اللي يجوز امي؟؟؟؟؟؟؟


كلب العمده مات الكل راح يعزي العمده نفسه مات
محدش راح يعزي....
المثل ده افتكرته امبارح وأنا قاعد مع نفسي بضرب
كوبايه شاي علي المغربيه....ايه اللي فكرني بيه أقولكم
ماشي انا وواحد حبيبي ولقيت عضو مجلس الشعب عن دايرتنا
واقف عند القهوه بتاعته ناس كتير حواليه
والف سلامه عليه يا حج والف بعد الشر عنه يا حج
ده اخوك غالي وجدع وكل الناس بتحبه
الله في ايه الفضول قتلني لازم افهم التيته
سألت صاحبي استني يابني اما اشوف ايه الليله دي
قالي هقولك المعلم اخوه عمل حادثه ورجله اتكسرت
قولته يااااااااااااااااااااااااااه كل البشريه اللي اكتر من الجراد
دي عشان رجل اخوه اتكسرت
راح صاحبي قايلي ده لو طاهر الكلب بتاع ابنه هيجوله يهنوه
ايه يا عم فيه ايه المصالح بتتصالح
قلتله تصدق اه...
قالتي انتي هتعملي فيها اجنبي
قولتله ل يا عم انا مصري وابويا مصري
وجه في دماغي طيب ياتري ياااد يا وليد
الراجل ده اول ما يسقط في الأنتخابات
قولو ان شاء الله لو هو نفسه مات حد هييجي يعزي
والله العظيم العضو اللي قبله مات محد عبره غير الناس
اللي قريبه واللي جيرانه علي كام واحد مش كتير من اللي
حواليه ساعه مكان عضو.........
أفتكرت دكتور حسن غلاب الله يرحمه كان بيديني في أولي
محاسبه تيرم تاني..وكان ساعتها رئيس جامعه عين شمس
كان محترم جدا الراجل ده....
يدخل من باب تجاره ووراه عربيه وادامه موتسكيل
وأمن الكليه اول ما ينزل يوسعله الطريق واللي يشيل شنطته
بس كان لالامانه قمه في التواضع وفي اخر السنه
ادانا 10 اسئله وقال 2 جايين انتساب و2 انتظام
مش بقولكم كان محترم
راحت الأيام وجت الأيام وبعد 3سنين كنت واقف ادام شجره كليه اداب
وبلعب اولي انا وبنت زميلتي (( ايام بقي))
وابص كده الاقيه ماشي وشايل شنطته مع نفسه
كان ساب رياسه الجامعه ولا في مخلوق معاه لا امن ولا موتسيكل
ولا عجله نصر حتي!!!!!!!!
جريت اسلم عليه بمنتهي الحب ..خدي يا نسرين تعالي سلمي
علي د/حسن....
قالي طالما تعرفني يبقي اكيد انت في تجاره متفضلش تلعب
هنا وتنسي محاضراتك ومشي...
قلت اّه يا بلد كان ايه والناس كانت بتجري منه وعليه
وفي لحظه ولا حد بقي بيعبره .....
أد كده في ناس بتمجد اصحاب الكراسي والنفوذ
الله يلعنها دنيه صحيح
تو ما اللي راكب علي الكرسي خد الرجل في منت
يبقي كان وسيبك منه هي ناقصاه!!!!
الناس دي كانت محتاجه شوال اقراص صراحه
من بتوع فؤاد المهندس كان نص الشعب هيمسك في بعضه
وكله هيبان علي حقيقته....أخص علي كده
بس لالامانه شويكار مراته كانت قمر

49 Comments:

صوت من مصر said...

عاوز اقولك ان عربيته ال " jeep " دى اماره لونهااسود يا معلم الراجل ده بتاع فراخ وبتاع حشيش وبتاع وبتاع
مش عارف نقصله ايه
عموما
متشيلش هم خليكى زى حالى واشتم برحتك

هي وظروفها said...

