ولاد عبد الواحد كلهم شبه واحد

بدأ اليوم عندما وصلت الي مقرالشركه ....

وجدته كعادته ثائرا يملك شخصيه تتعصب لاتفه الاسباب وتندفع مطلقه كلمات ربما

لا يدرك معانيها ولكنه يقولهاا ولا يهمه اين ستصل ولا ينظر لمردود كلماته علي من يقولها له.

انه لطفي كان يعمل حدادا اربعيني ذو ملامح قويه وشخصيه متوتره ودائما وابدا ثائرا

ولو صادفك الحظ ووقفت بجواره لخمس دقائق حتما ستصاب بالتهاب حاد في الأعصاب

ورغم احساسه الدائم بتواطيء كل من حوله لايقاف مسيرته الناجحه بدءا من مديره المباشر

والذي يعلوه والذي اراه ذو بال طويل معه مرورا بالسياره التي يقودها ولحسن حظه

فانها تبادله بعصبيه كما يتعامل معها فأصبحت تعلن عصيانها وثورتها وتخرج عن اطار

السيارات المريحه بسبب وبدون...ولكنه كريم جدا وقت هدوئه وطيب القلب

ايه يا لطفي علطول متعصب كده وصوتك عالي ارحمنا بقي ربنا ياخدك

قالي بص العالم دي متمشيش غير بالزعيق والبقره الشارده لابد من زجرها...

يا عم طب انت كده تتعب وتتعب اهلنا معاك قالي يا عم اهي ماشيه

قولتله الله يعكر دمك صباحا ومساءا يا شيخ...

ظللت وظللنا ننتظر أن تأتي الحموله من المصنع ولكنها تأخرت الي ما بعد اذان الظهر

صليت الظهر وأخذت صديقي محمد الي المقهي القريب لندخن الشيشه وقليلا من الشاي

ذهبت أنا وهو فقط وفي خلال عشر دقائق اذا بمحمد صاحب الكاريزما الطاغيه يقود

اجتماعا علي المقهي واذا بنا محاصرين بعدد من زملاء العمل بتجمعهم واحدا تلو الاخر.

كانت روتانا سينما تعرض معلش احنا بنتبهدل وعندما بدأ القرموطي بغناء يا براااااااادعي

وجدت لطفي يوجه لي سؤالا لولبيا الا قولي يا ليداااااااا اقولك يا عم ولا انا صغير.

هو البرادعي ده اهبل ؟؟؟؟؟؟؟؟ قولتله تقصد القرموطي قالي لأ البرادعي بتاع السياسه

قال عايز يحكما قال اصل المشرحه ناقصه قتله!!!!!

يا عم ده ولا ينفع يحكم بركه السبع ولا انت ايه رأيك؟؟

قولتله بص يا معلم طبعا غصب عن عين ستي لازم احترم وجهه نظرك لتزيط عليا وتسيحلنا ع القهوه

بس انت ترشح مين يمسك البلد؟؟؟؟؟؟؟

بدون تفكير وهو يدخن الشيشه قالي علاء مباااااااااارك طبعا!!

قولتله علاء مين يا جوز خالتو قالي اقصد جمال شاب متعلم ومتربي وشارب من ابوه

رد واحد قاعد ورا وقال و هيشربنا من كيعانا.. شكرته علي تلك الاضافه الشفافه ..

واردف قائلا ثم انا ولا انت ولا اي حد حد مصري عاااااااااااااااااااااايز ايه غير انه يعيش ف سلام

وطمنئنيه !!!!!!!!!!!! ادينا عايشين وبنشيش وبناكل وبنام مع حريمنا وفل

قولتله اه ربنا يوعدنا وامريكا تخش ومتشفش ديل عبايه مراتك قالي شفت اديك قولتها

عشان تحمدوا ربنا...انما بقي يجي حد يتعلم فينا ولسه منعرفش نظامه وااحنا مش فيران تجارب !!!

ومسك مايك القعده وهو يصف كيف انه يكبر جمال بعدد من السنوات وسنوات خدمته ف الحرس الجمهوري..

وانا اغمز للي قاعدين محدش يفتح بقه يا غجر.

لما لمح ضحكتي قالي امال انت ترشح مين قولي بقي محمد حسااااااااااااان!!!

محمد حسين يعقوب!!!!!!!!!!!!!!! يا عم دول بتوع شريعه ودين واحنا بلد فيها نصاري ومسلمين

ولوحد منهم مسكنا هتولع.

