مصطفي عبده ده بقي من اقرب اصحابي
مصطفي شاب كان زي القمر صحه وطول وعرض وخفه دم
الدنيا خدت كل واحد فينا في ناحيه
اتصلت بيك لانك وحشتني وروحت اشوفك
خدني الحنين ليكم غصب عني
اتصلت بمصطفي محسن وخالد وفعلا وانا في الطريق
ليكم كانت المرج وحشاني قوي يا مصطفي
بس اول ما شوفتك يا مصطفي كنت هعيط بس حبست دموعي
خفت عليك انت.....
مصطفي جاله كانسر وأستأصل 3 عضلات من جمبه اليمين
مع الورم وركب شبكه ومبقاش مصطفي خالص
الكيماوي هدك يا مصطفي خلاك رفييييييع قوي يا صحبي
فاكر يا مصطفي
لما كنا بنلف من اداب لحقوق لعلوم ميت مره في اليوم
فاكر يامصطفي
لما كنت لسه مخطبتش
وقولتلي رحاب زعلانه مني وهي بتعزك
عايزك تصالحنا
وعملت اللي انت عايزه وبعد كده اتجوزتها
فاكر كنت فرحان اد ايه
فاكر يا مصطفي لما كنا بنعقد عند عم سيد
بتاع الشاي ورا كده عند كليه علوم ونغني ونضحك
فاكر يا مصطفي
فاكر لما كنا عنده مره وجه استاذ طاهر الكفيف
اللي اول ما سمع صوتك وانت بتسلم عليه
قالك انت صوتك وجسمك حسيته زي ظباط الشرطه
فاكر يا مصطفي لما كنا بنلف في رمضان
نشوف اللي كانو بيفطروا وتاخد كارنيهتهم
فاكر يا مصطفي
مطعم عمك محمد والسندوتش ابو ربع جنيه
فاكر يا مصطفي
قعدتنا وضحكنا
وانا بكلمك يا مصطفي قولتلي سمعت يا وليد اغنيه احمد سعد
مش باقي مني جميله اوي يا لولو عارفها
عارفها يا مصطفي عارفها يا صحبي
لما شوفتك اتماسكت بس لما مشيت
بقالي3 تيام مش قادر يا مصطفي
الله ينتقم من اللي سمم الناس
وسرطن اكلهم وشربهم
معلش يا صحبي
ربنا يعوضك ويشفيك
ربنا يباركلك في بنتينك يا مصطفي
ربنا يديك العمر يا صحبي
ونحقق كل اللي كنا بنحلم بيه
ربنا يشفيك يا مصطفي
مصطفي شاب كان زي القمر صحه وطول وعرض وخفه دم
الدنيا خدت كل واحد فينا في ناحيه
اتصلت بيك لانك وحشتني وروحت اشوفك
خدني الحنين ليكم غصب عني
اتصلت بمصطفي محسن وخالد وفعلا وانا في الطريق
ليكم كانت المرج وحشاني قوي يا مصطفي
بس اول ما شوفتك يا مصطفي كنت هعيط بس حبست دموعي
خفت عليك انت.....
مصطفي جاله كانسر وأستأصل 3 عضلات من جمبه اليمين
مع الورم وركب شبكه ومبقاش مصطفي خالص
الكيماوي هدك يا مصطفي خلاك رفييييييع قوي يا صحبي
فاكر يا مصطفي
لما كنا بنلف من اداب لحقوق لعلوم ميت مره في اليوم
فاكر يامصطفي
لما كنت لسه مخطبتش
وقولتلي رحاب زعلانه مني وهي بتعزك
عايزك تصالحنا
وعملت اللي انت عايزه وبعد كده اتجوزتها
فاكر كنت فرحان اد ايه
فاكر يا مصطفي لما كنا بنعقد عند عم سيد
بتاع الشاي ورا كده عند كليه علوم ونغني ونضحك
فاكر يا مصطفي
فاكر لما كنا عنده مره وجه استاذ طاهر الكفيف
اللي اول ما سمع صوتك وانت بتسلم عليه
قالك انت صوتك وجسمك حسيته زي ظباط الشرطه
فاكر يا مصطفي لما كنا بنلف في رمضان
نشوف اللي كانو بيفطروا وتاخد كارنيهتهم
فاكر يا مصطفي
مطعم عمك محمد والسندوتش ابو ربع جنيه
فاكر يا مصطفي
قعدتنا وضحكنا
وانا بكلمك يا مصطفي قولتلي سمعت يا وليد اغنيه احمد سعد
مش باقي مني جميله اوي يا لولو عارفها
عارفها يا مصطفي عارفها يا صحبي
لما شوفتك اتماسكت بس لما مشيت
بقالي3 تيام مش قادر يا مصطفي
الله ينتقم من اللي سمم الناس
وسرطن اكلهم وشربهم
معلش يا صحبي
ربنا يعوضك ويشفيك
ربنا يباركلك في بنتينك يا مصطفي
ربنا يديك العمر يا صحبي
ونحقق كل اللي كنا بنحلم بيه
ربنا يشفيك يا مصطفي
40 Comments:
طبعا اكيد مصطفى فاكر و مش ناسى و مش هينسى ....
