كل ما اقول هستصلح فيكي
واجيب من تعبي
أقل ف راحتي
علشان تبقي محل خصوبه
القاكي عنيده
غاويه رطوبه
وكدب وزور!!!
أرضك بور
كل ما أخش الفصل واجيكي
اعلي ف فكرك
أفهم فيكي ....تنطي السور
أرضك بور!!
دايما ازرع ومبحصدش
دايما اضحي ......مبتشكرش
مني عينها اني انام ع البورش
عمّا عينها تشوفني وأنا بثور
عاشقه الضلمه
كارها النور....أرضك بور!!
كل ما أقول
راح أغير فيها..
القيني باكلّ
يزيد جفاها مع الأيام
القيني باملّ
كل ما أعدي أنايه لقربك
الاقي بحور!!!
لو علي لحظه صفيتلك فيها
قلحظه تغوووووووور
أرضك بور ......
.jfif)
7 Comments:
برغم تناسق كلماتها وموسيقاها الجميلة الا انها قاسية جدا ومعناها صعب كتير
شدتنى الكلمات لكن فى نفس الوقت اتمنى من الله ان تكون حالة عابرة ويرجع الامل والتفاؤل يرفرف فى حوانب قلبك وينتشر فى سطورك تانى :)
شكرا لك اخى الكريم
لك ارق تحية
حلوة قوي بجد
طووووووووول عمرك جامد يا دودو وملكش حل فى كلامك ولا عبقريتك يا كبيررررررررر
شوفت ان وجودنا كان ملهم ليك وخلاك تعرف تكملها
جامدة جدااااااااا
وأى واحدة تنط السور تعيش الزور
تعمل رابعة ترش بخور
جواها ديب اسود مسعور
وتعمل فيها ياناس عصفور
وقلب مهيض وجناح مكسور
لـــــــكن على مين
دة وليد الدوغرى ..
مش واد سيس حنتيف أمور
.........
دايما اشعارك بحسها شتيمه مش عارفه ليه ؟ :D
بس الكلام جميل والقافيه كويسه والفكره واضحه :)
عجبتنى اوى !
Post a Comment