قابلت بياع بطاطا
ودردشت معاه
قالي كلمه علي بلاطه
نفسي اخلص من الحياه
قلتله أحكي.. فضفضلي
اعتبرني زي ابنك
وياريتني مقولتله
قالي بص..
الناس اتغيرت يا ابني
ومبقتش ناس
لحد عاد حاسس بحد
والضحك زيه زي الجد
الوشوش وبتتلون
الخدوش بقت جروح
والقريب أصبح غريب
كله بياكل في بعضه
الا قولي يا ابني
هو أنا اللي غلط
ولا الناس هي الصح
أنا اللي لسه نضيف
ولا هما الأصح
ولا كله محصل بعضه
الثعبان بيبان غلبان
والشقيان كاره الدفيان
حتي الحال بقي غير يا ابني
..... .....
وشوش ماشيه بتتفرج
ووسط الجد بتهرج
بتدّاره في ضحكتها
وبتبالغ في فرحتها
لكن بتفوق تنوح يا ابني
ووقت الجد نخسر بعض
نفسي ارجع بلدي يا ابني
ناسها هناك طيبين
صحيح هما فقرا
وبياكلو في ضل شجره
لكن جواهم خير
ادعيلي ارجع لبلدي
ان مكنش في دنيتي
يبقي حتي في اخرتي
والقالي مطرح هناك
وسط ناسها الطيبين
بياع البطاطا
Posted by هي وظروفها at 9:06 م
41 Comments:
###الناس اتغيرت يا ابني
ومبقتش ناس
لحد عاد حاسس بحد
والضحك زيه زي الجد
الوشوش وبتتلون
الخدوش بقت جروح
والقريب أصبح غريب
كله بياكل في بعضه
الا قولي يا ابني
هو أنا اللي غلط
ولا الناس هي الصح
أنا اللي لسه نضيف
ولا هما الأصح
ولا كله محصل بعضه###
جبت الجزء دااااااااا ازاااااااااااااااااااااااااااااااى؟
حلوه اوى ياوليد بجد وتتحس.
ياه ده بتاع البطاطا ده شايل فى قلبه و صارر
بس كله ده عرفه و هو بيبيع بطاطا
اقولك على حكايه طويله حبتين
كنت فى مشوار و ركبت تاكس
و قعد يرغى مع اللى راكب جنبه
و ايه بقى انه اكن بيحب واحده مش عارف فين و انها كانت هاتموت روحها علشانه و انه عزمها على فرحه و اييييييه لوك لوك على الاخر
مش عارفه ليه بياع البطاطا ده فكرنى بالراجل ده
يمكن علشان الاتنين طيبين و من زمان فات
و ما بيصدقوا حد يقولهم احكوا و هاتك يا رغى
بس الراجل الصارحه كان ظريف رغم اللوك لوك
شيما
والله يا شيماء جزء من الموضوع ده حصل امبارح معايا اني فعلا قابلت بياع بطاطا وقلت اشتري منه لان نفسي راحتلها وبقيته من زهقي من التعامل مع الناس
ربنا خليك علي مجاملتك يا شيما
ياااااااااااه جميله اوى اوى
بجد كلامها وجعنى اوى وحسيت بكل كلمه
وعندك حق في كل كلمه قولتها
وصفت حالنا عامل ازاى
يلا ربنا يصلح الاحوال
مع خالص تقديري ليك ياوليد
الجواز وسنينه
بتاع البطاطا هنا رمز ومعني للطيبه والخير
وبخصوص موضوعك فنصيحه مني متركبيش تاكس مركب حد معاه ولا تخلي سواق التاكس وانتي معاه يركب حد
لانه متضمنيش الناس اليومين دول
اميره
انا والله حسيتها وجت معايا كده من الخنقه
ولالاسف بياع البطاطا جابهامن باب وتلت
وحرك الي كان مستخبي جوايا
على بلاطه كلامك واضح
واللى مش فاهم يبقى بتاع بطاطا
ايه الكلام اللى يوجع القلب ده
الواحد اتاثر بكلامك اوى لانه فعلا بيمس وفى الصميم
وربنا يعين الناس الغلابة دى ويعينا
بوست حلو اوى ومعبر
تحياتى
خلاص انا عرفت سكتي
مش ها افتح محل كشري زي ما طول عمري بحلم
ها أقف على عربية بطاطا
لأن الكلام ده طالع من مصاميص قلبي
بياع البطاطا يظهر كان بيبع بالليل
ماشفش نجمة فوق بتطل وتقول يا ليل
ولا ماشفش نار بتشوى البطاطا والبطاطا بتقول اه
وعلى الرغم من كده طعمها فى الافواه سكر
عمرها ماقلت النار بتحرقنى ولا اشتكت فى يوم وقالت الحقنى
جايز يكون الخير تايه بس لمن يبحث مكانه هناك موجود عنوان واضح على طول الطريق ممدود