ربنا يشفية و يعافية و يبارك له فبناته ..
ده كله ابتلاء و رحمة من ربنا علية ..ربنا يصبرة ويعوضة خير
وليد لازم تتقبل اى حاجة تحصل محدش لية فنفسة حاجة
وليد .
ربنا يشفي صاحبك
ويرزقه الصبر على الابتلاء
لان جزاءه عند ربنا كبير قوي
حرااااااام عليك يا وليد والله وجعت قلبنا بس بجد الله يعينه ويقدرة ومايحرمه بناته منه والله يعينك بجد لأنها أكيد صعبه علي رفيق عمرك ياااااااارب ومن كل قلبي لمصطفي وغير مصطفي ان ربنا يشفيه ويعافيه ويكرمه بكل خير
وانت بتحكى عليه قلبى وجعنى اوووى
الكانسر صعب اوووى
ربنا يشفيه ويعوضه خير فى بناته
ويكرمه فى الاخرة عن كل اللى بيعانيه فى حياته ويكرمه بالرضا والصبر
ربي يشفي صاحبك ويشفي كل مريض يارب والله قلبي وجعني عليه ربي يخفف عنه ويجعل معاناته مغفرة للذنوب
ربنا يشفية ويقوم بالسلامة ويكون احسن من الاول
الصداقة كنز
ربنا يوفقك ويكرمك
مع خالص تحياتى
ربنا يشفيه هو
وكل مريض يارب
ويجازى كل من أضر
بأنسان واحد عن
عمد وعن ترصـد
أقول هذا وآذان
العِشاء يعلو بالخارج
اللهم أشفى مــــرضانا
وأرحم موتانا وأنصرنا
على القــوم الكافرين
ربنا معاه يا وليد
و معاك انت كمان
صعب قوى انك تكون بتحب حد
و مش قادر تعمله حاجة
غير انك تقول يا رب
و كفى به سنداً و عون
ان شاء الله
هو فاكر اكيد فاكر
الانسان فى الاخرر مش بيقدر ياخذ معاه لاخر نفس فيه الا الذكريات الحلوة انشاء الله
عليكم تزودوهالوه على قد ما تقدروا
و ربنا بيقدر الانسنان و جسده على الشفاء بالامل بالبسمة بالرضا بالايمان
ربنا يكرمكم ديما بصداقة العمر و طول العمر
كلامك صعب قوى
اصعب حاجه الواحد اما يشوف صاحبه بيموت و مش قادر يساعده
ربنا ياخد بيده ان شاء الله
و يديم صداقتكم لاطول وقت
امين يارب العالمين
اااه
ربنا يشفى ويصبرك ان شاء الله
ويحفظلوا بناته
حرام عليك يا اخى
ربنا يشفيه يارب
واكيد مصطفى كان حد كويس جدا علشان كده ربنا كرمه بالابتالاء ده
ربنا يعافيه ويعفو عنه ويطهره من كل بلاء ويغفر لنا ذنوبنا
ويشفى مرضا المسلمين جميعا
ربنا معاه يارب ويشفيه
ربنا يقدر على انه يشفيه
حاسه باحساسك لانى جربته
لما تكون بتحب حد ويبقى بيموت قدامك وموش قادر لاتريحه ولاتبعد عنه الالم
ربنا معاكم
ربنا يشفيه ويعافيه يارب
شوف يا وليد
صلي على النبي
اه كده كويس
الدنيا دي يا وليد دار ابتلاء
هي كلها على بعضها كده دار ابتلاء
من اول يوم في التكليف لحد ما نروح لآخرتنا
ربنا لا يبتلي الا اللي يقدر
صدقني
علشان يمحص ذنوبه
يمكن
علشان يفكر اللي حواليه
جايز
علشان حكم منعرفهاش تانية
اكيد