قولتله اقولك بامانه نفسي ارشح عبد الباسط حموده اهو مننا وعلينا وسلطنه وغني اناااااااا مش عارفني

انا تهت مني انا مش اناااااااااا.. حاسس بالامنا واحلامنا ومعناتنا وطوحتنا ولا لأ

قالي والحشيش ايه بقي يرطرط ف السوق وترجع دخنته قولتله ياااااااااااااه ياااااااريت..

لحظات سكون واذا بصديقي الأقرب لي منذ ذهبت الي عملي وقائد الاجتماع الكوفي شوبي

يقول لي ايوه يا عم انا هرشح جمال متبصليييييييش عارف ليه أقله ده شبع وهياخد بالكوبايه

انما اللي لسه جاي جديد هيسحب بجردل وينشفها علينا اكتر وهي عيانه وكاشفه ويلزمها الحجز ف مستشفي

صفق الحضور لهذه الكلمه التي لخصت حال مصر والله اكبر واكن محمد جاب الديب من ديله..

مرت ساعه ونصف..

احنا نروح لزميلنا طارق نطب عليه روح يفطر اهو ساكن جمبنا هنا فانسحبت لاني معرفوش.

ولم تفلح محاولات هروبي وتم اخذي بالقوه الجبريه

ونحن نصعد السلم الي طارق الذي يقطن الطابق الاخير اذا بجارته التي تقطن اسفل منه بطابق

يلهوووووووووووووو مباحث الكهربا قولتلها ايه قالتلي والله طارق اللي ساكن فوق مني واخد

كهربا لحد م العداد يركبله ومش سارقها !!!!!!!!

ويفتح طارق باب شقته علي صوتنا ويسمعها ويقولها واجبك وصل بتسيحيلي اني حرامي يا ام كريم

انا حراااااااااااامي يا نااااااااااااس انا سااااااااااارق مصر وباخد حقي كهربا ناشفه يا ناااااااس:))

شكرا يا ام كريم..

في شقه طارق الحديث عهد بزواج جلسنا وشغلنا التلفزيون واذا بلقطه رومانسيه

انا الا قولي ياض يا محمد الجواز عن حب ولا صالونات ؟؟؟

قالي بص عن حب صالونات انتريهات نيشات كله محصل بعضه

يا عمنا ولاد عبد الواحد كلهم واحد حتي لو كانت سفيره النوايا الحسنه

هتكفرك ف عيشتك هتكفرك ف عيشتك حاصل ..حاصل لا تقلق ..

ضحكنا وتنحنا ف الفيلم...

يوميات مندوب مبيعات

بعد أن تركت العمل ف مجال السياحه عامدا متعمدا لاسباب وقناعات شخصيه التحقت بالعمل باحدي

شركات الصناعات الغذائيه حتي يتوفر البديل الافضل ...

لم اكن اعلم وانا شعبي المولد والنشأه والحياه

ان شعبيتي التي كنت أزعم انني احد ابنائها المخلصين اللي هرشين تيته الدنيا وفاهمين وعارفين مين

اللي حلب جاموسه الحج محمود مين الحج محمود ده ما علينا انها محض ادعاء مني كذبا

الي انا بدات رسميا العمل ..

بدأ يومي ف التاسعه صباحا كما تنص قواعد وقوانين الشركه ...

توجهت الي مخزن الشركه اسفل المكتب الاداري بعدما ضربت طبق الفول اللي يخلي الواحد ميفكرش ياكل

تاني وخصوصا اذا كان بيعاني من مرض النحافه زي حالاتي الا تاني يوم....

أتم العمال تحميل السياره ندهت علي السائق يلا يا عمنا نلحق يومنا يباركلك...

أنطلق الي منطقه لم اكن من سعداء الحظ بزيارتها قبل ذلك تندرج تحت لقب احد الاحياء العشوائيه..

ولانني ابن منطقه عشوائيه شعبيه رخوه فلم يتوارد الا ذهني تخيل مغاير لشكل تلك المنطقه

انها مثل منطقتي التي تربيت فيها وكما مناطق الشرابيه والزاويه وكل اخواتهم ف الرضاعه ...

