سلامه اللي ملوش حظ ف اسمه++موقفين شخصين


بدايه سبب اني اكتب البوست ده هو اعتداء بلطجيه مؤجرين من قبل الشرطه
علي شباب مجموعه كلنا خالد سعيد علي الكورنيش ف الوقفه الصامته امس
في عام تسعه وتسعين كنت ف تجاره عين شمس وكنت اميل فكريا لطلبه الصوت الاسلامي
...ف هذا العام كالعاده تم شطب اسماء طلاب
التيارات المعارضه بدون ابداء اسباب ومن ضمنهم طبعا كان طلبه الاخوان المسلمين
المهم استطاع كام واحد من الصوت الاسلامي انهم يجيبوا حكم قضائي باحقيه
ترشيحهم ف انتخابات اتحاد الطلبه بالكليه وف يوم الانتخابات
اشهد اني شفت بعيني جايبين حوالي تلاتين مسجل خطر معاهم سنج ومواسير
وجنازير وتحت نظر ورعايه امن الجامعه ووقفم ف الدور التاني ف مبني (ب))
حيث صناديق الانتخابات المهم احنا كنا حوالي ستمت سبعميت فرد
طلعنا كلنا فوق ادام السكشن اللي فيه الصناديق وواخدين معانا خشب كسرناه مخصوص
واحزمه وما كان ف الامكان ساعتها اكتر من كده
وحصل اللقاء الفاصل احنا ف ناحيه ويفصل بينا مجموعه بنجات و الطلبه المرضي عنهم من قبل
امن الكليه ووراهم وبينهم المسجلين خطر اللي معاهم الأسلحه السابق ذكرها
وابص الاقي عميد الكليه((د/محمد محمود عبد المجيد)) بيقولنا كطلبه صوت اسلامي
انتم عايزين ايه انتم طلبه سافله وانا هعين الاتحاد بالتزكيه واللي عندكم اعملوه
وهنا بقي راح واخد توكه حزام علي دماغه من حبيبي الله يمسيه بالخير احمد هريدي
دماغه جابت دم وحصل الالتحام ومحدش يسالني انت استخبيت فين ساعتها
اتعور مننا كطلبه معارضه حوالي عشره وعشان تكاتف صحابي الله يمسيهم بالخير كلهم
اغلب طلبه الأمن والمسجلين اقسم بلله انا فاكر اسعاف مستشفي عين شمس التخصصي
مكنش ملاحق
يشيل منهم مين ولا مين بالاضافه ولا مؤاخذه بقي يا عبد الواحد يا صحبي الراجل اللي فضل
ماسك ف صندوق من صناديق الانتخابات وانت بترميه فراح واقع مع الصندوق صحيح ضهره اكسر
وقعد كتير ف قميص جبس بس انت بردو خت تلت سنين فيها
دي كانت اول مشاهده واقعيه للعبد لله ف اشتراك الامن والبلطجيه ف حفظ
النظام للنظام وتاكيد فوز التابعين لالامن ف انتخابات اتحاد الطلبه

