verb اخرس


من كام يوم الصبح بدري كنت رايح اعمل رخصه ف مرور القطاميه

ولان كوبري التونسي كان ممنوع ان الميكروباصات تطلعه وقفت مع

أمه لا اله الا الله الا اتجمعت ف ميدان السيده عيشه مستنيه اي ميكروباص

واذا باتوبيس نقل عام يقف ويقول قطاميه قطاميه قطاميه

ولاني متأخر نطيت زي البشر ف الاتوبيس وما هي لحظات قليله

واجد نفسي وانا محاط بكميه بشر ولحوم ادميه ع الصبح كده وحسيتني هتخنق

صحيح انا من طبقات الشعب الكادحه ومش جديد عليا ركوب اتوبيس

بس اخر مره ركبت فيها اتوبيس كان من حوالي 8 سنين 000000

الاتوبيس اتحرك وانا من الزخمه واقف علي نص رجل بالعافيه

وبدأت اركز مع البشر 000000

كل واحد مسك ودن اللي جمبه وهات يا يا رغي ولا الايه ار تي حكايات

واحد من اللي قاعدين دمه مش خفيف وبس لا ده هنيدي جمبه يختفي

بيكلم صاحبه اللي قاعد جمبه وهما من طريقتهم ف الكلام زمايل شغل واحد

قاله شوفت ياد الحكومه بنت الوسخه مفعله ( فيرب اخرس)) ومهتمين بيه

دونا عن كل الافعال والاوزان الباقيه

يقفلوا كوبري التونسي ويلغوا الميكروباصات عليه والاتوبيس يلف القطم من فوق

عشان يرجع الاوتستراد واحنا نلتزم ونرفع ادينا وننخرس اددينا بنتفسح

وكمل كلامه تصدق ياد بلدنا دي بتطبق فلسفه راسماليه الحراميه

بس احنا مالنا يا باشا البلد بلدهم واحنا كتر الف خيرهم

ده احنا كتيييييييييييييييييييييييييييييييييييير يا جدعان

مقدرتش امسك نفسي وضحكت000000

وبعدين يا جدعان اللي بيدفع اجره ملك اديني قاعد

وزي الباشا وجمب الشباك وبشم هوا ومرتاح ومش تاعب اعصابي

وبيوصلني لحد الشغل وكل ده بنص جنيه

انا كده ملك 00000

انما اللي بيكافح مع ملاكي ف خنقه الطريق وزحمته ورخامه وقله ادب السواقين

ويروح شغله دمه محروق مش بالزمه احنا احسن منه

كل اللي جمبنا وانا منهم موت ع نفسي من الضحك

وشويه وهو بيكلم من علي عرشه اقصد كرسيه عن ميزه المواصلات العامه وتميزها

عن العربيات الملاكي ومشاكل الملاكي ويروح الاتوبيس داخل ف عربيه فيات 28

مدمر جمبها اليمين

وهو ف نفس واحد مع اللي جمبه مش لسه كنا بنقول لا اله الا الله000000000

اديه هيدفعله اد خمسيت جنيه عشان يصلح الجمب بالرفرف 00

شويه ووالاتوبيس وقف يركب ناس معرفش فين بس اهو وقف

وصاحبنا ده يبص من الشباك يلاقي واحد صاحبه واقف ع المحطه

احدفلي ياد يا شوقي شنطتك حدفهالو من الشباك وراح الاتوبيس طالع

بص عليه يا ابني يا ابني وراح قايل شكله معرفش يركب من اللحم اللي ورا

وراح موجه كلامه لصاحبه والاتنين اللي واقفين جمبه اتريهم زمايل ف نفس الشغل

الواد شوقي انتو متعرفهوش واد فقري وابن حنت ومن الاخر كده ابن حلال قوي

بس فيه عيب بسيط كلب حريم واول ما يشوف مدام ناهد بتاعه الخزنه

تلاقيه تنحلها ولا اكنها اليسا بروح امه00000

ومره واحده ينطلق صوت شوقي ويطلع دماغه من تحت كتف بشري

ويقوله ياااااد يا واطي مش هتبطل تجيب سيره الناس وتلم لسان امك اللي عايز قطعه

قاله حبيبي فينك ده انا قلت انك جاي مع الملحق الثقافي لوزاره الري

تصدق ياد ان ربنا بيبحبك فاراد ع الصبح يكفر شويه من زنوبك

فالشيطان جالي وخلاني اجيب سيرتك

طلاق تلاته انت من الاحرار يا علي00000000000000

نزل المعلم في الطريق ومشي الاتوبيس

والاقي اللي جمبي فتح مع اللي جمبه قضيه التحرش وقتل خالد

وهما عمالين يتكلموا علي قله ادب الشباب

شويه ولقيت واحده بتقولي ممكن تعديني يا استاذ