بس عاوزة اقول لك المريض ربنا بيفرغ عليه صبر من عنده
تعتقد انت واللي حواليه انه تعبان جدا جدا
لكن بتنسوا ان ربنا نزل في الأرض دي كلها جزء واحد من رحمته
الجزء ده ذرة منه انت رحمت بها مصطفى وصعب عليك
99 جزء بقى عند الرحمن
يرحم بها العباد
ويفرغ عليهم صبر
ويساقط ذنوبهم كما ورق الشجر في ايام الخريف
ويبعت لهم عشر اضعاف اجر المعافى
المرض تذكرة
واختبار
للمريض
واهله واصحابه وزوجته واولاده
وكل شيء عند ربك بمقدار
ربنا يحينا واياه ما كانت الحياة خيرا لنا
ويقبضنا إليه غير فاتنين ولا مفتونين
هون عليك يا صاحبي
انت صغير اه بس صاحب طيب قوي
ربنا يشفيه ويرجعله ضحكته
ويصبر حضرتك
اد ايه الاحساس دا وحش
بس دا كله ابتلاء من المولي
علشان يختبرنا
وليد
صعب علينا جدا نشوف اعزاءنا فى الالم
ولكن ده كله ابتلاء لا ندرك حكمته و رحمة من ربنا علينا اكيدة ..
ربنا يصبرة ويعوضة خير
ولكن لتحول حزنك الى حزن ايجابى وتعمل لزيارته جدول ثابت رغم مشاغل الحياة
وتستدعى معك من يحب من الاصدقاء
صدقنى سيفرق معه كثيرا
رحمنا الله جميعا برحمته الواسعة
اللهم انا لا نسالك رد القضاء وانما نسالك اللطف فيه
ان شاء الله ربنا يشفيه ويعافيه ويشمله واسرته بالرحمه
والصبر علي هذا الابتلاء
اللهم اشفيه اللهم اشفيه واشفي كل مريض يارب
وليد
-*-*-
حسيت بمشاعر الصداقه الجميله فى كلامك
حروفك تحمل بين طياتها ذكريات جميله ولكنه مغلفه بالحزن والاسى
ربنا يشفيك يا مصطفى
ربنا يعفو عنك
ربنا يبارك فى عمرك
انت عارف وليد احسنت صنعا انك عملت البوست ده يمكن حد يدخل يدعى لمصطفى وربنا يقبل دعوته او يمكن واحنا ندعى له بظهر الغيب ربنا يسمع منا
بارك الله فيك يا وليد
اللهم اشفى كل مريض
زهراء
ربنا يشفيك يا مصطفى بجد
و يشفي كل مريض
و ان شاء الله جزاء صبره و ابتلاءه ده كبير عند ربنا باذن الله
و شكرا يا وليد على مشاعر الصداقة الجميلة دي
و بجد ربنا يقومه بالسلامة
و يبقى زي الفل و يرجع لبيته و اولاده و مراته و يعيشوا في سعادة يا رب
بس انت يا وليد امانة عليك ما تبطلش تسال عليه
لان اللي زي ده بيبقى سؤال الناس سعادة له
تقبل تحياتي
انا اول مره اعلق هنا وباذن الله موش هتكون الاخيره
يارب اشفيه يارب وبأذن الله هيكون كويس
ان شاء الله
ويييييييارب اشفي الجميع
اللهم امين
تقبل مروري وتحياتي
كتاباتك يا وليد
مليانة احساس
بجد رائع
وربنا يشفيك يا مصطفى
وليد...والله زعلتنى...هوه أكيد مش ناسى الزكريات الحلوة دى
بس عارف يا وليد ايه اللى هيخليه يتغلب على محنة المرض دى ويرجع زى ما كان وقوفك جنبه بعد ربنا طبعا
ربنا يشفيه ويعافيه..