________________________________________________

في انتخابات مجلس الشعب اللي فاتت لي صديق اسمه سلامه من المتعاطفين مع الاخوان
وشايف انهم هما النوع الاوحد للتخلص منن سيطره نظام الحكم علي كراسي المجلس
ما علينا عم سلامه يوم الانتخابات كان موافق لحنه اخوه صحي علي الضهر ف دايره الزاويه الحمرا
وراح علي المدرسه اللي اسمه مقيد فيها وبحكم انه جيرانه كتير رايحين ينتخبوا مرشح الاخوان
بيبص لقي جيرانه واقفين ادام المدرسه طابور ((طلع بطاقتك يا سلامه واديها لامين الشرطه))
اللي واقف ده راح مطلع البطاقه ومديها لأمين الزفت اللي واقف ساعه ساعتين تلاته
راح قال لالامين يا عم عايزين نمشي لاننتخب يا تجيب بطايقنا ونتكل علي الله
خمس دقايق ودخلوا عشرين شخص وكان هو من العشرين وياريته ما كان ندهله معاهم
قالي دخلنا يا عمنا ومعانا حوالي 3 ستات كبار وقفونا ادام باب المدرسه الخلفي
ربع ساعه والباب اتفتح وعربيه امن مركزي تنزل عساكر بعصيان وجم علينا جري
دب طخ بوم اي لالالالالالالالا في ايه
قالي بنضرب وندافع انا وكل الشباب الي معايا وفجأه يروح عسكري بن كلب حمار
ضارب ست كبيره من اللي دخلوا معانا علي ودماغها بخشبه جابت دم ووقعت علي الارض
قالي ساعتها روحت جاري انا وشاب ونازلين عليه بخشب لقيناه بتاع دكك ع الارض
واحنا نضرب فيه ويضربو هما فينا
وراحو مدخلين عربيه تانيه بعساكرها قولتله اه يا معلم
قالي وركبونا واحنا مدغدين قولتله وفرح اخوك
قالي يولع اخويا ع البلد بللي فيها طب كمل يا عم
قالي واتاخدنا علي مكان ف الدراسه الله اعلم هو ايه
بس ونزلونا من العربيه زي فيلم احنا بتوع الأتوبيس
وكلت حته دين قلم من مخبر امه مربتوش طرشني
وطخ تش بوم اي لالالالالالالالالالالالالالا
قالي دخلت عنبر مليان حوالي ميه وخمسين واحد
دكاتره ومهندسين وصيادله ومحامين وصنايعيه
كولهم وشهم بيجيب دم وجسمهم بايظ
وقعدونا لتاني يوم ومشونا بعد ما نتيجه الانتاخابات طلعت
وودونا علي القسم واتصلوا باهاليكم يستلموكم يا ولاد الكلاب
قالي اتصلت باخويا العريس
تعالالي يا يا عادل القسم خدنا قالي انا بحلق اال........
المهم جوز اختي جه خدني يا معلم
وقعدت خمس دقايق ف دخله اخويا علي كرسي ووشي بايظ وجسمي بايظ
وقعدت شهر ونص اتعالج والناس تيجي تزورني وانا راقد ع السرير
قولتله واخوك يا معلم دخل عادي
قالي ولا ف دماغه الحيوان ومراته ولدت قبل التاسع ما يخلص
الكلب ساب اخوه وهو بيموت وراح يلبي نداء الواجب
_________________________________
يوم من الايام كنت متدين ومحدش يقولي امال انت مين يا عم
داخل المدرج ادور علي صحابي وحصل موقف لا يمكن هنساه ابدا
صحابنا بيعملوا مسابقه دينيه علي الاستيدج
وانا داخل ولقيت الامن بيضرب واحد من اصحابي
روحت قافش ف واحد فيهم المدرج زاط خبطته ف كتفه قلبت خناقه
المهم دخلت مكتب رئيس امن الكليه اللواء محمود عبد اللطيف
ركزوا معايا بقي
لقيت اتنين صحابي جوا المكتب وقفت وجابوا اتنين كده بادي بلدنج
مسكوهم معانا غلط ووقفنا والبادي بلدنج وصحابي ثم انا وورانا دولاب ايديال
ابتدا يسأل الهضاب اسمك يا ابني وابوك بيشتغل ايه
جه الدور عليا اسمك قولت وليد كذا كذا ابوك بيشتغل قولتله موظف ف كذا
قالي وعاملي صايع وبتضربلي صبري بتاع الامن
ده انت ابوك حته موظف مش لاقي ياكل
قولتله علي اساس انك حضرتك ف الامم المتحده منتا زيك زي ابويا بل ابويا احسن منك
قالي انت قليل الادب وانا هعلمك الأدب يا ابن الكلب
وراح قايم ضرب ف البادي بلدنج ورزع ف الدولاب الايديال طخ تش دش بوم اي
انت تبع مين ياد انت الاخوان ولا الناصريين ((بيسال الهضاب))
قالولو يا باشا احنا لا اخوان مسلمين ولا جماعات اسلاميه ولا بنصلي يا باشا
روحت ضاحك وقايلهم انت فرحان يابني انت وهو انك مبتصليش بص يا سياده اللواء انتو
بتحرضوا الطلبه ع قله الدين
راح باصصلي وقالي والله العظيم انا بصلي والله بصلي ولسه حاجج
واذ فجأتن يدخل
ظابط اسمه سامي شاور عليا وقالي تعالي انت هتموت
خرجت معاه وروحت عامل اهبل بتعمد عشان اشوف اخره
الا قولي يا باشا هو انا ممكن اتاذي ف الحوار ده
قالي بص ((انا لو عايز اعدمك هعدمك))قولتله ف سري مؤخرتك حمرا
دخلني مكتبه وراح فاتحلي الكمبيوتر ومطلعلي صور ورافع الطقم الجلد اللي علي مكتبه
وكل ده ف سرعه البرق وقالي عارفينكم يا كلاب صوركم واساميكم وكل حاجه عنكم عندي
سالني انت اسمك ايه قولتله تامر يا باشا قالي انت هتستعبط ((اصله ماسك بطاقتي))
قالي امال وليد ده مين قولتله محضرتك ماسك بطاقتي اكيد انا وليد يعني مش حد تاني
قالي ماشي اما نشوف اخرتها مع اهلك يا .((غلط ف امي))
قولتله بقولك ايه يا باشا من الاخر كده انا مليش ف الحوار ده وانا اتمسكت غلط
والجماعه مستنياني ف كافتيرا السن ولو اتاخرت هتمشي يرضيك برضه
وانا خاطف يوم وجاي اشوف الموزه
قالي بقولك ايه انت اخوان ولا صايع ولا حلنجي ولا ايه ظروفك!!!!!
قولتله يا باشا انا اتاخدت غلط ولقيت واحد بيضربني وبيقولي تعالي
وانا معرفوش اسكت يرضيك لو كنت اخوك اسكت !!!!
قالي يا راجل مش تقول كده من بدري
هي قاعده فين قولتله ف كافتيريا السن قالي كده انت طالب محترم ومنتظم
وانا هسيبك عشان تشوفها بس ملكش دعوه بأي مشاكل تاني
صحابي اللي اتمسكوا معايا ف اليوم ده
شالو ترم كل واحد وانا خرجت فطرت وروحت!!!!!
وهي دي مبائك يا مصر ودي تعاليم شرطتك