يخرب بيت ملامحك هعديكي ازاي

شفطت نفسي وكنت قلقان لالاتوبيس يتهز واروح مرمي عليها

الاقي اللي جمبي بيقوليلي هو انت منهم

والاقي جزم شباب امه محمد كلها معلمه علي ضهري

وكله يدعي الفضيله00000000

بس بجد الاتوبيس ده عالم ومواقف حياتيه تبين شعبنا وصل خنقته من الحكومه

ان الناس كانت بتشتم ويكاد يكون ف اجماع ان الحكومه بتعتنا فاقده العذريه

وكلها ترزيه والبقاء لله ف الشعب وكله ضد توريث ابن الحج حكم الوسيه

انسانه هوائيه

اقولك بحبك.....
تقوليلي كفياك رومانسيه
أقولك بريدك
تقولي ده محض انانيه.
أقولك هشيبك فوق كتافي العمر.
تحسيها أحلام خياليه,
ممكن سؤال يا حبيبتي.
هو انتي حاله معقده
ولا خنيقه وسطحيه؟؟؟؟!!!!
وأوقات تكون طالبه معاكي
تقوليلي فينك يا ملاكي
حيرتي قلبي كده معاكي
انتي اكيد انسانه هوائيه!!!!
الحب يا حبيبتي
شوق وكلام عيون
الحب نظره صافيه
تفيض من العيون
تكسي الجفون
تلقي القلوب بتعانق بعضها
تفرح بلقيا نصها التاني
الحب موازنه تميل وتخل
لو فيها حد اناني
الحب يا حبيبتي جناحين ف طير
لزمن يكونوا زي بعض
في المسافه ..ف الخيال..ف الحلم
لو بعدوا لحظه عن بعضهم
تلقي الخطّب جلل خطير
نفسي احسك طبيعيه
لو هتكوني بحماقتك
بردو حابك
بس حاولي ترتقي
باسلوب صراحتك
اصلي حابك اعملك ايه
اقولك ولا يهمك
بس بشويش عليا

ولا أجمل من كدا معاني

شكرا لمن عرفتنى به ومش شدة اعجابي به واستمتاعى بكلماته اردت ان تشاركوني واقعية كلماته ورسمه لصورة حقيقية شعرية بأبسط الالفاظ والمعانى

شكراااااااااااا للدكتورة ستيتة

صحيح انا مردتش ع التعليقات السابقه

لسبب واحد وفقط ان نفسيتي مش حلوه اليومين دول

لا اكثر ولا اقل

من وحي تعاليم نظام هرّي العظام

بناء علي ما تقدم
فقد قررت مصلحه النظام الكاتم العادم الصارم اعتبار خالد سعيد
هو ومن يشبهه حالا حاليا وقتلا مستقبلا
انه من النوعيه الغير مبدعه ولا تضيف اي جديد 00
وكان خطر علي امن وامان وسلام مصر وكان بيدبر مخطط عالمي
تفجيري هيستيري بردويلي لقلب نظام الفجل ومنع زراعه الكوسه بانواعها
وضرب الثوره الزراعيه ف مقتل000
فقد اقتضت مصلحه الفصام يوووووووه اقصد النظام
الاجهاز علي اي شاب هيفكر يبقاله صوت او يعترض او يعارض
وتحت شعار الحزب الوثني (تنحرف تبقي حبيبي وادلعك تعارض افرم
ميتين امك وأمزّعك))
انحرف ايها الشاب 00 انجّرف000 لو حكمت انظّرف
تعملي فيها خايف علي مصلحه بلدك ونفسك اكتر مننا تبقي
ابن كلب وامك اللي هي مصر نسيّت تربّيك وناقص ذكوره
وتتفرم ياروح سوسن انت وهو
ومش بعيد في عهدنا شاب يتمسك متلبس وهو خارج من صلاه العشي
وهو لابس لبس الاحرام ويدوبك يلحق طياره عمرته
لان في شارعه شقه دعاره فييفتكروا لبس الاحرام ملايه سرير
وبدل ما يروح يقابل ربنا
يتعرض علي النيابه ف قضيه اداب ويلبسها !!!!!
وبردو مش بعيد شاب تاني خارج يصلي العيد الكبير وبيكبّر
مع صحابه الله اكبر الله اكبر كبيرا
يتاخد من اتباع الالاه الحاكم بتهمه العيب ف الذات المباركيه
ومما سبق ومما تقدم ومما تورّم عند كل رجال مصر ويفهموني هما
اي شاب هيلتزم وينتظم ويتكتم ويمشي ف سكه النسوان او المخدرات
او الاتنين معا ( يبقي شاب تمام همام وفل وعنب عليه))
اما الفاسق الفاجر المرتد
اللي بيحلم ليه ولبلده بالخلاص من نظام طلّع ميتين امه بفتح الطاء
وفرم من قبليه حلم ابوه وامه
هو ده بقي اللي ابن كلب ويروح ورا الشمس((حيث لا همّس))
واديني ف الهايف وانا احبك يا فلوكس

