من النهارده
حياتك
شوارعها
بحواريها
بمدنها
وضواحيها
بالامها
واحلامها
بمشاعرها
بافراحها
واحزانها
بمواويلها
باغانيها
ملكك واتصرفي فيها
تزودي
تنقصي
تحرقي
تولّعي
تدمري
تفجري
مبانيها
أهم شيء يخصني
ان أنا مش فيها
ولا يمكن ابدا
راح افكر
ابني لغيري
هحلم وهفكر
وراح ابني
برجي لطيري
يمكن اكون
معرفتكيش
وجايز اكون
مفهمتكيش
بس اللي حاصل
واللي واصل
واللي شفته
بنن عيني
انك اكيد
محبتيش
مظلمتكيش
.jfif)
23 Comments:
السلام عليكم ورحمة الله وبركاته
قبل اي حاجه احب اقولك ياوليد اد ايه اتفاجأت باحساسك المرهف وكلامك الجميل وبلاخص موضوع مصطفى اد ايه الموضوع ده اسر فيا ومش هكدب كنت على وشك البكاء
ربنا يوفقك وارجو منك تهتم بموهبتك وتنميها وفعلا خطوه جميله
((واحيانا بنعدي بتجارب خطأ اكيد مش عيب لاكن المهم اننا نتعلم من الخطأده ونقف نتأمل في الحاجه التستاهل اننا نتأمل فيها لاكن في حاجات متستحأش اننا حتا نبصلها لانها من التفاهه التخليها مجرد النظر ليها يديها قيمه))
واحب استعين بكلمة اخونا تامر قنيل وهو بيقول على راي الشاعر ابراهيم اديدس:
فراقك ما عاد يدمى جراحى .....وذكراك صارت لقلبى بلاء
ابحثى بين الرجال بغيرى..... و كل الرجال بدونى سواء
اوقدى نار الرحيل و ذوقى .....بهذا اللهيب اشد العناء
سأجعل منك و عائآ و القى .....قمامة قلبى بهذا الوعاء
دنستة المكائد منك .........و قد عذبتة ليالى الجفاء
اسقط صخر الخداع عليك..... و القى بذكراك تحت الحذاء
انا عارف اني طولت في تعليقي
احب اقول في الاخر اتمنالك التوفيق من كل قلبي والسلام ختام
جميله الكلمات والاحساس
واهم شيء ان الانسان يحس اه ماظلمش حد
تحياتي
اهم حاجه يا وليد انك فقت و صحيت و رجعت صحيح مش ميه ميه بس مسيرك ترجع احسن من الاول كمان
هيا اكيد محبتش بجد و الا كانت حتفضل باقيه عليك و شاريه
و اكيد مينفعش تبنى عشان غيرك يسكن
انسى و ابدأ من جديد
مش باقول دلوقتى بس مع الايام و الوقت حتلاقى حد يحبك و تحبه و يطبطب على جراحك و ينسيك مليون جرح و الم
شد حيلك يا وليد
و مش عايزه اشوفك لا مجروح و لا ضعيف
الكلمات صحيح قاسية ولن تصدر الا من قلب مجروح لكنها في نفس الوقت فيها جمالية وسلاسة تجعلها تدخل القلب
اعجبني هذا المقطع
أهم شئ يخصني ان أنا مش فيها
جملة قصيرة لكنها تختصر الكثير والكثير والكثير
تحياتي وودي
بص انا من كتر ما فهماك
من كتر ما انا حساك
مش عارفة اعلق على كل اللي سبق
بس خد بالك
من جواك انت مجروح حتى لو بتنكر
بس الإيجابي في القصة حاجة مهمة قوي
طول ما عقلك بينكر
طول ما عقلك بيقاوم
طول ما جسمك مصمم يصلب طوله
صدقني
قلبك ها يطاوع
ها يجي لعقلك طايع
وها يهدى
وينسى
ويبقى اقوى
ها يعرف يختار
التجربة مش وقت ضايع
ولا ألم بيجيب مرارة واستسلام
التجربة ها تخليك كبير قوي
ها تشوف
ها تشوف
شريف
ههههههههههههههههههههههههههههه
مين ابراهيم اديداس ده
