تحت زخات المطر(قصه قصيره)


كان يوما عاصفا ملبدا بالغيوم عندما همّ حازم ان يقوم بزياره لابن خاله حيث انه مريض

بمرض عضال وليس هناك مجالا ولا مفر من اجباريه زيارته لما يجمعهما من صداقه

ركب سيارته متجها الي القريه التي يقطنها ابن خاله فهي بلدة والدته ومسقط رأس عائلته

بدأ الليل يداهمه ف الطريق ولم يكد يصل الي مدخل القريه حتي بدأت قطرات المطر ف ازدياد

وكان صوت المطر يدوي علي زجاج سيارته محدثا صوتا عنيفا ..
كان الطريق الي مسقط راس العائله خال الا من نباح الكلاب الضاله .....
ادار كاسيت السياره علي معشوقته التي تعلم معها الحب فيروز

قاذا بها تغني شتي يا دنيا فابتسم ف سره وقال حتي واحنا ف عز البرد حاسه بينا وبتغنلنا

انتي عسل يا فيرو يا شيخه ايه ده سحر ولا صوت جاي من زمن رايق لافيه كره ولا غل ولا خيانه..

وفجاتن تتعطل سيارته ويكتشف انه نسي ان يضع وقودا كافيا ....

نزل من سيارته وقد اشتدت قطرات المطر وصارت اقرب للثلج وهو يبحث عن اي بيت ربما يجد

سياره بها بعض البنزين ... فكر ان يتصل باحد اقاربه ولكنه لم يرد ان يثقل علي احد فان الجو غيرمهيئ..

اخذ يمشي وهو ف طريقه الذي لا يعرفه لمح بنتنا تختبأ تحت بيت مهجور قديم فاخذ يقترب منها شيئا فشيئا

وكلما اقترب اكتر وجدها تبدو مبتله الملابس وتبدو ملامحها مرعوبه من الفكر ومن الوساوس فقد دخل الليل .

اقترب منها قائلا مساء الخير اي خدمه البيت اللي انتي واقفه تحتيه ده مهجور من زمان وخطر ..

فلمح ف عينها الخوف منه فقالها متخفيش انا اسمي حازم صبري مهندس مدني تحبي تشوفي بطاقتي ؟

مالك مرعوبه تعالي بس بعيد من تحت البيت لنبص نلاقيه وقع علينا قبل ما نكمل كلامنا..

تعالي ندورلنا علي اي بيت قريب نداري فيه من المطره دي....

الي تلك اللحظه لم يكن قد ركز ف ملامحا مشيا سويا ولمحوا باب بيت مفتوح فقالها

تعالي نستأذن صحاب البيت ده ونتداري من المطره دي هدومنا كمان اتبهدلت ..

الا صحيح انتي اسمك ايه قالتله انا اسمي بسنت ابو الخير و بروحه المرحه

قالها اكيد ابو الخير ربنا ميجبش شر ف الليله المفترجه دي ويعديها علي خير يا وش الخير...

دخلوا المنزل المضاء فاذا بسيده عجوز ورجلا مسنا استقبلهم اتفضلوا يا ولاد خير

ايه اللي ممشيكم ف البرد والليل والمطر ده يا ابني انت وهي انتم م البلد دي

رد حازم قاله لا يا حج دي مراتي وجايين نزور الحج محفوظ يبقي خالي....

قدم لهم الرجل كوبين من الشاي وتركهم بعد انا قدم لهم الشاي

الدار داركم انا قاعد جمبكم ولو المطره ما بطلتش باتوا معانا البيت كبير وواسع

وولادي مش هنا شغالين ف الخليج والبنت متجوزه وف بيت جوزها اسيبكم براحكتم..

ولاول مره ينظر حازم لبسنت فاذا بها بملامح لو قعد ميت سنه يرسم فتاه احلامه

ودور عليها مش هتيجي بالتركيز والوصف ده ......