هيه دى الصداقة بجد
ربنا يشفيه
قد ايه بوست مؤثر و رائع
اللهم اشفه يارب العالمين
ربنا يشفيه يارب ويشفى كل مريض
ويلهمه الصبر والقدرة على المرض
ربنا يشفيه ويعافيه ويبارك له فى عمره وفى بناته ويعوضه خير
اما عن البوست
قلبى وجعنى يا وليد
اسلوب الكلام فى البوست كمان طالع من القلب اوى عشان كده بيلمس القلوب اوى
ربنا يديم عليكم صداقتكم وتكتر ايامكم الحلوه مع بعض اكتر واكتر
وتبقى بدل فاكر يا مصطفى تبقى ان شاء الله يا مصطفى ايامنا اللى جايه احلى من اللى راحت
تحياتى ليك يا فندم ولمصطفى
موت قاتل
لا يرحم ولا يميت
تراه تتعذب من حاله لا تستطيع ان تفعل له شيء وحتي طلب الرحمة له اصعب شيء
موت وخراب ديار
لا حول ولا قوة الا بالله
الله يشفيه ويشفي كل مريض
ويرحمنا ويرحم مرضي المسلمين
ربنا يشفيه يا رب
ويشفي كل مرضانا
والصبر على المرض اجره كبير
تحياتي
تعليق عام
اولا ربنا يجزي بخير كل اللي دعي لمصطفي
وبما انه مش موضوع نقاشي فمحبتش اخلللي رد علي تعليق بتعليق
وفضلت ادعيله في تعليق واشكر كل اللي دعاله
ربنا يشفيك يا مصطفي
ويبارك في عمرك
ويجعل كل لحظه الم في ميزان حساناتك
اللهم اني اسألك بكل اسم هو لك سميت به نفسك او علمته احدا من خلقك
ان تشفي مصطفي
فانه لاشفاء الا شفاءك
اللهم احفظ بناته
اللهم بارك في زوجته
اللهم اجعله بعد عمر طويل وحسن عمل
من اهلك رضاك وكرمك
وربنا يجزيكم كوووولكم خير
وربنا يشفي مرضانا ومرضي المسلمين
وعذرا لو كان البوست كئيب شويه
بس ده البيت بتاعي اللي بفضفض فيه
وهو الوحيد اللي بيستحملني
ربنا يبارك فيكم جميعا
اخوكم
وليد الدوغري
وؤأمن على
دعاؤك وأقول
اللهم آمين يارب
العالمين له وللمرضى
أجمعــــــــــــــــــــين
ربنا يصبره ويكتب له الشفاء ربنا قادر على كل شىء
ويلهم اهله الصبر ويدفعوه للحياة بالامل ويخلى له اصحابه ويكرمه ببناته يارب
ربنا يصبره ويكتب له الشفاء ربنا قادر على كل شىء
ويلهم اهله الصبر ويدفعوه للحياة بالامل ويخلى له اصحابه ويكرمه ببناته يارب
ربنا يشفيه
ويرحمه ويرحمنا جميعا مما ابتلانا به
محدش بيدوم على حاله يا وليد
ربنا يشفيه يارب ويجعله فى ميزان حسناته
سبحان الله دايما إللى بمواصفات صاحبك ده وبتكون الصحة ظاهرة عليهم جداا .. بيكونوا فريسة دايما للمرض وكأنها عبرة وعظة
ربنا يشفيه وميحرمكش منه ولا يحرموا من عيلته يارب
وليد ..
فينك..
بقالك كتير غايب
يارب تكون بخير دايما
الناس اللي علقت
بعد تعليقي
جزاكم الله خيرا ولو دخلتم تاني
ادعوا لمصطفي من قلبكم هو واللي زيه
يمكن ربنا يتقبل دعاء احدكم
ربنا يجزيكم كلكم خير
من أكتر البوستات اللى قريتها صدقا و إنسانيه
حاسس بيك و بصاحبك و بالحب بينكم
ربنا يشفيه و يخليه لبناته
من أكتر البوستات اللى قريتها صدقا و إنسانيه
حاسس بيك و بصاحبك و بالحب بينكم
ربنا يشفيه و يخليه لبناته
Post a Comment