لو انتي بعيد ....
.يا مرسي يا شط احلامي...
يا حلمي يا نبض ايامي...
وشايفه الخوف..وتيجي ازاي ...
دنا الملهوف..
بقولك احضني قلبي..
وسيبك من سابق ذنبي..
تعالي نعيش ف اي ظروف...
لو انتي بعيد...
بلا مركب...بلا مرسي
بلا شطآن..
ومحتاجه لبر أمان
اجيلك قلبي يسبقني..
وهيقلك وهيبوحلك
يا قلب وروح..
وطعم لاحلي ايامي..
با شمس يا كل احلامي...
هضمدلك جروح الروح...
واضمّك بين حنايا الروح..
منا وقلبي كتاب مفتوح...
لو انتي بعيد........
وحسه يا عمري بالوحده
هضمّك محنا روح واحده
وننسي الخنقه والفرقه
نعيش اتنين بروح واحده
شراع قلبك هداكي لفين
مهوا طريق من الطريقين
يا اما بعد لالآخر
يا اما نكون اكيد حبيبين
لو انتي بعيد
وخايفه تقربي مني
فبعدك شوك بيألمني
حبيبك آسي ف الوحده
تعالي يا منتهي غرامي ...؟؟!!
تعالي يا منتهي غرامي ...؟؟!!
.jfif)
74 Comments:
عشان بس يا رجاله الله يخليكم وربنا البوست ما علي حاله شخصيه ليا خااااااااااااااالص هو مجرد احساس حلو بقي مش حلو اهو احساس اتنقلي من كلام حد عن بعد حبيبته عنه وخرج مني ف الصوره اللي قريتوها دي لا اكتر ولا اقل لاني ممكن الاقي حد يقولي هي راحات في الوبا منك اقوله لا يا خفيف راحت دكرنس تجيب ترمس
قشطه عليكم وعلي اللي حواليكم
ههههههههههههههههههههههههههههههههههههه
انت وربنا عسل << ده عشان الكومنت اللي فوق ده
وبعدين حتى لو كانت عليك شخصياً ،، محدش ليه حاجه عندك
نيجي للبوست بقى
" شراع قلبك هداكي لفين
مهوا طريق من الطريقين
يا اما بعد لالآخر
يا اما نكون اكيد حبيبين
لو انتي بعيد
وخايفه تقربي مني
فبعدك شوك بيألمني
حبيبك آسي ف الوحده "
هو طبعاً كل الكلام جميل جداً وعـ راسي من فوق والله ، بس دي حسيتها قووووي
بس انا عندي سؤال ، هو الكلام ده حاله شخصيه :-p:-p
:-D
لا بجد تسلم الايادي والله
حلووووة قوي
ربنا يحلي ايامك كلها يارب
(F)
يا خرااااااااااااااابى
جميله يا وليد اووووووووووى يخربت شيطانك
بص الحته بتاعت
هضمدلك جروح الروح...
واضمّك بين حنايا الروح..
منا وقلبي كتاب مفتوح...
لو انتي بعيد........
وحسه يا عمري بالوحده
هضمّك محنا روح واحده
وننسي الخنقه والفرقه
نعيش اتنين بروح واحده
شراع قلبك هداكي لفين
مهوا طريق من الطريقين
يا اما بعد لالآخر
يا اما نكون اكيد حبيبين
لو انتي بعيد
وخايفه تقربي مني
فبعدك شوك بيألمني
اخررررررررررررررررابى جاامده
فعلا هما طريق من الاتنين
ياشمال يايمين
كويس انك قولت انها مجرد احساس
احسن كان الخفه تشتغل للصبح
وانت حبايبك ياما يا بو وليد هههههههههههههههههه
تسلم ايدك يا اخى كلامك جميل وحساس
وليدووووووووووووووووووو
مش كان لازم التنويه انه مش حاله شخصيه مش شرط اللى نكتبه يكون بيعبر عن تجربه ذاتيه ممكن تكون مريت لحد نعرفه او قريب مننا وخرجت الكلمات لاننا شعرنا بها اوى اوى ....
