التحديث
برغم اني مكنتش كاتب البوست الاساسي الاوهو الخاطره
عن حاله تخصني شخصيا وما هو الا فكره عن بوست لنوران
الا اني بعد ما رديت علي التعليقات لقيتني كداب قدام نفسي
اه كداب وستين كداب
بعد ما صليت الفجر في الجامع ودخلت فتحت المدونه
اكتشفت اني بفتكر حاجات عن حد معين وبفتكر حاجات حلوه كتير
لينا كانت سوا ولقيتني بفتكر حاجات بتفاصيلها
وخروجات باماكانها وحودايتها وقفشاتي وقفشاتها
لقيتني بحن لايام زمان لقيتني ورغم اني عارف ان كلمه ياريت
مبترجعش ولا بتصلح ولا بتفيد في شيء انتهي ولا بترجع اللي كان
بس لقيتني وانا بسمع فيروز وهي بتقول أنا عندي حنين ما بعرف لمين
سرحان معايا ومعاها واكنها معايا
مش عارف ليه حسيت اني متناقض مع كلامي ومع نفسي
معرفش ليه لقيتني بضحك علي ضحكه ضحكناها وكلمه قولناها
ولقمه كنا قسمناها وغنوه حلوه غنناها وسمعناها
ومكان جمعنا وحلم حلمناه وخيال رسمناه
بس عارفين رغم اني قفشتني وانا بحن لالايام الخوالي
الا اني ضحكت وقولتلي يا واااد يا وليد ما كان لك لن يصل لغيرك
وما كان لغيرك لم يكن ليصل اليك
وكمان اللي يعيش ياما بيرتاح لناس ويقابل ناس يتونس بوجودهم في حياته
ويعشق انه يشاركوه حلمه وقلبه ونبضه
بس في الاخر كل شيء قسمه ونصيب
واكيد بكره جاااااي واكيد باذن الله هستني الخير من ربنا وهرضي بقضائه وقدره
وربنا يسعدكم جميعا ويحققلكم احلامكم
من غير مناقصه أو مزايده
بدون مكايده
وبمحايده
الحنين للي باع
من غير وداع
ملهش عند الحر صدقا
أي فايده
زي مرض البواسير
لو جالك هتحط
مرهم علي بقك
او لو يوم تعبت
اتخنقت
هتقف علي حافه جبل
وتنده حد يجي يزقك
شرط الحنين
انه يكون للي وفا
وسنين عشقناه
حسناه
وعرفنا بيه معني الصفا
مش للي غادر
يوم ما طيفه قال لعقله
يلا بينا
فأختفي......
برجاحه وموضوعيه
من غير تخلّي
أو تحلّي وبرويّه
الحنين للي باع
من غير وداع
في الدنيا ديّا
يبقي انكسار
واللي يحن يبقي
راضي يحط نفسه
في مقام اهانه
يشيل بقي
ذل ودونيّه
.jfif)
37 Comments:
والله كلامك مية مية
هههههههههههه
ازيك وازي اخبارك يارب تكون بخير
شكرا على كلامك الجميل عندي
ربنا يصلح حالك يارب
وليدووووووووووو
الله .. الله تحفه بجد
تصدق جت لى فى وقتها وكانها رساله من القدر وفهمتها بسرعه الحمد لله
يمكن علشان الرساله جت من حد قلبه ابيض اسمه وليد الدوغرى
فعلا يا وليد انت عارف الجمله اللى انت كتبتها فوق فى اعلى المدونه وهى من اقوال على بن ابى طالب تتفق تماما مع البوست ده.......
