بجد احنا مكناش رجاله يا ريس

لاني مخنوق م اللي بيحصل هكتب عامي و حسب ما يطلع بقي..
انا ابتديت مع الثوره من جمعه الغضب واستمريت لحد ما اتنحي اللي كان ريس
اللي مننا شاف وشال ناس متعوره وحس اد ايه احنا رخاص ميعملش صفحه ع الفيس ويسميها احنا اسفين ياريس لالالا اكرملنا نسميها احنا مكناش رجاله ياريس
ان سيبناك 30 تطلع ميتين ابونا
مكناش رجاله يا مبارك صحيح لحقنا نفسنا بس مش هنسي ابدا
انك بكبريائك وعندك وقانون طوارئك صنعت من رجال الشرطه اسطوره نصف اله
لما عرفت انهارده بقصه الشاب اللي كان سايق ميكروباص واتخانق مع ظابط شرطه
فراح الظابط قاتله علي اساس انه كلب بلدي ملوش صاحب حسيت اني نفسي تتعدم ايوه تتعدم....
اللي شاف اللي احنا شفناه واستلم جثه جاره وهي خارجه من مستشفي المطريه مع 23 شهيد وشاف حسره قلب كل ام واب واخ وصاحب وقريب لالابطال دي واضرب وشال ناس مضضروبه بالنار هو بس عذرا اللي يحس اد ايه حسني مبارك ده كان كلب ومخلف كلب وميقلش ابدا احنا اسفين ياريس انزلو بكره وطالبوا بمحاكمه ولاد الكلب اللي قتلوا اهلنا.........
ف خلال اجمل ايام عمري ال12 ف ميدان التحرير بجد اتعلمت وخصوصا ف جمعه الغضب يعني ايه رجوله...
لا حب راح ولا اي حاجه ضاعت نسينا الكلام ده كله وحسينا اننا كنا هبّل
لما شفنا البنات بيضرب علينا نار ومسيله للدموع والأعصاب ويشيلونا وف احد اغمائاتي اللي شالني بنات والله العظيم روح ولا اجمل من كده بين ناس خايفه علي بعضهالمجرد انها اتولدت ف ارض واحده ......
حق شبابنا اللي ماتوا لازم نكمل ونطالب بمحاكمه اللي قتلهم مش ننسي وكل واحد مرتبه زاد ولا اتثبت يقول كده قشطه اتعشت
احنا مقصرين ياريس عندك سرطان عندك ورم خبيث لازم تتحاسب علي دم اخواتنا
واي حد يتعامل مع الشرطه يتعامل بمنطق انه شخص موظف امن ليه احترامه طول ما هو بيعاملك كأنسان مكنش يضّرب ويطلع ميتين أمه
مش ناقصه مرضي نفسيين.....
يا حبيييييب يا عااادلي اللهم كلي شماته وهتزيد شماتي لما تتعدم ف ميدان التحرير
مش شاغلني قوي اللي سرق فلوسنا اد ما شاغلني يتحاكم اللي قتل نفوسنا
مش ف دماغي انه يتعدم ولا لأ
انما لازم ننزل نطلب بمحاكه المخلوع وابنه ومدير جهاز مباحث امن الدوله
لازم ننزل ونطالب بمحاكمه مدير امن القاهره وكبار مسئولي الشرطه زوار الفجر اللي بيرعبوا الناس باسم قانون الطواريء
لازم ننزل ونعرف شهدائنا ف مقابرهم التي تفوح باذن الرحمن منها روائح الجنه
اننا مسبناش حقهم الدنيوي يروح
من حق كل شهيد علينا ننزل ونقول كلنا بصوت علي لكل احرار المسلمين والعرب
يلا يا ليبي قاوم وحصل اخوك المصري حبه صبر شويه هتحصل اخوك التونسي
وننكر منكر الكلب القذافي ولو باللسان لاني اخوات ف الانسانيه والاسلام والعروبه
مبقتش فارقه معايا خالص حاجه غير اني اشوف اللي قتل احمد بسيوني متعلق ادامي علي حبل المشنقه.......
اللي كان متابع المدونه يعرف اني علطول بكتب بطريقه ساخره
بس مبقتش عارف غير اني اكتب احساس جوايا وصوره مش مفرقاني بالشرطه وهي بتضرب فينا نار حي ومطاطي واكننا ف اسرائيل .....
انزلوا وطالبوا بحق اهلكم واهل بلدكم انزل نص ساعه وامشي
ملحوظه ياريت والنبي اللي فاكره نفسها جايه سيما دوللي وجايه ترقص تخليها ف بيتها مش طالباها خالص .....حقنا مش هيجي بالرقص يكرم اصلك انتي واهلك متتعبيش نفسك