كلماتك البسيطه وضحت مدى المعاناه التى من الممكن ان يعيش فيها الحبيب بعيد عن حبيبه
عارف الكلمات وصلت بسرعه لاننا بكل بساطه نتنظر كلمات رقيقه نشعر فيها بأن هناك قلوب لازالت تنبض بالحب بعد ما اختفى وان هناك وفاء وان هناك مشاعر لان كل هذه الاشياء اختفت من حياتنا وراحت فى الوبا
سلااااااااااااااموز يا وليدووووووووووو
زهـــــــراء
الله
حلوة ورومانسيكية وجميلة
وحزينة وفيها أمل
حلوة قوي يا وليد
قوي
جميييل
مش لازم التنويه على فكرة لان احنا عاملين المدونة نكتب اللى بيجى على بالنا مششرط ان كان حاجة شخصية او لا
تحياااتى
فبعدك شوك بيألمني
حبيبك آسي ف الوحده
تعالي يا منتهي غرامي ...؟؟!!
الله بجد ياوليد حسيت الكلام اوي
تحففففففففففه
^^^
مش شرط اي حاجه تتكتب تكون عننا ممكن تكون حسيتها في حالة حد قريب منك
جميله قوي بجد
تعبير صادق عن الاحساس بحاجه
الانسان لشريك يشاركه حياته ...
وعجبني قوي النداء اللي في الاخر ...
لو انتي بعيد
وخايفه تقربي مني
فبعدك شوك بيألمني
حبيبك آسي ف الوحده
تعالي يا منتهي غرامي ...؟؟!!
عذرا لعدم التعليق
فهذه دعوه خاصه
http://jokes-egyptian.blogspot.com/
ولى عوده اخرى باذن الله
كركبه دماغ
الله يخليهوملك
كويس ان الكلام عجبك
اصلي حسيته قوي وهو بيتكلم عن بعد حبيبته عنه وهو السبب لانه اتصرف تصرف معاها لا يرضي عدو ولا غريب
الواطي الكلب وراجع ندمان
عموما احسن يستاهل وانا فرحان فيه
وبخصوص البوست طبعا بوست شخصي
(( وش محمر لو شافك هيقتلك))
صحيح عملتي ايه ف النتيجه ؟؟؟
مارو هانم
تملي ذوق ورافعه معنوياتي يا غاليه
اصل هي بتحبه بس بتمثل والواد من غلطته خايف تضيع منه
وكان الكلب يغلك ليه من الاول شباب غريبه وترجع تعيط بعد ما تروح موزته ويخسر معزته
وبعدين انتي فاهمه اخوي كبيره شهر ولا شهرين ف علاقته الشخصيه واكن الموزه مجشت و الوبا واسع ومن حبنا حبناه وصار متعنا متاعه ومن كرهنا كرهناه يغور ف داهيه ويتشد عليه السيفون
واشغله كمان انطردي الان من الجدول
يلا بقي
نورتي وسلمي علي ولاد اختي وجوز اختي بعد اذنك
زهرااااااااااااااااا
لا لازم التنويه هارشه ليه
ممكن الاقي بيقولي يا ضنا امك يا لولو وتزعلها ليه من الاول
يا عم مش انا
يقولي اطلع من دول
فبأثر علي نفسي الحوار عشان خلقي ع الأد
ياااااااااااااه الوبا خد حاجات كتير
ربنا يستر لنروح ف الرجلين وخال هنادي يطلع كفيف
ويحطلنا السم ف الرغيف
نورتي يا غاليه
ست الكل/ ستيته
وربنا تعليقك ده فوق دماغي
ربنا يخليكي وانا مبسوط انها عجبتك
نورتيني
دموع القمر
مش عارف ليه وانا برد عليكي افتكرت ايهاب توفيق واغنيته دلع القمر
الف شكر يا tears
نورتي
كياااااااااااااااارا
فينك يا بنتي
انا قولت انتي مني اللي عمرو انتحر عشانها ومختفيه ف فتره الحداد
جميل قوي انها عجبتك تعرفي انها عجبتني انا رغم ان انا مبيعجبنيش اي كلام بكتيه وبعتبر نفسي مبعرفش اكتب اساسا اه والله بس بكتب رخامه
اه طبعا كلامك صح
قشطه علي يا معلم وابقي طمنا عليك ورقمنا مش بعيد ولا غريب عليك
البنفسج الحزين
والله انا مبسوط انها طلعت حلوه ومليانه احساس بالاحتياج
الف شكر لذوق معاليكي
مهو لو طال يروحلها هيروح بس هو ميعرفش عنها اي حاجه لانها المصيبه الاكبر انها عزلت من غير ما يعرف وغيرت تليفونها وميعرفش اي حاجه عنها
نورتي
مرمر
عيني حاضر هروح اشوف تحت امرك يا مرمر
نورتي يا قمر
اكبد حاسس الكلام ده والا ماكنتش تكتب بالقهر ده علي العموم تسلم ايدك وقلمك
لأ كده تبقي طفشت منه بقا....