دمت متالقا
زهراء
يا هلا يا اهلين
بوليد بيك
اخبارك ايه
بيقولوا لا تبكى على اللبن المسكوب يبقى مفيش فابيده اننا نحن للى باعنا نبص لقدامنا وكفايه انكسار
وشرط الحنين
انه يكون للي وفا
وسنين عشقناه
حسناه
الله عليك يا عم وليد
الحنين للي باع
من غير وداع
في الدنيا ديّا
يبقي انكسار
واللي يحن يبقي
راضي يحط نفسه
في مقام اهانه
يشيل بقي
ذل ودونيّه
وليد الكلام ده خلانى ابكى بجد
اصله جه فى وقته و على الجرح قوى
فعلا اللى يحن لحد باع يبقى يستاهل فعلا اللى يجراله
سواء حبيب او صديق
دمت طيب و بخير
و دامت كلماتك رائعه
انا حاخد الكلمات دى و احطها عندى فى البلوج
حاستنى موافقتك
كلامك صح جداااااااا ومعبر بجد
والمفروض يكون نبراس ودليل لكل قلب اتجرح وبيحاول يقف علي رجليه من جديد وينسي اللي باعه...
تحياتي ليك
اممممممممم
موافق طبعا على كلامك
تسلم الايادى
تحياتى
لحنين للي باع
من غير وداع
في الدنيا ديّا
يبقي انكسار
واللي يحن يبقي
راضي يحط نفسه
في مقام اهانه
يشيل بقي
ذل ودونيّه
صح اوي ياوليد
اليسا قالت في البومها الاخير
اللي يتهاون في جرح كرامته مرة
يستاهل يتجرح ميت مرة فيها
بس تعرف الكلام سهل بس التطبيق صعب خصوصا لمن احب بصدق أكيد سينسى لكن ليس بسهولة ابدااااا والجرح سيبقى علامة في قلبه ما بقي حيا قد ينزوي في زاوية صغيرة لكنه يظل موجود
دمت بكل الود
بجد كلمات روعه بمعني الكلمة
تنم عن شاعر بصحيح
تحياتي
وتقبل مروري الاول
علا
انا عشان خارج هرد عليكي ولما ارجع هرد علي بقيت اخوانا المدونين
اللي يريحك اعمليه يا علا خدي اي كلام يعجبك ومستنيش موافقه ولا غيره
بس انا بعتذرلك ان كلامي لمس حاجه جواكي وضايقك وبجد بعتذرلك جدا جدا
اكييييييييييد
اتفق معاك ... الحنين للمخلصين :)
تحياتي
تسلم افكارك بجد
ماما أموله
الحمد لله زي الفل والله ومبسوط جدا وفي نعمه من ربنا
وكلامي عندك مش مجامله وكده والله دي حقيقه
ربنا يبارك في عمرك
زهرررررررررررا
الله يا زهرا علي رسائل القدر واكاد اقولك انه من الجميل اننا نفهم الرساله ومنفضلهاش
ربنا يخليكي علي قلبي الابيض النبيتي البرونزي اللي ضحك من كلامك
بصي يا زهر كلام سيدنا علي بجد تحفه في سماء الفكر العربي ككل واحب اقولك ان مقولته دي ليها تاريخ معايا في حياتي
لانه بجد اوجزت وانجزت
شرفتيني بزيارتك وباخوتك يا زهرا
رومانسي
ابو حميد ايه يا معلم طبعا الحنين للي باع من غير وداع يبقي انكسار
والواحد هيعيش كام مره يا معلم عشان يضيع وقت في حنين وكلام ملوش عازه
سيبك انت
بكره احلي بكتيييييييييير
رومانسي
ابو حميد ايه يا معلم طبعا الحنين للي باع من غير وداع يبقي انكسار
والواحد هيعيش كام مره يا معلم عشان يضيع وقت في حنين وكلام ملوش عازه
سيبك انت
بكره احلي بكتيييييييييير
علا
هو انا اقدر اقولك ان كلامي اذا كان لمس شيء معين فان دل فيدل علي شفايفه نفسك وجمالها
