الحب في زمن الكنسله

الخميس،

31

ديسمبر

سيفت قلبي علي حبك

وقلبك مكانه ريسايكل بن

حركت فارتي علي غرامك

والكي بورد قال بكره يحن

كيستني جوه البورده

وقلبك يا دوب ..........

حته خرده...

فوليمك ياما دوشني

وهاردي معاك ضرب بورده

حتي الباور سبلاي

صرخت وقالت جاي

والشاشه هتفرقع منك

والسي دي رووم

قالت باي باي

خطابي الأخير

الأربعاء،

30

ديسمبر

لا تخبريني........

بان خطابي الاخير

اليك احترق...

وبانني أصبحت ذكري

أو بقايا من ورق

وبانك حاولتي البقاء عليا

وبان الدمع في عينيك اختنق

لا تخبريني.. بان أياما تباعدنا

وأقدارنا فيها أن نفترق

فلنفترق.......

ولتبدئي انتي الرحيل

ان استطعتي......

فبعدك سوف يضيع العمر منك ومني

ولن يبقي لنا فيه

سوي ماض يباغتنا

ويتسائل..........

ويذكر أننا يوما

كتبنا...تبادلنا رسائل

أكلنا حروفها

وشربنا معناها

لكننا بلا سبب حرقناها

بلا ذنب قتلناها

خطاباتي...أوراقي رماد

يا تري من القاتل

كانت بالأمس رسائل

وانا الان اتسائل....

أشعاري لمن غيرك سأرسلها

ورسائلك........

من بعدي سيلقاها

وصورتك من بعدي يقبلها

ويطبعها.......

ويعرف كيف يهواها

فجسدي الحزن مزقه.

وروحي الهجر أفناها

سنذكر أننا يوما

كتبنا ... تبادلنا رسائل

أكلنا حروفها

وشربنا معناها

لكننا بلا سبب حرقناها

بلا ذنب قتلناها...

نشرت القصيده دي اول افتتاح للمدونه
ولم يقرأها سوي أميره الأحلام والوفيه
الأبديه...لذلك احببت أن تقرأوها
لما لها من ذكريات جميله معي
كتب هذه القصيده استاذي
ومعلمي الباشمهندس وجيه
ربنا يبارك فيه

عذرا حبيبي

الثلاثاء،

29

ديسمبر

بكت أعينها فأرتعشت خدودي

وظننت تلك نهايتي..........

فأنتفض عودي

ياليتها قالت وكنت بسامع

لكن تواري العقل بعدا عن حدودي

قالت....... وكم قالت

كذبا حبيبي

تجملت بمعاني الحب كذبت كل الوعود

كان الرفاق يحذرون بقولهم

هي خائنه ........

كذبتهم!!!!قالوا ابتعد

وظننتها مولودي

رأيتها بجواره وكأن شيئا لم يكن

كذبت نفسي......

أما ابقيت شيئا من عهودي

فاليوم اضحك باكيا من ظلم نفسي


عذرا حبيبي........ قد مضي زمن الردود

بيت شعر بعشقه

الاثنين،

28

ديسمبر

ان الغموض جم والرياح تسير

والحب ظل للقلوب أسير

رساله الي عتريس

فاكرين فيلم شيء من الخوف

للرائع محمود مرسي الفيلم

ده كان بيناقش قضيه الظلم

واد ايه فيه نوعيه من البشر

بيكون حبه لنفسه بيصورله

ان هو بس الصح واي حد تاني لازم

يسمع وينفذ من غير ما يناقش

فراعنه بقي.........


المهم كنت بكلم أيمن ومصطفي أقرب أصدقائي

في مسأله ترشيح البرادعي

وهما شايفينه مينفعش لانه بره مصر

ومش عايش مشاكلنا ولا يعرف عنها حاجه

قولتلهم سواء البرادعي ولاغيره

ماهو الا رمز للتغير

البرادعي فعلا ممكن ميكونش الشخص المناسب

لحكم مصر بس احنا عايزين حد لفتره انتقاليه


يجي يظبط هو ومجموعه محترمه دستور

جديد لبلدنا ويؤسس لدوله ديمقراطيه

بجد مش ديقراطيه كفر البطيخ

ويارتها ديقرطيه علي السكين

لا ده انت وحظ وطبعا لانحظنا ولله الحمد أسود

فعليطول البطيخه بتتطلع قرعه

لامؤاخذه يا درش.........

دستورنا يا أسيادنا واقع في ايد ترزيه

بالمتر وبالمزوره مظبوط وميه الميه

حلفنله مايسيبهاالا علي ضهره

وعيشتنا عيشه ذل وزمنا زمن الوسيه

وانا يا درش شايف ان المرادي

غير كل مره والدهشانه لازم تعمل اللي

عملته فؤاده..........