ايه اللي ممشيكي ف الجو ده يا بسنت وكمان الوقت متاخر قالتله هقولك .اصبحت اقل انفاعلا

وبدات تتكلم بلا خوف .انا ياسيدي مدرسه رياضه ف مدرسه القريه الاعداديه بنات وكنت فتره مسائي

وبعد المدرسه كان عندي مجموعه لبنات ايتام وزي منت عارف زكاه العلم اخراجه فبشرحلهم اللي مش فاهمينه

كل اسبوع مرتين خلصت ونزلت من عندهم قبل المغرب كده وكانت ابتدت تمطر وانا ساكنه ف المركز

ركبت نص نقل وصلتني لهنا ومرضيش يكمل لانه هيجرجش واضطريت امشي لاني ملقتش حاجه اركبها

وحصل اللي انت شوفته.....

كانت وهي بتتكلم علي اد ما كان مركز يسمعها علي اد ما كانت ملامحها وخداه. كل تفصيله من وشها

مرسومه ف خياله من زمان عن حبيبته وشريكته ف حياته وعمره وبيته..

ابتدا المطر يقل شويه بشويه ... طب يا حج رغم اننا تقلنا عليكم بس مفيش اي مكان الاقي فيه بنزين

قاله يا ابني ثواني فكري جاري عنده تاكس اكيد عنده جركن ده واد ناصح وبيعمل حساب لاي طاريء..

دور عربيته وقالها هوصلك وارجع انا الدنيا ليل ولا خايفه مني .... ضحكت وقالتله هااااااا انزل؟؟ بتخوفني ولا ايه

وصلها لحد باب بيتها . كان والدها واقف مرعوب ف البلكونه اول ما شافها نزل جري كنتي فين

قالتلو بشمهندس حازم.. وليه تليفونك مقفول قالتله هفهمك فوق ..قالها بس لما تتطلعي ولينا صرفه

اتفضل يا ابني اتفضل رد حازم ربنا يخليك ياحج معلش لازم امشي ....

طول الطريق لبيت ابن خاله بيسمع فيروز ومش مصدق انه قابل بنت بيحلم يشوفها

زي ما قلبه راسم صوره حبيته واكن الرسم اللي جواه خرج بره قلبه وبقي حقيقه

عينه شايفاه ولقي نفسه بيقول لنفسه مكنتش تعطل العربيه من زمان يا محاسن الصدف..

وصل لبيت خاله واتطمن علي قريبه المريض وحينما توجه الي حجره النوم اذا به يقاوم

النوم عامدا فهو يريد استعاده ما حدث ويتخيل انها حبيته نعم انها تلك الفتاه التي طالما راها .

وغلبه النوم واذا به ينم وكانه لم ينم ولم يشعر بهذه الراحه منذ سنوات...

استقيظ علي صوت هاتفه فوجدها هي المتصله

صباح الخير يا بشمهندس مش عارفه اشكرك ازاي بجد مش لاقيه طريقه اشكرك بيها

قالها اصبري بس صباح الخير تشكريني علي ايه انا اللي بشكرك و وبشكر عربيتي

اللي عطلت وبشكر الظروف وبشكر ابن خالي اللي تعب مكنش تعب من زمان ..

اخذا يتحدثان هاتفيا وف كل مره يشعر ان شيئا ما يجمعهم سويا وتزداد مشاعرهم

قربا من بعض ..

كثرت زيارته لبيت خاله وابن خاله الذي لم يتحمل المرض وقتا طويلا وتوفاه الله فكان

كلما سنحت الفرصه يذهب لزياه خاله لالاطمئنان عليه ولرؤيته حبيته سته اشهر ظل يفعل هذا..

وفي يوما اتصل بها ولا احد يرد عليه مره اثنان ثلاث لا احد يرد..

اعتقد انها ربما مشغوله ربما نائمه ربما لا تسمع صوت هاتفها... الي ان جائه ف المساء

رنه علي هاتفه من رقم غريب انها بنت عم حبيبته قالت وهي تبكي بسنت كانت بتحبك قوي حازم

مالها فيه ايه ردي وبطلي عياط قالتله بسنت تعيش انت ايه ازاي امتي ردي عليا

قالتله كانت خارجه من باب البيت وجرار زراعي ماشي عكس وراح خابطها

علبال ما رحنا المستشفي وقبل ما تدخل غرفه العمليات قالتلي ابلغك انها بتحبك

حب محبتوش لحد وماتت ف غرفه العمليات اثناء العمليه ...

مرت الايام علي حازم كأشد ما تكون اللحظات حزنا ..