((محدش يسالني انت تبع ايه دلوقتي))لاني اكيد حزب وداد



10 Comments:

MR.PRESIDENT said...

تاني مرة هحط الشعر ده النهاردة

بوابة تفتيش على بابك

كل ما احَاول أعدى تزمر

وبتتشرط

.وبتتأمر

أرَجَع أدَور تاني وأدور

وكل ما أعدي برضه تزمر

دب أدي الساعة

وأدي حزامي

وآدى بطاقتي

والنضارة

وآدى عنواني

وكل حَكَايَتي

وآدى أمارة

حتى الفكة الباقية في جيبي

والأشعار

والمحفظة مفيهاش غير صورتك

ليل ونهار

كل هدومي

زي ما نازل من بطن أمي

من غير حتى ورقة توت

وكل ما أفوت

البوابة برضك تزمر

ولما لمحني

واحد طَيب م الحراَس

وقَاللي اسْمَعني يا ابن اَلَناس

إرمي الحته الحلوة في قلبك

وعَدى
والبَوابَة عمرهَا

ما تزمر

علي سلامة

فتاه من الصعيد said...

هههههههههههههههه

سابك علشان المزه ... قلبه طيب يعني ..

هما عايزين كل الشباب كده .... ربنا يرحم بقا

تحياتي

butterfly said...