أيوه فؤاده عملت اللي بجد لازم نعمله فتحت

الهويس وخلت الارض تشرب

واحنا بالصلاه علي النبي عطشنا بما فيه الكفايه


ضريب عقاريه من أحسن وزير

في افريقيا واسيا خدها ازاي معرفش

يا جماعه علي كده انا أنفع أبقي احسن


وزير سياحه في البدرشين


ومكرم عبيد وتامن وعاشر واحتكار حديد من زيزو

ومشعرف سرقه فين ونهب لمين اراضي لمين


المهم كل شباب مصر ليها احلام

وفؤاده هنا رمز لحلمنا اللي


نفسه في شقه يتجوز والله لو اسكان عتريس يدهاله في توشكي شغال


واللي نفسه يربي عياله واللي نفسه يتلغي

قانون الطواريء اللي خللا أمين الشرطه باشا

واللي نفسه يتعالج واللي بيحلم ببيت

يلمه هو وعياله بدلالترب اللي ساكن فيها

والللي والللي مش هنخلص يا لان في بلدنا

الللي المفروض يكون حقنا بقي حلمنا

يا عتريس بعد اذنك خلللي البلد تفوق وارحل

كفايه لحد كده والله يسهلك انت وعيالك

وعلي فكره يا عتريس دي نصيحه من حفيد لجده

ده لو سمحتلي طبعا ..........

ولو ده محلصلش هيجي اليوم ويارب يكون قريب واشوفه


بعنيا منا من الدهشانه برده

محدش هينفعك وكل رجالتك هتجري وتسيبك

واسال محمود مرسي؟؟؟؟

الدهشنه هتتيجي هتتيجي اعمل حساب اليوم ده

بس ساعتها ربنا يستر عليكي يابلدي

وقصر عتريس هيبقي حطام فمن فضلك يا جدي

ارحمنا بقي وروح اعملك عمره وحجه واقعد في مكه

واللي جاي مش قد اللي راح ان شاء الله

ولو خدت بنصيحتي ابقي ابعتلي عبايه مغربي مقاس 58

وسبحه حمرا..........

اللهم بلغت اللهم فأشهد

امضاء ..........

شاب خليته يخاف من بكره

اجمل شيء في حياتي ساره

الأحد،

27

ديسمبر

حكيت كتير عن فتاه أحلامي

فجأه كده أفتح عنيا

القكي هنا ادامي

وشك بريء

صوتك رقيق

شايف جواكي صورتي

كأنك أقرب صديق

حابب أكون وياكي

أكمل سنيني معاكي

أعيش معاكي بروحي

أدوب وأتنفس هواكي


جواكي حاجات جميله

ولا حتي دي في الف ليله

مش هقدر أستغني عنك

ولا عمري أفكر في حيله

ده انتي اللي ساكنه ف خيالي

وصورتك شغلالي بالي

حبيتك ياأغلي غالي

يا ملاك..........

يا أجمل رفيق


علي الله يتمر الكلام ده فيكي عشان مع أول خناقه بتنسي كل حاجه وتزيطي بس مين وشرفي لاوريكي العين الحمرا بس بعد الجواز وبكره تشوفي

البحار

السبت،

26

ديسمبر

كنت كالبحار.................

أتنقل بين مواني العشق

عللي أكون سعيدا فيها

وأصبت بالدوار

وما وجدت رفقيقا فيها

وما وجدت لقلبي المرسي

وما وجدت رفيقا فيها

ومنذ لقيتك......... والتيار يجرفني

يأخذني ناحيتك أنت


أنت ولا غيرك أصبحت المرسي والميناء

ف عينيك أنت تذوقت معني الحياء

ما عادت تقذفني الأمواج

بقلبك حب يكفي الاف العاشقين

في لمس يديك أجمل احساس وحنين

فلا تخافي...............

فقد كرهت مجاراه السمار

فأنت السكن وأنت المرسي

أنت الحب أنت السكن

نعم نعم أقولها وأنا مطمئمن

أحبك وكرهت كلمه أظن

فنطقك اسمي يدفئني

يسلمسني ...يطربني كأجمل لحن

فأرجوكي أن تبقي دوما الي جواري

فأنت العمر .......

