها والله يا بلاش ستميه وخمسن الف
لحد هنا ومقدرتش امسك نفسي
قولتله بقولك يا بوص الا هو كل الشقق اللي ببلاش اتوزعت
ولا الحق ازاحم يمكن اخدلي شقتين تلاته
انا ماشي يا جدعان
ولما الناس دي تمشي حد يرنلي
قالتلي اقعد بس طب قولي امكانياتك خالص
قولتلها امكانياتي بس كده عينا وشرفي لاقولك يا ست الكل ومش هخبي عليكي
امكانياتي شقه قانون جديد يكش تكون في احراش افريقيا
انا نفسي اجوز واخلفلي حته عيل قبل ما اكبر والاقي ابني
بيقولي يا جدي
عادي لو كان تحت البيت زريبه مواشي ...زريبه خنازير
المهم يكون فيها حمام
عشان اول ما بواسيري تقوم عليا زي دلوقتي كده
الاقيلي حمام بباب
نورتي يا يا ست الكل الله شكل حد بينده عليكي
ثواني يا ابني جايه اهي
قامت جري تشوف مين
رحت جاري ورازع الباب في وش امها
قال الرحاب بيئه قال.....
عدم ردي علي التعليقات ليس عدم اهتمام مني
ولكن لظروف طارئه جافه ناشفه عليا
ولا اراكم الله مكروه في رئيس لديكم

24 Comments:

sweet angel said...

visiting your blog

سمع هوص (Abo 3li) said...

ايه ده... الرحاب... يعععععععععععععععععع...
ايه الاماكن البويستي بوو.. دي..
ودي الواحد يعيش فيها ازاي دي؟؟ الرحاب لمت اصلا... بقي اي حد معاه مليون ولا اتنين يروح يسكن هناك... حاجة بيئة بيئة يعني...
ياريت تشوفلي شقة مدينتي ال مديرك بيقول عليها دي.. لحسن دي فعلا ببلاش.. ستمية الف عفريت لما يركبوهم....
يلا كفاية حقد طبقي بقي...
ربنا يدينا...
ويحافظلنا علي مرارتنا.. وبواسيرنا...

سلامي ياعم وليد يامقلب علينا الشقق..

خواطر شابة said...

فيه مثل في بلادي يقول "شئ فوق شئ حتى لعند الله" يعني ربي قسم الارزاق وكل واحد ونصيبه وتعرف زي ما انت شايف مديرك والمديرة اللي جنبكم فيه ايضا اللي باصص لك انت بنفس النظرة
دمت بكل الود

لولا وزهراء said...

وليد

سورى ليدووووووووو

انا مش قادره امسك نفسى من الضحك
وبعدين بالذمه انت مقامك الرحاب او مدينتى نوووووووووو انت مقامك مدينه بحالها من بابها كلها هوا وخضره ونظافه لان طبعا انت اكيد زينا عمرك ما شميت هوا ملوث او شوفت منظر قذر طبعا عايش عيشه كلها رفاهيه بالاوى

وليد انا مرارتى اتفقعت

تسلم الايادى

ابقى طمنا على اخبارك

زهراء

esraa said...

المشكله فعلا ان في ناس مصدقين انه مايعفرش وان اللي حواليه هم اللي وحشين

ان كان يعلم فهذه مصيبه، وان كان لا يعلم فهذه مصيبه أكبر

لو هو مش عارف يحكم اللي حواليه ويعرف الحقيقه اللي بتتقال في كل الدنيا يبقي هيحكم الشعب ازاي؟

romansy said...

ايزيك يا ليدوووووووو
الله يكون فى عونك يا باشا شقه ببلاش ب 650 الف
دول عندنا فى البلد يشتروا عماره خمس ادوار
كل دور اربع اوض وصاله كبيره
دول مش عايمين فى ميه بطيخ بس دوووول مش معانا خالص انت متاكد انك كنت فى مصر ولا فين بالظبط
بس اقولك ايه ياترى العيب فى مين
الشعب غلبان قوى يا باشا
ناااااااااااس فووووووووووووووووووق
وناس تحت
وناس مش عارفه تبقى اى حاجه فى اى حاجه
الله يخرب بيت كده

ربنا معاك يا وليد بيك
ويقويك

حنين الذكريات said...

الريس بتعنا مظلوم فى عيشة شعبه ومفيش اى حاكم بيعجب محكوم
الناس هى اللى بتظلم فى بعضها وهى اللى وصلت نفسها لطريق ده
مش ده الريس اللى كانو بيقولولو اخترناك واحنا معاك لماشاءالله
ومدينة الرحاب ومدينتى وغيرها ملك لفراد عايزين الفلوس وبس علشان يبقوا بشوات بفلوسهم
لو كل فرد من الشعب عمل اللى عليه ومبقاش فيه جشع البلد هيتصلح حالها
ربنا يفرحك وتلاقى الشقه المناسبه

ghada mOhsen said...

اسلوبك بيموتنى من الضحك ياوليد ...

بس بجد ماليش رد على اللى انت كاتبه ده غير ان ربنا يهدينا جميعا ...

تسلم ياباشا
... ;) ,,, ;) ...

لولا وزهراء said...

الف سلامة ... قال الرحاب قال ومدينتي قال ...مالها عشوائيات زينهم يعني دي حتى روحها حلوووووووووووووووة وشرحة كدة :d

لـــولا

Sad Angel said...