يشوف هو بقا عمل ايه خلاها
تزهق وتطفش منه بالطريقه دي ...
صباح الكلمات الجميله
جميل احساسك
كلمات رائعه
تسلم ايدك
تقبل مرورى
تحياتى
حلو اوي البوست دة و بجد كلامه حلو و كلمات بسيطة بس بتطلع من الهارت على الهارت التاني
بجد اسعدني المرور عندك يا ويتو
وليد يا جاااااااااامد
جميلة يا ولز وعيزين لما نتقابل المرة الجاية تلقيها علينا (حلوة تلقيها دى)
الاخ الجميل
بجد انا اول مرة ادخل المدونة وبجد وبدون تكلف شيئ جميل وراقي جدا
ومش مهم انت كتبت عن حالتك او عن احساس او مشاعر المهم ان الكلمات غاية في الرقي .
أخي العزيز أولا انا جاي هنا مخصوص عشان اوضح لك نقطة أنك في تعلقك في مدونة الدكتورة ستيتة وجهة لي كلام وواضح انككنت زعلان من تعليقي وواضح انك لم تأخذ بالك من مقصدي .
أخي أنا كنت اسخر وأتهكم عي الوضع مش كنت أقر وضع أو أايدة .
هنقل لك مقطع من كلامي
( المفروض ان كل معلق يقول كدة ولا باين عليكم الحقن اللي الدولة بتدهالكم عشان تتعلجوا وتتحولوا من بشر الي بقر او تيران الحقن دى باين عليها مفعولها انتهى ...
واضح ان الشعب لسة بيحس ولسة بيفهم والدليل انة بيضحك اهو ..
لا دا المفرود انه كان يعيطمش يضحك .
انت هاتلخبطني تاني لية ؟
)
شوف أنا اتهكم وأقول ان المصري ما زال بعقلة ووعية وانهة لم يتحول الي بقر او اي شيئ أخر .
لا أريد الاطالة أرجوا ان أكون قد أستطعت ان أوصل مقصدى
وشكرا لك .
م \ علي يونس
الناس اللى قولت هلاقيها اول تعليق :):)
اكيدانت محبتهش ويمكن انت اتخلت عنه وممكن تكون ظلمه لنك انت محستش به خلاص ولهمكنش سباته تسلم ايدك تحياتى العقلك كبير ربنا يعوض خير انشاء لله قريبا عن الانسانه الهو ائه تقبل المرورى
لو انتي بعيد........