وأنت عروسه البحار


مهداه الي من كانت حبيبتي
ليل القاهره في2003 شتاء

النعمه للي يصونها

الجمعة،

25

ديسمبر

معرفش ليه تملي بنتعامل مع النعم بمبدأ
ما ملكته الأيدي زهدته الأنفس
ليه مبنحسش بقيمه أي شيء الا أما يضيع
وبعد كده نقعد نتحسر عليها ونتمني ترجع تاني
ليه بنتعامل مع أي حاجه حلوه في حياتنا علي أساس
انها موجوده وهي هتروح فين يعني !!!
لأهتروح وساعتها مش هينفع ندم
لازم نتعلم ازاي نحافظ علي النعمه ونحس بيها ونستمتع بيها
هتفرق كتير معانا .................
لما الاهل يكونوا عايشين حاول تستمتع بأهلك ايوه تستمتع لانهم
مش هيشعيشولك علطول الاب ده ليه من الخبره أي أب في الدنيا تخلي الواحد لو مخدش بكلامه فعلي الاقل يحاول يفكر فيه وصدقوني في الاخر جزء كبير من كلامه بيطلع بحكم خبرته صح واحنا اللي الزيطه بتاخدنا ونفض وفكك وياعم الكلام ده من قديم ومع انه كل هدفه انك تبقي احسن حد في الدنيا بس لالاسف متحسش بالكلام ده الا بين لحظه والتانيه تكتشف انه بعد فوات الاوان بيكون نعمه الاب رجعت لربنا حاجه تانيه شفتها غريبه قوي ترتبط ببنت زي الفل ادب واخلاق واهل ولا كمان بتحبك واول ماتتربط وتتجوز تبدأتدور ازي تخونها مش ازاي تصونها وهي يعني هتعرف منين مهي قاعده في البيت والمعلم يفتكر نفسه الواد الجامد وانت ولا جامد ولا حاجه دنتا البعيد حمار ومسيرك هتقع وتعاملها وحش وتشتم وتتنرفز علي اي حاجه ومع اللي تعرفها في الناحيه التانيه حنين وكريم ورومانسي و منتهي الشياكه وممكن تنام حمب مراتك من غير ما تغسل رجلك مع ان ريحه شرابك زي متتطاقش متخلللي الطاقه دي لمراتك واستمتع بحلاك والله مافيه احلي من الحلال بس الللي ديله نجس بقي.
بنت تانيه ترتبط بشاب والمعلم صريح معاها امكانياته اد ايه يعرفها ويقعد يحب ويسمع حبيبتي والمطر وزيديني عشقا وهي منتهي الرومانسيه والرقه وهنبني حياتنا سوا والواد يبقي فعلا محترم ومبيلعبش بيها وهب جالي عريس وباب غصب عليا ومش عارفه اعمل حاجه

علي اساس ان لسه عتريس عايش وفي حد بيجوز غصب عنه لحد دلوقتي
وضربوني وباباشديد قوي وماما تعبت لما رفضت وقالتلي لو رفضتي ده هموت وانا غضبانه عليكي والسكه الحمضانه دي
وتفوت ويطلع صحيح ميترفش موديل السنه وشقه تمليك ومهندس في البترول
وتبيع صاحبنا وبعد سنه ولا اتنين تتصل بيه وتقوله انا خسرتك وعمري ماحبيت حد في الدنيا زي محبيتك وانا عرفت اد ايه انا خسرتك الا هو انا لو اتطلقت تعمل ايه !!!!!
عملك اسود مكنتي حافظتي علي النعمه دي من الاول يا جماه النعمه للي يصونها والللي مش هيصونها هيندم ............
حد تاني يبقي في شغل والدنيا حلوه والاموال ظبط الظبط وصحابه بيحسدوه عليها وهو ولا في دماغه ينام متأخر وطبعا يروح شغله متأخر مقضيها كله بالحب
ياعم حافظ علي النعمه لترجع صايع تاني يقولك ياعم الارزاق بالله ياعم منا عارف انا مش من اهل قريش بس اعمل الللي عليك روح في ميعادك والتزم وموت علي الشغل ده البني ادم من غير شغل فس ولا ليه عازه ..............
واحد عاشر يعامل مراته زي الفل وده جميل بس مع امه اكنها عدوته والله العظيم الام متتعوض الام نعمه زوالها بس هو اللي بيحسسك اد ايه انت الحنيه والحب اللي من غير مصلحه ولا مجامله ولا نفاق ولا معاك فلوس او ممعاكش مريض ولا سليم شغال ولا قاعد الوحيده اللي كل حلمها تبقي اجمل واغني واحسن واحد الدنيا متتباعش عشان مراتك أوز الامور وخلللي الام والزوجه زوجه شوف ابنك ولا بنتك تتمني تعاملك ازاي وعاملها زي متتني ابنك ولا بنتك يعاملك انت وامه اتقي الله فيهم وبرهم وحس بيهم ربنا يباركلك في عيشتك
من الاخر نصيحه من الدوغري خليك ناصح واووزن الامور لتضيع يا أمور ويارب كبنا نعيش فس سعادع ونتعلم ازاس نحافظ علي النعم الللي ربنا ادهالنا