لقد مات حلمه اكانت حلم من احلام يقطته لالالالا انها كانت اجمل حقيقه راتها عينه

هكذ كان يحدث نفسه .لم تكن مجرد حبيبه ولكنها كانت حلم من احلام مراهقته وشبابه ونضجه

وحينما اقترب الحلم من الحقيقه فارقته ولكنها اخذت معها اجمل ذكرياته

نعم لم يعرفها ويحبها سوي سته اشهر ولكن من يقول ان المشاعر يتم حسابها بعدد الايام
فربما يعاشر زوجا زوجته اعواما عديده ولكنها لا تحتويته كما احتوته حبيبته
لا زال لا يصدق انها فارقته لازال يعيش مع حلمه وان لم يعد مجرد حلم

فقد ضاع منه الواقع وبقي فيه الحلم ولكنه
حلما سيبكي عليه عمرا ولن يتكرر انها ستظل فتاه احلامه الا ان يقابلها ويكملا ما اتفقا عليه متي لا يعرف!!

مقتطفات من فيس بوكي(ربع مشكل))

بما اني اي حاجه بكتبها بحتفظ بيها ف نوت عندي لقيتني عايز اكتب هنا مقتطفات من استيتاتي
يمكن لاني حاسس ان جزء منها عاجبني بصوره شخصيه وحسيت ان بعضها ممكن يعجبكم
..
*لايام عديده مديده ظل يتذكر أيامه معها الي ان قابل من احتوته وغزت فؤاده
ولكن ظل يتذكر كيف كانت تريحه انها جزمته القديمه(من روايتي حبيبتي والحذاء))تحت التأسيس
*سؤل حكيم لما يا حكيم انظر دائما للماضي واتحسر علي ذكرياته(قاله عشان انت شلح وهفا
وملكش عازه لا زمان ولا دلوقت))
*بعض الصفات الجيده المكتسبه سريعا ما تزول بزوال سبب اكتسابها (وليد نيتشا)
*ايه البشر اللي غاويه تنح عمال علي بطال دي علي طول يشوف وشك يبقي صدمان
وعدمان وخسران يغمك 3 او 4 ساعات لحد ما يغور !!!!!!!!
*يلللي بتسأل علي الحياه البسها كده زي ما هي :))
*تخبطت وتقاربت وتباعدت كل الطرق واديني عايش..حدش رايح اسوان يجيبلي اتنين كيلو فايش؟؟
*قالي لو تجمع حسن كل نساء الشرق ف امراه وخيروني لأخترت زوجتي!!!! قولتله جتك نيله فيك وفيها
صحيح القرد ف عين امه!!!!
*قالو لجحا هنعميك وبعديها نحميك وناخدك نتمشي بيك قالهم يا كلالالالالالالاب
وليه من الأساس تقتلوا حمامي وبعديها تهادوني طن فريك!!!
*راكب ميكروباص وقف ف كمين رخصك يا اسطي قالهم معييش رخص
دي عربيه حمكشه!!!نزلوه واتصل بحمكشه ... واحد قاعد جمبي بقوله
هو ف ماده ف قانون المرور تمنع التعرض لأي مالك اسمه حمكشه
قالي لأ هما هيستنوا لحد ما ييجي حمكشه وهيطلعوا عليه غباء اللي سايق عربيته!!
*عشان بس اللي بيعملوا فيها ان كل انثي مظلومه ومجني عليها وانها مش سبب ف اي تحرش
ماشي وجمبي شاب شكله مثقف وجايه ف وشنا بنت نسيت تلبس حاجه فوق
((قالها ايه ده وفاء ستربتيز قالتله ستربتيزك حمرا!!!!!!!!!!!!!!!!!!
* اذا كان من حقك ان تهتش فمن حقي ان اسمع كلاما نقيا..
*قاله يا راجل ده نظام مبارك استخسر ف الراجل الهفاانه يتشبه بكيس الجوافه قام مغليها..
شويه والراجل الهفأ اقصد الراجل طبعا هيتشبه بكيس الزباله!!
*وتركمت علي شفا القلب....
اشلاء ذكريات..
لتخبره حينما يأخذه الحنين..
ان الذي يهواه
مات .......
* منيش فارس بني خيبان
ولا عادلك ف قلبي مكان
أخوض ليه معركه خايبه
ده من غيرك بقيت انسان..
*ايهما تفضل ولماذا؟؟؟
بلدك تكون واحه مستباحه
ولا شجره توت؟؟
شاخت وقربت تموت
علل وهلل وجلجل
وقول لمصر اللي هي امك
بوحلها بكل اللي غمّك
مصر يا بلدي يا مصر بحبك
مش كلام ف مدونه
ولا اندفاع بلا اقتناع
ولا سهتنه..
بس خايف منك يا امه
نفسي بس ف حضن وضمّه!!!
*لو كل كلمه اتقالت بينا كنا عرفنا معانيهاوصنا بعض مكنش يجي علينا اليوم
اللي نكره فيه نشوف او نلمح بعض(من مقال كفاك عشقا مزيفا))
*تقول لمين يا راجل خليك راجل (اقولهما للتالي صفته و كنهه)
*اقولها لكل شنب تعامله سنه واتنين وتلاته بعديها تألف كتاب
learn how to deal with the wolves...
وتاخد اوسكار احسن اخراج(تبرز))لأن بوسيرك من قله رجولته هتطلع هتطلع!!
*اقولها لكل شنب ف بيته وعلي مراته اسد ويعرف عليها واحده
سحباه بسلسله ودماغه مدلدله!!!
*اقولها لكل شنب بيشوف بنته نازله من البيت ادامه بلبس لو حر شاف بنته
خرجت قدامه بالبس هوهو من الحمام نجفه السقف يا تتربط فيها يا تتحدف بيها!!
*اقولها لللي مرافق واحده متجوزه وف نفس الوقت حامل منه هو وكمان بيغير عليها من جوزها!!!
مع ان اللي زيها مفيش حد يعوزها فضلا عن مراته لو قلبت ف يوم بوزها ياكلها علقه حرامي
ف مولد العذراء من فرط قسوته!!!
*لكل شنب بينه وبين صحابه حسين الفنجري وف بيته ومع اهله قتيل الجنيه بيضربله
نار لو خرج من جيبه مع ان المثل بيقول فنجري القهوه....... ف بيته
(الرقابه الذاتيه حذفت الكلمه وحطت نقط !

