الي من سأهواها...
أحيطك علما
أني اريدك
أما وصديقه
زوجه وعشيقه
حانيه ورقيقه
تحتوي جنوني
ترتبي شئوني
تكوني لي طبيبه
ووقت غضبي
تحتويني باي طريقه
ولكن ارجوكي
كوني لي زوجه
بروح صديقه
من حقك سيدتي
أن تسأليني
وماذا سوف تعطيني
أقول لكي
أعاهدك ..أعاهدك
أن احملك بعيني نهارا
والا اكثر من ضيق وشجارا
وأن أعطيكي
قلبي وعقلي وعمري
اكن لكي رجلا
بكل ما تحمله الكلمه
من طهاره
ستكوني نصب عيني دوما..
لن أتركك تموتي هما
سوف تكوني لقلبي
مليكه..
وبصدري تجدي راحتك
وكأنك في أزهي حديقه...
أنا لا ابحث في النساء
عن هوايه أو هويه
لكني ابحث عن امرأه
يكون لها حلم وقضيه
لا تمحور حياتها
في أين نأكل
هذا المساء
وأين نسهر
هذا المساء
ومن أين نأتي
بلبس الشتاء
أعلم أن هناك ضروريات
ولكن حبي لها
كدّي من أجلي وأجلها
عمري وحياتي ومالي
سيكون ملكا لها
لكن أكره المرأه الثرثاره
التي ترد كل كلمه
بعباره....
فأكثر ما أكرهه
من صفات النساء
المرأه الثرثاره
37 Comments:
والله لو قعدت تنادى عليها سنين
راااااااااااحت خلااااص
انت بتدور على ابرة فى كوم قش يا وليدي
المهم
حلوة الخاطرة
ونهايتها فكرتنى بمقولة قريتها زماااااااان
بتقول
المرأة الثرثارة تبحث لها عن جارة
سلام
اختك خيخة
خاطره جميله
المشكله ان على أرض الواقع
لا هي بتنفذ كلامها ولاهو
أمنياتي لك أن تجدها وتكسرا معا القاعده
تقبل مروري
تحياتي
ولييييد
قبل ما انسى بما انى اسمى فيه عبير انا مش اعرف عبير بس ممكن نتعرف :-P
بجد تسلم الانامل تحفه والله
ما شاء الله جميله اوى اوى
عاوزه اقولك على حاجه وخدها نصيحه من اختك الكبيره والله يا وليد فى بنات كده بجد والحمد لله اعرف منهم كتير
انت بس هات شقه فى مدينة الرحاب نوووووو سورى اقصد فى مدينتى يووووه لا برضه اقولك تعالى خد شقه هنا فى اسكندريه على البحر شكلك بتحب المناطق الشعبيه ايه رايك فى ميامى مثلا او خلينا نقول كفر عبده :-P بس اطمن مش فلاحين هههههههههههههه
المهم ربنا يوفقك وتلاقى افضل انسانه تستاهل الكلام ده
مشكوووور يا وليد على كلامك
ملحوظه صغيروه
انا من اسكندريه لكن لولا من القاهره
زهراء
" ومش اعرف عبير ;) "
و الله يا بنى
ربنا يعترك فيها
إن شاء الله
بنات الحلال الكويسين كتير و الله
بس النصيب غلاب
انا سخصياً شوفت واحدة منهن كدا
و قولتلك عليها
فاكر؟؟
طيييييب شششش اسكتى يا بنت خالى
حاضر يا بن عمتى
ربنا يكرمك يا وليد
انتا تستاهل كل خير
و من غير ما توعد مليكتك يا بنى
انتا شخص كريم و معطاء
و دا امر واضح لأى حد بيعرفك
المهم تكون هيا تستاهل كل حبك و عطائك
و ان شاء الله تستاهله
تحياتى الخالصة ليك
ومازال البحث مستمر
وربنا ينولك المراد ان شاء الله
حلوة فوكيرة الخاطرة
تحياتى
عارف ايه المشكلة يا وليد هي ان الاثنين يتلاقوا
فيه بنات كثير فيهن كل هذه الصفات ويبحثن هن ايضا عن مثيل لهن لكن المشكلة تبقى ان الغالب الاعم أعطى صورة سيئة للاخر عن جنسه مما جعل الكل يعطي احكام مسبقة وقطعية ان الكل سيئ في حين انه دائما هناك اخيار من الجانبين لكن للاسف لا يلتقيان
لكني ابحث عن امرأه
يكون لها حلم وقضيه
تفتكر فى الظروف دى قضيتها هتبقى ايه؟؟
انها تجيب الانبوبة الاول
وبتحلم تبقى رقم 252 فى طابور العيش
ان شاء الله تلاقيهااااااا
بس روح استنها من دلوقتى فى طابور العيش
عووووووو
:)
ان شاء الله تلاقيها وقريب
ربنا يكرمك باللى تستاهلها وتستاهلك
ده انت حاااااالم بشكل..