سلامو عليكم

لو الموضوع اللي فات فلجره رومانسيه حد فهم منه اني من الناس اللي بتحب تشيع الفاحشه
ابدا انا مكنتش اقصد كده
انا كنت اقصد اعرض لنوع من الحوار وصل التدني فيه للمرحله دي
ومظنش اني ممكن اكون عايز انشر الفتنه خالص ولا اشيع الفحش
ولا هي كانت عدم حياء خالص
مع وافر احترامي لكل حد بيدخل هنا

هي وظروفها said...

صوت من مصر

كيمو جاري وحبيبي وابن اخويا

هههههههههههههههههههه
اشيل هم ليه انا بستغرب بس من البشر اللي شبه الجراد مبتصدق تلاقي الفرصه للظهور والفوز باي سبوبه

الشعب لابد له من حكومه تشكمه said...

انا جيييييييييت وافتقدت بوستاتك والله:)

وبعدين دى سنه الحياه الكرسى بيعمل حجات كتير اوى,اى منصب ,ومش دايما اللى بيستحق بيكون على الكرسى,
اللى يغيظ باه لما تلاقى اللى على الكرسى جايب معاه امير ومثبت نفسه عليه,

وهوب اول لما الكرسى يطير كلللللللله بيبان,تلاقى الحقيقه بتقول انا اهوو,
ويتبقى الانسان ومحبة الناس لشخصه هو مش منصبه وكرسيه.

بالمناسبه كان ليا صاحبه فى تجاره حلم حياتها انها كانت تحضر محاضر لدكتور حسن غلاب بس دايما كانت بتكون نايمه:)

فتاه من الصعيد said...

المنصب لا يدوم

لكن اكيد العمل الطيب والسيره العطره هي اللي تخلي الناس تمشي في جنازه اي بني ادم بسيط .... وتترحم على خلقه الطيب

تحياتي

الوفية للأبـــد -- مها أحمد said...

فيه مثل سمعته قريب حلو اووووووي و عاجبني اوي

الكرسي ما بيدوم

عجبتني الكلمة اوي لان فعلا مفيش حد في اي منصب ممكن يستمر فيه لاخر العمر

و الموضوع ده بجد منتشر عندنا اوي في مصر
تلاقي الناس في الشركة الصغيرة او المصلحة الحكومية زي ما بيسموها
يبقى مدير المصلحة ده كانه رئيس الجمهورية
لازم كل يوم تعظيم سلام و رقصني يا جدع
ههههههههههههههههههههههههههههه
و يوم ما يطلع على المعاش يكسره وراه زيييييييييير بحاله
يللا عالم كلها واخدة حبوب النفاق
لكن صدقني يا وليد حبوب الصراحة و الاحترام و الالتزام دي قليلة اوي اوي زي حبوب التاميفلو كده
هههههههههههههههههههههههههههه

تقبل تحياتي

ستيته حسب الله الحمش said...

اولا مبروك شكل المدونة الجديد
شيك شيك مفيش كلام

ثانيا شكلك من 27 سنة ما اتغيرش ومش بهزر
تفتكر ده علشان اللي بيفضل هوا هوا الزمن مش بيغير جواه الطيب وبكده بيفضل براه زي جواه "فلفسة ع الصبح وهي مش طالبة خالص :)

ثالثا كل واحد يعمل حسابه على كده
لو دامت لغيرك ما وصلت لك
علشان كده بيكسب فيها الفاهم اللي الكرسي ميغروش
الكرسي ده يا وليد ابن بوبي صدقني
انا عاشرت حد قعد عليه وقال لي
لو تعرفي قد ايه الكرسي مغري
قد ايه ممكن يغيرك
قد ايه ممكن يغرك
كنتي سألتي الله العفو العافية

ehabafndy said...

عندك حق دا بيحصل للناس و هم لسه عايشين فى الدنيا ما بالك لو كان مات و عدى على موته شويه كده مش هيجى فى بال حتى اصحابه و اهله و جيرانه دنيا يا عم العالى فيها مبيفضلش عالى بس الغريبه اليومين دول إن الواطى بيفضل واطى

emymony said...

