كانت في سنه 1996 كنت ساعتها في ثانويه عامه
كنت ساعتها كاتبها علي اساس اني شاعر جامد وكنت مبسوط قوي
لما استاذ خالد الله يمسيه بالخير قالي برافو عليك انت ركز بس وهتبقي حاجه
واحب اقوله والله استاذ خالد مر 14 سنه ومعرفش اذا كنت ركزت ولا لأ
المهم انا فرحت لما لقيت الورقه اللي كانت مكتوبه فيها جدا
وعشان مرغيش كتير ده اللي كنت فاكره شعر
نتصارع ونميل الي الدنيا
فتأخذنا
أخذ الذليل علي الاقذار ترمينا
نروح ونغدو لاهوائنا بشراسه
وكأننا لم نعي بان الموت لاقينا
رياح العشق والاهواء مبهره
لكل شاب تاه في صحارينا
الم نسمع باقوام
كانت معيشتهم ضنكا
وكيف كانوا لرب العرش يسعونا
رأيت الناس في الازمان تتصارع
مع الذين كانوا لرب العرش يسعونا
كأنهم تاهو في ظلام الشك
يمحو النفيس من الاخلاق والدينا
ماذا نقول للدنيا بزخرفها
وقد كنا طيور
تتوه في شجر من الزيتونا
أرب العرش ننساه
وظل الجهل
يظل يمحو كل ما فينا000000
عارف انها بايظه نحو ووزن بس فرحان اني لقيتها بصوره غريبه
.jfif)
25 Comments:
أعرف شعورك جيدا جربته احساس جميل عندما تكتشف شيئا كتبته منذ مدة
نوع من النوستالجيا الجميلة والحنين لتك الايام ينتابك وايضا تحس بأنك نضجت وترى الفرق الواضح بين طريقة تفكيرك وقتها والان.
تحياتي وودي
احتلاللللللللللللللللل اول تعليق
يارب بس يبقى اول تعليق
ههههههههههههههههه
احتتتتتتتلال
مساء النور ازيك يا وليد
طيب والله بالرغم انها اول حاجه كتبتها ومالكش سوابق كتابه ممتازه فى المعنى واختيار اللفاظ جميل
فيها اخطاء طبعا لاننا بنكتب باحساسنا
مش كاشعراء متخصصين بس حتى اخظائها كاول مره وسن زى دا ثانويه مممتازه
نتصارع ونميل الي الدنيا فتأخذناأخذ الذليل علي الاقذار ترمينانروح ونغدو لاهوائنا بشراسهوكأننا لم نعي بان الموت لاقينارياح العشق والاهواء مبهرهلكل شاب تاه في صحاريناا
الجزء دا عجبنى جدا
تسلم وتحياتى ياسيدنا
هههههههههههه طلعت اااااااااااوت
خواطر شابه
هو من ناحيه انك جربتي الشعور ده قبل كده
فانا معاكي انه شعور جميل
بس نوستالجيا وتكنولوجيا وعولمه وسستمه وكلام كبير من ده محستوش خالص
بس نورتي تالت بوست ع التوالي اول تعليق
ده انا كده هتحسد
اقوم بقي واولع عودين بخور في الدونه
واشغل يا ليلي العمر مكنتش داري وتبقي ليله
مارو
ده انا لو اعرف انك جايه كنت مشيت
اصل القمر ميجتمعش مع اي كائن تاني خالص
بس ابقي رني المره الجايه واسيبك باب المدونه مفتوح
مكنش ليا سوابق خالص جري ايه يا مروه انتي عايزه الناس تاخد فكره وحشه عني
سوابق مره واحده
وف بوست عندك لسانه طويل
شويه شويه وهتلاقيكي جايبه الواد مروان ومكسره ازاز المدونه
انا فعلا لما لقيتهافرحت قوي حسيت اني لقيت كنز يخص مرحله في العمر من اجمل مراحله
نورتي يا مارو
وليدوووووووووووو
مش شرط اول محاوله تكون افضل محاوله
بجد جميله اوى واحلى حاجه انك لما شوفتها افتكرت ايام جميله من زمن مضى وفات
تسلم الايادى يا وليدوووووووو
زهــــــراء
متعه لما بتقرا اول حاجه كتبتها
متعه بجد
جميله لانها اول تجربه ... وفعلا كنت محتاج تقرا اكتر وكنت هتكون افضل
تحياتي
تصدق ياوليد أنا إمبارح وأنا بقلب في حاجاتي
لقيت ورقه مكتوب فيها خاطره من كم سطر بس
كنت كاتباها زمااااااان .. وبجد إنبسطت أوي لما لقيتها
وراح أنشرها في يوم من الأيام إن شاء الله
بس بالنسبه لخاطرتك .. بجد حبيت كتييير معناها .. وتجربه أولى عميقه كتير ماشاء الله عليك ...