ده شاعر ولا توكيل
اهتم بموهبتي مره واحده
عيني ههتم وهجيبلها علف دواجن اصلي
وانيمها واطبطب عليها
عشان خاطرك
انت ابننا ومينفعش ازعلك
الا ايه الشعر الجامد الحلزوني
المتقوقع ده
ده اديداس ده معلم
ماشي يا معلم
ربنا يبارك فيك وفي مراتك
ويصلح حالك ويرزقك
بطفل يملي حياتكم
فتاه من الصعيد
اكيد طبعا اجمل احساس في الدنيا
ان اي حد ميظلمش اي حد
نهورتيني والله مقصر في حقك
تحيه جميله ليكي يا بنت بلدي
علا
ازيك يا علا والله البلوجر كله واحشني بشكل رهيب
مش هقولك غير ان كلامك
صح ميه في الميه
واللي انهرده مظلمش
بكره ربنا يعوضه خير
واذا كان حد ظلم
ربنا يوفقه برده لكل خير
لاعتبارات العشره والموده والحلم اللي كان وحاجات كتير
وربنا يوفق الطرفين للخير
خواطر شابه
اولا اسف لاقتباس اسم البوست من اسمك يا قمر
ثانيا
اهم شيء يخصني ان انا مش فيها
جماله من جمال تذوقك ليه
واحب اقولك
ان فعلا لو علاقه حصل ليها انفصال
فمن حق كل واحد
وخصوصا الطرف صاحب الحق
بعد ان قام بكافه محاولات الحفاظ علي هيكل العلاقه
ان ينسحب حتي
لا يقع عليه الجدار
واجمل تحيه مني ليكي يا بنت المغرب
يا قمر
د/ ستيته
اقسم بلله العلي العظيم انتي كبيره
التجربه مش وقت ضايع
ولا الم بيجيب مراره واستسلام
التجربه هتخليك كبير قوي
والله كلامك ايه يا شيخه الجمال ده
تعليقك عقلاني بصوره خطيره
واحب من مكاني هذا اقولك
ربنا يباركلك في منوسه ومودي
وحماده وانس كمان
الف باقه ورد لاجمل اخت في البوجر.
الغاليه ستيته هانم
وليييييييييييد
ايه الكلام الجامد ده كله
تحفه اوى
بص يا وليد مش عيب ان الواحد تمر فى حياته تجربه او اكتر كل يوم بيمر علينا بنتعلم منه الجديد والجديد
اتمنى لك مستقبل كله سعاده وفرح وهنا وحب وخير
وليد هو انا ممكن اقولك على حاجه سغيوره بين حروفك موجود جرح عميق مازال ينزف لكن انت شخص قوى ان واثقه من كده رغم انى مش تشرفت بمعرفتك بصفه شخصيه لكننى متابعه شغلك وباين اوى انك حد حساس والتجربه ماثره فيه اوى
انظر الى الامام يا وليد وياريت مش تبص وراك خلى عندك ثقه
ان احلى حب فى حياتك لس ما عشتهوش
احلى لحظه فى حياتك لسه ما عشتهاش
احلى كلمه لسه ما سمعتهاش
احلى وقت لسه هتعيشه عن قريب ان شاء الله
توقع الخير ربنا يوفقك يااااااااااااااااااااااااااااااارب
زهراء
وليد
حلوه اوى كلاماتك
وقد ايه حسيتها اوى
المهم انك حاسس انك ماظلمتش حد لان احساس الظلم ده اصعب احساس ممكن الواحد يحسه
في كلامك قوه يارب تكون موجوده فعلا
وتقدر انك تواصل حياتك وتعيشها كويس
وربنا يوفقك دايما لما فيه الخير ليك
بقى الفلب الرقيق دا يقدر يظلم
بقى القلب دا يقدر يالم
جميل قوى يا عم وليد ان الدنيا كلها ملكها والاجمل بقى انت تكون انت الوحيد فى كول الدنيا دى وتحس بيك وتفهمك وبين ايديها تبقى دبلتك ساكنه فيها
وبكل شوق وبحب تلقيها حب الدنيا يجمعكم
وليــــد ......