جميلة ومعبرة كلماتك يا وليد
بس بياع البطاطا ده بلاش تاكل من عنده
صوت من مصر
يا كيمو يافاهم ومقطع السمكه وديلها
شفقه واحسان
نورت في اول زياره
والله ربنا يعين الناس كلها لاننا في زمن غريب عجيب
الناس اتغيرت فيه بشكل يخوف
د/ ستييته
عربيه كشري ايه وعربيه بطاطا ايه يا ست الكل
ليكي عندي مشروع بيكسب دهب ميكروباص
ونشغله مكرم عبيد تامن وعاااااااااااااااااااااااشر
ايه رايك
ابو علي باشا
والله لا كان بليل ولا حاجه
الراجل دمه محروق من اللي بيحصل من الناس وكأن الدنيا مبقتش بتاعته ولا بتاعه اللي زيه
ربنا يخليك والله ونورت يا ابو علي يا كبير
اكيد اتغيرت كل الناس
و لا عاد حب و لا عاد احساس
و الفالصو فيهم بقى زي الماس
و الغلبان ما يفرحش الا بالكاس
و الكبير فيها على الصغير داس
و الحرامي بقى رافع الراس
اما المسكين يا عيني يحط في راسه فاس
و كل ما نسأل الحكومة على مساعدات
او حسابات
يقولولنا احنا في حالة إفلاس
شكرا يا وليد بجد الكلام لمسني اوي
و حسيت بيه
بس صدقني الناس مش هترجع زي زمان
خلاص قربت خالص النهاية
المهم ان ربنا يرحمنا بجد
مع خالص تحياتي و تقديري
مها
انا لما قريت كلامك حسيت اني مبعرفش اكتب
يخرب عقلك كلامك اجمل من كلامي في وصف الناس
ربنا يستر وقبل ماتقرب النهايه نطلع منها علي خير لحسن بجد الناس مبقتش ناس
خالص
نورتي يا مها وحسستيني بالعجز
بكره السمك يا وليد يا ريس
وبصراحه مش طالبه رنجه وتونه وعضم وشوك وذيل
كلام جميل كلام معقول مقدرش اقول حاجة عنه على رأي ليلى مراد بس لاني مش هي فأنا حأقول ان الكلام قريب من القلب لانه ملمس مع كل واحد فينا كل واحد فينا حاسس ان الدنيا اتغيرت كل واحد فينا اتعرض لمواقف خليته يسأل نفسه ياترى انا الصح ولا هما بس هو على الاقل لسه عارف الطيبة فين وعايز يرجع لها يا بخته احنا بقى بنغني مع امال ماهر للطيبة وبقولها هو انت ليه بعيدة كده
طبعا انا اول مرة ادخل مدونتك وليها الشرف طبعا
وطبعا مش محتاج اقوللك اد اية البوست دة رائع وجامد اوى
بس هسئل سؤال غبى هوة فى الاخر انتة اشتريت منة بطاطا ولا لا؟؟؟
مش عارفة بس خطر فى بالى السؤال دة
هههههههههههه
تحياتى ليك هرجع اقرى فى البوستات القدمية بتاعتك
حلو الكلام اوى يا وليد
دا بتاع البطاطا دا المفروض يكون حكيم
حلو اوى اختيارك لبتاع البطاطا
خواطر شابه
والله يا نوجا لو غنينا مع ام كلثوم نفسها مش هترجع الطيبه لان فطرتنا او اغلب الناس فطرتها اصبحت ملوثه
وانكسر جوانا حاجات كتير والنسيم اصبح عواصف علي راي شقيقي وحبيبي علي الحجار
wella
اولا نورتيني في اول زياره وطبعا ليه الشرف
اشتريت والله منه لانه نفسي راحتلها فوقت واشتريت
علي فكره الخاطره دي
اغلبها منه بس طبعا مش بنفس الطريقه
بس بنفس الروح بتاعه ولاد البلد الطيبين اللي بتمني ابقي ربعهم
نورتيني في الحبه دول ويارب الباقي يعجبك
تحياتي
ريم
بتاع البطاطا ده مقهور ومطحون وخريجه مدرسه الحياه حكمته مش شرط يكتبها في شعر
حكتمه وشقاه باينه في كلامه البسيط وعنيه اللي كولها احساس صعب يتوصف علي الناس والدنيا والقهر اللي بيشوفه
نورتيني يا ريم وتحياتي لبنوتك كنزي
فعلا الناس اتغيرت كتير
بس اكيد لسه في ناس كويسه كتير برضو
تحياتي
رغم كمية المآسي الإغريقية الموجودة في الكام سطر يا ويلز
لكن المأساة الكبرى بقى
إن عندك حق ..!!