النعامه غلبت الزعامه

مش هنسي الاخ الملتحي اللي كان جمبي يوم الجمعه وعدت علي دماغه
مصفحه وفردته علي الارض زي البنطلون المكوي
مش هنسي اني اغمي عليا مرتين يوم الجمعه واترميت ع الارض
مش هنسي ان جارتي اللي ساكنه فوقي ماتت بفشل كلوي
مش هنسي ان مبارك الا مبارك امر رجالته سواء بسكوته
او بسابق معرفتهم بقسوته وجبروته الشباب اللي شيلتهم يوم الجمعه
مصابين واتعالجوا وقاموا كملوا محاربه لرجال الطاغوت
مش هنسي لما مبارك طلع يشتعلنا ويلعب علي وتر الطيبه
ومن فضلكم انا كويس ومحترم ومسعتش عمري لشهره ولا جاه
احا يا مبارك
مش هنسي اني صليت ف ميدان التحرير اكتر من عشرين فرض
لاني قبل كده ميدان التحرير مكنش اكتر من مكان بنتواعد او نخرج انا واي بنت عرفتها نتمشي فيه زيي زي اغلب الشباب
هفضل تملي لو كان ليا عمر وممتش بكره ف يوم جمعه الرحيل
اني اتعرفت وكلمت شباب ف منتهي الثقافه والاخلاق
ومش هنسي ان تلاته من مربعي السكني ماتو يوم الجمعه برصاص اتباع مبارك
مش هنسي اني كلت علقه يوم الجمعه مش هضرب زيها تاني
ورغم كل ده يطلع علينا كام كلب ويقولك دي قله مدعومه
مراهقه ذات اجنده خارجيه مندسه مدعومه من الخارج
ورايحه تتعرف علي حريم وبدافع فيروس التجمع لا أكثر
احب اقول لكل كلب ..........حمرا
واحب اقول للناس اللي بتقرا كلامي عايشه ف دول اوربيه او امريكا اننا هنا رجاله واللي مات مننا مات وهو بيدافع ونفسه يخلص من ظلم حاكم ونظام طلع ميتين ابونا سنين
وشباب مصر مش عشوائي ومش حراميه ومش احنا اللي سرقنا المحلات ولا سرقنا كارفور
صحيح ف ناس استغلت الظروف بس دول مش شباب الثوره دول شويه زباله قالو لو ملحقناش نطلع بمصلحه مش هنعرف نعمل سبوبه زي دي تاني
مش هياكل معانا كلام مبارك ووانا ابوكم انت مشابونا انت وحكومتك طلعتوا مرمطوتنا الله يعلنك انت واللي ساعدك زي صفوت الشريف واحمد عز وجمال ابنك وكل كلب ابن احبه عشان مصلحته داس علينا مزبله التاريخ فاتحه ببانها ليك انت ورجالتك وحتي لو متنا بكره هنموت رجاله رحم الله كل شهيد مات ف الانتفاضه وجعل دمائهم ف رقبتك وجزاك ما تستحق انت وكل من داسوا علينا
ملحوظه صغيره
ياريت اللي مش هيروح يوم الجمعه مظاهره الرحيل يحط نفسه مكان ابو او اخو كل شاب او طفل او اخت ماتت علي ايد رجالته يسقط يسقط يسقط حسني مبارك