موقف حصل انهارده
كنت بخلص ورق الاعفا وبعد العذاب مع الوقفه والشمس اللي تسيّح جلد الحمار
فضلا عن جلد العبد لله
مستني كده انا وكام شاب بيندهوا اسامينا واحد واحد حسب اللي ورقه يخلص
واذا بثلاث شباب متكلبشين ف بعض ومعاهم حرس عليهم
عرفت انهم متهربين اثناء الخدمه العسكريه
فبقول لواحد فيهم وقف رشّق لانهم وقفوا جمبنا
امك مصر تعمل فيك كده يا رأفت
قالي أمي00000بضحكه 000000أمي ((شتيمه عضويه))

دي طلّعت مرّه ناقصه وبتبهدل عيالها
اقولك 0000000أم تامر حسني ((عضويه بردو))
نهايته !!!!!!!!!!!!!!!!!!؟؟؟؟


الناس دي جلدها زي جلدنا وبيحسوا زيينا ؟؟!!!

مشوار للمحكمه العسكريه لظروف استثنائيه وللحصول علي شهاده الاعفاء النهائي
من الخدمه العسكريه ورتني عالم مش جديد عليا صحيح بس مقبلتوش ب اللكم ده
قبل كده 0000000
مجموعه من الشباب زي الورد عندهم كفر بمصريتهم واللي بجد انا ساعات
من الخنقه بوصل للمرحله دي
طبعا مجموعه مشاكل واختلافات بين اغلب اللي جايين للمحكمه
شاباب زي الورد مهندسين ودكاتره ومحامين وفنيين وصنايعيه
بس اللي خد اهتمامي ودردشت معاه طول اليوم شاب عنده 43 سنه
شاب ملتحي عليه سمت الصالحين واخلاقهم وهدوئهم000
شاب مصري كان في اوائل التسعينات يدرس بكليه فنون تطبيقيه
تم اعتقاله منذ عام تسعون الي بدايه العام الحالي
وما هي تهمته كما قال انه كان يصلي بمسجد تابع للجمعيه الشرعيه
وبيحضر دروس دين لا اكثر ولا اقل
اخونا ده تم اعتقاله وحكي لي عن ظروف وملابسات اعتقاله
وكم المعتقلين السيايسين الذي راهم بعينه وكيف كانت الزنزانه الفرديه
متر ف مترين وازاي ظل مسجونا انفراديا لمده ست سنوات متتاليه
وكيف توالت الامراض علي من كانوا معه وكيف مات اناس اخرون
ولم تعلم زويههم اسباب موتهم 00
كل الذي علمه زويهم انهم اخذوا جثثهم الي مثواهم الترابي وفقط
ملهمش ومش مسموح يعرفوا كيف قضي نحبه
هل من منع الادويه ام بالحسره النفسيه علي ما ضاع من عمر
وبدون سبب سوي انهم ملتزمون في عهد
لا يأله ولا يفخر الا بالاه واحد هو شخصيه الرئيس او ان شئت
قل ماتوا من احساس القهر
صاحبنا هذا اتي ليحصل علي شهاده الاعفاء فقالوا له لابد انا تثبت
انك معتقل طوال مده تغبيك لسنك السابق لثلاثون عاما
يا جدعان ما الراجل كان عندكم وانتوا حكومه ف حكومه
متسألوهم هما هو كان فين معاكم اسمه ومحل اقامته ولمخاطبه وزاره
الداخليه سيتبن لكم انه كان نزيل معتقل كذا لمده كذا
انما الراجل موصلش ومعتقدش هيوصل
لانه تم اعتقاله وحبسه هو والكثيرين من امثاله بدون وجه حق
فكيف تعطيه الدوله ورقه مختومه وبها دليل ادانه للدوله وبالتبعيه ادانه
النظام وتورطه بصوره او باخري في ضياع حق اصيل من حقوق الانسان
الا وهو ان الانسان اي انسان في اي دوله تعامل مواطنيها علي هذا الاساس
حق الحريه من حقوقه الاساسيه
واخر ما توصل اليه ان يدفع غرامه التخلف عن اداء الخدمه العكسريه
وهي مبلغ الفان وخمسمائه جنيه 00000
اه يا نظام هريّ العظام بقي الراجل مستقبله يضيع ويخرج بعد عشرين سنه
لا فيه عمل ولا زوجه ولا شغل ولا كمّل دراسه ولا يعرف حاجه عن البلد
وكمان تدفعوه غرامه تخلف
وادفع واتظلم يا بيه وطبعا دفع اخانا مرغما لا بطل
واحنا واقفين نتكلم معاه انا وكام شاب افضل مني عقلا واسلوبا
حصلت مقارنه ما بين الاعتقالات السياسيه في عصر الغير محبوب
كثير الاخطاء والعيوب جمال عبد الناصر ((وجهه نظري الشخصيه))
تعددت الاراء ولكن الجميع يكاد يكون وصل لكلمه ممكن اصيغها او ابلورها
ان كلا النظامين المباركي والناصري بهما من الاخطاء السياسيه
والتعامليه مع المختلفين سياسيا مع النظام ما يجعلهم من اكثر نظم القمع ف التاريخ المصري الحديث
دي وجهات نظر شباب كتير انهارده امتد بيا وبيهم الوقت اننا نتكلم كتير
طلعت من كلامي معاهم بصوره زي الزفت عن مدي تدهور الانتماء لبلد
المفروض ان انتمائنا ليها يتبع الانتماء للعقيده الدينيه
وصل لمرحله كفر بالانتماء والوفاء واسماء كمان
اخونا المعتقل السابق ده سألني سؤال غريب ومش عارف وجه كلامو ليا انا
ليه تحديدا تفتكر يا وليد انا كده عمري ضاع ولا الحق اتجوز واشوفلي حته عيل وافرح بيه
وتفتكر اني ممكن الحق اعمل حاجه ولا ايه
وكمّل كلامه تعرف اني روحت عشان اكمل دراسه واخد البكاليريوس
ودخلت للعميد قالي وانت عايزني اصدق انك كنت معتقل ومتغيب عن الامتحانات
لمده عشرين سنه عشان كده (( ايش ضمني ))
وانت يعني يا سياده العميد فكرك كان فين وبعدين يجيبلك ورقه تأكد كلامه منين
ولو هما فرضا ادوله ورقه انه كان معتقل وفتحوا علي نفسهم فاتحه انهم بيعتقلوا ناس
بدون اي محاكمات قضائيه كانوا اعتقلوه ليه من الاول
ممكن حد معندوش خلفيه قوي ويتهم الشاب ده انه كان متطرف فكريا.
احب اقول لصاحب وجهه النظر دي اني عندي اصدقاء من ايام الجامعه
وكل اللي كانوا بيعملوه وانا معاهم وزيهم
اننا ناكل ونشرب ونصلي ونحضر دروس ويذاكروا
بس هما مش انا انا من يومي فاشل تعليم
واتاخدوا بردو في ظروف مشابهه من اكتر من تسع سنين
وكانت كل تهمتهم انهم ليهم وجهه نظر
صحيح انا مبقتش خالص علي نفس درجه الالتزام اللي كنت
عليها ساعتها بس اللي انا متأكد منه انهم كانوا من افضل شباب مصر خلقا وخلقا
ولم يصدر منهم ما يعكر صفوا النظام الا اذا كان النظام يكره من يلتزمون بالدين
ويشجع ويؤيد ويفاخر بمن يطلعون الناس من كل شيء كملابسهم وخلقهم وبالمره الدين
شباب كتير انتمائها بيقل بفعل فاعل مش كده ولا ايه؟؟؟؟