إستمر وليد باشا
... ;) ,,, ;) ...
جميلة
وتدل على موهبة فعلا خصوصا إنها بالفصحى واحنا اختفت من عندنا الفصحى من زمان
أيوة في أخطاء بس عادي طبيعي يعني ما أنا لسه قايلة فوق أهو الفصحى اختفت هنعرف النحو ازاي
عموما هي أي حاجة من زمان بيبقى لها بريقها الخاص وإحساسها الجميل لما نحس إننا كتبنا الكلام دا واحنا صغيرين يااااه كانت أيام
هههههههههههههههههههههه
والله ماقصدى ياخى اقصد سوابق كتابه
ثم انى بقول لسانه طويل زييى ياعنى انا فيها اهو معاك هاتزلنى بيها طيب انا بقى هاخلص ضميرى من ربنا
يا اهلللللللللللللللللل التدوين
الراجل دا اخلاق وصلاه وصوم
ومعندهوش سوابق صفحه بيضه منوره
ياهللللللللللل التدوين
حلوه كده يا معلم صباحك خير ان شاء الله يارب تحياتى يا وليد ويارب يفرح قلبك على طول
كويس قوى انك اخدتها من اولها وبطلت كتابة شعر....
مالوش لون ولا طعم ولا احساس...
بس انت كنت معذور ...كنت لسه صغير وقتها ومراهق...امال دلوقتى عذرك ايه على التفاهات اللى بتكتبها..؟؟؟
بجد مش عارفه..
وبالنسبه للأخت مروة اللى علقت على كلامى فى البوست اللى فات بأسلوب غير مهذب بيدل على قد ايه هى متربيه ومن بيت كويس...
وده العادى واضح ان كلامى جه على الجرح...بس برضه ماجتلكش الجرأه ترد على سؤالى وهو لو ان الوضع كان معكوس بالنسبه لحبيبتك وهى اللى عندها مدونه وراحت اللقاء ده وقعدت زيك كده مع 3 رجاله على الكورنيش قعده بريئه..وانت ماتعرفش حاجه...ايه شعورك لو عرفت؟؟؟
كما تدين ...تدااااان...صدقنى
زهرا
هي فغلا انا عراف انها مش نظبوطه بس الجميل فيها بالنسبالي انها اول محاوله
وحاجه فكرتني بوقت جميل ف حياتي
ربنا يجعل كل ايامك جميله يا زهرا
كيارا
فعلا متعه يا مني
لما الواحد يلاقي اول حاجه كتبها حتي لو كلنت مش مظبوطه بس اهي متعه شخصيه
نورتي
فتاه من الصعيد
اكيد محتاج اقرا كتير لحد ما اموت
وربنا يسهل والواحد يكون استفاد من اي شيء قراه او سمعه
نورتي يا مروه
غاده
مؤكد ان كل حد عند نوت لحلجات كتبها زمان ولما بيشوفها بعد عمر بتبقي بالنسباله هو شيء ذو قيمه انشريها ونشوف اول تجاربك
فل عليكي يا دودو
يوم جديد
ربنا يخليك/ي
طبعا لسه بتعلم وربنل يسهل واعرف اوصل لحاجه اكتبها تكون كويسه
بس يفضل القديم جميل لانه من زمن فات وعدي
نورت/ي
قلب القطه
متشكرين للتوضيح والتهليل والتصريح الخطير ده
