انسانه هوائيه

اقولك بحبك.....
تقوليلي كفياك رومانسيه
أقولك بريدك
تقولي ده محض انانيه.
أقولك هشيبك فوق كتافي العمر.
تحسيها أحلام خياليه,
ممكن سؤال يا حبيبتي.
هو انتي حاله معقده
ولا خنيقه وسطحيه؟؟؟؟!!!!
وأوقات تكون طالبه معاكي
تقوليلي فينك يا ملاكي
حيرتي قلبي كده معاكي
انتي اكيد انسانه هوائيه!!!!
الحب يا حبيبتي
شوق وكلام عيون
الحب نظره صافيه
تفيض من العيون
تكسي الجفون
تلقي القلوب بتعانق بعضها
تفرح بلقيا نصها التاني
الحب موازنه تميل وتخل
لو فيها حد اناني
الحب يا حبيبتي جناحين ف طير
لزمن يكونوا زي بعض
في المسافه ..ف الخيال..ف الحلم
لو بعدوا لحظه عن بعضهم
تلقي الخطّب جلل خطير
نفسي احسك طبيعيه
لو هتكوني بحماقتك
بردو حابك
بس حاولي ترتقي
باسلوب صراحتك
اصلي حابك اعملك ايه
اقولك ولا يهمك
بس بشويش عليا

26 Comments:

فتاه من الصعيد said...

ربنا يهدي الجميع

ان شاء الله بعد الزواج تقربوا لبعض اكتر

تحياتي

هي وظروفها said...

وربنا يا ناس ما عليا خالص

منونه بتقول برج ايه

انا اساسا لو بحب بنت اتخلفت عليا انا اللي هتغابي انا خلقي علي ادي بالعافيه يعني لو حبيبتي

كانت موجوده واللي بقي كلكم متعرفهوش انا خطوبتي اتفشكلت
وحاليا انا غير خاطب وعازب
والخاطره لا تمت لي باي صله

ومروه وربنا يا مروه الخاطره مش عليا خالص انتي عارفاني صعيدي ومش قصتي تدلع عليا وتتغابي تتعدل ممكن تتغابي تحصل هنادي وخالها لا يرحم

فتاه من الصعيد said...

على فكره الكلام جميل ومسجوع :)

ومعبر ايضا

تحياتي

هي وظروفها said...

مروه

ربنا يخليكي كلك ذوق

بس انا خفت لحد يفتكرني بقيت ناديه والغاليه دي تخصني انا

منتي فاهمه نحن قوم ارضنا ام نلبي لها ما تشاء ولها نقف احتراما نحن نحترم النساء

الله يرحمك يا نزار

حالة ملل said...

ههههههههههههههههههههه
حلوه هوائيه دى
يا وليد انت لو بتكلمها فى الحقيقه كده
انا لو منها اضربك بطوبه
ههههههههههههههههه
ده انت سيحتلها فى المنطقه اخر حاجه
بس برضه باين عليك انك بتحبها موووووووووووووت

خواطر شابة said...

لما بنكون بنحب بجد بنغفر بنتقبل عيوب الاخر مش بس بنتقبلها احنا مبنشفهاش اصلا انما لما نبدأ نشوفها وناقشها بيكون معناه ان درجة الحب ابتدت تنقص وده امر يخوف
زعلتني بموضوع فسخ الخطوبة احنا لسه كنا بنقول واحد دخل القفص رجعت تاني للائحة العزاب ياالله خيرها في غيرها ان شاء الله
تحياتي وودي

سبايدرمان said...

قريت البوست و قريت التعليقات
و يظهر ان البوست لخطيبنك بعد لما فسختوا الخطوبه

اممممممم

ربنا يهديكوا انتوا الأثنين

:(

صوت من مصر said...

هوائية يعنى بتتنفخ عند العجلاتى مثلا

Single Mummy said...

الستات والبنات كلهم عندهم ازدواجية وهوائيين ..فكك
تحياتى

هي وظروفها said...

علا

اصل صاحه الحاله ان وجدت بنفس الطريقه المتخيله
دي

هظبطها يا دوك احنا محلتناش غير كرامتنا

ثم انتي جايه تهدي النفوس ولا ايه

عموما احب ابشرك
مش انا خالص ولا الخاطره تخصني اساسا
وانا اليومين دول ومن هنا ورايح هحبني انا وبس
متفكريش ان انا الشاب اللي يتحايل علي واحده مكفراه
اللي احبها ان مشلتنيش فوق راسها مش هشيلها ف عيني
ده يبقي حب ولا غلب انها تتأنك ع العبد لله

هي وظروفها said...

منونه
لا ناكفيني زي منتي عايزه

مش الفكره بس الفكره ان والله الخاطره د ي مش عليا خالص

هارشه مش انا والله

هي وظروفها said...

نوجا

انتي هتقوليلي لما بنحب بنتغاطي عن اي عيوب ولا نري الا المميزات وبنوجد الاعذار والمفره والتضحيه بكل وباي شيء للحبيب
بس بصراحه اللي يستاهلو بقوا قليليلين
قوي

ومتزعليش كل شيء قسمه ونصيب وعقبال ما نفرح بيكي

انا قررت ما تنيلش ولا اتجوز الا اما افرح بيكم انتو الاول
نورتي يا نوجا

هي وظروفها said...