اول حاجه كتبتها في حياتي

كانت في سنه 1996 كنت ساعتها في ثانويه عامه
كنت ساعتها كاتبها علي اساس اني شاعر جامد وكنت مبسوط قوي
لما استاذ خالد الله يمسيه بالخير قالي برافو عليك انت ركز بس وهتبقي حاجه
واحب اقوله والله استاذ خالد مر 14 سنه ومعرفش اذا كنت ركزت ولا لأ
المهم انا فرحت لما لقيت الورقه اللي كانت مكتوبه فيها جدا
وعشان مرغيش كتير ده اللي كنت فاكره شعر
نتصارع ونميل الي الدنيا
فتأخذنا
أخذ الذليل علي الاقذار ترمينا
نروح ونغدو لاهوائنا بشراسه
وكأننا لم نعي بان الموت لاقينا
رياح العشق والاهواء مبهره
لكل شاب تاه في صحارينا
الم نسمع باقوام
كانت معيشتهم ضنكا
وكيف كانوا لرب العرش يسعونا
رأيت الناس في الازمان تتصارع
مع الذين كانوا لرب العرش يسعونا
كأنهم تاهو في ظلام الشك
يمحو النفيس من الاخلاق والدينا
ماذا نقول للدنيا بزخرفها
وقد كنا طيور
تتوه في شجر من الزيتونا
أرب العرش ننساه
وظل الجهل
يظل يمحو كل ما فينا000000
عارف انها بايظه نحو ووزن بس فرحان اني لقيتها بصوره غريبه