ايه كل ده يا وليد ده بعد وهنيالك يا فاعل الخير بيقى الكومنت الابيض ينفع فى اليوم الاسود ولا ايه
للاسف ده حال البلد من زمان مش نافع فيها غير اللى تييييييييييييت بس ريحتهم طلعت اوى اليومين دول وفضايحهم كترت اوى ربنا يرحمنا برحمته
بس انت ما شاء الله عرفت تطلع منها وكان عندك ميول انحرافية من ايام التدين.... انا عرفت ليه انت ما طولتش مع التدين

كيــــــــــــارا said...

ياسلاااااااااااام

بقيت طالب محترم ومجتهد لما قلت موزه !

خواطر شابة said...

هنا تحكى نكتة " شخص ملتزم يصلي الفجر في وقته والصلوات في موعدها فكلف مخبر بمراقبته وكان كل يوم يرفع تقرير عنه وفي يوم هذا الشخص دخل الى بار فكتب المخبر في تقريره المهمة انتهت المطلوب تاب واهتدى"
دمت بكل ود

البنفسج الحزين said...

حسبي الله ونعم الوكيل ...
أمال هما قدروا يحكمونا 30 سنه ازاي ماهو بالطريقه دي .....

بس انت بجد طلعت نمرة يا وليد..ههههه
عجبتني قوي عملت أهبل بمزاجي دي ..علي أساس ان لكل مقام مقال ..
وكويس ان الضابط طلع عاطفي وسابك عشان الموزة متتلطعش في كافيتيريا ألسن أكتر من كده...فعلا شر البليه ما يضحك

أبو حميد said...

المهم يا ولز الموزة كانت حلوة
هاهاهاهاهاهاهاهاهاه

تعرف إن زمان حصل موقف شبه كده فى حلوان
راحوا يلموا شوية شباب لأنهم جماعات المهم نازلين بواحد منهم أمه طلعت من البلكونة تصوت قالها "خشى جوه يلعن تيييييت أمك" راح الظابط قالهم سيبوه ده مش تبعهم

re7ab.sale7 said...

يااااااااااااااة
من اد اية معدتش عليك يا وليد
اخبارك اية ....؟
والله وحشني الكلام اللي بتكتبه بس نعمل اية بقي الامتحانات المنيلة بستين نيلة واللي خلصت علي والاجمل اني خسيت شوية كمان يعني علي اخر الامتحانات هبقي مفيش
المهم بقي انك بجد خليتني مش عارفة اقول اية اضحك والا اعيط والا اية حاسة انني نفسي ازعق لك بس هقول اية مينفعش اصل هو ده الواقع
بس بجد حكاية الاخوان دي مشكلة انا لسة امبارح حصلي موقف كدة غريب مع حد منهم ...يعني دونته كدة ف مذكراتي لغاية ما اشوف يمكن اكتبه فمدونتي
مستقبلا
صباحك ورد
ورمضان كريم

دموع القمر said...

على الرغم من انى زعلاااانة جدا من وليد وياريت لما تشوفوا قولوا كدا
الا انى لازم اجى ازوروا واسلم :)
الموقف اللى انت حكيت عنه كتييييير بيحصل عندنا فى الجامعه بس كله فى ميزان حسناتهم والله بجد الواحد بيكون فخور بيهم
ليك عندى تاج ابقى تعالى خدوا

مريم مر العمراوى said...

شركة تنظيف بالجبيل

شركة كشف تسربات المياه بالجبيل

شركة تسليك مجارى بالجبيل

شركة تنظيف مجالس بالجبيل

شركة نظافة بالجبيل

شركة تنظيف شقق بالجبيل

شركة رش مبيدات بالجبيل

شركة تنظيف خزانات بالجبيل

شركة تنظيف منازل بالجبيل

شركة مكافحة النمل الابيض بالجبيل

شركة تنظيف بيوت بالجبيل