متلعبوش ف دماغنا

‎‎ عمري ما شفت ديب

بيحرس كلاب

ولا انثي الأسد بتطبطب

علي دابه من الدواب
...
ازاي عايزني اصدق
حرامي يدخل شقتي

يطنش عفشي وفرشتي

ويدور ف حمامي

وهدومي ورخامي

وينسي يفتح باب الدولاب

عشان كده مصر

هتبقي ملاذ لكل نصاب !!!

انا لله وانا اليه راجعون

توفي الي رحمه الله باذنه تعالي خالي صلاح اسألكم الدعاء له بظهر الغيب

بيومي

علي اصر حادثه علي طريق الاسكندريه راح ضحيتها ثلاث عشر نفر من المواطنين
وتم علي اصرها اصابه خالي اصابات بالغه وقيام لأطباء بعمل عمليه خطيره له
لقيت اخويا علي العاشره مساء تعالي نشوف خالك ونحاول ندخله العنايه المركزه
نتطمن عليه يا عم وائل معهد ناصر رخم و وموظفين الأمن فاكرين نفسهم هناك ظباط ف الموساد
قالي تعالي ونظبطهم ونشوفه ونتطمن عليه....
واحنا داخلين علي بوابه معهد ناصرلقيت موظف الأمن واقف مع 8 رجاله بجلبيات وظبطوه
ودخلم قلت قشطه روحت داخل سلامو عليكم عمنا الدنيا فيها واحد اتنين تلاته
خمس دقايق نشوف الراجل ونخرج علطول قالي اسف يا بيه كلم بيومي مشرف الورديه
بيووووووووووووووومي بيوووووووووووومي كلم الرجاله
خرج بيومي علي صوت صاحبه خير روحت عايدله نفس الفيلم اللي يقطع القلب
وان الراجل لو مشفهنوش هيبقي ذنبه ف رقبتك يا بيومي وروحت مطبق بريزه وحاطهها ف ايده
قالي يا باشا لو حد شافكم جوه انتو داخلين الاستقبال ومشفتونيش
قولتله عيب علي نزاهتك بقي انت تقدرنا واحنا نشردلك
دخلنا باذن من بيومي من البوابه الرئيسيه ومن جوايا بشكر بيومي
جينا علي البوابه الداخليه وبعمل نفس الفيلم علي موظف الامن وبطبق البريزه
ولقيت الراجل طلع شريف ياعمنا احنا خمس دقايق قالي يا استاذ انا مبخدش حاجه حرام
واللي موقفني هنا موقفني انظم وامنع الدخول ف غير وقت الزياره الرسمي
مش افتحها ع البحري واكنها مستشفي ابويا!!!!!!!!!!!
احترمت الراجل ده جدا من جوايا هو صحيح خنق عليا انا واخويا ومعرفناش نشوف خالي
بس احترمته لانه راجل بيتقي الله ف اللقمه ومش فاتحها بيومي ....
ولاني جاهل بمداخل ومخارج المعهد محاولناش ندخل من باب تاني لاننا اساسا منعرفش بيبان تانيه
ووقفنا نتصل بابن خالي اللي معاه نتطمن عليه..طمنا وقال استنو احنا نازلين