الناس بقت غريبة
حلو كلامك يا ويلز
والله عندك حق ولا بياااع البطاطا المقهووور ع الحال اللي حل زي .................؟
والله بجد يا وليد تسلم علي كلامك وده بقي طبيعي لأن طووول م الناس بقت مادية ومش عاوزه غير مصلحتها مبقااش حد بيشوف حد غير لنفسه وان شافه وقتها بعدها بيترمي زي .....؟
علشان كده الحال مبقاش هوه الحال لا الناس بقي فيها الطيبه ولا حتي الإحساس بيها
الله يبارك لك يا وليد والله وسلامي ل ساااااره
يااااااااااااااه...عينيا دمعت
بيوجع أوى البوست ده
ويتحس أوى وواقعى أوى
وحقيقى أوى
بتفوقنا ليه ياوليد؟!!!! خلينا فى الغيبوبة أحسن
احنا عارفين ان ده الواقع بس عاملين مش واخدين بالنا
يلا سلالام عشان أنا داخلة الغيبوبة تانى وأوعى تصحينى لو سمحت
فتاه من الصعيد
بلدياتي
طبعا برغم كل اللي بيحصل واللي هيحصل تفضل طاقه الخير والطيبه موجوده
بس صدقيني قليل قوي لما بنشوفها او نلمحها
بقت عامله زي الزيبق
مين يلاقيها ويفرط فيها
بس زي ما رسول الله قال
الخير في وفي امتي الي يوم الدين
ربنا يختملنا علي خير
د/ ياسر
صباح الفل يا دكتور ويارب اشوفك نقيب الصيادله يا بن خالتي يا يا مسيطنا
كلامك زين يا يايسوووووووووووووور
فريده
فعلا الدنيا اتشلقب حالها
ونفسي اعرف ايه بيجرالها
الناس بقي الاصل فيهم سوء الظن مش عارف ليه لوثو فطرتهم طبعا وانا منهم يمكن الماده طغت علينا ونستنا حتي اسامينا واخلاقنا وكل شيء حلو فينا يمكن؟؟؟؟!!!!!!!!!
شيماء
مش انتي بس اللي في الغيبوبه لو بصيتي هتلاقينا جمبك علطول بس في غيبوبه تانيه
احنا في زمن التوهه يا شيماء يا اختي
متقلقيش مش هفوقك لاني محتاج اللي يفوقني
دة تعبيراته صعبه اوى
وواخد على خاطرة من الدنيا على الآخر
بس الصورة حلوة جدا
هو عندة حق ... بس للأسف محدش عارف فعلا هو اللى صح والا الدنيا
الدنيا نادرا ما بتكون صح
مش عارفه يمكن عشان انا كمان كتير بزعل من الدنيا
يظهر انك غاوى تقليب مواجع وبتاع سوياسه
سعيدة جدا بمعرفتك وزيارة مدونتك
تحياتى لك
ادعيلي ارجع لبلدي
ان مكنش في دنيتي
يبقي حتي في اخرتي
والقالي مطرح هناك
وسط ناسها الطيبين
رااااااائع
اهلا بعمنا وليد
يا عم طه انا عايز اقولك
احنا حياتنا بقت صعبه
لا حد عارف ايه اللى يجرى
وكله حاسس فى بيته بغربه
هتقولى ليه مع انك انت عشيرت ناس ناس طييبن
جدى وعمى وناس كتير قالوا اامين للخير وبس
ولا عمره فكر فى حاجه تضر تضر حد
يا عم طه سيبها على الله
واحنا لينا مين غيره يفرجها
الله عليك يا عم وليد
سلسه ومعبره :)
اه والله الدنيا حالها اتشقلب ..انا بجد بقال ناس كتير وببيقى نفسى اقعد واحكى معاهم فعلا احنا فى نعمه وبايدينا اننا نحاول نسعد حتى لو طفل من اطفالهم..وفعلا والله الراجل ده بيفهم وبيقول حكم الدنيا حالها اتغير وبقلبه الطيب عايش ومستحمل وحلمه ان يلاقى مكان يندفن فيه مش بيطمع فى ثروة فوق ثروة زى باقى الناس
صفاء هانم
تعبيراته حقيقيه مش صعبه بس
لا وغاوي تقليب مواجع ولا بتاع سياسه انا بتاع نفسي والله يا صفاء
تعرفي ان جمال الصوره في ايه؟؟؟
اقولك انها صوره ابيض واسود مليانه خير وطيبه
عكس الالوان اللي تملي بترمز لشيء مش مريح صح؟؟؟؟؟
sal
نورتني وشكرالذوقك
الومانسي احمد بيه
انا حقيقي تعليقك مفهمتوش لضعف في تركيزي بس اكيد انت منور يا كبير
تحياتي وربنا يهدي الناس للصح
اقصوصه
نورتي يا استاذه
شكرا لذوقك يا جميله
ايمي موني هانم
مديره امن الزقازيق
مش الدنيا بس اللي اتشقلبت
الناس والحال والوضع والفكر والضمير والاحترام والاخلاق والطموح
يااااااااااااااااااااااااه
الحقي اجري لاسود الدنيا في وشك يا بنتي
Post a Comment