وحسه يا عمري بالوحده
هضمّك محنا روح واحده
وننسي الخنقه والفرقه
نعيش اتنين بروح واحده
شراع قلبك هداكي لفين
مهوا طريق من الطريقين
يا اما بعد لالآخر
يا اما نكون اكيد حبيبين
لو انتي بعيد
وخايفه تقربي مني
فبعدك شوك بيألمني
حبيبك آسي ف الوحده
تعالي يا منتهي غرامي no comment
ايه دة يا وليد؟؟؟
دة انت جامد فحت..بجد بجد الكلام دة جامد أوى يا وليد وحياة ربنا عجبنى جدا..الله ينور عليك
monycrazygirl
قهر
ربنا يكفينا شر القهر والفقر
لا الحمد لله مش حاسس بقهر خالص
بالعكس الحمد لله
علي العموم تسلمي ونورتي
البنفسج الحزين
هههههههههههههههههههه
شكله عملها عمل وهي عرفت فهربت منه
لا ابدا اكيد كلنا فينا عيوب ولينا اخطاء
بس العاقل اللي يتاعمل مع حبيبه او حبيبته علي اساس انه انسان
ويتعلم ازاي يسامح وعلي راي شكسبير اخويا ف الرضاعه
honey lets start a frish pray you now to forgive & forget
مساء العسل الابيض المطروحي
الحب الجميل
ربنا يخليكي وايه الذوق العالي ده
يسلم ذوقك
تورتيني
ميجتينا عمر وائل
ربنا يخليك يا كبير ونورتي وجميل
انها عجبتك وجت ف هارتك يا برنس
فل عليك
نورت
ابو حميد
هههههههههههههههههههههههههههه
هلقيها في وشكم متقلقش
ربنا يخليك يا بشمهندس
صحيح اتصلت بيك كنت هسالك علي شيء مردتش عليا خير
م/ علي يونس
اولا نورتني وشكرا لذوقك واسلوبك
اكيد اي حد بيكتب مش شرط يكتب عن حاله شخصيه ليه لانه عايش ف مجتمع بياثر ويتأثر بيه
وكده انا فهمت وجهه نظرك وعموما انا كنت عاتب عليك لاني فهمت كلامك غلط
واكيد ممكن نتختلف بس الاكيد اني بحترم وجه نظرك وكلامك فوق دماغي يا بشمهندي
نورتني
دموع القمر
نهاري كحلي هصلي العشا وارجع اشوف بوستك
غير معرف
مش انا
وربنا منا
والله العظيم منا
بس انت حد يعرفني وفهم كلامي زي ما هو عايز يفهمه
عموما نورت وانا بفضل الله عايش وحيد اه بس مبسوط جدا بوحدتي لان الوحده خير من بنت توجع القلب
غير معرف تاني
نورت
no answer
انجي هانم
الله يخليكي
ده يا باشا جزء من ميت جزء من اسلوبك اللي بجد دماغ دماغ
وبعدين منتي عارفه مبحبش اتكلم عن نفسي
متواضع متواضع
نورتي يا انجي وعقبال ما نفرح بيك يارب عن قريب
ههههههههه
دا مش بقى كوحلى دا بقى بنفسجى وشوية هيكون اسود هههههههه بعد الشر :):)
يارب يجعل نهارنا ابيض دايما
صلاه العشا طولت كدا ليه
ولا انت بتصلى التراويح :):)
انا سوما -----بوص يا معلم وليد ياباشا هو اكيد مفش نصيب و الموضع كله قسمه نصيب صح بوص هقولك لبنت للى هتوجع قلبك اكيد كانت صفحه بيضه وانت ترسم فها برحتك لكان انت مستنتش ترسم فها اقولك فكك ----------------هقولك حاجه كل لحظه بتمر على الانسان محسوبه من العمر مش ممكن ترجع تانى منعيش كل لحظه بدون مشاكل بدون عذاب ايام العمر معدوده ممكن نتنازل عن بعض الاشياء مقابل مكاسب كثير ولكن العناد يجعلك تخسر كل شى ايضا عدم التقدير للاشخاص يجعلك تخسر اعز الناس لديك وثانيا ايام العمر قليل فحاول ان تحبى منها الحب من اجل ذكرا حلوه اوامل يسعدك حياتك ------------بس اقولك انت محبتهش عشان كده شايف ان ده وجع قلب وبعدين تعب لحبيبى زى اكله سمك معلش طولت عليك كتير سسلالالالالالالالالالالالالالالالالالالامممم وصباحححكككككك فلللللللل انشاء لله
اهي دااااااااااه
اتكتبت اكتي دي من ورااااااااايا
ههاااااااااااااااااا
طبعا انا مش بزعق خاااااااااااااااااااااااااااااااااااااااااااااااااااااااااااااااااااالص
واضح اهوووووووووووووووووووو
........................