عاش من شافك يا باشا و الله
و ليك و حشة في عالم التدوين و الله
اتمنى تكون الفترة اللي فاتت كانت فترة ريفرش ليك
و رجعت و فوقت و عرفت انت مين بالظبط
و رسمت لحياتك خطوطها العريضة بقى
علشان تقدر تعيش من غير جروح و الم و هموم
ربنا يسعدك و يوفقك يا رب
خالص تحياتي و تقديري
الحمد لله على كل حاجة
المهم انك تفضل ماشى لقدام وتكمل طريقك مترجعش حتى خطوة واحدة لورا
وربنا يوفقك دايما للخير والافضل والصح
ليدووووووووو
معـلــــم .. معـلــــم .. معـلــــم
حلوة بجد يا وليد .. تسلم إيدك يا أخويا .
عاوزك تكتب وتكتب وتكتب .. ما تحرمناش من الحاجات الحلوة دي.
هاتنسى .. صدقني إن شاء الله هاتنسى
وبعد فترة .. هاتيجي تقرا الكلام ده وتبتسم في سرك .. زيي أنا دلوقت
بحبك في الله يا وليد
وإن شاء الله هاتفرج .. إن مع العسر يسرا .. إن مع العسر يسرا
سلام يا كبييييييييييير
:))
ادعيلى يا فرويند
عاوز اكون كيمو تانى
ارجع تانى
كلامك بيحسسنى ان هنبقى كلنا كده
يجدع كلامك ديما كده بيجي علي الجرح... انا مش هدخل عندك تاني يعم... مش ناقصة تقليب مواجع...
كلمات واضح فيها انك حاسسها اوي...
بجد حلوه كتير ياوليد ...
احساسها كتير حلو ...
واحلى شى غموضها فى معانيها ...
وترتيب احداثها...
وكلماتك وكأنها حروف تنطق بروح واحساس ...
بجد تسلم ...
ويلكم باااااك ..:)
... ;) ,,, ;) ...
بص بقا ...
الجرح بياخد وقته ويلتئم ...
انما اللي بيفضل وبيبقي بعد كده الخبرات اللي استفدتها من التجربه ...
وكفايه انك اتعلمت درس كبير مش هاتنساة ولا هتكرر من تاني اخطائك في التجربه الاولي ...
الحياة مدرسه صحيح بس التعليم فيها مش مجاني ...لأ احنا بندفع تمنه من عمرنا واعصابنا ومشاعرنا ...المهم نعرف نستفيد من تجاربنا...
يا ريت تردد الدعاء ده...
اللهم أجرني في مصيبتي واخلفني خيرا منها ...
تحياتي
و الله يا وليد ماكانتش تستاهلك
عارف اللى عاجبنى في المدونه بتاعتك ايه
انها شاهد على ان لسه فيه شباب بتحب بجد مش بتلعب ببنات الناس لمجرد التسليه
و ان هناك رجال لها قلب تزعل بيه على غياب الحبيبه
مش رجال الصفه الغالبه فيها الخداع و الغش
ربنا يباركلك فى اخلاقك و انك كنت داخل البيت من الباب مش من الشباك
و ان شاء الله هاتلاقى اللى تعوضك و ساعتها هاتعرف ليه انت عديت على المحنه دى
علشان لما ربنا يعوضك بأنسانه كويسه تعرف قيمتها و تعرف ان ربنا وراك الوحش علشان تعرف قيمه الحلو
و ساعتها هاتفتكر كلامى
نورماندى تو تو تو
ازيك يا وليد
ايه المشاعر الجميله دى
و الله مسيرك تلاقى اللى تستاهلها
و تعرف قيمه المشاعر الحلوه دى
كل حاجه بتتولد صغيره و بتكبر إلا الحزن
و كل تجربه الانسان بيعدى عليها بتديله خبره تخليه ما يقعش فى مشكله اكبر لولا انه وقع فى المشكله الصغيره اللى قبلها
يعنى اللى يتلس من الشربه بينفخ فعلا فى الزبادى
انا حاسه انى عامله زى الست اماثل
(:
اهم شي انك مش ظلمت بس
وربنا يصلح لك الحال يارب العالمين
Post a Comment