يصديقي صعب تلاقي واحدة كده... ولو لقتها.. يريت تعرفني علي اختها... هههه..
ال مش عاوزها رغاية ال ؟؟!!!
هو فيه ست مش رغاية اصلا؟؟؟؟
للرغي والنكد والزن هرمونات عند الست... مبتقدرش تعيش منغيرهم..
تسلم ايدك.. تحياتي
بت خيخه واي كلام
هههههههههههههههههههههه
ايه اللي بطلب مواصفاتها
راحت في الوبا ولا ايه
لا مش كده اخوكي هيتخض
اصل المراه الثرثاره دي نصيبه
بتبقي حكايه
نورتي يا نورا
سويت انجل
مهي فكره الخاطره دي
انها حلم مش اكتر
لان لو ه9ي نفذت كلامها ووعودها انا هقل باصلي
اصل الحياه من غير احلام دي مش حياه
تبقي اي كلام
وهيبقي لا حلم ولا حقيقه
خلينا نحلم لحد الفاس متيجي في الراس
زهراء
طالما متعرفيش عبير تبقي براءه
انا اعرفها بقي
ربنا يخليكي والله اللي قولت ليكي اقل من الحقيقي بكتير تسلمي يا فاطمه
وبخصوص البنات صحابك اكيد زي القمرات زيك
بس انا خلاص شبه لقيتها بس هي مجرد وقت يعدي والدنيا تبقي تمام
اطمني اخوكي عن قريب باذن الله هتسمعي خبر حلو عنه
ويا سلام علي ميامي وابو هاشم
وبير مسعود وسيدي بشر
الا صحيح سيدي بشر ده ليه مولد ولا ملوش؟؟؟؟؟؟؟؟؟؟
فاتيييييييييييما
ازيك يا بنت خالي
عماله ايه والواد يوسف عامل ايه
اكيد النصيب غلاب
واللي من نصيبي لابد هيصيبني
بس ربنا يستر متكونش الاصابه في مقتل
عارف تقصدي مين
وفاكر كويس
هو انا بردو انسي نصيحه بنت خالي
ماشي يا بطه بتسيحيلي في البلوجر
طب خليها بيني وبينك
وباذن الله مساله وقت بسيط وافرحك بابن عمتك
الملاك الحزين
لالالالالالالا مش البحث
هو انا بدور علي ايه
انا بس فكره الخاطره عن حلم القادم
ولكن انا عارف ان اي انثي وان طالت قصتها معي
نكديه وهتخليني اكره حياتي انا فقري ومش هقولك
لما ربنا يديني العمر ولو كتبت عن يومياتي الزوجيه
هتبقي اااااااااااااااايه فضايح
وهنمسك في هدوم بعض
ومن منبري ومن خلال ردي عليكي
احب اقولك اننا ممكن نطلق بعد شهرين لو طلعت ثرثاره او زراره حتي
خواطر شابه
ازيك يا نوجا
والله الواحد مننا يعمل اللي عليه ويختار شريكه حياته باسلوب يرضي ربنا ثم يرضي بعد ما يتمناه في زوجه المستقبل او عريس المستقبل لان العروسه او العريس التفصيل مش موجود
واحسن دعاء في هذا الموقف اللهم اختر لي من يعينني علي ذكرك وشكرك وحسن عبادتك
ربنا يرزقك بعريس زي القمر ويكون متدين وغني يا ستي يلا هيصي