دخل صديقي واذا به يتوغل وينتشر ومن شارع لحاره لزقاق وهووووووووب دخل مغاره

يخرب بيت ملامحك احنا فين ياض قالي اتقل وسيبني انا اتعامل ومتشتبكش مع الهدف

الا لحظه الحساب قولتله تمام يا ابن عمي .

ذهب الي محل بقاله تحت عقار يكاد يكون تهدم علي راس ساكنيه من ايام الظاهر بيبرس

وهو يتحدث مع صاحبته تلك السيده الشابه جميله المنظر والاسلوب ..

ذهبت ناحيه السياره لأحضر علبه سجائري واذا بسيده تأتي ناحيتي وبقوووووووووولك يا اخويا

خيير يا امه(من خضه صوتها)مش يا امي يعني

هتديني كرتونه عشان مبتجوش كتيرنواحينا ولا هتقولي خلصت

قولتلها وشرف خالتي لبني دنتي عشان رقه صوتك لو مفيش اخليه يسيبني رهن هنا

لحد ما يروح يجيبلك طلبك..

قالتلي فل علييييييك قدر تتقدر تكسب محبه الناس وراحت منزله كم العبايه وراحت مطلعالي

حساب حاجتها...

ولما لقيتني ببصلها باستغراب علي مكان فلوسها قالتلي مش احسن يا اخويا ما تقع مني

قلتلها اكيييييييييييييييييييييييييييييييييييييييييييد!!!

جاء صديقي وانطلقنا ناحيه جهه معلومه له مجهوله لي وأخذ يتوغل وف احد الأزقه الضيقه

وبتعليقاته المميته لي من الضحك وبخفه دم مخلياني مش مركز مع المكان

توقف رايت ست محلات بقاله متجاوره ف اقل من عشرين متر ازاي معرفش!!

نزل يشوف طلباتهم وانا عامل فيها اجنبي ومندهش

لقيت ست كبيره ف عمر جدتي سبعينيه بقولك يا استاذ قولتلها خير يا حجه

قالتلي انت تعرف البلاص ده من زمااان تقصد صديقي قولتلها ولا اعرفه

قالتلي عمتن رغم ان قرايب الاب بيكونو وحشين الواد البلاص ده ابني وحبيبي

وواد جدع ومسكته تهريج ولما ضحكت راحت قالبه الدفا عليا وزي ماقالتلي عنه الله يباركلها

مقصرتش قالت عليا زي اللي قالته عنه مساواه اصلها طلعت منوفيه وكلنا عارفين عدل كبير المنايفه..

واحنا بنتكلم مع خريفيه العمر دخلت عليه ست تبدو عليها اثار الخروج من معركه حاميه الوطيس

انا عايزه كذا كذا كذا وسابت الفلوس وهاتهملي يا ابني ينوبك صواب.

من الزحمه ولتفكير صديقي ف مشكله اسريه نسي المعلم ونسيت ومشينا وخرجنا بره المنطقه.

واذا بهاتفه يرن يا محمد انت منزلتش للحجه صابحه بضاعتها ليه؟؟؟

تعالي بسرعه احنا مش قدها

جاب وش العربيه مكان ضهرها وادي رجعه..

دخلنا ذلك المربع المتشابك الذي عندما دخلناه ف المره الاولي كان مزدحما ولكن

هذه المره رايت حشودا منتظره ذلك اللص الذي تجرا واخذ مال الحجه صابحه وفر هاربا

واول ما لمحوا السياره ووقفتنا عند باب الشارع الضيق وترجلنا

اذا بهم يريدون الفتك بصديقي وبي فين بضاعه الحجه

قولت بس لو سكت هنموت ثواااااااااااااااااني بس وصلوا ع النبي يا جدعان

حد يسرق أمه يا جدعان الراجل ف الزحمه نسي ثم دي اشكال تتسرق

قالولي اااااااااااااايه قولتلهم ايوه الاشكال اللي تتسرق دي اشكال هلس وشلح

انما انا بالصلاه ع النبي شايف حصنا عربي اصيله رجاله رجاله يعني وكلنا بننسي

وديلها البضاعه لحد عندها يا محمد وبوس دماغها مش زي ابنها ولا ايه يا جدعاااااااان...

خرجنا بالسياره واول ما طلعنا ع الاسفلت قولتله

اي جمب اركن نسجد شكر كنا هنموت يا ابن الجزمه بسبب نسيانك.

بفكر اكملها كتاب بنفس العنوان عن يومياتي ده لو ممتش يعني