سيبك انت
جامده ووالله وعجبتني
كفايه انك مكسرتش النغمه في ولا حته تقريبا !
بقر اه
هو انت تعرف اني بحب اكتب عامي
بس غلاسه كده مش حلو بكتب عربي احلي
بس دي جامده جامده جامده
......................
حاجه علي جمب
انا لما بكتب مش بقول خالص عني او حتي عن حد تاني
من امتي بتشتري كتاب بتلاقي الكاتب حاططلك ملحوظه ان الروايه دي حدثت بالفعل مع الكاتب ؟؟؟
وبعدين احنا لو بنكتب عننا بس هتبقي حاجه خنيقه اصلا .. امال فين الناس التاني ه .. والاهم فين الخيال ؟؟؟؟؟؟؟
فبسيبها كده
ولعلمك
بفرح لما بيفتكروها عني
عارف ليه
عشان ده معناه ان الناس شايفه ان الاحساس صادق جدا وانا غرقانه فيه لشوووووشتي
عارف ده معناه ايه
اني نجحت !
سلام يابابا :)
سوما
هو انتي سوما خاله ايناس؟؟؟؟
بما انك مشخه الموضوع عليا مع انه مش صح بس هقولك
مفيش حد ف زمنا بقي صفحه بيضا
ولا انا حتي ولو قلت علي نفسي كده ابقي كداب وكداب كبير كمان
بقيت تعليقك مش مجمع معايا غير اني حابب اقولك نورتي يا قمر
بنتي الغاليه
حنان تحيه طيبه ثم اما بعد
منتي لو موجوده كنت خدت رايك انما انت مش هنا
وشكلك عايزه تتضربي
بتزعقيلي يا حنان
جالك قلب
ده عقوق واضح جامح وانا غير مسامح
كويس انها عجبتك دي شهاده تقدير هحطها في اوضه الانتريه واعلقها فيها
وبعدين انت يا معلم عمنا ف اللغه العربيه وهنروح فيكي فين
اكتبي عامي بتبقي عسل وانتي غلسه ده غلاستك تتدرس يا بنتي
__________
اناووضحت انها متخهصنيش مش عشان اني اللي يكتب لحبيبته كده يبقي ارتكب جريمه خالص
لو انا هقول انا مبكسفش خالص اني اوضح واشرد نفسي لو بحب وحتي لو هقدملها اعتذار علي الملأ انما انا قولت كده عشان فيه ناس بتشخص من المدونين اي حاجه تكتبيها انها عليكي انتي شخصيا بصرف النظر عن جمال او ضعف المعني المكتوب
وعشان كده وضحت ولو خدتي بالك ان كاتب بره اني بخاف اكتب علي حرامي غسيل حد يفتكر ان دي كانت هوايتي زمان
قشطه عليك
يا بنتي
بنورك الاول انت انسان محترم جداااااااااا الناس فى ابيضا واسود وزى وحشه فى ناس حلوه
سوما
اكيد طبعا..
تعرفي اني من نعمه ربنا عليا ان اغلب اللي عاملتهم ف حياتي الشخصيه ناس بيضا بجد وقلبها نضيف
يمكن في حياتي لو عديت مثلا الصحاب اللي خسرتهم عن عمد هيطلعوا اتنين
بس يمكن الوحش كتير صحيح بس الحلو بردو كتير وخصوصا ان اللي بنا مصر كان ف الاصل حلواني
مش كده ولا ايه؟؟؟؟
مش بايخه قوى...