كلامك صح وكله بقا ماشى على كده زيف ونفاق وكله بقا بتاع مصلحته وزى ماقلت قبل كده دى مش حكومه ياريس دى دماغ بتهييس .
يظهر انها بقت ظاهرة وتفشت زى التلميذ لما يكون بيدرس عند مدرس وقت الدراسه تعظيم واحترام ومفيش زيه ولو قابله فى الشارع يسلم او يخاف ويعمل له حساب ويمشى من الشارع التانى انما لو سابه وبقى فى مرحله دراسيه تانيه لو حد سأله عليه دا كان وكان ومش بيعرف حاجه ولو شافه فى الشارع يعمل نفسه مايعرفوش او يدور وشه علشان مايشفوش ..بقوا منافقين ومزيفين وكله همه يكوش على الدنيا يانلحق يا منلحقش
يووووووووووه كل مرة توجع قلبنا ههههههههههه شوف لنا حاجه تفرحنا سوزان اتجوزت كده هههههههههه اهاا عايزين مقال على فرح رئيس ال........ بعد وفاة زوجته ب 7 شهور
ربنا يبعد عننا النفاق والزيف
تحياتى

Shaimaa said...

وليد....
ده دليل قاطع ان الالتزام ومعاملة ربنا فى الشغل وفى كل حاجة هيه الحاجة اللى بتفضل وهيه اللى بتخلى سيرة أى انسان حسنة عند مماته أو تركه لمنصب معين

بس هيه فين ســــارة بقه عشان أبقى عـــارفة...."تعالى يا نسرين سلمى...ومراته شويكـــار كانت حلوة"......وبعدين ....
أنا بهدى النفوس والله

فاتيما said...

مبروك ع النيولوك يا وليد

تحفة بجد

الله ينور

مريح للعين و مميز

عقبال شقة الزوجية إن شاء الله



و كلامك صح بس للى يعقله
تعرف المدير بتاعى كان رئيس المكان كله من كام سنة و طلع معاش
كانوا محتاجين خبرته فشغلوه استشارى


عاوزة اقولك من كتر نواضعه
و حب الناس ليه
بيتعامل كأنه الرئيس و لم يزل
هوه يمكن لأننا فى مكان علم
الناس محترمة قوى

لكن اتصور انه لو كان مطلع عينيهم
كان هيبان برضو

وصديقة ليا زمان قالتلى جملة معلقة فى دماغى و مبتطلعش

البنى آدم سيرة

يبقى الأصول اننا ناحول نحافظ على سيرتنا وسط الناس قدر الأامكان


خالص ودى يا إبن عمتى

الطيــر العاشـق said...

حلو قوي التجديد أقصد المدونه طبعا ....

وعلي رأي صاحبك المصالح بتتصالح وإن كان لك عن ال .....؟ حاجه قوله يا سيدي ..

ده يا بيه سمة وحلاوة الشعب وبالأخص المصري طبعا
مش عارفه أرد والله لان ده هوه الحال دايما الله يهدي ويكن الحب في قلوب كل الناس لبعضها

MaNoOoSh said...

ازيك يا وليد


كلامك صحيح جدا
وبيأكدلى فكرتي اننا شعب بيحب يهيص فى الزفة قوي
ودي حاجة بتخلى صاحب المنصب يتغر بنفسه أكتر

ربنا يحفظنا من شرور أنفسنا

(سلامي للعسولة سارة)

wasf_elahsas said...

دة معلش ايه علاقته بال يتجوز امي بقي
علي اساس ان مثلا اقوله يا عمي
لي طريقة ان ليك عند الكلب حاجة قله ياسيدي وال معهوش مايلزموش
المهم بس هو عندك حق
بس هو في حاجة نرجع للاصل
لو هو اصلا كويس وقبل المنصب زي بعد المنصب كان فرقت
انما كلهم ال جوا غير ال برا
فالطبيعي زي معرفش مين ال قال
بالجزمة
وبس خلاص تحياتي

reem said...