وانا واقف مستني انا واخويا لقيت الصعايده اللي ظبطوا بيومي
ثواني يا رجاله انتم داخلين بيومي قالوليلي ايه قلتهم عن طريق بيومي
قالوليلي اه وعشان يدخلنا ومنرجعش من غير منشوف قريبنا
خد 50 جنيه قولتلهم الف سلامه للي جاينله ربنا يقومه بالسلامه يا رجاله..
شويه ولقيت شباب جايه من ناحيه تانيه ومتجهين ناحيه باب الخروج
ايه يا شباب بيومي بردو قالولي اساسي يا كبير وخد كام قالولي خد شلن علي الجثه
يخرب بيتك يا بيومي دنت فاتح مستشفي لحسابك...
شويه ولقيت قرايبي كلهم نازلين من عند خالي ايه عامل ايه واتحسن ولا ايه طمنونا
قالولي الحمد لله..قولتلهم دخلتو ازاي قالولي بيومي وخد خمسه جنيه ع الواحد
نهارك اسوح يا بيومي دنت واخد معهد ناصر علي حجرك ....
المهم يلا يلا واحنا خارجين ندهت بيومي
بيووووووووووومي بيووووووووومي قالي خير يا باشا
قولتله باشا ايه !!!!
الا قولي يا معلم مش طالبين موظفين امن امنا وخدومين ورجاله زيك اشتغل معاكم
قالي العفو يا باشا قولتله العفو مين ركز بس معايا هسيبلك رقم موبايلي
واول م يطلبوا شباب محترمه زيك كده اديني رنه هتلاقيني ف منت لابس اليونيفورم
وتحت امرك ضحك وابتسمت ومشيت
بحسبه بسيطه اكتشفت ان بيومي يتمني ان المستشفي تلغي الزيارات الرسميه
ويتم استبدالها بالزياره البيوميه ويقطع تذاكر ويحط عليها اللوجو بتاعه وهو واخد ماكيت المعهد
علي حجره وهو فاشخ ضبه للحياه...
بيومي ف حسبه ساعه قفش حوالي تلتميت جندي مجند من غير لا حسد ولاقر..
بس محترمتش بيومي ولا اي بيومي رغم انه نفذلي اللي عايزه ..
بس احترمت موظف الامن اللي رفض جدا وقابل يعيش بمرتب ميعديش خمسميت جنيه
رغم انه لو مشي علي خطي بيومي ف حدود سنه هينافس مستشفي حسبو ويدخل ابنه طب 6 اكتوبر
بيومي مقضيها بس فلوسه مبصصله فيها!!!!

بن حووووووووووووت


من زمان واحنا كارهين كل

قاسي وانتهازي

حكمك علينا بالف لون

تقولش نازي

قالو سلام وديمقراطيه

وبنوا قصور من الأمنيات.

مش كفايه خلاص

بقي ارحل يا غازي

عمال تعبي

وتملي ف كرشك

ده احنا اتخنقنا

حرام من غشك

نصبت نفسك والي

واحنا نصيح ونلالي

عايزين نشوف افاك

اتخنقنا خلاص

من وشك

قالو خلاص قرب يموت

وظلمه اللي بان

بكره يفوت

طلعوا علينا بابنه جمال

قال ايه بريء

مش ابن حوت!!!!!!!