الغير معرفه
الحمد لله انها مش بايخه قوي
نورتي
لو انتي بعيد ....
.يا مرسي يا شط احلامي...
يا حلمي يا نبض ايامي...
وشايفه الخوف..وتيجي ازاي ...
دنا الملهوف..
بقولك احضني قلبي..
وسيبك من سابق ذنبي..
تعالي نعيش ف اي ظروف...
لو انتي بعيد...
بلا مركب...بلا مرسيبلا شطآن..ومحتاجه لبر أمان
اجيلك قلبي يسبقني..
وهيقلك وهيبوحلك
يا قلب وروح..
وطعم لاحلي ايامي..
با شمس يا كل احلامي...
هضمدلك جروح الروح...
واضمّك بين حنايا الروح..
منا وقلبي كتاب مفتوح...
لو انتي بعيد........
وحسه يا عمري بالوحده
هضمّك محنا روح واحده
وننسي الخنقه والفرقه
نعيش اتنين بروح واحده
شراع قلبك هداكي لفين
مهوا طريق من الطريقين
يا اما بعد لالآخر
يا اما نكون اكيد حبيبين
لو انتي بعيد
وخايفه تقربي مني
فبعدك شوك بيألمني
حبيبك آسي ف الوحده
تعالي يا منتهي غرامي ...؟؟!!
>>>>>>>>>>
عشان بس يا رجاله الله يخليكم وربنا البوست ما علي حاله شخصيه ليا خااااااااااااااالص هو مجرد احساس حلو بقي مش حلو اهو احساس اتنقلي من كلام حد عن بعد حبيبته عنه وخرج مني ف الصوره اللي قريتوها دي لا اكتر ولا اقل لاني ممكن الاقي حد يقولي هي راحات في الوبا منك اقوله لا يا خفيف راحت دكرنس تجيب ترمس
"ههههههههههههههههه افتكرته تجربة شخصية من كتر جمال الكلمات بس طلعت اوت مسيرنا نقفش عليك بوادر تجربة شخصية ههههه مبروك خروجك من حالة الاكتئاب يافندم انا لاحظت انك مكنتش بترد وكان اوراقك اللي بتخلصها والحر كان ليه تأثير سلبي"
لولا
ولييييد
والله حلو تعليقك ده يا وليد ..أصل الجماعة اللى دمهم خفيف كتار أوى ومنتشرين أوى فى المدونات وخصوصا الغير معرفين
حلو البوست الرقيق ده
بالتوفيق دايما
لولا
امممممممممممممم
عايزه تقفشيني متلبس بالحب
بس انا وانتي واي حد عايش قصص حب بانواع محتلفه حتي لو الواحد بيحب نفسه فده انانيه اه بس بردو حب
ربنا يخليكي انا فعلا كنت شويتين رخم
بس الحمد لله بقيت فل
كويس انها عجبتك ه معناه انها ممكن تكون كويسه لان اعرف انك مش بتجاملي
وبتقولي الصراحه
وبخصوص انك تقفشيني ادعيلي وهتمسك متلبس بالحب عاجلا او اجلا هروح فين يعني
نورتي يا لولا
شيماء
منوره يا شيمو
ميرسي لذوقك يا معلم
انا كتبته الموضوع لان ممكن تلاقي حد بيستظرف والجو الخنقه دي عالم فاضيه
عارفه لو حد يقولك مثلا دي وحشه لكذا وكذا وكذا
ده يبقي حبيبي
انما اللي بيرمي كلام زي الاسم دي بقي بتبقي حاجه تقرف
منوره يا شيماء
صباحححححححح الخيييييييييير يا بارنس اليللى 0000000000000000000000000000000000متصدقهش اللى بتقول بايخه دى جامد اوىىىىىىىىىىىىىىىىىىىىىىىى فكك منه بس على فكره شكته بنت بتحبك اوىىىىىىىىىى ولويهمك كتبتك عجبنى جداااااااا -------------------------------------- بس هقولك يابارنس على معتقد ان فى ناس اكتر قويسه وبعدين انت عايز تقولى ان انت مقبلتش بنت حلوه ومحترم فى حياتك شددة قلبك عقلك وحولت تقرب منه لا طبعا اكيد فى واحد ختفت قلبك حتى ولو وقت قصير جداصح يايا لولو اه على فكره انامش خالت ايناس؟؟؟؟؟؟و على ريق ان للى بنا مصر كان فى الاصصصصصصل حلوانى قديم --------------سسسسسسسسسسسسسسلالالالالالالالالاممممممم يا لولو وفكك من بنت رخخخخخخخخممممه ددددددددددددىىىىىىىىىى