وصايا للزوجات

الأربعاء،

23

ديسمبر

وصايا للزوجات

في حاجه بجد مخلياني مندهش بصوره غريبه الا وهي كثره أعداد الطلاق وخصوصا بين المتزوجين حديثا ارقام مفزعه بجد بتتزايد بشكل سرطاني طبعا كل طرف من الطرفين بيبقاله أسبابه بس النصيبه اننا لما بنعرف مثلا ايه سبب انه يحصل بين اتنين انفصال بعد اقل من شهر واحد ورغم معرفتي الشخصيه بالطرفين من خلال الجيره تلاقي السبب عبيط وملوش لازمه وحصل اني سالت صاحبه الحاله دي واتفتح الموضوع من ضمن الكلام فقالتلي ان السبب انه مبيخرجنيش استغربت في نفسي وقلت البت دي هبله ولا ايه لان ده مش سبب ده تخلف وبعدين السبب التاني اللي جه في بالكو مش موجود لانه مطلق وعنده بنت وولد فيا بنات حواء اليكم نصائح الخنساء لابنتها للمحافظه علي عش الزوجيه

أوصت الخنساء ابنتها قبيل زواجها فقالت:
* أي بنية ! إنك فارقت الحواء الذي منه خرجت، وخلفت العش الذي فيه درجت إلى وكر لم تعرفيه، وقرين لم تألفيه، فأصبح بملكه إياك رقيباً ومليكاً، فكوني له أمة يكن لك عبداً وشيكاً.

* أي بنية ! احفظي له عشر خصال يكن لك ذخراً وذكراً.

* فأما الأولى والثانية: الصحبة له بالقناعة، والمعاشرة بحسن السمع والطاعة.

* وأما الثالثة والرابعة: التعهد لموقع عينيه، والتفقد لموضع أنفه، فلا تقع عيناه منك على قبيح، ولا يشم منك إلا أطيب الريح.

* وأما الخامسة والسادسة: فالتفقد لوقت طعامه، والهدوء عند منامه. فإن حرارة الجوع ملهبة، وتنغيص النوم مغضبة.

* أما السابعة والثامنة: فالاحتفاظ بماله، والإرعاء على حشمه وعياله، لأن الاحتفاظ بالمال من حسن الخلال، ومراعاة الحشم والعيال من الإعظام والإجلال.

* أما التاسعة والعاشرة: فلا تفشي له سراً، ولا تعصي له أمراً، فإنك إن أفشيت سره لم تأمني غدره، وإن عصيت أمره أوغرت صدره.

* ثم اتقي- مع ذلك- الفرح بين يديه إذا كان ترحاً، والاكتئاب عنده إن كان فرحاً، فإن الخصلة الأولى من التقصير، والثانية من التذكير.

* وكوني أشد ما تكونين له إعظاماً يكن أشد ما يكون لك إكراماً.

* وكوني أكثر ما تكونين له موافقة، يكن أطول ما يكون لك مرافقة.

* واعلمي أنك لا تصلين إلى ما تحبين حتى تؤثري رضاه على رضاك، وهواه على هواك فيما أحببت وكرهت

عيشها ببساطه

الدنيا مليانه شكاوي

حاول تقدر عليها

سمعنا عنها ياما حكاوي

من ناس قدرت عليها

أوعي تمشي وررا اللي قالوا

مطرح ما ترسي دقلها

لوعملوا كده فعلا لمالو

ولا حتي شافوا خيرها

نفسك تعوم توصل للشط

ابعد عن الخوف امشي علي الخط

هتحب نفسك أكيد هتخسر

هتحب ناسك توصل للشط

أقعد مع اللي عرف يسايرها

وتعب معاها وداق من خيرها

واعمل حسابها دي غداره

واتعب لبكره تبان بشايرها

واوعي تمشي وررا الللي قالوا

مطرح مترسي دقلها
محاوله شعريه بسيطه للتعامل مع الدنيا ويارب تعجبكم

الجمعة،

4

ديسمبر

بسم الله الرحمن الرحيم
من زمان وكان نفسي اعمل مدونه اشاركم فيها واتعلم واستفيد من كل ما يقدمه الاخوه المدونون من ثقافات وخبرات واذا لم اكن مبالغا افيد ببعض خبراتي التي تعلمتها من الحياه

وليد الدوغري