انسي اللي ضيّع وقت من عمرك بصداقه او بحب مكنش من قلبه وفكك منه ومن ذكرياته ومن اي شيء مشترك وعيشي حياتك لنفسك وطز في اي حد ميعملش حساب للعشره
نورتي يا علا وطبعا زي تعليقي الاولاني خدي الكلام وحطيه في اي مكان تحت امرك
البنفسج الحزين
يا نهار ابيض كلامي انا نبراس
سمعتكيش امي دلوقت كانت قالتلي يا ضنايا كلامك بقي نبراس وانا مش واخده بالي
خللي بالي يا ابني من نفسك عشان النبراس ده اسمع انه شيء خطير
ربنا يخليكي وبشكرك علي ذوقك
واكيد اللي باع من غير وداع يستاهل النسيان واكنه هواااا عدي ولا حسينا بيه ويغور في الف داهيه
كياااااااااااااااااارا
ازيك يا مني
الصح الصح
بس محتاج رجوله واراده في التنفيذ تقدري تعمليه؟؟؟؟؟؟؟
اظنك بنت بميت راجل ولا يفرق معاكي اي حد غير اللي يشيلك في عنيه لانك تستاهلي كل خير يا كيارا
نورتي والف شكر علي التورتايه الجميله دي
خالد بيه
حبيبي
يا جدعااااااااااااااان خالد ابو همس هنا
حد يضرب نار
يعمل اي منظر مش كنت تقول كنت عملت معاك الصح
فل عليك يا كبيرنا وانا كمان موافقك وموافقني
نوجااااااااااااا
بصي يا نوجا انا هنا كلامي واضح وهو انه الحنين للي باع من غير وداع
او بطريقه ملتويه
ميستاهلش غير انه يتشد عليه السيفون وولا اكنه دخل الحياه
اذا مثلا تفتكري حد هو اصلا مفتكرش ولا حتي حط في دماغه اللي كان بينكم
ده نوع من السذاجه والبني ادم مننا لازم يكون عنده كوالفيكيشن مهم
الا وهو دليته الاشخاص غير المرغوب في تذكرهم من ذاكرته او علي الاقل انه لما يفتكرهم يفتكر الوحش بتاعهم عشان ميقعدش يضايق في نفسه في الوقت اللي الطرف التاني فيه ولا في دماغه
اذن يولع بقي يتحرق يغور في داهيه انما تفتكريه وهو مش من هنا يبقي انتي غاويه تتعبي اعصابك
بيوتفل مايند
نورتني يا هيما وشكرا علي كلامك وذوقك وزيارتك فوق دماغي يا كبير
صباح الفل
فتاه من الصعيد
وانا كمان بتفق معاكي ان الحنين للمخلصين وفقط
نورتي يا بلدياتي وهي دي افكار الصعيد الحلوه
ايناس
ازيك يا نوسه
ربنا يخليكي وتسلمي انت كمان
وسلمي علي سومه
وليــــــد ...............
ايه البوست الجميل ده بجد حلو اوي اوي
تسلم يا وليد على الكلام ده
بجد بوست جميل اوي اوي عجبتني بساطة كلماتها و الله
عاش من شافك و حلوة خدمة الفنادق و سيارات دي
ربنا يوفقك و يكرمك يا رب
خالص تحياتي و تقديري
مها
ازيك يا مها
ربنا يخليك طول عمرك ذوق
وموضوع حجز الفنادق ده والسيارات
شغلي وبفهم فيه فقلت اعمل اعلان جانبي كاعلان ترويجي
ربنا يبارك فيكي يا مها ويريح بالك
مش موافقة يابا
اه اصل انا خلف خلاف المحامي
الحنين للي باع؟
عادي خالص
شعور آدمي طبيعي جدا
الحنين لعشرة حتى لو مكنش فيها وفاء؟
آه بتحصل
ماهو قلوب البشر مش بتمشي بالريموت كنترول
واللي يفيض بيه الحنين ميزعلش من قلبه
ميلوموش ويقول له انت مش حر