اه نسيت اقولك بتعتك اومش بتعتك محدتش لى حاجه عندك صح يانارنس ولى مش عجبيه يلعب فى حواجبه بس اقولك ياوليد الواحدبياسى فى بعد حبيبهو تعب وحشى اوى بعد الحبيبى عن حببتو الام جامداوى وتتمنى ان يراجعى تانى -----------------------------بس لرجع واقولى الموضع بيبقه قسمه ونصيب ----------------------------وربيا يحلى ايمك كلها يارب و تلقى لبنت لى تحبهوتحبك انشاءللل يارب
سوما
هههههههههههههههه.
لا طبعا قابلت وحبيت كمان وتفضل اجمل حد دخل حياتي ولالاسف انا اللي ضيعتها بغباء الله يمسيها بالخير
كانت اسمها زينب
وبخصوص اللي بيقول او بتقولانها معجبتوش او //اش
مش فارقه طالما ف حد رافع معنوياتي
منوره يا برنسيسه
انا لتشابه الاسماء افتكرتك خاله ايناس
عموما اهلا بيكي يا قمر....
صحيح اهم شيء بيشدني
ف البنت عقلها طبعا تكون انثي وموزه مفيش مانع بس موزه من غير عقل
هحسها حاجه متنفعش خالص لحد زي
دماغه صغيره ومحتاج بنت دماغ تعدل الموازنه وتعمل تنميه بشريه ف اسرتي انا وهي الصغيره فل عليك يا برنس
ربيا يخليك يا بارنس اليللى -------------------------------------------------------انت واحد ججججاامددد اوى طحن --------يمكن كنت دماغه هتكبر بعدين وووووووووربيا يرزوقك بل لبنت الموزه لجاممممممداوى ييييييييييييالولو
يييييييييييييييييييييييييياااااااا ربيا تلقى لمووووووووووزه للللللللىىىىىى هتعمل تنميه بشررررررررررريه فى اسرتك لكريممممممممممهههههههه انشاء لله قول ياررررررررررررررررررررررربببببببببببببببببببب
اللهم امين يارب
هو انا كل ماعلق عندك الاقى ردود بايخه من اللى عندك....
برده هى مش بايخه قوى ود راي
ومشه هاغيره
غير معرفه
يا ست الكل متغيريش رايك اقولك هي بايخه جدا
كنت انتي مبسوطه
ولا تضايقي نفسك
صحتك ثروتك
هههههههههيييييييييييييييييااااااااااااا ياااااااالولو هى مله زعلينه كده يا سيتى فكك من رجل ويا سيتى متغير يش رايك وعلى ريق يابارنس صحتك ثروتك يا بايخه سسسسسسسسسسسسسسسسسسسسسسسلالالالالالالالالالالالالاممممممممممممم يابارررررررررررررنسسسسسسسسسسسسس
سوما
ملوش لازمه نجرح في الناس وخصوصا انها بتقول رايها ثم انا والله معرف مين هي
لانها ممكن تكون حد بيكتب تعليق وفعلا الكلام مش عاجبه وده حقها طبعا
سوما انتي مين ؟؟؟؟
انا واحده موعجبه بكتبتك جججججججججددااااااا لانه بطبعا كل كلامك جميل اوى وحساسك عالى جدا كلامه حلو وحياة ربنا عجبنى كتبتك جدااااااااا وبعدين انت عايز اكون مين بس انا سوما ؟؟؟؟ وكمن انا حشريه جججججداااااا وهى ممكن تقول تعليق احسن من كده عمومن تسلم يدك يابارنس ((باى باى))
سوما
انتي طلعتي سوما.