ازيك يا وليد

عادى يا وليد دا العادى بجد

هو كدا صاحب المنصب يقابل بالتهليل لحد ما يسيب المنصب
والمصالح تبئا عند حد تانى ساعتها تكون راحت عليه والناس تنساه
وطبعا هو بيكون مصدق نفسه وحلاوة المنصب عمياه الا اذا كان من الناس المحترمين والفاهمين

سلامى لسارة كتيييير

Tamer Nabil said...

ما هيا ماشية كدة الايام دى يا وليد مصالح والموجود كلة جود وان مشى ولا لية لازمة

لاتستمر غير النية الكويسة والاخلاق الحسنة ولولا دى موجودة فى الدكتور بتاعك ما كنتش عبرتة

الا قولى صحيح انت شوفت شديد ازى فى المحور ههههه مش فاهم

مع خالص تحياتى

خواطر شابة said...

مبروك اللوك الجديد للمدونة بس حيوحشوني الطيور اللي كانوا اول حاجة باشوفها لما ادخل عندك أو يمكن انا من الناس اللي بتتعود وتربي الفة مع الاشياء فالتغيير عندي يأخذ وقت ليصبح مألوف
معرفش اذا كنت اتفرجت على مسرحية للرحابنة مثلث فيها في النسخة المصري عفاف راضي وفي النسخة اللبناني فيروز المسرحية اسمها الشخص هذه المسرحية تناقش لعنة الكرسي والنفاق المحيط به ولعنة التمسك به والخوف من ضياعه بصراحة مسرحية روعة روعة.
في مدخل البرلمان الكويتي مكتوب عبارة لو دامت لغيرك ما وصلت اليك بس مين يعتبر ده اللي في منصب فاكر انه حيكون فيه من الخالدين
هذا الزمن الان أصبح زمان مصالح والناس يطبقون مقولة أحمد حلمي في فيلم مطب صناعي لما كان بيقول لو لك عند الكلب حاجة قول له ياسيدي

هي وظروفها said...

شيماء

اهلا بيك يا باشا والحمد لله خروجك من كهف اللي وعي بسرعه


بصي يا شيما اللي علي الكرسي

لو حط في دماغه انه مش دايم هيتصرف صح

ده لو!!!!!!!!!!!!!!

صحيح قولي صاحبتك وليد شافه كذا مره وممكن يوصفهولك اي خدمه

هي وظروفها said...

فتاه من الصعيد

كلامك هو عين العقل والله


ربنا يبعدنا عن الفتن ما ظهر منها وما بطن

هي وظروفها said...

مها هانم ام سليم


ايه ده قاعده بره ومتابعه القلل والازيار

امال لو كنتي هنا كنتي جهزتي قلل كتير


وبخصوص التامي فلو حاليا موجود بوفره في صيدليات كتير

يدوب ب70 جنيه

هي وظروفها said...

د/ ستيته

ربنا يبارك فيكي

اه والله لو الكلام ده عليا فدي صورتي يا ريتني نزلتها من زمان ده انا طلعت كويس من زمان يا جدعان

اتفلسفي براحتك بيتك ومطرحك وربنا اسيبهولك وامشي ده انتي فوق الدماغ

مهو اي حد عايزه تمتحني اخلاقه

اديلو سلطه او مال

هيبان علي التو واللحظه

سلطه بضم السين لتقولي سلطه ايه؟؟

هي وظروفها said...

ايهاب افندي

ربنا يخليك يا بوب

صاحب المصلحه هو ده حاله ملوش مبدأ

فعلا الواطي هيفضل واطي

هي وظروفها said...

ايمان هانم

هاشوفلك حاجه تفرح بس كده عيني اوامرك


البوست الجاي هفطسك من الضحك عنيا

هي وظروفها said...

شيماء

جالك قلب تقوليلي دليل قاطع وقتل بحثا كده جهرا بدون خوف ماشي

انتي جايه تسخني بقي وانا مش واخد بالي
علي العموم الماضي ملك لصاحبه لانه مش ملتزم ساعه ماضيه بساعه تاريخه ولا اللي معاه حاليا ومشفوش في تاريخه السابق

اي خدمه

هي وظروفها said...