لا لا لا
دى الرحاب دى مستواها ياااااااااى خالص

هههههههههههههههههه

والله العظيم بنآدمين ........

ربنا يهديهم

هي وظروفها said...

sweet angel

تورتي البلوج بتاعي البلوجات المجاوره

هي وظروفها said...
أزال المؤلف هذا التعليق.
هي وظروفها said...

ابو علي بيه الكبير

يا معلم رحاب ايه ومنه ايه ولبني ايه

احنا ملناش في مناطق البنات دي خالص احنا صعايده يا كبير

صحيح هو احنا كده نبقي بنحقد عليهم ولا بنحسدهم ولا نفسنا نبقي زيهم

افتكر ان احنا التلاته يا معلم
معانا ولا علينا ؟؟؟؟؟؟؟اعترف بسرعه

هي وظروفها said...

خواطر شابه

صباح العقل والرزانه

ايه يا غاليه الحكم والامثال الجامده دي

انا مع كامل احترامي وايماني بكلامك

واننا طبقات

بس بصراحه بقي انا شايف ان الطبقه دي بتعيش وتمثل وتعمل انها مش من هنا؟؟
فاهمه

هي وظروفها said...

زهراء

عماله ايه زهرا اسمك نطقه مليان عبير

الا صحيح هي عبير تقربلك؟؟

ثم انا بشكرك علي تقديرك ليه لاني فعلا استاهل مدينه

بس مدينه للمجانين

سلامه مرارتك وعقبال جمال

انا زي الفل والحمد لله

ووالله والله سؤالك ده علي دماغي من فوق

وربنا يوفقك لكل خير يا زهرا

الف شكر تاني لسؤالك عليا

هي وظروفها said...

اسرااااااااااااااااااء

لا هو مش ميعرفش يا قمر

هو يعرف بس عامل فيها كويتي وبعدين قدري السن

والمراره البلاستيك

وضيق الحلق والخلق ايه قدروا بقي شويه مرارته

هتنهبوا ده انتو شعب صحيح مبيقدرش اللي يخدمه

ثم بتسالي يحكم ازاي اخص اخص عليكي

انتي بتشكي في الرجاله اللي حواليه

مكنتش اعرف انك معارضه خالص

هي وظروفها said...

الرومانسي

ازيك يا ابو حميد

واحشني ياد عامل ايه


بقولك صحيح طالما الدنيا عندكم ارخص من الرحاب ومن رباب

تعرفليش شقه عندكو ولا ازاحم رحاب ورباب

اعمل ثواب يا ابني يعقدلك في عينك وعفيتك

والله واحشني يا احمد

ربنا يبارك فيك يا صديقي

هي وظروفها said...

حنين الذكريات

ايه الاسم الجامد اللي يخلي الواحد يرجع بدماغه عشرين تلاتين سنه لورا ده؟؟؟؟؟؟؟؟؟

فعلا احنا اللي ظلما ومفتريين

ومستحقش غير اكتر من كده

من اعملكم ولي عليكم

وملكيش دعوه يا حنين بصاحب الرحاب عشان قتل او ما زال متهم بقتل
اختنا وصاحبته سوزي

ربنا يجعل كلامنا خفيف عليه

هي وظروفها said...

غااااااااااااااااااااده


وربنا يا غاده اسمك لوحده

بيفرحني

تعلقي متعلقيش اهم حاجه اسم اختي الغاليه

ينورني

وكويس انك ضحكتي

اصلا انا كمان ضحكت من تعليقك وتخيلت ضحكتك

هي وظروفها said...

لوووولالا

ايه انت حاجزه في زينهم ولا ايه

لو كده قشطه لقيت جيران معرفه يا ناس ومش اي جيرا لأ دي زينه بنات اسكندريه والشواطيء المصريه

هروح الحق احجزلي بقي عشان انول شرف جيرتك

هي وظروفها said...

الملاك الحزين

ايه ما تقولي مالهم البني ادمين مالهم

ولا اقولك بلاش تقولي خليكي رزينه احسن

نورتي يا ملاك يا مبسوط

ويارب تملي تكوني في فرح وسعاده

وتشربي نسكافيه 4 ملاعق سكر

تحيه بورد كتير ليكي في اول زياره

لولا وزهراء said...

هي وظروفها يقول...
لوووولالا

ايه انت حاجزه في زينهم ولا ايه

لو كده قشطه لقيت جيران معرفه يا ناس ومش اي جيرا لأ دي زينه بنات اسكندريه والشواطيء المصريه

هروح الحق احجزلي بقي عشان انول شرف جيرتك

" ربنا يعزك ياارب ..بس انا من القاهرة وفاطمة هي اللي من اسكندرية "

لـــولا

ساسو said...

ههههههههههه
دمك خفيف اوي يا وليد
بجد موضوعاتك كلها تجنن
وبحب أقراها أوي
وبقعد أضحك علي الأفشات اللي موجوده فيها
بجد كلامك كله جميل
ومدونتك ناجحه جدا
بالتوفيق

مريم مر العمراوى said...

شركة تنظيف بالجبيل

شركة كشف تسربات المياه بالجبيل

شركة تسليك مجارى بالجبيل

شركة تنظيف مجالس بالجبيل

شركة نظافة بالجبيل

شركة تنظيف شقق بالجبيل

شركة رش مبيدات بالجبيل

شركة تنظيف خزانات بالجبيل

شركة تنظيف منازل بالجبيل

شركة مكافحة النمل الابيض بالجبيل

شركة تنظيف بيوت بالجبيل