كيكي عووووووووووو
وانتي بتستهوني بانها تشيل هم وقضيه معدتي
من اول اولويات اهتماماتي
ايه يا بنتي لو مشالتش هم بطني هتشيل هم ايه عقلي
لالالالالالالالالالالالالالا
نوووووووووووووو
انا افضل تكون صاحبت قضيه ولو كانت قضيتها تهتم بمعده العبد لله
اسرررررررررراء
ربنا يخليكي يارب ويوفقك
نورتي المحكمه
نجم في السما او نجمه معرفش
ربنا يبارك فيكي ولك دعاء بالمثل
وامنياتي بالتوفيق والبركه في الحياه
ابو علي
حبيبي
ايه يا معلم ماتسيبني احلم
هيبقي لا حلم ولا حقيقه
منتا عارف بس ده بيني وبينك
ان الستات ناقصين عقل ودين
وااللي عاقها سليم يا وييييييييييلك
يا سواد ليلك قابل بقي وانت وصبرك وقدرتك علي التحمل
ربنا يوفقك ويكرمك ببنت الحلال اللي تريح قلبك وعقلك وجيبك يا كبير
وليد على فكرة انا زعلانة اوي و الله
و اتاكدت اني لا اختك و لا نيلة
و ان كل كلامك ده كان كلام فاضي
و بصراحة انت اتغيرت فعلا
و انا عرفت ليه
لاني اتاكدت من اللي كان في دماغي
عموما شكرا ليك لطناشك ده
و فعلا الواحد ما بيتعلمش ببلاش
و ربنا يكرمك بالبنت اللي بتحلم بيها
بس صدقني الله يكون في عونها
غير معرف
انا اولا معرفش انتي مين بس توقعي انك ام سليم
لوكنت صح فانا والله بعتلك كذا مره وانتي اونلاين وانتي مردتيش
وانتي فعلا اخت ولو عايزه تتاكدي اسلي ايمان انا سالت عليكي ولا لأ
ولو منكتيش هي
فانا مش عارف اقول ايه
واكيد الله يكون في عونها طالما احنا اخوات يبقي عارفه عيوبي
ربنا يعينها عليا بس انا مش وحش قوي
وحش نص ونص
الا صحيح هو انا اتغيرت ليه؟؟؟
جميلة اوى يا وليد
ويارب يرزقنا واياكم بالزوجة الصالحة
وانا متفق معاك فى الشروط والاختيارات بشكل كلى وجزئى كمان
وبالتوفيق دايما
د/ عرفه
ازيك يا دكتور فينك يا عمنا
كويس انك متفقمعايا كليا وجزئيا
اصل انا حاسس اني حلم
وكويس قوي ان الواحد مش لوحده في الخلم
ايه رايك تيجي نعمل نقابه لينا؟؟
بس انا امين الصندوق ماشي؟؟؟؟؟؟؟؟؟؟
لاء طبعا مش ممكن...
مش ممكن تلاقي واحدة مش ثرثارة , يعني دي صفة ستاتي جدا وصعب انك تلاقي واحدة مش بتتكلم كتير , بس بتمني تلاقي بجد فتاة الاحلام اللي بتتمناها , بجد كلماتك جميلة ورائعة وتعبيراتك لذيذة كتير , وبحب كتير ادخل المدونة بس النت عندي شغال بمزاجة يعني التعليقات مش دايما بتوصل , عموما صباح الورد وتقبل مروري
وليد ............