سبايدر مان

اولا منور يا كبير

ثانيا والله العظيم يا عمنا البوست ما عليا خالص

وانا مش من النوع اللي لو حصل انفصال يشرد لحبيبته بعيوبها لاننا كلنا عيوب
وبعدين اللي ميتقالش لحد ساعه قرب

ميتيسحش بيه وقت بعد

نورت يا بوص وانا اساسا مش كده نورت يا بوص

هي وظروفها said...

كيمو

لا يا محمد هوائيه يعني اول ما الكهربا تقطع تلاقيها شبح ومارد وتقطع حراره وتدور فيك خنقه وتناحه واتامه

فل يا معلم

صحيح النور لسه بيقطع ولا اخر خناقه مع الهندس جابت نتيجه يا فقري

هي وظروفها said...

سنجل مامي

اقسم بلله انت جيتيها من الاخر

والحق ما شهدت به اسماء

اسماء مين المهم انك نورتي

وانا فاككني والله يا سنجل

wasf_elahsas said...

لان الحب مواسم مش موجه صافية معدية
ساعات تبقي حنونة و هادية رومانسية
وساعات تجننك وتحسها كده نكدية
في الحب كله مفيش حاجه علي قد المقاس
بجد زعلتني علي فسخ الخطوبه
ربنا يعوض عليك
حلوة الاخت الهوائية
تحياتي

ghada mOhsen said...

هههههههههههههه
حلوه أوي الكلمات دي والله

لما لقيتك كاتب مقطع منها في الفيس بوك فكرتك ماخدها من حد كده أو كده :)))) ...

بس تسلم هالأيادي ويسلم كيبوردك
:)

وبعيد عن البوست وعلى جنب كده :
ربنا يعوضك خير إن شاء الله وإعرف إن ربنا كاتبلك الأحسن وليد باشا ...
عيييييش حياتك ماحدش واخد منها حاجه

تحياتي الملونه لإبداعك
... ;) ,,, ;) ...

أميرة الأحلام said...

كلمات جميله ياوليد ومعبره اوي دايما الي بيحب بصدق بيبقي شايف حبيبه احسن حد ف الدنيا وبيتمنى انه يبادله نفس الشعور
الحب ده اجمل حاجه في الدنيا
ربنايوفقك ويكرمك

شفـقــة و إحســــان said...

حلوة جدا جدا جدا
بجد تسلم ايدك

هي وظروفها said...

وصف الاحساس

بقي الاخت الهوائيه حلوه

اه منتي عشان ست بتنحازي لجنسك ماشي

انا كطمان بنحاز لجنسي وبرفض الهوائيه والفضائيه والالارضيه كمان يلا بقي

نورتي يا عروسه وربنا يهدي سرك

هي وظروفها said...

غاده

لا انا مبلطش حاجه من حد خالص متقلقيش مش حرامي شعر

ربنا يخليكي لا عايش جدا ومبسوط والحمد لله وووالله يا غاده ربنا رضيني ومن زمان محستش اني مبسوط كده
نورتي يا دودوونشوفك يوم التبرع بالدم قشطه عليكي

هي وظروفها said...

امييييييييييييييره

فينك يا بشمهندسه عاش من قرا تعليقك

يااااااااااااااه الحب
ده الحب خلو علي راي حماده بيه هلال

ربنا يكتبلك حبه وحب من يحبه وحب عمل يقرب الي حبه
وزوج يتقي الله وتحبيه من كل قلبك

نورتيني يا اميره

هي وظروفها said...

شفقه واحسان

محمد بيه ربنا يخليك لمصر يارب ونشوفك طيار متقاعد اد الدنيا يا جابر بخاطري انت

غير معرف said...

اكيد انت محبتهش ويمكن انت للى اتخلت عنه وممكن تكون ظلمه لنك انت محستش به خخخخخخخخخخلاصصصصصصصصص وله مكنش سباته صححححححححححححح

غير معرف said...

والله مصدقين ان مش انت بس ليه كل ما تكتب حاجة جميلة اوي تقول مش انا ولا ليها علاقة بحياتي الشخصية خالص مع اني حاسه عن تجربه الاحساس اللي بيخرج ما بتخلش تاني (وعلى فاكرة هي برج الميزان )طالما هوائيه
وكمان صعيدي
اقولك نكته مرة واحد بيحب يجري ويجري ما بيحبوش
كرما

مريم مر العمراوى said...

شركة تنظيف بالجبيل

شركة كشف تسربات المياه بالجبيل

شركة تسليك مجارى بالجبيل

شركة تنظيف مجالس بالجبيل

شركة نظافة بالجبيل

شركة تنظيف شقق بالجبيل

شركة رش مبيدات بالجبيل

شركة تنظيف خزانات بالجبيل

شركة تنظيف منازل بالجبيل

شركة مكافحة النمل الابيض بالجبيل

شركة تنظيف بيوت بالجبيل