لا اله الا الله وانا اللي كنت بقول مين دي طلعت سوما
ثم ايه الكلام الكبير عني دي
يا نهار ابيض كده هصدق
يلا مش مشكل..........
عموما انا تعليقات الغير معرف بحكم انها ممكن الواحد يكتب اي اسم فقولت اشوف مين سوما
لاني كنت متوقع انك جلال ابن عمي وبيروش
عموما اكيد سوما احلي واجمل من جلال
وخصوصا ان جلال فرحان بشنبه
نورتي يا سمسم
الاول صباح الخير 00000 تانى صدق طلعت سوما ومحمد رسول الله والحمد الله ان انا طلعت سوما 00000كده يابارنس حرم عليك فكرنى جلال للى فرحان بشنبه وبعدين ده كلام بجد صدق و انت ابننه برده00000000000بنورك يالولو قشطه عليك وعلى اللى حواليك وخاده من قناة هههىىىىىىىى وظروفها 0000000تقلت عليك يابارنس
لا يا بنتي براحتك لا تقلتي ولا حاجه ثم انا هنا ده بيتي وانتي ضيفتي ونورتي طبعا وف اي وقت يا حج تيجي هتلاقي الشاي مستنيك وعصير برتقان احنا صعايده اه بس كرمه كرمه
انا قولت اجى اسلم
هستريح من السلم بس واشرب حاجة وامشى
:):)
ابيات روعة
خالص تحياتي
موجة
دموع القمر
الله يسلمك
تريحي وتشربي حاجه
انتي داخله علي طمع بقي ولا ايه
يا ستي ريحي براحتك وخليني كريم
موجه
شكرا علي رايك
نورتي
:)
برنــس كالعادة
جميله اوي الكلمات .... تنفع اغنيه :)
تحياتي
ازيييييييييك يابرنس((تك تك))مين انا سوما على لبابالمدونه على باب بيتك يالولو يالولو انابه داخله على طمع اكتر من دموع القمر ياقمر انا برسم على غداء مش انت صعايده ووولالالا اقولك نشربى حاجه احسن هههات الشاى بفتله وكيك وبسكويت وانا جايه فى الطريق اصل المواصلات تخنق اوى حضره الحاجه وانا جايه سسسسسسسسسلالالالالالالالاممممممم--------------------------------------------------------------------------------اه نسيت اقولك كل سنه وانت طيب عشان شعبان ورمضان على لباب واريه يعنى ****يارب يجعلك طيب نصيبك ويرزوقك بل بنت الموزه ويرزوقك رزق خير هههههههههههههههه شكلى هشحتتت عليككككككك على باب المدونه صح يا برنس ((((ببببباااااى ى بببببباااااااى ى ى))))
جميلة واي تسلم ايدك واحساسك واللي حكالك عن بعد حببته بس ممكن اغير فيها شوية واخليها من وجهة نظري انا انا مش هغير كتير هو الضمير بس
لو انت بعيد...
بلا مركب...بلا مرسي
بلا شطآن..
ومحتاجه لبر أمان
اجيلك قلبي يسبقني..
وهيقلك وهيبوحلك
يا قلب وروح..
وطعم لاحلي ايامي..
با شمس يا كل احلامي...
هضمدلك جروح الروح...
واضمّك بين حنايا الروح
تحياتي
كرما
كرما
غيري براحتك
ده بيتك ومطرحك
رمضان كريم
off-white
hermes
golden goose
yeezy boost 700
off white x jordan 1
off white outlet
supreme
off white outlet
bape
hermes birkin
Post a Comment