فاتيما هانم

ربنا يبارك فيكي وفي يوسف

ايون جبتي انتي زتونه الموضوع


المسئول المحترم في اي مكان محترم

طلع من مكانه مات علي كرسيه

كوووووووول الناس لازم تحبه وتفرح بيه وتحترمه

طبعا فيه اعضااء لحزب اعداء النجاح

طز فيهم بجد
ربنا يبارك فيكي يا بنت خالي

هي وظروفها said...

منووووووووووش

احنا شعب في الزيطه والتطبيل مش كلنا طبعا لسه في ناس كويسه بس كتير منننا لو اشتغلوا ععازفين يكسبوا دهب

الله يسلمك واكيد هوصلها سلامك لو مقرتوش بنفسها

هي وظروفها said...

وصف الاحساس


اللي يجوز امي اقوله يا عمي

يعني اللي موجود وعلي الكرسي حبيبي قلبي

غار في داهيه ولا اعرفه

فهمتي اقصد ايه نورتيني يا باشمهندسه

هي وظروفها said...

ريم ام كنزي

بس والله يا ريم لو اي حد كان علي اي كرسي لاي منصب وفكر لثواني هيلاقي ان الناس اللي بتتمسح فيه اتمسحت برده في اللي قبليه

فمممكن يفوق ممكن!!!!!!!!

هي وظروفها said...

تامر باشا نبيل

كلامك صح يا مورا بس امتي نفوق من الوهم ده اقصد الناس دي اللي ممكن لو الظروف حكمت نبقي هتيفه زيهم

استرها علينا يارب

اه ابوحديد مش في المحور بس

ده علي الدائري وفي صلاح سالم

كلنا شديد ابو حديد في مقاومه عنف المرأه واضطهادها للرجل

انت مش معانا ولا ايه؟؟؟؟؟؟؟؟

هي وظروفها said...

خواطر شابه

والله العظيم تتخيلي اني مضايق جدا عشان صوره العصافير

لاني لما بتعلق باي حاجه بيبقي فراقها صعب

طب تصدقي اني بحب الدولاب والمكتب بتاعي ولو حصله حاجه ممكن يجرالي حاجه

لا مشوفتش المرحيه دي بس هحاول احملها من النت


لالالا عندنا في مصر علي البوابه مكتوب صاحب الكرسي مأبد عليه واللي مش عجبه يسيب بلدنا ويمشي

بلدنا غايه يا نوجا البقاء فيها
لالاقوي سلطه ونفوذ ومكوش علي الحقوق ومانع غيره عن حقوقه
صحيح منتي مشوفتيش مصر بكره تيجي وتشوفي بعينك
بس انصك بلاش لتتعقدي

NAANOS said...
أزال المؤلف هذا التعليق.
NAANOS said...
أزال المؤلف هذا التعليق.
wella said...

يااااااااااه

دى حال الدنيا ماستغربش

دنياااااا

NAANOS said...

على فكرة انا اول مرة اعلق عندك وارجو ان نكون اصدقاء ونتواصل

انت لسة جى مصر جديد هى دى مصر ودى الت الاصل والمصالح بتصالح
وكله بينافق كله
تحياتى

نانوس

هي وظروفها said...

wella

لو ده بقي حال كل الناس يبقي القيامه قربت قوي

هي وظروفها said...

نانوس باشا

نورت المدونه والبلد بحالها نورت بيك يا معلم

تشرفني اخوتك وصداقتك طبعا


نورت يا باشا

هي وظروفها said...

الطير العاشق


اهى يا فريده اصل صاحبي ده واااد مخلص فهم التيته وعرف من اين تؤكل الكتف

مهو قالي كده لان دماغه كده ابن اللذين

وبخصوص المدونه اي تجديد فيها كان علي يد الاستاذه مها

جزاها الله خيرا ونفرح بابنها وابنك قريب ان شاء الله

أميرة الأحلام said...

وليد
يااااااه الموضوع ده موجود هنا كتير قوي
تلاقي واحد الناس حواليه عشان نفوذه وسلطته او فلوسه
او اى حد ليهم مصلحه معاه ومجرد ما كل ده بينتهى ولا حد بيفتكره
ولا حد بيعبره
احنا في بلد ناس كتيره فيها بتدور على مصلحتها وبس
مايعرفوش ان كل ده ما بيدومش وما بيفضلش للواحد غير السيره الطيبه
ربنا يهدى الجميع يارب

أميرة الأحلام said...