عاش من شافك يا باشا
حلوة اوي القصيدة دي و الله
عجبتني اوي يا وليد
و بجد بتمنالك ربنا يكرمك ببنت الحلال اللي تسعدك و تسعدها يا رب و تعيشوا في سعادة دايما يا رب
ايوة كده يا وليد ارجع و اكتب و خلينا نقرا بقى و نرجع تاني لايام زمان
و يا ريت لو نتكلم قريب و اعرف اخر اخبارك
ربنا يوفقك و يسعدك يا رب
خالص تحياتي و تقديري
احيطك علما
كلماتك جميله جدا
يارب تلاقيها اكيد موجوده بس المهم تلاقيها واوعى تنخدع بالمظهر المكياج بيدارى حاجات كثير ما قصدش مكياج البشره اقصد مكياج القلب لانه للاسف بقى عليه رطوش بتدارى وراها حاجات كثير خلى بالك واقول يارب هتلاقيها قدامك بس حافظ عليها وخليك قد كلامك ونفذ الكلام اللى قلته بالحرف ما تخليش الدنيا تغيرك
انا طبعا صدعتك
تحياتى
سلمت يداك ودام جمال احساسك وصدق مشاعرك بجد اكثر من رائعه
رحاب صالح
يا ست الكل انتي تنوري المدونه وصاحبها
وبخصوص ان الرغي صفه اساييه انثويه
احب اقولك معلومه مهمه عني
انا رغاااااااااااااااي جدا جدا
فمبالك كمان لو اتجوزت واحده زي حالالاتي
هتبقي مش جوازه هتبقي صراع افكار واحتمال ندب في بعض كل ربع ساعه يرضيكي كده؟؟؟؟؟؟؟
حنين
اولا انتي مصدعتيش ولا حاجه
ثانيا ان شاء الله هحاول ابقي احسن من كده كمان في تعاملي معاها
بس طبعا واكيد وشور هتكون ليات اخطاء وممكن كمان تكون متناقضه مع مبادئي لذلك حلوه لذلك دي
انا افضل تكون مراتي طبيبه نفسيه عشان تعرف تتعامل مع واحد مجنون زي حالاتي
نورتي يا حنين في اول زياره
طوبه فضه وطوبه دهب
الله يبارك فيكي
ايه الكلام الكبير اللي بيتقال عليا ده يا نااااااااس كده ممكن اتغر وافتكر نفسي شاعر الشباب
نورتي يا قمر
مهااااااااااااااااا
ازيك يا مها وعارف ليكي حق تزعلي مني
بس انتي بنتا ولازم تستحملينا ولا انتي بتزعلي وبسرعه
ان شاء الله هكلمك علي الاميل انهارده
ربنا يخليكي علي مجاملتك يا مها
وانتي عارفه الاخوه اللي بينا قد ايه
ربنا يوفقك لكل خير انتي واحمد
بجد بحب أوى اللى بيرسم في خياله الحاجات اللى بيحبها واللى بيتمناها في شريكة حياته ...
لان بجد الحلم مش عيب .. وكمان في كتير أحلام بتتحقق ...
أما الثرثره فمعاك حق .. الثرثره بشكل عام مزعجه أحيانا ...
ربنا ينولك كل اللى في بالك وليد باشاااااا ... إنت تستاهل كل خير ...
دمت دائما قوي الإراده أخي العزيز ...
... ;) ,,, ;) ...
غاده
من حق حد وده حق مشروع انه يحلم
انا بشوف وقد اكون صاحب نظر ضعيف
اني لو محلمتش اموت احسن
الحلم حلو اوي يا غاده
اجمل ما في الحلم انه بيبقي حلم
لم يلوث من معايشته
بيبقي كده عامل زي الطفل البريء اللي معملش ذنوب خالص
عشان لسه مطلعش للنور
نما اول ما يظهر للنور
بيلوث باخطاء البشر
نورتي يا غاده
وهابي بيرث داي تو يو
جميلة بجد
وكده عرفنا إيه اللى مش هتقبله منها:)
بإذن الله تلاقيها قريب
مونا ليزا
اديني يا ستي وضحتلك ايه اللي مش عايزه فيها
وجهات النظر تكون تكون متقاربه في النقطه دي
ربنا يبارك فيكي وليكي
نورتيني
Post a Comment