لأ هو حر علشان كده فضل فيه ذكرى بتزغزغه
لكن الحدوتة اللي من الأخر
ان ياقلب حس
ويا عين اظهري قليلا من الحنين
ويا عقل لا ترضى ابدا ولا تسامح مطلقا
دع القلب يشعر
لا تلومه على أخر بقايا الإنسان
ما بقى منا شيء غيره في الزمن ده
عليا النعمه أحلى كلام
يالله يا عم من حبنا حبيناة وصار متاعنا متاعه
ومن ماحبناش شالله يولع
حلو الكلام
د/ ستيته
توافقي متوفقيش علي دماغي ودماغ عيالي كلهم
وعايز تخالفي خالفي وجودك لوحده كفايه
كلامك انا مقدرش انفيه في بعض الاستسناءات في اي علاقه
ولكن احنا منقدرش ننسي حد ونمحيه من كل الذاكره اكيد حتي بيبقي موجود في الريسايكل بن لو كانت نهايته مع اي حد مش لذيذه
وساعات بدون انكار بتعملي ريكفر للايام الحلوه اللي شفتيها معاه واللحظات الحلوه
ولكن وجهه نظري انه ده مش نوع من الحنين اد ما هو نوع من شعور انساني يوصف بتذكير الذات بايامه الحلوه لشخصه وليس كحنين لمن لا يستحقه
وعايزه اقولك ان ساعات القلب لما بيشيل من حد بيبقي اكنه مش قلب بيبقي دقته انذار لحرب قادمه اذا اتت سيرته او نهايته بطريقه او باخري
وجودك هنا شرف ليا وبجد بيفرحني تعليقك اللي بيفيدني بصوره شخصيه
نورتي يا ست الكل
صفاء
روحي يا شيخه الله يخليهمولك قادر يا كريم
ومن حبنا حبناه وصار متعنا متاعه ومن كرهنا كرهناه وطز فيه
نورتي يا صاصا
السلام عليكم
دا لولا الذكريات دي الواحد مكنش عرف يعيش
الذكريات بتحدد عملا البني آدم
صباح الخير
السلام عليكم
أحيانا الانسان بيشوف ذكرياته وبينفعل بيها وكأنه بيعيشها فعلا
لان الذكري جزء من حياتنا وماضينا كله
ولولا الماضي ماكان مستقبل
وبعدين بيجى دور النصيب بيخلى اللى فات حتى ولو حلو بتبقي ذكري نتعلم منها علشان بكره يبقي احلى
ربنا يوفقك يا أ/ وليد ويجعلك بكره احلى من النهارده
ولو الذكرى كانت احلى وفيها خير ليك تفضل فاكرها وكله في الاخر قسمه ونصيب
تحياتى ليك
التهاون فى الحق مذله
ميننفعش اننا نسامح ناس متستاهلش
اللى يغلط لازم يتحمل غلطه
زى ما اليسا قالت و زى خواطر شابه ما علقت
بمناسبه التحديث
ايه علي بالك ال جوا قلبك ده بيتحرك حسب اوامرك
حتي لو انت رافضه
هيفضل متعلق جواك طول العمر
ولحظة ما تحس انك خلاص لا بتحن ولا بتفتكر ولا جواك حتي زكري
هتلاقي لحظة تانيه تقولك
الذكري مش ممكن تموت او ييجي يوم وتختفي
الزكري بيكون ليها صوت مع كل شمعة بتنطفي
عمرك ما تنسي للاخر وبرده مش بتتاثر للاخر
بس هو وقت ومش هتقدر تعديه الا بحاجة تانيه تنسيك وبرده هتفتكر
صح الكلام وعلى راي المطرب اللي مش فاكر اسمه .. انتهى المشوار انتهى المشوار
جاي بكرة يوم جديد جايب تفاصيل طازة ومدهشة ليا
انسي امبارح وفك القيد لسه ياما هنقابل في الدنيا
اية دة يا معلمواللة يابنى انت خسارة فى ناس كتير انت محترم يا لولو بس متبقاش واقعى اوى كدة
الدرش بيمسى
Post a Comment