اه صحيح انا نسيت مبروك النيولوك الجديد للمدونه شكلها حلو اوى
ربنا يوفقك يارب

د/عرفه said...

هى دى الدنيا يا وليد

النفاق هو الشعار الرئيسى

ولو كل مسئول يعرف انها لو دامت لغيره مكنتش وصلتله

مكنش ده بقى الحال

الوفية للأبـــد -- مها أحمد said...

انا نسيت اقول حاجة معلش



الناس كلها يا وليد بتباركلك على النيولوك


احم احم احم احم احم احم احم

خليكوا فاكرين الجمايل دي بس

هههههههههههههههههههههههههههههههههههههههههههههههههههههههههههههههههه

SAYED SAAD said...

عجبني اسم المدونه فحبيت ازورها وفعلا لاقيتها جميله
النفاق الاجتماعي للأسف آفه بدمر اجتماعيتنا
وبدمر المبادئ شئ موجود بس ما نقدرشي نغيرة في ناس طبعها كده

ويفضل العمل الطيب و الروح البسيطة هي اساس كل حاجة
تقبلي مروري
سيد سعد

romansy said...

يا عم وليدسيب الناس تعيش هى ى الدنيا بتاعتنا بس تعرف اجمل حاجه فى مجتمع المدونين انم بيحبوا بعض لله كده ودا اجمل شئ احنا راضيين بكده

هي وظروفها said...

اميره الاحلام

والله يا اميره لالاسف لا الناس دي فاهمه ان الكرسي مبيدومش ولا احنا قدرين نغير من الوضع لدرجه ان الواحد حاسس ان العام دي من كترها ان هما هيخلونا نكره حياتنا هما جزء من ضمن عشان مبقاش بكبرها

والله يبارك فيكي ده عمايل ايد اخت مها ربنا يخليهالنا هي اللي ظبطتللي المدونه

هي وظروفها said...

د/عرفه


لأ والله هما فهمين ان الكرسي فعلا مبيدومش عشان كده كل اللي بيلحق يهبش حاجه بيهبش والغلابه ملمهش في اللي بيعملوه ربنا علي الظالم يا دكتور

هي وظروفها said...

مها

انا اللي المفروض اشكرك لاني تعبتك معايا جدا وبجد ربنا يباركلك لاني لو قعدت سنه مكنتش هعرف اغير شكلها منتي فاهمه اني غبي كمبيوتر من زمان

الف شكر ليكي يا موها

هي وظروفها said...

سيد بيه سعد

انا معاك ان احنا مش هنقدر عليهم ولا هنقدؤ نغيرهم دول طوفان بياخد في وشه الاخضر واليابس

بس يارب احنا نفضل ثابتين علي فكرنا ومنروحش في الفتنه ونبقي زييهم يارب يثبتنا.

نورتني يا يا باشا وربنا يخليك علي ذوقك

هي وظروفها said...

رومانسي

ابو حميد

حاضر هسيبني من الناس بس هدعي عليهم ان ربنا يخلصنا منهم وينضف البلد منهم

وانا معاك ان من اجمللا مزايا التدوين انه بيعرف الواحد علي ناس محترمه وبيحبهم بدون مصالح ولا اهواء

وانت نعم الاخ يا احمد وربنا يديم الود بينا

مريم مر العمراوى said...

شركة تنظيف بالجبيل

شركة كشف تسربات المياه بالجبيل

شركة تسليك مجارى بالجبيل

شركة تنظيف مجالس بالجبيل

شركة نظافة بالجبيل

شركة تنظيف شقق بالجبيل

شركة رش مبيدات بالجبيل

شركة تنظيف خزانات بالجبيل

شركة تنظيف منازل بالجبيل

شركة مكافحة النمل الابيض بالجبيل

شركة تنظيف بيوت بالجبيل