ودي شهاده اعلقها علي صدري واكتبها عي كرتونه شيتوس بحروف من نور
ومتشكرين يا عمنا عل التشريد الطيب هذوي المره
مساءك جميل وعبير وخليل كمان يا مروه
فل عليكي يا مارو
غير معرفه
بخصوص نقدك فهو اكيد نقد بناء
وربنا يسهل واحاول اتعلم اني اكتب
حتي العلام حلو والله
وبخصوص التفاهات اللي بكتبها
فده اسلوبي وكونك شايفاه تافه
دي وجهه نظرك ووواجب احترامها
وكل بني ادم حر في وجهه نظره وما يستهويكي ليس بالضروره انا يستهويني
اما بقي بالنسبه لردك علي تعليق اختنا مروه
فده مش حريتك خالص انك تلمحي علي حد باتهام هو بريء منه
ومظنش ان اسلوب حد بينقد حد علي اد ما هو اتهام مظنش ان دينك واخلاقك تقبله
لان اعتقد ولو اني معرفش انتي مين انك عندك فكر مش بياعه خيار
وبخصوص ردي علي سؤالك عايزاني ارد ليه وانتي من الاساس بتحتقري اسلوبي مظنش هتفرق معاكي كتير اني ارد ولا لأ لانه في الاول وفي الاخر اسلوبي تافه بالنسبالك
وافتكر اني حد زيك صاحب فكر المفروض يربو بنفسه عن قرائه ما يكتبه التافهين امثالي وعن ارائهم وججه نظرهم الحياتيه
نورتيني
لما ولد يبقى عنده 16 سنه ويكتب ده اكيد يبقي حد موهوب ودة اللي لمحه الاستاذ خالد وعلشان كده قالك ركز وهتوصل ..جميل قوي انك لاقيت الورقة والاجمل انك شاركتنا في ذكرياتك الجميلة دي
بس السؤال انت ركزت واهتميت بعدها ولا لاء؟
الله عليك ياليدو يا جميل
والله هي حلوة اوي
عشان انت قولت انها اول حاجه كتبتها
كمان هي معناها حلو اوي
يمكن كانت عايزة تتظبط شوية من حيث الوزن والقافيه
بس اوعي تكون بطلت كتابه
عايزينك تورينا اخر ما كتبت يا مان
تسلم ايدك
وتحياتي
حلو يافندم جداااااااا ممكن تكون زي ما بتقول الوزن والقافية شوية عايزين يضبطوا انا معرفش لاني زيك في الشعر باللغة الفصحى بيبوظ مني بس بدون يبوظ يبوظ هههههههههه بس جميلة فكرتني بقصيدة دونتها في ثانوي كان مطلعها وظللت انظر للجبال الشامخة وحسدتها على تصلب قلبها والقلب يعدو بين جوانحي من لهب حريق يفحم ..حاجة كدة هههههههههههههههه مش ملاحظ ان الفاظنا في الاشعار ايام ثانوي كانت قريبة لاشعار شوقي وابراهيم حافظ دا ليييه؟ لاننا كنا ندرس للناس الجميلة دي ايام ثانوي فتشكلت حروفنا بمعرفتنا بيهم ...لـــولا
حلو خالص الكلام ده
اه زمبئولك كده
فين اصحاب التعليقات دلوقتي ياطرة الحياة عملت فيكم اية بعد مرور اكثر من ٦ اعوام
Post a Comment